81
gisiauw dan masing-masing saban taoen dapet gadji 800 tahil perak, dan saben hari dapet makan enak dan pake pakean bagoes.
Itoe Hoa Tjoe Lim sebab papanja dapet hati pada Sri Baginda Radja, maka kaloe hari Raija banjak ambtenaar-ambtenaar dari civiel dan militair anterin barang-barang dan samoea toeroetin Hoa Tjoe Lim poenja maoe, tida brani langgar.
Hoa Tjoe Lim prentah orang boeat pigi di Tjing Kang Hoe minta 24 boeah perahoe naga jang soeda terhiassin, akan sedia di Lam Ho boeat bikin keramean.
Tjing Kam Hoe poenja Taij IJa (Resident) serenta trima itoe permintaän lantas sadja bri printah pada Ti Koan (Assistent Resident) akan soeroe pada Tjoli Kong Go Koan (prijaji dari hal pakerdjaän katoekangan) akan lekas mengariaskan 24 perahoe dengan saserbanja, jang bagoes bagoes, ia itoe terhias: soetra-soetra, bendera bagi-bagi warnanja, dan lain-lain barang perhiassan, akan me nandain jang itoe perahoe poenjanja orang kaija dan berpangkat besar; serenta soeda tersedia semoea lantas teranterin pigi di Kó Só.
Hoa Tjoe Lim soeda tentoekan pada tanggal 16 Si Gwik hendak lomba itoe perahoe ada di Lam
6.
