229
lantas dia pada naek lagi koedanja ka itoe tempat. Sebab dapet terang dari sinarnja boelan dengan sekedjapan sampe di hadepan roema itoe, tetapi soedah terkantjing pintoenja, sebab tengah malem, kendati itoe pintoe terpoekoel sakeras-kerasnja tida ada jang menjahoet, barangkali soedah pada tidoer poeles, maka nona-nona itoe pada doedoek di galderij moeka akan ilangin tjapénja.
Tjerita di tanah San Tong ada 1 goenoeng, orang seboet Dji Liong San" di sitoe ada 2 brandal (perampok) bersoedara 1 bernama Hin Boen dan jang lain bernama Him Boe, ada berkoempoel dia poenja bala semoea 800 orang lebi, kerdjaännja tida lain, merampas orang poenja barang dan oewang, atawa bikin roesoe orang poenja roema tangga.
Pada itoe hari Him Boe berkata pada Him Boen, jang dia kendati soedah djadi kepala perampok (brandal) tetapi belon ada bini, saija dengar di bilangan Ting Tjioe ada Bing Wan Gwè mempoenjain 2 anak prampoean ada begitoe bagoes parasnja, sandenja kita-orang bawa bala tantara pergi dia poenja roema, akan ambil anak pram- poean itoe apalah tida lebi baik?
Him Boen dapet dengar itoe kabar lantas dia
