Kabesarannja Khong Hoe Tjoe/Bab 1

by Kwee Tek Hoay

KABESARANNJA NABI
KHONG HOE TJOE.

PEMANDANGAN DARI LIONEL GILES, M.A

Lionel Giles, M.A., ada satoe Sinoloog (achli pengataoean Tionghoa) jang terkenal, dan ada pangkoe djabatan pembantoe pada departement bockoe-boekoe dan toelisan banvea Timoer dari Britisch Museum, Ini artikel ada dimoeatsabagi Introduction atawa perkenalan dari boekoe jang berkalimat The Saying of Coafucius (Oedjar-oedjarnja Khong Tjoe) jang disalin dari kitab Loen Gie dan diterbitken dalem The Wisdomof the East, jaitoe satoe serie boekoe-boekoe ketjil jang berisi peladjaran kabidjaksana'an dari banoea Timoer. Kita pertjajaini salinan dari boeah pikirannja Lionel Giles bakal menambahken publiek poenfja pengharga'an pada Khong Tjoe dan peladjarannja, kerna dalem ini toelisan itoe Sinoloog Inggris boekantjoemuh membedji, hanja membelaken djoega pada Khong T'joe atas segala toedoehan dan anggepan tida bener dari beberapa penoelis Barat Ini salinan kita (joemah ambil ringkesnja sadja,dan disalin satjara merdika dan mengambil djalan jang gampang. — K.T.H)

Khong Tjoe ada satoe dari itoe sedikit machloek-machloek jang terbesar dalem hikajat doenia. Orang poenja kabesaran salamanja haroes dioekoer teroetama dari pikiran oeaioem dalem iapoenja negri sendiri: pertimbangannja orang-orang asing tjoemah boleh dipandang sabagi soeal jang kadoea. Ini anggepan ada lebih betoel lagi kapan itoe toekang kritiek boekan tjoemah bangsa asing, hanja mempoenjai laen'kasopanan jang sifatnja berbeda dari itoe orang-orang jang kabesarannja marika hendak bitjaraken.

Toekang kritiek dari itoe matjem golongan, biarpoen pikirannja tjoekoep locas hingga tida mengandoeng pengrasa'an membentji atawa anti, tida oeroeng dengen zonder sengadja bisa djadi ia nanti tjoba tyari sifat- sifat jang tjotjok seperti apa jang marika sendiri biasa hargaken, dan lantes merasa kadoehoeng djikaloe itoe sifat tida banjak diketemoeken. Kasoedahannja marika tjoemah meliat teges pada sasocatoe tjatjat, dan kasi Ilwat atawa tida menaro pengharga'an pada laen-laen sifat jang marika koerang mengarti dan djoestroe ada djadi dasar dari itoe kabesaran.

Ini kakliroean dan kabentjian jang tida beralesan, pastilah aken djadi linjap kapan orang soedah bisa kenal dengen lebih djelas hingga bisa liat teges itoe sifat jang bersama'an dari wateknja manoesia, jang seringkslih ketoetcepan oleh adat kabiasa'an den penghidoepan di sapoeternja, jang kerbeda'an djaoe satoe dari laen. Tapi ini tjara bocat mengenalin, selamaanja berdjalan dengen perlahan. Namanja Khong Tjoe dianggep soedah sampe tjoekoep terkenal di negri-negri Barat hingga tida perloe lagi orang moesti robah itoe pemandangan cemoem jang sembarang dioetjapken tentang dirinja. Tapi apetah itoe crangorang jang melahirken pertimbangannja scedah tjoekoep kenal itoe peladjaran dari Kkong Tjoe? Namanja Shakespeare soedah tjoekoep terkenaloleh orang Fraosch sadari djemannja Voltaire. Toch berapa toeroenan moesti diliwatken sabelon marika taro pengharga'an tjoekoep pada Shakespeare poenja kabesaran !

Brangkalih orang nanti bilang keada'annja Khong Tjoe dan Shakespeare ada berbeda djaoe, dan tida haroes didjadiken perbandingan: tapi kita ambil itoe doea nama boekan dengea sembarangan. Dalem ini doea-doea hal, perbeda'annja bahasa dan salinan jang koerang sampoerna ada djadi akar dari itoe segala kakliroean dan kakaloetan.

Tida ada saorang besar jang pernah djadi korban dari anggepan njasar dengen begitoe heibat seperti jang Khong Tjoe telah dapet dari lantaran kabodoan, kakliroean dan ka'erangan menjesatken, dari koerangnja sijmpathie dan kamoerahan, dan djoega dalem beberapa hal dari katjoepetannja itoe toekang-toekang kritiek. Orang-orang Barat jang pertama koendjoengin Tiongkok, satoe negri jang dalem segala balada serba asing boeat marika, aken berlakoe bener kapan bertindak dengen hati-hati dan djangan gegabah lahirken Pendapetannja atas segala apa jang marika liat atawa denger di sapoeternja,

Tapi djoestroe pri kasabaran dan kapandean aken menimbang dengen terliti, ada paling djarang tertampak antara itoe orang-orang pelantjongan jang di tempo doeloe mengoembara ka Tiongkok: dan, apa tjilaka, itoe kamashoeran loear biasa dari nabinja bangsa Tionghoa membikin ia mendjadi korban dari itoe orang orang asing poenja ka'aoesan aken dapetken Apa-apa jang adjaib dan mengheranken. Dengen berdasar pada kasaksian atawa katerangannja bangsa Tionghoa, jang dikasihken dengen gampang dan ditjaplok zonder tjoeriga lagi, banjak tjerita jang sanget dilebih-lebihken tentang itoe Nabi soedah membandjirin koepingnja pendoedoek Europa, jang tambah lama semingkin diboemboein soepaja djadi lebih moeloek lagi. Menoeroet itoe segala katerangan, Khong Tjoe ada dimaloemken sabagi Radja dari samoea Philosoof, poedjonggo jang paling berboedi dan paling pinter, moralist jang paling tinggi, satoe orang pande jang paling oetama dan pengataoeannja paling dalem sendiri dari samosa jang doenia peraah saksiken. Ia ada satoe staatsman, satoe djoeroe-sjair, satoe achli dari ilmoe pengataoean koeno tergaboeng mendjadi satoe. Iapoenja kapandean membikin segala philosocf, jang kaeno alawa modern, djadi merasa maloe. ia ada djadi wakil jang paling agoeng dan paling moelja dari satoe bangsa jang paling besar, paling beroentoeng dan paling sopan di kolong langit

Ini maljem ocmpakan dan poedjian pada Khong Tjoe satjara tida mengenal wates, jang sampe di koepingnja bangsa Europa pada tempo doeloe, pastilah aken berachir dengen rasa ketjele kapan orang soedah bisa liat ka'ada'an jeng sabenernja. Maka koetika sasoedahnja berselang beberapa abad bangsa asing moelai mengenal bahasa Tionghoa hingga bisa salin maski djoega dengen menoeroet tjaranja seodiri, beberapa bagian dari itoe kitab-kitab klassiek jeng-katanja telah ditoelis oleh itoe Nabi jang termoelja, atawa sedikitnja poen jang ada berisi moetiara-moetiara paling terpilih dari iapoenja peladjaran, tida oesah diboeat heran kaloe kasoedahannja tida memencehin apajang orang harep. Begitoelah achirnja telah moentjoel reactie atawa anggepan sabaliknja, dan sigrah djoega antara bangsa Barat timboel itoe kabiasa'an aken menjelah dan mendjengekin pada itoe philosoof jang doeloe begitoe dikagoemin, lapoenja oedjar-oedjar,jang tadinja dipandang sabagi sari dari priboedi tinggi, sekarang dianggep kering dan tida beda dari oetjapan saorang biasa. Peladjarannja dikataken tjetek, terpoetoes-poetoes, dan tida memoeasken. la disalahin lantaran terlaloe materialistisch, pegang segala atoeran terlaloe keras, pikirannja berwates, dan kakoerangan soemanget boeat dapetken ka'agoengan rohani. Orang laloe bandingin peladjarannja Khong Tjoe dengen apa jang diadjar oleh laen-laen Nabi atawa philosoof, dan tarik Poetoesan bahoea Khong Tjoe ada katinggalan djaoe. Ini samoea poetoesan dilahirken sabelonnja orang sempet fahamken Khong Tjoe poenja penghidoepan, dan malah koelit paling loear dari Tiongkok poenja hikajat belon ditjokel atawa dikorek sedikit sadja, dan orang belon pereksa itoe sadjoemblah besar pemandangan dan peroendingan tentang peladjarannja Khong Tjoe jang ditoelis oleh fihaknja bangsa Tionghoa sendiri, atawa orang tida taoe sama sekalih atas adanja itoe kitab-kitab jang memberi katerangan loeas tentarg Khong Tjoe. Dan jang paling penting, orang soedah lantes tarik poetoesan aken menjelah dan merendahin sabelonnja Khong Tijoe poenja bedjar-oedjar disalin dan diterangin satjara sampoerra, hingga orang bisa mengarti baek maksoednja jang lebih dalem, atawa poen merasa sedar bagimana soeker boeat loekisken biar terang dan tjotjok maksoednja segala oedjar-oedjar dari Khong Tjoe ka dalem bahasa Barat.

