209
nama Djaij Koen Liang sonder sebab lantas poekoel dan bikin tjilaka pada hamba.
Itoe Resident lantas menanja itoe In Djian Wesio ada di mana?
Thiauw Liong menjaoet ada di roemah pendjoewalan thee.
Kemoedian Resident soeroe dia poenja oppas boeat panggil In Djian Wesio dengan Goei Kong (Lioe Si Djoen) sasoedanja dateng itoe Resident lantas menanja apalah andika bernama Goei Kong?
Lioe Si Djoen mangoet dia poenja kepala.
Djaij Koen Liang lantas hoendjoek bertaoe Toean! ini orang soeda di bikin tjilaka pada Thiauw Liong dan Thiauw Kó di kasi minoem obat sampe mati dia poenja soewara (bisoe), hamba moehoen Toean besar poenja pertoeloengan, aken soepaija dia dapet idzin toelis soerat sadja.
Resident lantas soeroe oppasnja ambil pena, tinta dan kertas, kasi Lioe Si Djoen toelis sasoedahnja abis toelis lantas di hoendjoeken pada Toean Resident apa boeninja itoe soerat tjotjok dengan atoerannja Djaij Koen Liang.
Lantas Toean Resident inenanja pada In Djian Tiang Lo hei andika begimana brani memboenoeh orang?
14.
