109
lantas otoer barang isi kawinnja dia poenja adé, tetapi nona Tio Kim Ting serenta dengar itoe perkara, mendjadi tida senang, dan dia menangis, kemoedian soeroe boedjang bernama Siauw Tho akan kasi taoe pada insonja (bininja Tio Ing Lim) jang dia tida soeka mendjadi njonja mantoe di roemahnja orang Seh Sim.
Pada besok paginja Tio Ing Lim masoek di kamarnja Lioe Si Djoen, akan minta rempoek hal kasi kawin adénja, baroe dia bitjara dengan sigra ada opas datang, kasi taoe jang ada perkara perloe boeat panggil Tio Ing Lim dengan lekas.
Tio Ing Lim mendjadi soesah hati dan lantas berangkat, melainkan pesen pada Lioe Si Djoen boeat bantoe perkara di roema.
Tio Ing Lim masoek dalem roema tjeritain jang dia hendak pergi sebab panggilannja Toean pemarinta negri, maka Lioe Taij Nio lantas sediain pakean, sedang Tio Ing Lim ada di galderij dalem, makan nasi ada boedjang prampoean datang kasi taoe jang tadi malem nona Tio Kim Ting menangis sadja, sebab dia tida senang djadi bininja orang Seh Sim.
Sasoedahnja Tio Ing Lim berangkat, dan Lioe Taij Nio masoek di dalem kamarnja nona Tio Kim