Demikianlah singkatnja pengataoean dari orang Barat koetika Legge moelai bekerdja aken salin kitab kitab peladjaran Khong Tioe jang, koetika soedah selese liwat banjak taon kotnoedian dergen disertaken permoela'an kata pandjang lebar berikoet banjak noot dan katerangan, sasoenggoenje ada djadi satoe tanda peringetan jang mengheranken dari kapandeannja boeat mengoesoet dan memfahamken, Dengen diterbitkennja itoe salinan, ilmoe sastra Tionghoa dengen sigrah soedah teringkat naek ka tingkatan jang lebih tinggi, dan bangsa asing moelai taro perhatian soenggce-soenggoe pada peladjaran Khong Tjoe. Koe toempoekan besar dari kabodoan dan kakliroean, kabanjakan telah tersingkir, dan peta'an dari itoe Goeroe Besar achirnja moentjcel kombali dari ,,sang tempo poenja pasir jang memboerasken“. Oedjar-oedjarnja Khong Tjoe tida lagi dibatja sabagi boeah pikiran menarik hati jahg tapinja berisi omong-omongan terpoetoes-poetoes, hanja sekirang orang fihamken dan bikin perbandingan dengen segala kadjadian jang berhoeboeng dengen Khong Tijoe poenja penghidoepan. Dari berbagi-bagi soember Tionghoa, teroetama dari kitab Loen Gie dan dari hikajat jang ditoclis oleh Ssu-ma Chien, Legge soedah bisa berhatsil aken karang dan hoeboengken satoe sama laen satoe hikajat jang loemajan dari itoe Nabi poenja penghidoepan, pakerdja'an dan perdjalanan mengider, karangan mana ada djaoe lebih baek dan sampoerna dari-pada jang orang perna kerdjaken sadari doeloe, dan malah boeat komoedian hari poen brangkalih tida nanti ada jang bisa tambah atawa robah satjara loeas apa jang Legge telah kerdjaken. Betoel dalem itoe hikajat ada beberapa soeal ketjil jang bisa dibantah, dan banjak bagian masih kosong atawa gelap jang tida nanti bisa di-isi, tapi kapan diambil sa'anteronja, itoe hikajat dan segala kadjadian jang paling penting dari Khong Tjoe poenja penghidoepan, boeat sekarang boleh dianggep soedah kataoean sampe beres hingga tida oesah di-iboekin poelah.

Maski Legge soedah berha'sil koempoelken boekti dan katerangan djelas tentang pergbidoepan Khong Tioe, tapi dalem pertimbangan jang ia bikin, dengen berdasar atas itoe boektirboekti, boeat mengenal poko dasar dari itos Nabi poenja peladjaran dan mengambil poetoesan atas sifat dan tabeatnja Khong Tjoe sendiri, ternjata ia telah gagal. Tentang ini hal Legge poenja pendapetan, jang oemoemnja dianggep sabagi paling betoel sendiri, masih ada banjak jang haroes dipereksa lagi, dan akoe rasa sabagian besar perloe dirobah, kaloe boekan ditolak sama sekalih, Leeye poenja pikiran soedah barang jang tentoe teroetama ada didasarken atas ia sendiri poenja artian tentang oedjar-oedjar jang penting dari Loen Gi jang ia soedah salin atas bantoeannja beberapa sestawan Tionghoa dan djoempoet djoega katerangen dari banjak kitab kitab jang telah terikoe kafaedahanrja. Meliat bagimana sampoerna ia poenja alat boeat dapet segala katerangan jang perloe, pastilah orang nanti merasa aneh dj kaloe itoe achli, jang tida bisa disangkal poelah ada satoe sinoloog jang paling pande, soedah bisa menjasar begitoe djaoe hingga ia tida dapet liat itoe dasar atawa sari dari Khong Tjoe poenja peladjaran jang, boeat bisa menerangken sadjelas-djelasnja, ia soedah goenakea sabagian besar dari penghidoepannja.

Legge poenja kagagalan boeat kenal poko atawa sari dari Khong Tjoe poenja peladjaran bisa dimengarti kapan orang menginget bahoca ia ada satoe zendeling atawa djoeroe indjil Kristen, pakerdja'an mana ada djadi toedjoeannja jang pertama, sedeng boeat fahamken peladjaran tentang Khong Kauw tjoemah djadi toedjocan jang kadoca. Ia soedah dateng di Tiongkok boeat mengadjar dan bikin itoe kafir Tionghoa djadi kenal pada Jesus, dan boekan boeat menganoet pada bangsa Tionghoa poenja Nabi. Ini pikiran ada mendjadi halangan besar aken ia goenaken pengataoeannja satjara merdika, dan menjegah boeat ia boeka sa'antero hatinja aken terima dan hargoken pada peladjaran dari Khong Tjoe: Dalem iapoenja salinan ada diterangken djoega bahoea Khong Tjoe „belon pernah ambil poetoesan lebih doeloe sabelonnja preksa doedoeknja sasoeatoe hal“, tapi Legge poenja antero sikep terhadep Khong Kauw menoendjoekken jang ia soedah ambil poetoesan bahoea dalem segala hal telah terboekti jang peladjaran Khong Kauw ada lebih rendah dari agama Kristen.

Ini pikiran jang koekoeh ada ternjata djoega dari tjaranja ia lakoeken itoe salinan. Ia selaloe anggep perkata'an Tionghoa ada mengandoeng artian tetep dan tida bisa dirobah lagi, hingga boleh dirèndèngken dengen satoe perkata'an Inggris jang saroepa maksoednja. Perkata'an jang mengandoeng artian loeas dan ,djaoe serta koedoe ditimbang satjara aloes boeat bisa bade toedjoeannja jang sedjati, ia sama sekalih tida perhatiken. Sedeng begitoe ada banjak perkata'an boeat membajangken pikiran orang Tionghoa jang sabenernja tida bisa lantes dirèndèngin atawa disamaken dengen salah-satoe perkata'an Inggris, tegesnja: tida bisa disalin dengen sampoerna katjoeali mengambil djalan memoeter kapan hendak meloekisken sari atawa soemanget dari itoe oedjar-oedjar. Djoestroe dalem itoe perkata'an-perkata'an jang mengandoeng artian sanget loeas ada tersemboeni poko dasar atawa sari jang paling aloes dari Khong Tjoe poenja peladjaran. Maka tiada heran apabila orang tida bisa salin dengen betoel maksoednja itoe beberapa perkata'an jang paling penting boeat mengenal peladjarannja Khong Tjoe, sa'antero oedjar dalem mana itoe perkata'an ada menjelip bisa djadi linjap atawa berobah maksoednja. Lebih tjilaka lagi, itoe pikiran jang diberdiriken dengen banjak soesah atas fondament jang begitoe boeroek, ada penoeh dengen tjatjat dan kakliroean jang tida bisa dibetoelin, kerna kapan orang menimbang peladjaran Khong Tjoe dengen mengandel pada boenjinja salinan jang kliroe, pasti sadja itoe pertimbangan poen toeroet menjasar djoega. Ini ka'ada'an menoendjoekken begimana petloenja aken kita-orang berdaja boeat beladjar sampe mengarti betoel maksoednja jang sedjati dari itoe peladjaran sabekonnja menjataken pikiran apa-apa, seperti dengen teges ada dioendjoek oleh Khong Tjoe sendiri atas kapentingennja ,menetepken nama-nama panggi'an” dan bikin ,perkata'an djadi tjotjok dengen sifatnja barang.“ Kaloe orang bisa akkoein kapentingannja memilih nama atawa perkata'an jang tjotjok boeat soeatoe-satoenya hal di dalem mana ilmoe bahasa ada ambil bagian, itoe kapentingan djadi bertambah doea lipet kapan perkata'an-perkata'an moesti dipindahten atawa disalin ka dalem bahasa dari satoe negri asing jang berbeda dengen negrinja jang aseli ampir dalem segala hal. Ini perobahan tjoemah bisa berhatsil kapan dilakoeken dengen sanget terliti dan hati-hati : biar poen bagimana tinggi peladjarannja si penjalin, ia tida nanti bisa lakoeken itoe matjem pakerdja'an dengen sampoerna kapan padanja masih kakoerangan itoe perasa'an aloes dan kasabaran aken pilih perkata'an jang tjotjok, satoe kapandean jang paling berharga bagi satoe penjalin. Tjioetnja tempat membikin akoe tida bisa oendjoek satoe per satoe tjatjat-tjatjat dari Legge poenja salinan tipi beberapa tjonto jang loeas dari iapoenja kagagalan nanti dibitjaraken dalem toelisan jang berikoet.

