251
lonnja terambil bini pada Thaij Tjoe kroonprins) dia ada bikin satoe gambar dari Lioe Si Djoen dan pagi sore itoe gambar tersembahjangin, boeat hoendjoek saija poenja katrimaän dari Lioe Si Djoen.
Di mana itoe gambar? kata Lioe Thaij Thaij, mendjadi begini sebabnja jang kita poenja anak si Lioe Si Djoen dia poenja ketjilakaän belon bisa abis dan binasa sama sekali, sebab di mana bisa trima kasoedjoetannja permisoeri Radja, dari itoe kaloe Koen Thaij ada soeka itoe gambar biar Koen Thaij kasi pada saija.
Sasoedah Lioe Thaij Thaij trima itoe gambar lantas dia naek djoli pergi di roemanja Goei Lo IJa akan membri kabar dari kematiannja Goei Liat.
Goei Lo IJa dengan bininja serenta dapet kabar jang anaknja bernama Goei Liat mati terboenoeh orang lantas sadja mendjerit djerit, kemoedian soeroe boedjangnja akan pergi tjari itoe mait.
Tjerita kombali orang bernama So Po, jang dapet percent 300 tahil perak dari kasi katrangan pemboenoehannja Goei Liat, dia lantas dapet 1 roema di mana doeloe bekas kapoenjahannja orang Seh Lioe, sebab tempo doeloe siapa jang tinggal
