215
orang prampoean dia poenja angkat soedara sendiri.
Sasoedahnja beromong-omong, sekalian nona-nona itoe lantas di djamoein makan.
Boedjang Lioe Hin serenta dateng di San Tong di roema theenja njonja Hoe Dji Nio, dan ketemoe pada toeannja Lioe Si Djoen, tida bole di tahan menjeselnja lantas ija menangis kras, sebab tida tahan liat toeannja begitoe tjilaka.
Kemoedian In Djian Tiang Lo, Djaij Koen Liang dan boedjang Lioe Hin bawa Lioe Si Djoen akan berobat dan nona Gwat Kó dengan nona-nona lainnja itoe pada berangkat ka Swa Saij.
{rule|5em}}
Tjerita kombali Hong Ti Tiong satelah beli nona Ma Tjiauw Jong, dia tida brani bikin sembarangan, sebab nona Ma Tjiauw Jong dia poenja Tjandra ada begitoe angker maka Hong Ti Tiong angkat dia djadi-in anak, serenta Hong Ti Tiong soedah sampe di Kota Radja lantas trima pangkatnja kombali, tetapi nona Tjiauw Jong saban hari tida senang dia poenja hati, jang pertama ingat pada papanja soedah meninggal doenia, akan mamanja ada di roema dengan diri sendiri tidalah orang jang mendjaga, dan jang kadoea, orang jang soedah toeloengin dia, bernama Lioe Si Djoen akan