Tentang penghidoepannja Nabi Khong Hoe Tjoe tjoemah sedikit sadja jang kita hendak bitjaraken disini, tapi aken dioendjoek djoega dengen djelas etas satce doea hal penting boeat diperhatiken.

Khong Tjoe telah terlahir pada waktce itoe feudal sijstem (pamerentahan negri dergen pake perantera'annja radja-radja ketjil) jang diadaken pada beberapa abad dimoeka oleh pendiri dari dijaastie Chow (Tjhioe Tiauw), djoestroe-lagi mengasih liat tanda-tanda moelai roesak dan terpetjah-belah. Memang ampir bisa ditentoeken jang Tiongkok dari djeman koeno sekalih soedah diprentah oleh sadjoemblah kepela-kepala atawa radja-radja ketjil jang bertaloek pada satoe Radja Besar jang pegang pamerentahan centraal, tapi itoe atoeran oleh Wu Wang (Boe Ong) soedah ditaro atas dasar lebih tetep dari di djeman doeloe. Ia bagi 'karadja'annja mendjadi sadjoemblah negri-regri ketjil jang diserahken boeat d'perentah oleh sanak soedaranja sendiri jang telah memberi toendjangan boeatia naek ka atas tachtanja keizer. Begitoelah itoe karadja'an djadi meroepaken persariketan dari satoe familie jang amat besar, dan boeat sedikit tempo itoe atoeran keliatannja berdjalan dengen beres dan rapih. Tapi koetika itoe iketan tali familie djadi lebih longgar, Gouvernement Centraal lama-lama tida bisa pegang penilikan jang sampoerna pada iapoenja anak-anak jang nakal dan Bantahan, dan antara itoe sakean negri-negri ketjil dengen lekas timboel perselisihan jang berdjalan teroes-meneroes, tida brentinja saling tjelek satoes sama laen, dan djoega oendjoek bandelnja pada marika poenja kepala dijnastre jang berkoeasa atas setintero karadja'an.

Ka'ada'an djadi lebih kaloet lagi dalem kabanjakan dari itoe negri-negri ketjil lantaran moertjoelnja familie-familie jang berkoeasa dan berpengaroeh besar jang, dengen djalan semboeni atawa poen satjara teroes-terang, tjoba bikin kakwasa'an paling tinggi dalem itoe negri soepaja terdjatoh dalem tangannja. Begitoelah di negri Lu (Louw), jang boekan termasoek golongan negri besar, dimina Khong Tjoe ada teritoeng sabagi rabajatnja, ada tedapet tiga familie jang berpengaroeh, jaitoe kaoem Chi, Meng dan Shu : kepala-kepala dari ini tiga kaoem, tentang siapa ada banjak ditoe-toerken dalem kitab Loer Gie, pada djemannja Khong Tjoa soedah bisa bikin hingga marika poenja radja jang sah, jaitoe Hertog dari negri Lu, bergantoeng di bawah marika poenja kakoeasa'an. Tapi sabaliknja, marika sendiri poen ada terantjem poelah oleh sikep djahat dari pegawe-pegawenja, jang kapan dapet koetika baek tida bersangsi aken rampas satoe kota atawa tangkep toesannja aken dinintaken oewang teboesan.

Begitoelah maski itoe djeman Tjian Kok gtawa per perangan antara beberapa negri — djeman paling kaloet dalem hikajat Tiongkok — biasanja dipandang baroe moelai sasoedahnja Khong Tjoe wafat, tapi bibit dari itoe kakaloetan besar soedah mnelai bersemi sadari Khong Tjoe masih hidoep, kerna pergerakan militair dan permoesoehan, di itoe tempo soedah mendjadi oemoem di seloeroeh Tiongkok. Dan di tengah-tengah ini kariboetan, Khong Tijoe bisa pegang tegoeh ia poenja ka'agoengan, berlakoe hati-hati, dan oendjoek kaberanian jang teroes-terang. Dengen bidjak ia tentangin itoe aliran berbahaja jang menoedjoe ka djoeroesan terpetjah-belahnja pamerentah centraal, dan tjoba pegang tegoeh kakoeasa'an jang paling tinggi dari Keizer terhadep pada itoe radja-radja sabawahan atawa Tjoe-houw-Tjoehouw jang soedah djadi terlaloe kepala besar, dan dengen sagenep hati ia tjelah pada itoe orang-orang bangsawan, familie-familie jang berpengaroeh dan orang-orang militair jang saling menerkem satoe sama laen, dan tida merasa djerih aken oendjoek kadjemosan pada marika poenja sikep dengen goenaken perkata'an keras. Tapi lantaran taoe jang sasoatoe protest, kapan tida ditoendjang dengen kakoeatan atawa kakoeasa'an, tida nanti ada goenanja, maka dalem kabanjakan hal Khong Tjoe djaoeken diri dari politiek dan goenaken sabagian paling besar dari temponja aken menambahia pengataoean dan mengadjar pada moerid-moeridnja, jang katanja di satoe waktoe ada berdjoemblah sampe 3000 orang.

Koetika Khong Tjoe letakken djabatanhja sabagi Minister dari negri Lu lantaran Her'og Ting (Louw Teng Keng) alpaken kawadjibannja, ia lantes bikin perdjalanan mengider dari satoe ka laen negri sampe 13 taon lamanja, pada waktoe mana boekan djarang ia telah alamken bahaja dan kasoekeran, jang ia hadepken dengen tentrem dan besar hati, hingga dengen begitoe Khong Tjoe bisa boektiken pada moerid-moeridnja bahoeoa itoe angen-angen tentang sifat Koentjoe jang ia paling oetamaken, boekan omong kosong, hanja ada sifat jang berharga aken otang jakinken dan tjoba poenjaken.

Tatkala, sasoedah liwatin tigablas taon penghidoepannja di dalem pengoembara'an, Khong Tjoe diondang aken balik ka negri Lu boeat pangkoe poelah djabatan negri, ia soedah djadi saorang toea jang berbadan lemah dan perloe sama penghidoepan jang soenji serta banjak mengaso, lantaran telah tanggoeng banjak kasangsara'an dalem itoe perdjalanan mengider begitoe lama. Maka maskipoen Khong Tjoe balik ka negri kalahirannja dengen moeka terang, kerna diondang oleh Radja Lu jang samboet kadatengannja dengen girang dan kahormatan besar, tapi ia tida ambil bagian actief dalem oeroesan negri, banja goenaken sisa dari penghidoepannja boeat bekerdja dalem kalangan kasoesastran jang komoedian telah bikin namanja djadi lebih termashoer lagi.

