319
Si Djoen dapet tangkep pembrontakan akan sekarang Baginda Radja angkat dia djadi Gi Te Ping See, Tjing Kok Ong, dan dia poenja anak prampoean bernama nona Hoa Aij Tjoe angkat soedara pada Permesoeri.
Tio Ing Lim serenta datang di roema Hoa Ting San lantas bersama doedoek dan berempoek hal perkara kawinan 8 prampoean, soepaija Live Si Djoen nanti djalankan adat lamar lebi doeloe baroe nanti tjari hari baik boeat nikah.
Kemoedian Tio Ing Lim datang di roemanja Liok Hoe Djin dan roemahnja orang Seh Tian jang anaknja soedah di toenangankan pada Lioe Si Djoen.
Tian Boen papanja nona Tian So Djit (1 dari 8 prampoean bagoes) bilang pada Tio Ing Lim jang ija tida bisa mengadakan isi kawin (Tjeng Liam) anaknja begimana pantes, maka di sahoet oleh Tio Ing Lim dari itoe isi kawin menoeroet apa sakoewatannja.
Melainkan Sim Wan Gwee dia mendjadi tida enak dia poenja hati, dia bepikir mendjadi serba salah, sebab dia doeloe soedah sakit hati pada Lioe Si Djoen hal dia poenja anak nona Sim Gwat Kó, maka Sim Wan Gwee datang pada Hoa Tink San
