316
Njonja Bing Wan Gwee amat girang hati maka Bing Wan Gwee lantas bilang pada Lioe Si Djoen dan So Po dia djoega amat girang jang Bing Wan Gwee soeka ambil dia djadi mantoe.
Bing Wan Gwee tjari hari baik dan bikin keramean, satelah sampe waktoenja hari kawin, Djaij Koen Liang angkat nikah pada nona Hwi In dan So Po angkat nikah pada nona Djaij In.
Maka tida brapa hari lagi Lioe Si Djoen moehoen permisi pada Bing Wan Gwee akan berangkat poelang di negrinja, bersama 8 prampoean, dengan kamoeliaän Bing Wan Gwee kasi festa boeat selamat djalan.
Sepandjang djalan orang berkeroemoen nonton perdjalanannja Ping See Ong, dan di mana sampe wates negri di samboet lah oleh pembesar di itoe negri dengan hormat dan kabesaran adanja.
__________
Tjerita Lioe Thaij Thaij (mamanja Lioe Si Djoen) sedari trima Lioe Si Djoen poenja soerat membri taoe dia poenja anak bersama 8 prampoean bagoes, soedah menang perangnja dan soedah tangkep pada pembrontak Song Boen Djaij, maka amat girang Lice Thaij Thaij poenja hati, dan lagi trima Lioe Si Djoen poenja soerat jang di njatakan Lioe Si
