288
Taij Ong, sebab saija ada perkara perloe jang saija rempoek sendiri pada Taij Ong.
Itoe toekang boei lantas mengadep pada Song Boen Djaij dengan sabentaran dia kombali dia bilang jang Taij Ong melainkan bri idzin pada 1 prampoean sadja akan mengadep di hadepannja.
Maka nona Hoa Aij Tjoe bersama toekang boei mengadep pada Song Boen Djaij.
Song Boen Djaij mendjadi tetawa dan berkata: hei prampoean bagoes! apalah sekarang andika soedah taloek betoel-betoel?
Nona Ho Aij Tjoe menjaoet kata ja Tuij Ong! sebab saija dengan soedara-soedara semoea soedah mengoendjoekan begitoe brani, akan sekarang saija amat menjesel, hendak tarik itoe kebranian soedah mendjadi kasep, tida lain saija mengadep di sini dari sebab kemaren malem saija pandang di atas langit poenja bintang-bintang di antara bintang- bintang itoe ada 1 bintang Radja jang amat moelia terang goemilang tjahajanja, tentoe itoe alamatan di atas diri Taij Ong, dan tida brapa hari lagi Taij Ong tentoe mendjadi Radja jang Maha besar adanja.
Mendjadi Bidjin (prampoean bagoes) mengarti hal peritoengan bintang, kata Song Boen Djaij dengan girang dan senang aer moekanja dari itoe kita
