200
soeka pada dia, sebab kita ada ingatan boeat djadi-in anak angkat.
Itoe nona Tjiauw Jong lantas berloetoet pada Hong Ti Tiong, baroelah berloetoet, Hong Ti Tiong dia poenja kepala rasanja tepoeter tida karoean, lantas dia gojangin tangannja sembari kata: soeda! soeda! djangan berloetoet lagi.
Dan Hong Ti Tiong mendjadi timboel pikirannja jang ini nona boekannja orang sembarangan, komedian dia soeroe boedjangnja prampoean boeat mendjaga pada nona Tjiauw Jong dengan toekarin pakean baroe.
Hong Ti Tiong berkata pada bininja jang dia soenggoe heran, begimana kaloe nona Tjiauw Jong berloetoet padanja dan tentoe dia poenja kepala lantas berasa tepoeter dan matanja berkoenang-koenang, dan menoeroet ilmoe firasat ini prampoean dia poenja oentoeng tentne amat besar adanja, maka kita hendak ambil anak angkat pada dia, dan kita rawatin jang sampe baik, komedian itoe Hong Ti Tiong lantas soeroe djalankan perahoenja akan teroes ka Kota Radja.
__________
Tjerita Djaij Koen Liang, soedara dari nona Djaij So Tjing dia naek perahoe sampe di Hwaij
