157
Sasoedahnja Tjiang Tik sampe. di roemah lantas bilang pada Wan Gwee jang dia tjari doctor tiada dapet, lebih baik pigi di So Tjioe sadja, panggil Ho Sian Sing.
Wan Gwee bilang baik lantas toelis soerat dengan bekalkan oewang perak 10 tahil, boeat Ho Sian Sing, salainnja itoe Wan Gwee bawakan 200 wang tembaga, boeat Tjiang Tik poenja blandja di djalan maka Tjiang Tik lantas berangkat, kombali di roem ih Toapekong, ketemoe lagi pada roemah Gwat Kó, kemoedian lantas berangkat pergi di So Tjioe.
Tjerita Siem Siang Khing ampoenja sakit mendjadi lebih berbahaija adanja, sabentar-bentar plauw, sampel ih di kasi minoem obat moeloetnja soeda tiada bisa terboeka, serenta sore lantas poetoes djiwanja poelang ka rahmat oellah.
Siem Wan Gwee dengan bininja lantas mendjadi sampe antjoer hatinja dengan menangis kras oleh lantaran kematian anaknja itoe, maka lekas soeroean kasi kabar pada Tio Ing Lim, soepaja soeroe adénja prampoean nonah Tio Kim Ting dateng di roemah Siem Wan Gwee boeat paké rouw band (Hauw hok) tetapi Tio Ing Lim kasi balessan,
