68
sendirinja: baiklah sekarang saija trima, nanti lain hari kita balas (po wan) kita rasa Lioe Si Djoen ada soesah boeat telepas di atas kita poenja tangan.
Kemoedian Song Boen Pin dia boengkoes dia poenja loeka di mana dekat peroet jang kena tendangannja Lioe Si Djoen, sebab dia maloe kaloe tertanja-in oleh moeridnja dan dia nanti maoe djoestain kaloe itoe loeka lantaran djato dari koeda.
Sasoedahnja Song Boen Pin pergi dengan menjesel, orang-orang jang nonton pada poelang masing-masing dan toekang logement membilang banjak trima kasi pada Lioe Si Djoen, sekalian. barang di dalem Sam San Koan jang roesak atau dari harganja nasi dan arak semoea soedah terbajar selesih, kemoedian Tio Ing Lim berkata pada Lioe Si Djoen: Engko poenja ilmoe poekoelan, soenggoelah di doenia tida ada doea, mari Engko toeroet pergi ka saija poenja roema, maka dia lantas pada berangkat, baroelah keloear dari Sam San Koan terdengar orang panggil Tio Ing Lim, dia itoe orang di hadepan Sam San Koan, jang bernama Tian Boen, papanja nona Tian So Djit, sebab marika itoe serenta liat Lioe Si Djoen poenja ilmoe poekoelan ada begitoe faham serenta
