153
Sim Wan Gwee berkata: Ia itoe kita takoet kaloe dia tida maoe dateng, tjoema-tjoema boeang ongkost, apa lagi Siang Khing poenja sakit begini kras, tida bole bernanti lama lagi.
Njonja Wan Gwee berkata: Sembari tjit aer matanja: Kaloe begini adanja, baik panggilin doktor ini malem djoega, biar liat sakitnja Siang Khing, baroe panggil Ho Siang Kong di negri So Tjioe, kita rasa kaloe kita anterin banjak oewang, tentoe dia soeka dateng djoega."
Sim Wan Gwee lantas berkata, kaloe begitoe baik Boeroe boedjang Tik Tjiang lekas panggil doktor.
Boedjang Tik Tjiang lantas keloewar, dia dapet liat pintoe , loear soedah terboeka, dengan sigra kasi taoe pada Wan Gwee, jang dia takoet barangkali ada kemasoekan pentjoeri, maka dia lantas soeroe sekalian boedjang di roemah boeat bawa pelita, periksain isi roemah, tetapi pada terkedjoet, nona Gwat Ko soedah tida ada.
Sim Wan Gwee serenta dengar jang Gwat Ko Siotjia tida ada, dia dapet kira tentoe itoe pergi lari, sampelah Wan Gwee begitoe marah dan gegerin pada bininja: „Itoe tentoe loe poenja perboeatan, jang loe kasi taoe padanja, kaloe kita hendak boenoeh."
