-52-
saja poenja pengidoepan ada begitoe kakoerangan, hingga siang hari dan malem saja moesti bekerdja boeat dapetken sesoeap nasi. Boeat tanjaken angen-angen apa jang saja poenjaken, itoe saja soeker bisa terangken, kerna sadjoedjoernja saja moesti akoein bahoea saja ada poenjaken angen-angen laen, tetapi toch lantaran saja poenja hidoep masih koerat-karit djadi saja belon brani oetaraken itoe."
„Saja taoe bahoea dengen oewang penghasilanmoe kaoe goenaken boeat toetoep itoe ongkos roemah-tangga, dalem mana ada teritoeng kaoe poenja ajah dan soedara prampoean jang mendjadi kaoe poenja tanggoengan. Tetapi menilik penghasilan jang kaoe dapetken sekarang saja dapet kenjatahan kaloe itoe soeda lebih dari tjoekoep, toch kaoe keliatan masih koerang poeas sadja, sebagi djoega kaloe kaoe sedeng pasang fundament boeat satoe roemah-tangga baroe.“
Fundament boeat roemah-tangga baroe?" Begitoelah Tjeng Oiok pikir dalem hatinja. Ia tida mengarti apa maksoednja itoe perkatahan toch koetika ia dapet kenjatahan bahoea dalem oetjapken ini Nora ada eondjoek aer moeka jang sasoenggoenja, achirnja ia men]aoet:
„Nona kaoe poenja doegahan ada meleset djaoeh sekali, kerna djangan sentara boeat jang baroe, sedeng jang soeda ada sadja saja rasaken pajah sekali. Saja ada anak satoe-satoenja dari saja poenja ajah jang soeda toewa, lantaran ini djoega tjoema saja sendiri sadja jang diboeat andelan.“
Ini djawaban jang ringkes tapi terang, bermoela bikin Nora djadi kapoetoesan stof boeat bitjara, tetapi satelah ia berpikir bebrapa sa'at lamanja, Nora laloe samboeng poela:
-53-
„Engko Tjeng Oiok, sabegitoe djaoeh jang saja taoe, oemoemnja djedjaka jang soeda dewasa, tentoe sekali ingin beristri, tetapi saja heran sekali !iat sikepmoe jang begitoe pendiam. Toch ada moestahil sekali kaoe bisa tinggal dingin teroes, dengen zonder poenjaken soeatoe kainginan boeat itoe.“
„Kainginin?“ mengoelangin djedjaka kita. „Soeda barang tentoe sekali, katjoeali dari orang soetji, tida ada satoe manoesia jang hidoep zonder poenjaken kainginan, tjoema bedanja masing-masing dengen tjaranja sendiri-diri. Ada jang poenjaken kainginan boeat itoe tjoema disebabken oleh satoe hal, dan laennja oleh laen hal.“
„Tapi hal apatah jang ada padamoe?“ memotong itoe nona.
"Tapi lebih doeloe saja perloe taoe, apa maksoednja kaoe oeroek saja dengen ini matjem pertanja'an?" menanja Tjeng Giok.
Nora djadi kemekmak dan kadoea pipinja djadi merah saking kemaloean, tetapi iapoenja pikiran jang tida gampang djadi bingoeng, dengen tjepet ia soeda bisa dapet „djalan“ boeat djawab pertanjaannja itoe djedjaka.
„Kaloe saja soeda tanjaken itoe hal, disebabken oleh kita poenja persobatan, jang kendati baroe berdjalan belon brapa lama, toch soeda tjoekoep bangoenken masing-masing poenja rasa sympathie. Selaennja begitoe poen saja ada heran sekali sama kaoe poenja tjara bekerdja. Apatah ini semoea tida bisa djadi sebab jang beralesan koeat aken saja madjoeken itoe pertanja'an?“
„Tentoe sekali nona,“ djawab Tjeng Oiok. „Apa jang saja maksoedken dengen itoe hal-hal, adalah oemoemnja lelaki poenja kainginan menikah ada dise-
