5
nja goeroe? Lioe Si Djoen bilang trima kasi lantas dia keloear dengan menjesel hatinja.
Lioe Hin berkata pada Lioe Si Djoen, sekarang toean dan hamba soedah datang di ini negri hamba dengar jang di dalem benteng di Sioe Tjioe ada 10 bagian poenja ramee, kenapa tida maoe pergi di sana boeat plesir dan liat-liat?
Lioe Si Djoen menjahoet : baiklah maka dia lantas kombali di perahoe akan makan nasi dan toekar pakean, maka dia lantas sama Lioe Hin naek di darat pergi di dalem benteng Sioe Tjoe, srenta sampe di Pintoe benteng seblah barat dapet dengar orang pada omong-omong jang ini hari tanggal 4 boelan Sigwik akan hari maulidnja (lahirnja) Toapekong prampoean bernama Lian Hoa Hoe Djin di dalem Siang Hong Bio bikin wajang dengan bebarapa keramean, orang-orang itoe satoe per laen pada kata: ajolah pada pergi liat wajang, soengoelah amat ramee dan mamoer sekali orang-orang pada berdjalan.
Lioe Si Djoen menanja pada Lioe Hin, kita orang baroe sekali ini datang di sini, belon poenja kenalan, entah di mana itoe Siang Hong Bio? Lioe Hin menjahoet : saija rasa orang-orang ini hendak liat wajang di Siang Hong Bio
