78
Nona Tian So Djit menanja: kaloe bolih saija minta liat itoe moetiara.
Nona Aij Tjoe lantas soeroe boedjangnja bernama Siauw Tho akan ambil itoe moetiara, kemoedian berganti-ganti meliat pada 6 nona. Nona Sim Gwat Ko serenta liat itoe moetiara menanja pada mamahnja angkat: Mama! sebab apa ini moetiara di seboet „I Bik Bing Tjoe”?
Njonja Hoa Ting San menjahoet kata: 0! ini moestika jang paling bagoes, kaloe kita orang poenja toelisan, biarlah soeda bebrapa taoen, kaloe terkena ini moetiara lantas itoe toelisan mendjadi ilang.
Boedjang Siauw Tho ambil 1 lembar kertas jang ada toelisannja tergelar di atas medja dan terliat oleh sekalian nona itoe, kemoedian itoe moetiara tergelindingkan, sekedjapan itoe toelisan mendjadi ilang semoea.
6 nona pada girang sekali dia poenja hati akan liat itoe moetiara dan nona Sim Gwat Kó menanja pada mamanja angkat: Mama, Lioe Si Djoen ada brapa bidji moetiara jang demikian?
Mamanja angkat menjahoet: djangan sentara jang roemahnja Lioe Si Djoen ada brapa bidji, di antero doenia poen tida ada doewa.
