116
Sim Wan Gwee kirim djoli dengan teriring 1 njonja Toea dan 1 boedjang prampoean, akan ambil nona mantoe.
Itoe njonja toea masoek di dalem roema akan temoein Lioe Twij Nio, di sitoe di trima dengan hormat, dan minoem thee, lantas boedjang Siauw Tho bersama Lioe Si Djoen masoek di dalem nona Kim Ting poenja kamar dan Siauw Tho pesen pada Lioe Si Djoen, baik Toa IJa haii-hati, nanti saija panggilin sekalian nona-nona akan melaga anterin nona Kim Ting naek di djoli.
Lioe Si Djoen bilang baik lantas Siauw Tho keloewar dari kamar akan panggilin nona-nona itoe akan lajanin Lioe Si Djoen (nona Tio Kim Ting falsoe) nona-nona itoe bilang baik lantas bersama Lioe Taij Nio masoek di dalem kamarnja nona Kim Ting dan orang dari roema besan Seh Sim dia masoek djoega di dalem kamar, satelah djalanin adat istiadat pada nona Kim Ting falsoe dan nona-nona itoe pada doedoek dengan tida mengomong barang sapata perkataan.
Dan di loewar datang lagi tengahan (Bwee Djin) bernama Pian Boen Ké, lantas bertemoean pada Lioe Taij Nio, sebab dia ada sobat baik pada Tio Ing Lim, ini waktoe betoelan Ing Lim tida di
