13
terdapet tida dia berkata: Siang Kong! saija minta ampoen, lain kali saija tida brani lagi.
Prampoean toea jang maoe djoeal anaknja lantas berkata pada bangsat Ting Ing Khong: Loe tida taoe, ini Siang Kong satoe orang dermawan dan soeka toeloeng orang, sekarang saija di toeloengin, ada sangkoetan apa pada angkau maka angkau bikin roesoeh? Sekarang loe ganti kelakoean baik djangan djadi pendjahat.
Dan prampoean itoe djoega kasi ingat pada Lioe Si Djoen: Siang Kong! ini orang memang bangsanja orang ketjil, boeat apa bergadoeh pada dia, saija harap Siang Kong liat pada saija, bole kasi ampoen pada ini orang.
Lioe Si Djoen berkata, kaloe boekan saija liat njonja poenja moeka, tentoe ini bangsat kepala andjing soesah boeat terlepas dari saija poenja tangan, lantas Lioe Si Djoen angkat badannja Ting Ing Khong djatokan di tanah, sahingga loeka dia poenja kepala dan toempah darah, dan Ting Ing Khong merangkang bangoen tida brani liatin pada Lioe Si Djoen.
Kemoedian Lioe Hin berkata pada Lioe Si Djoen, Toa IJa! baroessan Toa IJa maoe toeloeng oewang pada njonja toea ini 50 tahil perak, apa Toa IJa
