-54-
babken oleh berbagi·bagi alesan, oepamanja lantaran ingin beroemah-tangga, ingin poenjaken kawan hidoep atawa djoega lantaran ketarik oleh ketjantikan dan kekajahan. Tetapi djarang sekali ada jang poenjaken ideaal lebih tinggi dalem pernikahannja.“
„Kaloe begitoe kaoe poenja kainginan alesannja ada berbeda dengen laen,laen orang poenja kainginan, boekantah begitoe engko Tjeng Giok?“
„Betoel sekali. Saja kenal artinja menikah, jalah kaloe sapasang merpati saling menjinta dengen toeloes dan soetji, dan saja jakin roemah-tangga jang soeami istri bisa woedjoetken itoe matjem penghidoepan manis sebagimana jang terdapet di Taman Eden. Kerna dengen begitoe baroe saja bisa anggep orang poenja kainginan sampe sampoerna; tetapi sabegitoe djaoeh jang saja taoe, di ini djeman pernikahan kebanjakan ada „dioekoer“ dari oewang, hingga banjak kali angen-angen demikian moesti „kandas“ di atasnja itoe matjem benda.“
„Tetapi 'ko Tjeng Oiok,“ memotong itoe nona dengen sikep tida sekali kentara kaloe iapoenja pembitjara'an ada terselip maksoed jang tersemboeni, „kaoe toch tida bisa pastiken, bahoea semoea orang ada begitoe. Siapa taoe kaloe di ini djeman joega kaoe masih bisa dapetken pernikahan jang tida didasarken atas itoe matjem oekoeran?“
„Apa jang kao bitjaraken baroesan itoe bisa djadi djoega, nona, tapi toeroet pikiran saja baek djangan gegaba dalem itoe oeroesan, kerna boeat bisa menikah dengen zonder pake itoe matjem oekoeran, soeda tentoe orang moesti mentjari dengen soeker, dan dalem ini kasoekeran seringkali ada terdapet banjak djoerang, jang kapan satoe kali sadja orang terdjeblos di sitoe, nistjaja roesaklah iapoenja penghidoepan.“
-55-
„Och kaloe begitoe kaoe roepanja bernjali ketjil sekali, engko Tjeng Giok, ini soenggoe ketjiwa. Tetapi saja merasa gegetoen sekali, kaloe saorang sebagi kaoe tida sekali poenjaken „kebranian“ boeat tjoba djadjal peroentoenganmoe goena diriken satoe sweet home.“
„Itoe kaoe kliroe nona, saja tentoe sekali masih poenjaken itoe njali boeat menjoba, tetapi apatah artinja itoe kebranian kaloe ternjata dirinja tida poenjaken itoe kakoeatan jang satimpal sama kainginannja?“
„Toenggoe sabentar 'ko Tjebg Giok, kaloe baroesan saja tida kliroe denger, kaoe ada oendjoeken satoe penjatahan, sebagi djoega kaoe maoe bilang, bahoea kaoe soeda toedjoeken harepanmoe pada saorang prampoean, tetapi lantaran iapoenja kadoedoekan brangkali lebih tinggi, maka kaoe djadi tida poenjaken itoe kebranian boeat mentjoba, boekantah demikian?“
Sambil oetjapken itoe perkata'an kadoea matanja Nora ditoedjoekan dengen tida berkesip ka djoeroesannja Tjeng Giok, sebagi djoega ia sedeng menjadjakin hatinja itoe djedjaka. Sebaliknja Tjeng Giok sendiri jang soeda mendoesin kaloe iapoenja pernjatahan ada sedikit menjimpang, tinggal toendoeken kepalanja, selakoe orang jang kemaloean.
Sasoedanja tinggal boengkem bebrapa sa'at lamanja baroelah Tjeng Giok angkat moekanja, dan dengen soeara separo tertahan ia laloe berkata:
„Nona ma'af kaloe saja rasa ini pembitjara'an dipoetoesken sadja sampe disini, kerna kapan diteroesken saja koeatir nanti tjoema boeang tempo pertjoema sadja.“
Tetapi Nora jang boeka ini pembitjara'an dengen mengandoeng maksoed laen, tentoe sadja tida maoe kasi kasempetan boeat itoe pembitjara'an djadi poe-
