210
In Djian Tiang Lo menjaoet: sebab hamba poenja neef soeda terbikin tjilaka, mendjadi hamba sawaktoe itoe loepa, lantaran amat timboel marah dari itoe hamba moehoen Toean besar poenja timbangan.
Toean Resident So Tjioe sasoedanja abis priksa itoe perkara lantas soeroe Lioe Si Djoen trima-in pada bininja aken berobat, Djaij Koen Liang dapet bebas dan In Djaij Tian Lo bersama boeaija Thiauw Liong terkirim ka pendjara.
Toean Resident itoe srenta sanipe di astananja lantas doedoek di kantor aken priksa dan poetoessin itoe perkara, tetapi itoe boeaija Thiauw Liong moengkir, dia bilang tiada brasa sekali-kali dari berboeat doeraka pada Goei Kong.
Kesellah hati Toean Resident, lantas soeroe 2 oppas tarik pada Thiauw Liong aken terhoekoem poekoel, menoeroet adat hoekoem di negri Tjina, itoe Thiauw Liong tiada tahan sakit lantas dia mengakoe kesalahannja dengan troes trang.
Toean Resident menanja lagi pada Thiauw Liong brapa banjak andika poenja sekoetoe dan tinggal di mana?
Thiauw Liong menjaoet: hamba poenja sekoetoe ada di dalem prauw, samoea misi 5 orang. Kemoedian Toean Resident kloewarin poetoe-
