140
mahnja Sim Wan Gwee, di sepandjang djalan dia dapet dengar orang tjerita jang Hoa Siauw Ija berdiri-in 1 boeah Loei Taij (panggoengan boeat tempat berklahi) ada di Hoa Kee Tjeng, itoe Loei Taij terbikin begitoe tinggi, di kanan kiri terbarisin bebrapa banjak bekakas (alat perang), dengan 2 meester boegee 1 bernama Song Boen Pin dan jang lain bernama Song Boen Djaij.
Itoe Siauw Tho, setelah sampe di roemahnja Sim Wan Gwee lantas dia tjeritain apa Lioe Taij Nio poenja tjerita dan dia tjerita djoega jang Hoa Siauw IJa soedah diri-in Loei Taij.
Nona Gwat Kó serenta dengar kaloe sedikit hari lagi Lioe Taij Nio hendak ambil Lioe Si Djoen, lantas hatinja mendjadi kalang kaboet, tetapi dia hendak minta Lioe Si Djoen boeat tinggal lagi sadikit tempo, dia takoet kaloe itoe rahsia terboeka, maka dia berkata pada Lioe Si Djoen: Ja Ko Ko ! Saija soedah kenal baik pada Ko Ko! Siapa taoe ini hari bakal berpisah, tjoema kita minta Ko Ko lekas tjeritain pada Ko Ko poenja ma bapa, akan soeroean tengahan (Bwee Djin) minta pada saija poenja orang toea, akan soepaija lekas djadi-in ini kawinan.
Lioe Si Djoen bilang baik dan berkata: Hian