Sabagian besar dari Khong Tjoe pbenja oedjar-oedjar jang terdapet dalem kitab Loen Gie ada berätsal dari itoe tempo koetika ia balik kombali ka negri Lu dari pengoembara'an. Bueat artiken ,,Loen Gie" dengen ,,Peroendingan" sabetoelnja ada koerang tjotjok, sebab itoe kitab tida berisi peroendingan satjara biasa, hanja ampir sa'anteronja ada terdiri dari djawaban atas pertanja'annja beberapa moerid-moerid tentang soeal- soeal jang berhoeboeng dengen pri boedi kabidjaksana'an dan tentang sikep dan perboeatan dari banjak orang. Ini segala oetjapan katanja telah dikoempoel dan ditjatet dengen toelisan oleh Khong Tjoe poenja beberapa moerid jang paling rapet, tapi Legge ada poenja alesan pantes boeat menjangka bahoea pada awal moelahnja itoe oedjar-oedjar tjoemah ditoetoerken oleh itoe moerid-moerid dengen omongan, dan sampe sedikitnja soedah liwat doea toeroenan sadari wafataja Khong Tjoe baroelah ditoelis beroepa boekoe seperti tertampak sekarang. Djoega djangan orang laotes anggep itoe samoea ada oedjar jang precies seperti dioetjapken oleh Khong Hoe Tjoe pada waktoe hidoepnja, kerna boekan tida boleh djzdi oleh si pesnoelis soedah diambil sarinja sadja, hingga itoe omongan ada amat ringkes dan mengandoeng artian Joeas, maski dedjarnja pendek, Djadinja berbeda dengen tjatetam dari orang poenja omongan jang dicetjapker, itoe Oedjar-oedjar dari Khong Tjoe lebih doeloe soedeh digosok dan dibikin mengkilap, disirgkirken bagis-bagian jang kalebihan, hingga apa jang terloekis dalem Loen Gie ada bergoemilang seperti djoega Inten jang baroe kaloear dari tempatnja toekang gosok. Tapi itoe permata tida dipilih dan diatoer rapih. Sabagi djoega dalem kabanjakan kitab-kitab philosofie Tiong-hoa, dalem Loen Gie tjoemeh dilakccken sedja sedikit pertjoba'an aken atoer dan koempoelken sasoeatoe soeal sampe djadi beres betoel, dan malah tida ada dibikin pemisahan jang kasar dari itoe berbagi-bagi hal jang djadi pembitjara'an, Kasoedahannja, pembatja jang koerang terliti, jang tida bisa dapetken permoelahan, tengah dan oedjoengnja sasoeatoe hal jang diroendingken, lantes sadja tarik poetoesan bahoea Khong Tjoe tjoemah pande dalem hal lahirken pepatah- pepatah pendek jang saliwatan: marika gampang seskalih kliroe sangka hingga tida dapet liat itoe hoebaengan dari Khong Tjoe poenja sa'antero peladjaran jang mendjadi satoe sijsteem jang boender dan memposajai toedjoean tentoe. Malah Khong Tjoe poenja moerid-moerid sendiri poen bisa menjasar, hingga'tida liat sifatnja jang antero, lantaran kagoemin pada itoe peladjaran poenja bagian-bagian ketjil.

Belakangan baroelah ada Tjeng Tjoe jang bisa terangin dengen djelas bahoea Khong Tjoe poenja Too sabenernja ada saderhana, maskipoen kaliatan roewet dan banjak tjabang-tjabangnja, dan bisa diringkesken mendjadi doea oedjar: kawadjiban pada diri sendiri dan kadermawanan pada kita poenja tetangga. Tapi apa tjilaka lantaran orang salah artiken ini doea oetjapan jang penting, maka kasaderhana'an jang indah dari Khong Tjoe poenja peladjaran sakean lamanja soedah diliwatken dengen tida dikenal oleh orang banjak.

Dalem-anggepan oemoem dari orang-orang.di Barat pada tempo doeloe, dan malah. sampe sekarangpoen, Khong Tjoe tjoemah dipandang sabagi satoe philosoof bertabeat keras dan kakoe, peladjarannja serba: kering: bawel, penoeh rasa angkoe dan bangga, kas lakoeannja ada begitoe beres dan rapih seperti jang djarang: tertampak pada manoesia biasa hingga tida. bertjatjat sama' sekalih, tapi sanget koekoeh dan pegang. atoeran betoel dalem soeal peradstan dan oepatjaras anggepannja haroes dikagoemin, tapi kapandesanaja lebih banjak dioendjoek dalem omongan dari pada dilem perboeatan. Ia selaloe ditoedoeh menaro harga jang boekan moestinja-pada pri-lahir tapi koerang. memperbatiken, sifat sedjati dari manoesiai jang berdasar atas hati atawa pri- batin, Pendita Legge malah membilang: ,,Kaberesan prilakoe ada djadi satoe palangan dalem Khong Tjoe poenja djalanan lapoenja. atoeran moraal ada hatsil dari pertimbangam iapoenja intellect jang soedah terlibet dalem poetoesannja orang-orang dari djeman koeno, boekan. moentjoel dari hati menjinta, jang terdjoeroeng-oleh andjoerannja- Sorga aken menaro kasihan pada kasesatan manoesia jang lemah.“

Sekarang soedih sampe temponja aken madjoeken protest keras terhadep pada itoe katerangan kliroe jang sanget-heibat. Khong Tjoe poenja atoeran dari kaberesan prilakoe manorsia, jaitoe jang dinamaken Lee, memang -betoel ada djadi satoe palangan, tapi jang kasandoeng boekan Khong Tjoe, hanja Pendita Legge sendiri. Sa'anteronja peladjaran dari itoe Nabi ada memberi kasaksian bagimana. njasar dan menjimpang adanja Pendita Legge poenja katerangan, dan sasocatoe orang jang membatja oedjar-oedjarnja Khong 'Tjoe dengen terliti nanti lekas dapet liat bahoea itoe toedoehan boekan tjoemah samatjem fitenahan: tapi djoega ada begitoe gandjil dan sanget djaoe dari kabeneran, Kaloe ada satoe apajang membikin Khong Tiod djadi berbeda djaoe dengen Isen-laen orang dalem iapoenja djeman, itoelah ada dari lantaran ia taro kapentingan paling besar pada sifat Djin, jaitoe kawelasan atawa pengrasa'an dari hati, jang dipandang sabagi soember dari segala perboeatan bener, jang ia anggep perloe dipelihara dalem batin aken tentangin segala sifat lahir, dan malah itoe pemeliharaan dalem pikiran ada lebih penting dari-pada segala perboeatan jang kaliatan di loear, katjoeali kapan orang perloe kasih oendjoek itoe sabagi iapoenja tabeat.

Beroelang-oelang Khong Tjoe memboektiken ia poenja kaberanian moraal jang paling tinggi dan paling moelja dengen tida ambil perdoeli pada segala katjoepetan dalem atoeran dan anggepan oemoem jang berhoeboeng dengen segala adat kabiasa'an kapan itoe ada bertentangan dengen perasa'an bener dan pantes, dan sabagi penggantinja ia madjoeken itoe atoeran besar dari liangsiem atawa sataoe-hati, dengen beriken hak pada sasoeatoe orang aken menimbang sendiri pada segala hal jang samatjem itoe, hingga dengen ini tjara Khong joe madjoeken manoesia poenja kamerdika'an mamikir begitoe djaoe seperti jang ada di loear dari kapandeannja orang di itoe djeman boeat bisa mengarti dan menghargaken. Maka itoe, sabaliknja dari ,terlibet dalem poetoesannja orang-orang dari djeman koeno,” malah Khong Troe dengen tangannja jang gagah telah bikin poetoes itoe segala rante dari kakoekoehan dan kabodoan jangmelibet lehernja iapoenja bangsa.

Tapi sedeng Khong Tjoe tida soeka teriket oleh segala pikiran dan atoeran jang ditetepken oleh laen-laen orang, ia poen tida boetaatas bahajanja kamerdika'an jang tida mengenal wates. Itoe rante-rantejang ia bikin boeat manoesia jaitoelah samatjem besi jang dinamaken memerentah atas diri sendiri dan menahan hawa nafsoe, tapi tida diberikoetken apa-apa jang meroesakin badan, jang ia tace ada lebih menarik dalem pemandangan dan lebih gampang didjalanken dari-pada memegang perentah atas pikiran.

