264
soldadoe, dengan sigra Baginda Radja soeroe Wi Go Taij Tjiang Koen bersama So Po berangkat ka sana dengan bawa balatantara, dan lagi negri keloewarin plakaat akan tjari orang jang mane djadi Militair di mana di njatakan tida pili orang lain bangsa atau lain agama bole masoek dalem examen Militair itoe, maka jang di dadikan kommissie dari itoe examen ija itoe Tuij Kok Kioe, Han I dan Ké Kok Kioe Hong Tiong.
Itue Lioe Si Djoen, Djaij Koen Liang dan 8 prampoean bagoes (Pat Bi) jang menjaroe orang lelaki tida antara brapa hari sampe di Kota Radja, di sana banjak sekali orang jang bidjaksana dan gagah perkasa pada berkoempoel, begitee rame dan kalang kaboet, sebab mata hari soedah petang, Lioe Si Djoen lantas pergi di roemanja Ngo Koen To Tok Tjioe Goan Tong, sobat baik dari almarhoem papanja.
Sasoedahnja dateng di sana, di trima perbaik dan girang hati pada Tjioe Taij IJa, dan Lioe Si Djoen, Djaij Koen Liang lantas dia sama berloetoet pada Tjioe Taij IJa.
Kemoedian Tjioe Taij IJa tanja pada Line Si Djoen siapa itoe 8 orang jang mengikoet dia, sebab Tjioe Taj IJa pandang itoe 8 orang tida seperti orang lelaki betoel.
