224
Komdian Hong Ti Tiong satelah berpikir itoe lantas dia menjahoet: "Banjak trima kasi Han IJa, apalah Pangeran Adipati Anom soeka pada saija poenja anak?”
„Traoesah di tanja lagi!" katanja Han IJa, sebab Thaij Tjoe (Pangeran Adipati Anom) soeda liat sendiri pada andika poenja anak, dari itoe kita harep andika bole lekas bikin satoe gambar, soepa ja besok pagi kita oendjoekin pada Baginda Radja.”
Hong Ti Tiong dengan girang hatinja poelang di roema, lantas tjerita pada bininja dan sekalian orang di dalem roema lantas dia panggil toekang gambar akan bikin gambarnja nona Tjiauw Jong.
Itoe gambar sasoedahnja djadi lantas dia kasi taoe pada Han IJa, serenta Han IJa dapet liat itoe gambar betoel soewatoe prampoean bagoes,dengan soeka hati Han IJa bawa itoe gambar ka dalem astana Radja.
Baginda Radja serenta liat gambarnja nona Tiauw Jong dia amat senang hatinja lantas dia bri parenta pada Han IJa akan djadi tengahan di atas kawinannja Thaij Tjoe dengan nona Tjiauw Jong.
Satelah sampe hari kawin, itoe nona Tjiauw Jong tersamboet oleh ambtenaar-ambtenaar Radja,