Laen toedoehan lagi dari orang-orang Barat jang boekan djarang kadengeran jaitoelah Khong Tjoe bertabeat dingin, membikin orang tida bisa rapet hati padanja, sedeng iapoenja kalakoean ada kakoesekalih, segala apa moesti pake atoeran. Ini anggepan tida gampang moentjoel djikaloe kiranja kabanjakansalinan dari oedjar oedjarnja Khong Tjoe tida dikerdjaken be gitoe kakoe dan mendjemoeken. Di dalem Loen Gie ada terdapet katerangan-katerangan jang bertentangan dengen ini anggepan. Menoeroet apa jang ditoetoerken dalem itoe kitab, Khong Tjoe ada bertabeat girang, dan. pada moerid-moeridnja ia berlakoe satjara sobat baek jang terkadang ada loear biasa kapan orang inget kabiasa'an dari bangsa Tionghoa jang sanget menaro hormat pada orang terpeladjar dan beroesia tinggi Sama sekalih tida masoek di akal bahoea sadrang jang bertabeat dingin dan tida sijmpathiek bisa menarik di sapoeternja ratoesan moerid-moerid jang pada kabanjakan di antaranja ia ada berhoeboeng rapet boekan sadja dalem kamar tempat memberi peladjaran seperti professor professor modern dalem marika poenja klas, tapi djoega ia tinggal sama-sama dengen marika, jaitoe makan, minoem, tidoer dan omong-omong, hingga ia poenja segala adat kabiasa'an dalem penghidoepan telah diketaoei dengen njata oleh itoe moerid-moerid jang lebih kenal pada itoe Goeroe dari-pada marika kenal orang toeanja sendiri. Tida ada laen sebab, katjoeali lantaran kerasnja menaro tjinta pada Sang Goeroe, jang membikin waktoe Khong Tjoe pergi mengoembara begitoe lama adi saijoemblah moerid-moeridnja jang mengikoet dalem itoe perdjalanan djaoe jang penoeh kasoekeran, dan tida satoe di antaranja pernah tinggalken satengah djalan atawa berchianat boeat menjilakaken pada itse Goeroe. Kaloe Khong Tjce berhati dingin, nistjaja tiada nanti, dalem oesia begitoe tinggi, ia bisa loepaken diri dengen menangis sedih hingga tida bisa dihiboerken koetika mendapet kabar Yen Hui (Gan Hwze) meninggal doenia.

Ini samsea ada boekti-boekti bagimana njasarnja itoe anggepan bahoea Khong Tjoe ,,berhati dingin' dan tabeat atawa sikepnja ,,tida sijopathiek.“

Toedoehan paling heibat atas Khong Tjoe ada dimadjoeken oleh Rev. Jennings, satoe pendita Kristen jang telah salin kitab Loen Gie ka dalem bahasa Inggris. Ta telah koetip dengen pengrasa'an sanget setoedjoe Dr. Legge poenja pikiran tentang Khong Hce Tjoe, seperti jang ada terdapet dalem japoenja boekoe tentang klassiek Tionghoa tjitakan pertama, dimana antara laen-laen ia ada toelis jang ia ,,tida bisa anggep Khong Tjoe sabagi saorang besar.“ Tapi Jennings, dengen bikin itoe koetipan, telah tolak ka samping Legge poenja pikiran jang dimaloemken dalem boekoenja tjitakan belakangan dan diterbitken doea taon dimbeka dari boekoenja Jennings, dan dalem ini tjitakan jang baroe Legge ada bilang: ,,Tapi sekarang akoe moesti tinggal doeloe halnja itoe orang boediman. Akoe harep akoe soedah tida lakoeken apa-apa jang tida adil padaoja: semingkin akoe jakinken ia poenja tabeat dan pikiran, semingkin akoe pandang tinggi. Ia ada suorang jang sanget besar, dan pengaroehvja kapan diambil sa'anteronja telah mendatengken kaoentoengan besar boeat bangsa Tionghoa, samentara ia poenja pengadjaran pengadjaran ada berisi pengalacean penting goena kita-orang jang mengakkoe ada termasoek pada golongan penganoet Kristus."

Tni'pendapetan, maskipoen ada bertentangan dengen apa jang Dr. Legge telah oetjapken doeloezn, telah teboes sabagian dari itoe pikiran tida adil jang doeloean ia lahirken terhadep Khong Tjoe, maski djoega perloe meliwatin banjak taon boeat moesraken saanteronja itoe pengaroeh dari Legge poenja kritiek jang menjasar. Apa jang perlue dioendjoek disini jaitoelah tida adilnja orang jang mengoetip pikiran jang dilahirken dengen terboeroe nefsoe dan zondep pake timbangan adil, sedeng pendapetan lebih bener dan tida berfihak jang dilahirken belakangan, orang soedah tida perdoaliken.

Tapi ini masih belon samoea. Sasoedah mengasih oendjdek dengen betoel sekalih bahoea Khong Tjoe tida bisa dipersalahken lantaran ,,tida mengandjoerin orang ka djoeroesan agsma,“ dan belon pernah berlakoe seperti satoe penjiar agama, lantes Rev. Jennings tioba tjari lobang boeat korek tjatjatnja Khong Tjoe dengen goenaken tjaranja sendiri, dan achirnja kadjeblos dalem itoe saroepa kakliroean seperti jang doelocan telah terdjadi dengen Dr. Legge. Ia bilang: Khong Tjoe poenja sikep jang moesti ditjelah adalah lantaran, sedeng ia berlakoe sabagi gderoe boeat mengadjar manoesia, dalem soeal-soeal besar dan penting ia tida maoe bitjara banjak dan malah semboeniken apa jang paling baek dari agamanja nabi-nabi di djeman koeno.“

Apa adanja itoe ,,sozal soeal besar dan penting,"Rev. Jennings tida oendjoek dengen terang, dan djikaloe dengen itoe oetjapan ada dimaksoedken djoega agamdnja nabi-nabi di djeman koeno," tjoemah perlce dioelangken poelah itoe katerangan bahoea soeal agama memang ia tida soeka roendingken dan pastilah ia belon pernah meagadjar manoesia, seperti soedah dioendjoek dengen djelas di dalem Loen Gie. Dan alesannja kenapa ia tida soeka bitjaraken soeal agama jaitoelah, lantaran merasa tida taoe apa jang akenkas djadian di alam aloes, ia merasa dirinja berdosa boeat penipoean atawa berpoera-poera, kapan ia mengadjar laga orang soeal soeal jang ada di loear dari kamampoeanaja boeat pejahken. Apatah ada di antara kita- orang poenja goeroe-goeroe agama jang mempoenjai kadjoedjoeran samatjem itoe ?

Laen toedoehan lagi terhadep Khong Tjoe ada bersifat lebih gegabah dari pada jang laen laen. ,, Dalem peladjaran Khong Tjoe," kata Rev. Jennings, ,,ada kaliatan sifat kouwkati, jang kasoedahannja membikin orang-orang jang ada dibawah iapoenja pengarueh dengen lekas merasa dirinja besar dan djadi bangga sama kapandeannja.“ Tapi Rev. Jennings tjoemah madjoeken alesan-alesan jang sanget lemah aken benerken ini anggepan, maka tida perloe diroendingken pandjaog-lebar, tjoemah soedah tjoekoep kapan dioendjoek bahoca Yen Ilu (Gan Hwe) moeridnja Khong Tjoejang paling ternama dan telah dapet hatsil paling besar dari itoe nabi poenja peladjaran, djoestroe sdasaorang jang terkenal sanget berhati rendah, seperti bisa diboektiken dari pembitjara'annja Tjeng Tjoe, jang soedah poedji tinggi pada Yen Hui lantaran maski ia sendiri ada sampe pande, ia radjin sekalih mentjari pelidjaran sama orang jang lebih bodo dengen rendah hati: maski priboedinja tjoekoep, ia merasa masih sanget koerang : kapan diperhinaken, ia tida ada pikiran aken membales, hanja sel iloe berlakoe hormat dan merendah pada scgala orang

Harganja satoe poehoen bisa diliat dari bocahnja. Kapan betsel Khong Tjoe poejja pelzdjaran membikin moerid-moeridoja djadi merasa dirinja pinter dan berlakoe bangga atawa angkoeh, tentoelah itoe sifat'aken tertampak djoega pada Yen Hui jang petik paling banjak Khong Tjoe ponnja peladjaran.

