76
marennja nona So Tjing sama Lioe Taij IJa.
Itoe Siauw Tho poenja perkataän membikin nona Aij Tjoe dan nona So Tjing poenja moeka poetjet dan maloe, sebab dia tida soeka kaloe lain orang dapet dengar jang dia soeda bertoenangan dengan Lioe Si Djoen.
Nona Tio Kim Ting lantas menanja: Dji Tji (soesi ka 2) berklahian pada Lioe Si Djoen ada sebab apa?
Nona So Tjing terpaksa djoega boeat menjahoet, dan dia berkata: jang Lioe Si Djoen meneboes dia poenja moetiara, sampe mendjadi stoerian dan dia (sotjing) marah maka kedjadian berklahi, tetapi dia kalah sampe djatoe terlentang di tanah.
Nona Tian So Djit dan nona Tian So Gwat menjamboeng itoe perkataän dan dia berkata: saija soeda taoe djoega tempo Lioe Si Djoen berklahian pada Hoa Tjian Swé poenja meester boegee bernama Song Boen Pin alias Tiat Boen Swan, ada di roemah pendjoewallan arak di hadepan saija poenja roemah, itoe Tiat Boen Swan ter- poekoel oleh Lioe Si Djoen sampe pajah dan lari semboeni.
Belon sampe abis nona Tian So Djit poenja bitjara dan njonja Hoa Ting San datang di taman
