14
maoe ambil di sakoe badan, apa saija pergi ambil di perahoe.
Lioe Si Djoen berpikir di dalem hatinja, kita tida poenja oewang di badan, kaloe maoe kombali ambil oewang di perahoe, djalannja ada terlaloe djaoe, maka Lioe Si Djoen lantas panggil pada Lioe Hin dan tanja: apa dekat disini tida ada roemah gadé?
Itoe perkataän terdengar oleh bangsat Ting Ing Khong, maka di pikir dengan girang hatinja: ini sekarang nanti kita bales djahat (po wan) akan kita dan sekoetoe-sekoetoe koe boeat bernanti di loear pintoe timoer, kaloe Lioe Si Djoen pergi di roemah gadé merk „Liong Hin” lantas kita keroeboetin boeat bales dari kita poenja maloe, sasoedahnja dia pikir begitoe, lantas dia poera-poera berkata: Siang Kong! djikaloe maoe gadé barang bole pergi di loear pintoe timoer, merk Liong Hin, kaloe Sing Kong maoe pergi, nanti saija anterin.
Itoe Lioe Si Djoen memang orang jang baik hatinja, maka dia tida tjemboeroean lagi lantas dia berkata baik, dan dia berkata pada njonja toewa itoe akan soeroe anaknja poelang, dan dia adjak prampoean toea itoe toeroet dia pergi di roemah gadé boeat trima oewang.