Ka'ada'ao jang bener jaitoelah, maski kaoem Djoeroe-djoeroe-Indjil dan Iaen-laen golongan finatiek tjoba semboeniken, ada soeker aken disangkal bahoea peladjaran moraal dari Khong Tjoe ada jang paling sampoeroa kabersihannja dan paling tida mengasih djalan boeat ditosdoeh mengandoeng sifit kouwkati, hingga ka'ada'annja tida ledih rendah dari laen-laen agama dalem doen'a. Toedoennja di satoe fihak boekan boeat menginget kaoentoengan sendiri, di laen fihak tida bersifat agama, jaitoe tege:nja, itoe peladjaran boekan berdasir atas pengharepan mendapet gandjaran atawa kabersentoengan, baek di doenia atawa poen di acherat, maski Khong Tjoe sendiri soedah pasti ada pertjaja bahara, menoeroer kabiasatan oemoem pri kaselametan aken mengiringin prilakoe jang bedjik „Berboeat badjik aken goena pri kabedjikan“ ada itoe pepatah jang, maski tida dioewarken oleh Khong Tjoe dengen pake banjak perkata'an, ternjata ada djadi poko dasar dari iapoenja peladjaran atawa tjingli dan djadi toedjoeannja iapoenja penghidoepan dan pakerdja'an, Inilah boekan sebab Khong Tjoe mengarti baek toedjoean dari peladjaran moraal modern, atawa ia pernah pikir tentang kabiasa'an aken melakoeken kabedjikan tjoemah sabagi perhiasan saija. Kabedjikan jang boekan didasarken atas pri kabedjikan sendiri oleh Khong Tjoe tida dipandang sabagi kabedjikan, hanja sakedar sabagi laen seboetan dari sikep hati-hati, pandjang pikiran dan tjerdik. Toch kaoentoengan lahir, maski disamarken bagimana rapih, masih tinggal djoega ber­sifat kaoentoengan lahir, dan inilah jang mengandjoerin kabanjakan orang aken soedjoet pada salah-satoe agama. Maka haroes dibilang ada satoe ka'adjaiban bahoea peladjarannja Khong Tjoe, jang tida djandjiken kaberkahan apa-apa jang orang aken dapet dalem ini penghidoepan atawa kapan soedah mati, bisa madjoe dan berhatsil zonder bantoeannja salah-satoe matjem barang jang bersifat gaib salaennja dari pamoedja'an pada leloehoer. Dan malah ini pamoedja'an pada leloehoer poen Khong Tjoe soedah trima baek aken orang lakoeken tjoemah sabagi satoe kabiasa'an oemooem jang tida berbahaja, boekan sabagi satoe bagian penting dalem peladjarannja.

Berbeda dengen agama Kristen dan Islam, itoe djalan-kaselametan jang dioendjoek oleh Khong Tjoe tida disertaken antjaman hoekoeman naraka atawa andjoeran jang beroepa gandjaran di sorga. Malah agama Bud­dha masih tondjolin Nirwana jang katanja aken didapet oleh orang jang berhati bersih, serta loekisken djoega bagimana heibatnja kasangsara'an jang ditanggoeng oleh manoesia jang aken terlahir teroes meneroes ka ini doenia kapan tida lekas berichtiar aken dapetken kabaekan jang sempoerna. Sasoeatoe agama besar ada mengandoeng toedjoean loehoer dan selaloe tjiptaken sadjoemblah sifat-sifat indah aken boektiken kabaekan dan kabesaran jang ada terkadoeng dalem itoe agama . Tapi dàlem segala hal itoé sifat sifat gaib dan mengheranken, jang tida bisa dipisah dari satoe agama jang toelen, selaloe membikin timboel töedjoeaa baroe dari perboeatancja mancesia dan bikin tida bisa lagi didjalanken itoe kabedjikan melalui aken goenanja pri kabaekan, zender pikir apa-apa boeat hari komoedian. Maka kapan kita menjetoedjoein pada Phiolosofe jang termasboet dari Cemte jang membagi kapertjajaan agama dalem tiga golongan, kita dapetken apa jang Khong Tj'oe adjarsasoenggornja ada mengasih liat satoe kasopsnan jang banjak lebih madjoe dari agama Kristen seperti jang ditoetoerken dalem Bijbel. Dan betoel sekalih seperti M r . Cirey Hall telah oendjoek dalem iapoenja salah-saloe artikel, Khong Tjoe boleh dipandang sabagi jang djalan paling doeloe boeat siarkan itoe pikiran tentang agama seperti jang ada dalem angen-ançennja Comte. ( Gamte ada philosoof Fransch jang terlahir di taon 1798 dan méninggal di taon 1857. la ada siarken peljdjaran boeat berdiriken agama baroe jang berdasar a t a s pengataoean wetenschap, dan soedah bisa dapet baajak peaganoel dalem kalangan achli-achli pemikir. - K. T . H.).

Khong Tjoe poenja sa'antero atoeran peladjaran tida didasarken laen dari pengataoean atas tabeat dan wateknja manoesia. Toedjoean dari kasotka'annja manoesia jaitoelab bergaoelan, d a n ini kainginan aken bergaoel ada mempoenjai dasar jang baek, sementara itoe tabeat kouwkati ada terletak di dasar jang paling bawah, satoe sifat jang boekan sawadjarnja dan ada mengandoeng kadjahatan. Maka itoe Khong Tjoe mendesak soepaja manoesia bersihken hati dan pikirannja aken lakoeken apa jang paling baek, andjoerin nianoesia boeat berlakoe pantes di dalem pergaoelan, dari salagi hidoep öentöèk kapêntingan diri sèndiri; djangan loepa djoega aken bekerdja goena laen-laen orang.

Parkata'an jang paling penting dari logatnja Kaoem Khong Kauw jaitoelah Djin (仁) jang dalam bahasa lnggris disalin „kabedjikan" lantaran tida ada laen perkataan jang lebih tjotjok. Sabenernja maksoed dari itoe Djin bisa kaliatan lebih djelas kapan diärtikeň „berlakoe baek di dalem pergaoelan antara orang binjak" atawa jtara Inggris „social good " . Tapi itoe artian poen masih bisa dibikin melar dan loeas begitoe roepa hingga dalem itoe Djin ada terkandoeng segala kabaekan, boekan tjoemah satoe doea matjem kabedjikan sadja, kerna mendjalarnja itoe artian ada mengondjoek bahoea itoe perkata'an mengikoetin tindakannja segala perboeatan baek oentoek pergaoelan, Oempama kapan satoe orang soedah dënpos dengen soemanget aken korbankan diri boeat goena kabaekan laen orang, ia bisa diseboet saorang baek zonder koedoe diterangin lagi bagimana sifatnja itoe kabaekan, sebab segala apa yang disebut bed jik dan baek samoea manjalir dari itoe sifat tida-kouwkati (unselfishness) Maka dengen oetamaken itoe Djin sabagi poko dasar jang paling penting dalem ia poenja peladjaran, Khong Tjje djadi pegang sari jang paling bersih dari pelajarannja samoea agama.

Menoeroét theorie dari Khong Tjoe, kawadjibannja manoesia dalem pergaoelan hidoep jang paling teroetama ada berdasar atas hal jang ia ada djadi sabagian dari itoe machine besar dari pergaoelan oemoem — satoe pendirian dari sadjoemblah badan-badan ketjil jang masing-masing dinamakan familie. Itoe familie, dalem mata orang Tionghoa, ada peta'an aloes dari karadja'an besar, atawa lebih teges, dari sebab sabelonnja ada negri lebih doeloe moesti ada familie maka itoe atoeran dalem familie ada tnendjadi model atawa tjonto dari mana organisatie jang lebih besar telah tertjipta. Itoe pamerentahan negri jang terdiri dari sadjoemblah Tjoe-houw atawa Radja-radja ketjil (feudal system) dl bawah mana Khong Tjoe ada hidoep , pastilah membikin tambah koeatnja itoe persa tuan. Sedikitnja dalem theorie itoe Keizer ada mempoenjai kakoeasiaan sabagi satoe ajah atas itoe tjoehouw- tjoehDuw (radja radja ketjil) jang menoeroet kamoestiannja ada berlakoe satoe pidahan seperti antara lofedara soeJara toea dengen soedara mceda, dan naarika ada dipindang djoega sabagi ajah oleh masing- masing rahajatnja.

