158
bilang tiada bisa: sebab nonah Kim Ting djoega beloen baik dari pada sakit, maka melainken Tio Ing Lim sediain barang serba sembaijangan aken menghiboerken di roemah Siem Wan Gwee.
Maka pada itoe hari di roemah Siem Wan Gwee begitoe banjak familie-familie dan sobat handénja pada dateng, aken membri hiboeran sampelah mendjadi kalang kaboet banjaknja.
Tjerita lagi boedjang Tjiang Tik bersama nonah Gwat Kó serenta sampe di So Tjioe, itoe Tjiang Tik pergi ketemoein pada Bo I nja (soedara prampoean dari mama) dia itoe orang namain Ho Dji Nio, dia tinggal di San Tong, pentjariannja djoewal thee, sedeng banjak orang dateng beli begitoe ramei, datenglah itoe Tjiang Tik, lantas di tanja oleh Hoe Dji Nio demikian katanja: loe baik Tjiang Tik?
Trima kasi I Nio, kata Tjiang Tik, apa I Nio slamat dan koeat badan?
Kemoedian Tjiang Tik tjeritain pada Bo I nja dari Siem Wan Gwee hendak boenoeh anaknja prampoean bernama Gwat Ko Sio Tjia, moelain dari di atas sampe di boentoet dia tjeritain samoea dan aken sekarang I Nio, itoe Sio Tjia bersama
