65
Seh Tian di mana atas loteng ada 1 pasang prampoean bagoes, lantas ia brentikan koedanja dan boeka mata lebar akan pandang itoe 2 nona, sebab orang di sitoe semoea takoet pada dia.
Tatkala Lioe Si Djoen liat tingkahnja Song Boen Pin lantas mendjadi marah dan berkata pada Tio Ing Lim: Itoe orang terlaloe koerang adjar, soenggoeh kita bentji sekali, lantas Lioe Si Djoen ambil 1 glas isi arak, dari loteng terdjatokan di atas kepalanja Tiat Boen Swan.
Begitoe kaget Tiat Boen Swan, serenta dia liat di atas loteng dan dia maki-in, loe! satoe pesakitan jang tida takoet mati, begimana brani, djato in barang di atas kepalakoe?
Lioe Si Djoen ambil lagi 1 barang, terlemparin di moekanja Tiat Boen Swan, sampe itoe waktoe Tiat Boen Swan timboel marahnja besar, lantas sadja dengan koedanja ternaekin masoek di dalem Sam San Kwan.
Dengan kaget toekang logement poenja hati, lantas ia berloetoet di hadepan koedanja Tiat Boen Swan, serenta moehoenkan ampoen dan dia bilang orang di atas loteng itoe boekan orang djahat ia itoe anaknja orang besar, dan dia tida
5.