Akea bikin satoe michine besar bisa bekerdja dengen rapib dia baek, maka hiroes didjaga soepaja mising-masing bayian bisa penoehken kamoestian jang ada djadi taaggoengannja sendiri men oeroet perentah dari jang laen laen. Bagimanatah ini kaberesan bisa tertjipta di dalem satoe koelawarga ? Tida laen, hania atas penilikan dari sang ajah, jang memegang kakoeasa'an paling tinggi atas laen-laen anggota dari itoe familie. Tapi ini kakoeasaan boekan sekalih samatjem tenaga keras jang bersifat kedjem dan sewenang-wenang. Ini atoeran ada berdasar, pertama, menoeroet wet dari alam, dimana sang ajah soedah terang ada meojegatig kawadjiban aken djadi pelindoeng dari anak-anaknja; dan kadoea, sabagi kasoedahan dari ini kamoestian, atas pri katjintaan dan perindahan, jang saharoesnja aken timboel dalem pikirannja itoe anak-ansk pada itoe orang jang djadi marika poenja pelindoeng. Inilah ada poko jang ringkes dari Hauw atawa kabaktian pada iboe-bapa jang ambil bagian begitoe besar dan penting dalem atoeran moraal dari bangsa Tionghoa. Aken tetapimtida betoel sama sekalih anggepannja orang-orang seperti Mr. Jennings jang bilang, Khong Tjoe poenja Hauw ada pintjang, lantaran pada fihak iboe-bapa tida ada kawadjiban apa apa terhadep anak-anaknja. Penoetoeran di bawah ini ada berharga hoeat oendjoek bagimana menjasarnja itoe anggepan :

Koetika Khong Tjoe boeat sedikit tempo memangkoe djabatan sabagi Hakim Besar, pada satoe hari eda mengadep satoe ajah jang madjoeken beberapa toedoehan heibat terhadep poetranja. Khong Tjoe soeroe djebloesken itoe ajah dan anak ka dalem pendjara sampe tiga boelan lamanja, zonder adaken perbedaan satoe apa antara jang menoedoeh dan jang ditoedoeh, dan sasoedah sampe tiga boelan baroe iaorang dilepas Ini perboeatan membikin Minister Chi Huan madjoeken tegoran pada Khong Tjoe, dan peringetken apa jang ia sering bilang, baboea mendjalanken Hauw ada hal pertama jang haroes dilakoeken dengen soenggoe hati.

„Apatah jang sekarang menjegah aken kaoe beriken hoekoeman mati pada itoe anak poet hauw boeat djadi sabagi tjonto pada jang laen-laen ?"

Khong Tjoe mendjawab: „Itoe ajah belon pernah adjar poetranja bagimana moesti berlaku oehauw maka itoe kadosa'an sabenernja ia sendiri jang moesti tanggoeng."

Dari katerangan di atas djadi ternjata, boeat bisa adaken kaberesan dalam familie, anggota jang moedaan haroes menaro hormat pada jang lebih toea, dan jang djadi ajah atawa kapala familie haroes bersedia, aken korbanken diri oentoek kaselametan itoe familie jang ada di bawah perlindoengannja. Toedjoean dari fihak sang ajah haroes sa'anteroenja bersifat soetji moelja — mendjaga kabaekan dari iapoenja familie. Kapan bisa berboeat begitoe baroelah dibilang ia telah lakoeken dengen bener kawadjibannja sabagi sagtce ajab, seperti djoega satoe poetra tida dianggep lakoeken kawadjiban djikaloe ia tida hormat dan dengen pereotahnja iboe-bapa.

Sifat jang paling penting sendiri aken biliin machine dari familie bisa didjalanken, jaitoe samatjem minjak jang bikin segala gerakan bisa bekerdja dengen litjin dan rapih, bozkan tjoemah kabaktiannja anak pada iboebapa, hanja haroes menoeroet satoe poko dasar dari katjotjokan dan memegang perentah atas diri sendiri jang melipoeti sasoeatoe anggota dari itoe koempoelan famillie/ jang menjegah segala toedjoeen boeat oetamaken diri sendiri, dan tjiptaken satoe gerakan aken goena kabaekan berame. Inilah ada apa jang orang Tiong­ hoa namaken Li (Lee) jang tida bisa diterangken maksoednja dengen satoe perkata'an, tapi dengen ringkes boleh djoega dibilang „atoeran dari kapantesan."

Khong Tjoe telah dapet liat bahoea itoe saroepa poko dasar jang menetepken kaberesan dalem familie bisa djoega terpake dalem kalangan familie jang pa­ling besar, jaitoe pemerentahan dari satoe Negri. Di sitoe kita liat satoe Keizar, di tangan siapa ada ter­letak itoe kakoeasaan jang paling tinggi, dan lakoeken kawadjiban seperti djoega satoe ajah terhadep koelawarganja sendiri. Tapi berbareng dengen itoe kakoeasaan besar, ia poen pikoel djoega tanggoengan jang paling berat. Ia haroes dipoedja dan dihormat, tapi ini ia tjoemah boleh dapet kapan ia mendjalanken itoe kawadjiban boeat datengken kabaekan pada rahajat. Dalem oeroesan negri, seperti djoega oeroesan roemah tangga, moesti ada dipake itoe samatjem atoeran dari kabeneran jang menelepken perhoeboengan antara jang memerentah dengen jang terperentah, atawa djikaloe tida itoe machine tida bisa bekerdja beres. Maka disini poen orang perhatiken djoega pada itoe Li, tapi sebab satoe radja tida bisa adaken perhoeboengan rapet dengan saantero rahajatnja seperti jang terdjadi antara satoe ajah dengen anak-anaknja, maka ada parloe digoenaken sijmbool-sijmbool dan diadaken pernjataan Iahir jang bisa diliat boeat itoe perasa'an setia dan hormat jang saharoesnja ada terdapet dalem hatinja sasoeatoe anggota dati kabangsa'an. Ini sijmbool sijmtool jaitcelah segala atoeran dan oepatjara boeat mana Khong Tjoe ada faham sekalih.

Khong Tjoe dangen sasoenggoenja telah dapet liat samoea kaperloean jang tersemboeni dalem itoe oepatjara, tapi ia poen mengarti djoega, zonder disertaken perasa'an soedjoet di dalem hati, itoe samoea tida berarti apa apa dan tida harganja. Dengen begini djadi gampang boeat diliat bagimana itoe perkata'an Li, sabagi sifat jang ada dalem pikiran manusia, telah dapetken ispoenja berbagi-bagi tingkat dan artian : dari katjotjokaa dalem soemanget jang mengandjoerin perboeatan jang berdasar 'atas toedjoean jang sawadjarnja, sampe mengenaken djoega atoeran sopan dan boedi bahasa manis serta tingkah-lakoe jang baek. Ini satnoea ada perloe boeat bikin itoe segala oeroesan jang koerang penting, seperti perhoeboengan antara manoesia dengen manoesia, djadi berdjalan serba rapih dan beres, dengen bérdasar pada Li, jaitoe wetatawa „atoeran dari kapahtesan."

Kombali dalem kalangan familie Khong Tjoe dapetken ada bekerdja itoe tenaga natuur jang ia rasa bisa dipake sabagi andjoeran soepaja manoesia menjinta pada kabedjikan. Itoe „tenaga natuur" ada beroepa kasoekaan boeat tiroe-meniroe. Lantaran mendapet taoe bahoea toeladan dari perboeatannja sediri ada tjara jang paling berhasil aken satoe ajah mengadjar pada anak-anaknja apa jang baek dan bener, maka dengen tida bersangsi lagi ia memberi kapastian bahoea itoe matjem pengaroeh poen bisa digoenaken oleh satoe radja, dan malah soedah madjoe begitoe djaoe boeat membilang, djikaloe jang djadi radja Beilakoe bener, iapoenja rahajat aken djalanken kawadjibannja zonder koedoe diperentah lagi ; kapan itoe radja tidâ berlakoe bener, rahajatnja tida aken meuoe« roet biar diperentah bagimana djoega. „Kabedjikan dari satoe radja," kata Khong Tjoe, „ada seperti itoe angin, dan iapoenja rahajat ada sabagi roempoet. Ada tabeatnja roempoet aken bertoendoek kapan sadja itoe angin menioep."

Boleh djadi dalem ini satoe soeal Khong Tjoe telah taro kapertjaja'an terlaloe besar pada pengaroehnja toeladan, hingga anggepannja melèsèt djaoe dari kaada'an jang sabenernja. Maski begitoe tida bisa dibi­lang adil aken dasarken kita-orang poenja pertimbangan atas negeri-negri democratisch dari djaman sekarang, dimatiâ téöaga dari pâmerentahao dipetjah mendjadi beberapa tjahang, dan kadoedoekan ieng penting dari radja telah djadi banjak koerang. Tapi boekankah sekalihpoen itoe radja radja dari djeman sekarang jang teriket oleh groîndwet masih mempoenjai pengaroeh besar dalem kalangan moraal ? Ini pengaroeh nistjaja ada banjak lebih besar lagi kapan itoe radja memegang antero kakoeasa'an dalem tangannja sendiri, dan teroetama tertampak di djeman feudal (koetika negri terbagi dalem pamerentahan radja-radja ketjil), dimatia kakoeasa'an di dalem negri ada terätoer bertingkat tingkat dengen rapih antara itoe sagalongan pembesarpembesar, masing masing menanggoeng djawab pada pembesar jang ada di sa'atasannja, jang diwadjibken pegang regoeh pri kabedjikan sabagi teeladan, dari keizer jang paling berkdeasa sampe pada radja-radja ketjil dan pembesar pembesar, komoedian toeroen lagi pada kepala-kepala familie dan rahajat saoemoemnja, jaag selaloe memandang pada jang sabelah atasan boeat menirbe tjonto dan toeladannja.

