212
Djaij Koen Liang menjahoet: Jang moelain itoe boelan dia terbegal oleh penjamoen, kemoedian dia dapet pada Lioe Si Djoen, terbikin tjilaka pada boeaija, akan sekarang Gwat Ko ada di San Tong di mana roema thee dari prampoean djanda bernama Hoe Dji Nio.
Njonja Hoa Ting San sasoedahnja dengar Djaij Kong Liang poenja tjerita lantas dia mendjadi kaget dan dingin rasa boeloe badannja, sahingga berlinang-linang peloehnja, begitoe poen nona Hoa Aij Tjoe dan nona Djaij So Tjing toeroet menjesel djoega.
Kemoedian Djaij Koen Liang lantas minta permisi berangkat ka Hang Tjioe dan nona Djaij So Tjing bersama nona Hoa Aij Tjoe lantas berkoempoelan pada sekalian nona-nona angkat soedaranja, akan soesoelin nona Gwat Kò di San Tong, satelah ambil oewang boeat blandja di djalan dengan pake pakean tjara lelaki, diam-diam pada berangkat.
Djaij Koen Liang serenta sampe di Hang Tjioe, lantas dateng di roema mamanja Lioe Si Djoen oendjoekin soerat kirimannja Lioe Si Djoen, dan ditrima oleh Lioe Thaij Thaij (Mamanja Lioe Si Djoen), dengan girang hati, Lioe Thaij Thaij boeka itoe soerat kemoedian Djaij Koen Liang tjerita jang Lioe Si Djoen dapet tjilaka terbegal sampe men-
