179
Baroe abis bitjara lantas boedjang datang kasi taoe pada Hoa Tjoe Lim jang dia soeda sediain arak di dalem kebon kembang (Kiok Hoa Ilian) maka Hoa Tjoe Lim pegang tangannja Lioe Si Djoen akan masoek dalem kebon itoe, jang mana begitoe bagoes dan semoea kembang jang sedap dan jang aneh-aneh warnanja, Hoa Tjoe Lim lantas doedoek bersama Live Si Djoen.
Kemoedian Lioe Si Djoen berkata: Saija banjak trima Siauw IJa poenja katjintaän hati, dan kenapa Siauw IJa tida maoe panggil meester Song Boen Djaij boeat tjampoer berdoedoek di sini.
Hoa Tjoe Lim menjahoet kata: Boeat apa panggil dia, tetapi kaloe Live Iling soeka dan nanti saija soeroe panggil dia boeat datang di sini.
Song Boen Djaij selagi doedoek dengan soesah hati ada di dalem kamar toelisnja, sembari pikir jang dia poenja Siauw IJa begitoe trima pada Lioe Si Djoen, lantas tengok enteng pada kita, kaloe kita tida bales hoekoem pada moesoe Lioe Si Djoen, kita tida maoe djadi menoesia, tetapi tentoe Lice Si Djoen poenja djiwa soeda ada di dalem kita poenja tangan.
Baroelah dia pikir begitoe, lantas ada boedjang kasi bertace jang Siauw IJa minta Song Boen Djaij datang.
