93
kian, mendjadi tida enak hati, marika itoe semoea takoet sebab itoe Song Boen Pin dan Song Boen Djaij ada meester dari Hoa Tjoe Lim.
Tetapi boedjang prampoean di roema Hoa Ting San jang bernama Siauw Tho serenta dapet taoe kaloe Lioe Si Djoen dapet tjilaka djato dalem aer, lantas sadja tida bolee tertahan amarahnja dan toedingin pada 2 meester itoe sembari tariak kata: Hei! loe djangan terlaloe koerang adjar, dan nanti kita tjoba berkalahi pada moe!
Itoe perkataän terdengar oleh Song Boen Pin maka dia berkata: Itoe boedjang prampoean ada kepandean boegee apa, brani keloewarin perkataän besar dan nanti kita tangkap.
Boedjang prampoean Siauw Tho serenta soedah maki-in pada Song Boen Pin lantas dia masoek dalem perahoe dan tjeritain pada nonanja.
Itoe 8 nona serenta dapet dengar kaloe Lioe Si Djoen djato dalem aer, lantas dia pada soesah hati.
Nona Tian So Gwat dan nona Tian So Djit berpikir di dalem hatinja: Betoellah amat kasian, jang ini pagi Lioe Si Djoen soedah mati dengan kaget, jang mana bikin soesah sa-oemoer idoep.
Nona Hoa Aij Tjoe dan nona Djaij So Tjing dari amat menjeselnja. jang dia poenja laki soe-
