75
Lioe Si Djoen dengar itoe perkataän dan berfikir: baik kita tinggal di sini dalem brapa hari kaloe-kaloe bisa dapet liat roepanja nona Tio Kim Ting, kemoedian Lioe Si Djoen toelis soerat boeat kirim kapada mamanja dan dia menoempang di roemahnja Tio Ing Lim.
Kebetoelan pada besoek harinja, nona Aij Tjoe bersama nona So Ting anak dari Hoa Ting San, soeroe boedjangnja prampoean bernama Siauw Tho,akan panggilin dia poenja angkat soedara 6 nona, boeat tjoba dia poenja boegee (gisiauw), tetapi nona Aij Tjoe pesen pada Siauw Tho, dia djangan boeka dan tjerita dari hal toenangan pada 6 nona itoe.
Maka tida antara lama 6 nona itoe dateng dan masoek di roemahnja Hoa Ting San, sasoedahnja ketemoein pada njonja Hoa Ting San lantas dia pada masoek di dalem taman kembang akan menjoba dia poenja boegee.
Adapoen nona Sim Gwat Kó lantas mendjegal nona Aij Tjoe poenja kaki, dan di sitoe-sitoe djoega nona Aij Tjoe djatoe telentang di tanah.
Boedjang prampoean Siauw Tho tergoepa-goepa mengangkat nonanja boeat berdiri-in dan dia berkata: ja sama djoega satoe matjem seperti ke-