Djikaloe kiranja Khong Tjoe bisa dapatken satoe radja jang maoe berlakoe dengen setia pada ia poenja atoeran, nistjaja aken mendapet hatsil besar seperti jang ia telah harfep. Itoe pertjoba'an, seperti orang taoe, soedah dilakoeken dalem kalangan ketjil, koetika Khong Tjoe sendiri djadi pembesar dari satoe kota dalem karadja'an Lu . Maskipoen orang haroes berlakoe hati hati boeat terima dan penjaja itoe segala tjerita-tjerita jang sanget loear biasa tentang hatsilnja Khong Tjoe poenja pakerdja'an sabagi pembesar negri, tapi kaliatan tida bisa dibantah lagi bahoewa iapoenja theorie dalem soeal memerantah negri ternjata telah berboeah bagoes koabika didjalanken dalem praenjk.

Soedah tentoe bagian jang lemah dari itoe atoeran adalah, tida samoea keizer atawa radja mempoenjai kapandean dan kadjoedjceram seperti Khong Hoe Tjoe, dan katjoeali djikaloe bisa diadaken satoe tjara jang practisch aken angkat kepala-kepala pemerentah tjoemah dengen menilik kapandean sadja, nistjaja tida ada tanggoengan bahoea marika poenja prilakoe bisa di djadiken toeladan bagi rahajatnja. Khong Tjoe sendiri ada bilang, „kajoe jang soedah kropok tida bisa di oekir," dan atas ini anggepan ia soedah dapetken boekti jang getir di dalem dirinja Hertog Ting dari negri Lu. Tida satoe apa bisa diharep dari satoe bahan jang begitoe lemah dan tida berharga. Dan komoedian Khong Tjoe goenaken tigablas taon dari penghidoepannja aken mengider dengen sia-sia boeat tjoba mentjari satoe radja jang dirasa bisa tjotjok, maski sedikit sadja, pada ia poenja angen-angen.

Khong Tjoe poenja ketetepan dan kakeresan hati boeat bergoelet goena kabeneran, kaedilah dan pamerentahan negri jang beres, pastilah membikin herannja segala orang jang diadjar boeat pandang Khong Tjoe sabagi perjebar dari priboedi jang berdasar atas kadoeniaan dan toedjoeannja aken dapetken kabaekan dan kaoentoengan gcena diri sendiri. Tapi sabenernja maski kaliatan seperti aneh, Khong T joe ada satoe Idealist, saorang jang berängen-angen tinggi, jang oleh bangsanja soedah direndahi lebih banjak dari lantaran ia poenja sifat kabedjikan dari pada ia poenja angen angen jang moelja : ia poenja toedjoean dan maksoed-maksoed jang tinggi lebih dihargaken dari-pada hatsil pakerdjaannja jang bisa diliat dengen lantes. Oleh orang-orang dalem iapoenja djéman boekannja djarang ia dipandang sabagi charlatan(pcera-poera soetji) dan berlakoe sabagi goeroe atawa nabi palsoe (impostor). Ada penting boeat diperhatiken bagimana itoe doea orang pertapaan dari kaoem Taoist, dan itoe Chieh Yu jang kalakoeannja aneh, soedah namaken Khong Tjoe sabagi toekang mengimpi dan „otak terbalik" (crank). Begitoe poen ada anggepan dari itoe pendjaga-plntoe jang menanja pada Khong Tjoe poenja satoe moerid, apa ia poenja Goeroe ada itoe orang „jang selaloe tjoba lakoeken spanjang ia taoe tida bisa kadjadian." Ini segala sindiran sabenernja ada katerangan paling baek dari Khong Tjoe poénia pakerdja'an, dan dengen tida di sengadja telah beriken pada Khong Tjoe kahormatan jang paling besar.

Maskipoen sering dibikin menjesel dan koentjoep batinja oleh pergoeletan jang begitoe lama dan getir melawan kaadaan djelek dan kakoeasa'annja kadjabatan, Khong Tjoe belon pernah lepasken makloednja dengen merasa djemoe. Disitoelah adanja ia poenja kabesaran. Dan tida ada satoe manoesia jang perna bekerdja oentoek kabaekan dengen kasabaran lebih besar dari Khong Tjoe maskipoen pengharepan boeat bisa berhatsil ada ketjil sekalih. Ini lah ada sebab jang paling bener aken ia membilang, bahoea dalem sa'antero penghidoepannja ia tida berhenti berdowa. Ia soedah bisa berhatsil dalem itoe pakerdja'an jang kaliatannja gagal sama sekalih. Ia belon perna woedjoetken itoe toedjoean Utopian (penghidoepan beroeatoeng dati antero manoesia) dengen adaken perobahan jang berdasar atas pamerentahan dari satoe radja jang bidjaksana dan berhati moerah. Sabaliknja, sasoedah ia meninggal malah kakaloetan djadi semingkin heibat, dan soeara bentrokannja sendjata ada begitoe gemoeroeh dan berdjalan tida berentinja sampe petjah itoe revolutie jang sapos dijnastie Chou dan berdiriken poelah satoe pamerentahan batoe di Tiongkok. Dalem satoe negri jang pendoedoeknja bërtabeat merdeka dan ingin berdiri sendiri seperti Tiongkok, itoe pamerentahan dari radja-radja ketjil soedah ditakdirken lambat alawa lekas aken moesna, seperti djoèga belakangan telah terdjadi di Europa. Tapi dalem sapandjang kakaloetan besar dari itoe djeroan jang sanget heibat, itoe api penerangan jang d i soeloet oleh Khong Tjoe tinggal menjauh dengen tetep dan persediaken pikiran manoesia boeat dapelken apa panjang lebih baek. Maka itoe angen-angen dari Khong Tjoe tentang pamerentahan negri jang sampoernâ tida dilöepaken, dan iapöenja oedjar-oedjar ada disimpen sèperti emas dalem pikirannja rahajat. Di atas dari samoea iapoenja toeladan ada bersinar seperti api taboenan besar jang bergoemilang, todjoken tjahajanja dalem itoe malem jang gelap goelita dari kasangsara'an, penindesan dan peperangan soedara, jang ia dengen sia-sia soedah bergoelet boeat berentiken.

Dengen begitoe mendjadi ternjata bahoea Khóng Tjoe poenja anggepan, atas harganja kabaekan dalem diri manoesia goena memberi toeladan jang pengaroehken oeroesan negri, achirnja bisa djoega diboektiken kabenerannja ; itoe tjonto jang besar dan bersoemanget aken menjelamatken rahajat, jang ia soedah tjari dengen sia-sia antara radja radja dalem iapoenja djeman, achirnja telah kadapetan djoega di dalem Khong Tjoe poenja diri sendiri, jang adà djadi sabagi „radja tida bermakota," jang selamanja tinggal bertachta dalem hatinja iapoenja sasama bangsa.

Maka soenggoe tida masoek di akal aken membilang Khong Tjoe poenja penghidoepan ada satoe „kagagalan." Dioekoer dari kasoedahannja, Khong Tjoe poe­nja penghidoepan ada teritoeng jang paling berhatsil jang pernah didapet oleh satoe manoesia. Sasoedah ia meninggal, iapoenja pengaroeh berdjalan teroes dengen tida bisa ditjegah, dan iapoenja peladjeren telah memberi hatsil-hatsil begitoe besar jang tadinja tida bisa didoega dan tida saorang bisa taksir sampe dimana loeasnja.

Tjoemah ada tiga orang laen, dan tida lebih dari tiga, jang bisa bandingin Khong Tjoe poenja pengaroeh jang loeas dalem doenia, jaitoe ; Gautama poenja pengorbanan aken mendjelma di antara manoesia, penghidoepan jang penoeh gontjangan dan pergoeletan dari Nabi Mohammad, dan Jesus Kristus poenja taon-taon penghidoepan jang bersih dari kadosa'an dan berachir di Golgotha.

*^**

Demikianlah ada pendapetannja Lionel Giles tentang Khong Tjoe.