Landru/Bagian 1

by William Le Queux

LANDRU
Bagian 1.
Pemikat prampoean jang paling pande.

Henri Desire Landru, jang berselang belon brapa lama ada djadi boeah toetoernja orang banjak, ada satoe pendjahat jang paling tjerdik dan kedjem, hingga djarang ada bandingannja boeat djeman sekarang atawa poen djeman doelue, kata toean Williams le Queux, poenoetoer dari ini boekoe, kamoedian ia toelis lagi.

Saja poenja pikirah soeda djadi katarik sama perkara tangkepan jang dibikin atas dirinja itoe orang jang penggawakannja ketjil, kepala botak dengen djenggot pandjang dan kadoewa matanja mentjelong ka dalem. Dia itoelah ada terkenal dengen nama Lucien Guillet, tinggal di Parijs, Rue Rochechouart nomer 76, dan soeda ditangkep lantaran tertoedoe lakoeken pemboenoehan. Hal itoe terdjadi pada boelan April tahon 1919 dan bagi saja perkara begitoe ada sanget berharga, kerna samoea orang taoe saja ini ada saorang jang soeka sekali memperhatiken perkara-perkara kadjahatan dan tingka-lakoenja pendjahat-pendjahat.

Toedoehan jang amat banjak dan loear biasa ada didjatoken atas dirinja itoe pendjahat.

Pertama kali saja taoe ini hal, adalah lantaran saja trima satoe soerat dari saja poenja satoe sobat jang doeloenja ada djadi ambtenaar dari satoe pengadilan, dan dalem soeratnja ia ada toelis pada saja begini:

Perkara ini haroes dibilang loear biasa. Dateng di Parijs boeat studig ini perkara. Saja nanti kasi liat pada kaoe soerat-soerat papreksain, jang ada berhoeboeng dengen kadjahatannja ini pemboenoeh dan lebih doeloe saja brani pastiken jang ini perkara aken bikin kaoe djadi amat heran.

Doewa minggoe kamoedian sedari trima itoe oendangan saja sigra koendjoengin itoe sobat di prefecluur (gedong dari satoe pembesar). Disana ia soeda kasi liat pada saja soerat-soerat papreksa'an tentang perkaranja Henri Désire Landru alias Lucien Guillet.

"Dan ?” tanja ia dengen sakoenjoeng koenjoeng. Apa kaoe pikir dari hasilnja kita poenja papreksain ?”

"Loear biasa!” djawab saja.

"Mon cher ami ! Apa jang tadi kaoe batja, itoelah ada satoe boekti jang tiada bisa dipoengkir poela. Soekoer sekarang itoe pendjahat soeda didjebloesken dalem pendjara. la soeda ditangkep selagi berada sama katjinta'annja, satoe prampoean jang oesianja masih moeda din terkenal dengen nama Fernade Segret. Akoe soeda dakwa itoe prampoean sebab. ia soeda tjintaken satoe pendjahat. Dengen pasti akoe brani bilang bahoea dalem waktoe jang tiada bebrapa lama lagi kita aken dapet katerangan jang lebih lengkep. Landru, ada satoe pendjahat jang soeda dilahirken dengen kadjahatan, kerna dengen tjara jang kedjem soeda boenoeh. pramposan-prampoean. jang tida berdosa.”

Tentoe sadja ini pembitjarahan membikin saja djadi berhaisde boeat taoe lebih -banjak: selak- seloeknja ini perkara kadjahatan:

Gedari “itoe waktoe Landru terkenal sebagi "Blauwbaard" (Namanja satoe orang jang dalem boekoe dongengan anak-anak ada terkenal sebagi satoe pemboenoeh orang orang prampoean di Frankijk Di Bioscope soeda sering dikasi liat gambarnja itoe lelakon).

Banjak tempo saja sueda goenaken boeat dapetken ketrangan lebih djaoelr, saja soeda preksa register dan Soerat papreksa'an dari' ini. perkara, malah saja soeda bikin dijoega perhoeboengan dengan familie-familie dari orang-orang prampoean jang Landru soeda boenbeh. Dan dalem'ini hal saja telah beroentoeng dapetken banjak -soerat-soerat katjintain javg ditoelis oleh Landru — alias Diard, Dupont, Freminet, Guillet dan satoe dozijn laen nama poela, soerat-soerat mana di adresken pada lebih dari doewaratoes prempoean jang soeda,bikin perhoeboengan sama ini pendjahat lantaran boenjinja ia- poenja advertentie jang sanget menarik hati. Samoea pembatja nanti bilang jang ini perkara sasoenggoenja ada sanget menarik hati, apapoela pembatja sabagian besar soeda taoe dari wartanja soerat-soerat kabar,tjara bagimana Landru soeda lakoeken kadjahatan atas dirinja itoe orang-orang prampoean. Apa jang saja aken toetoerken disini adalah katrangan jang saja sendiri dapet koempoel, jaitoe sasoedanja koendjoengin tempat-tempat dimana Landru doeloe bersarang, maka tidalah heran bagi pembatja djikaloe di sini saja bisa toetoerken dengen pandjang lebar hikajatnja itoe „srigala" jang beroepa manoesia.

Tentang pengidoepannja Landru sebagi anak-anak, sedikit sekali kapentingannja boeat ditoelis disini.

Landru terlahir dalem tahon 1869 dan ada djadi anaknja satõe koeli jang ada toentoet satoe pengidoepan dengen pantes. Ajahnja Landru ada satoe stoker, sedeng iboenja ada satoe toekang mendjait, tetapi toch dengen sanget tida taoe maloe Landru mengakoe di hadepannja njonja Fernande Segret bahoea ajahnja ada satoe fabrikant jang ternama. Koetika Landru masih doedoek di bangkoe sekolah, ia ada terkenal sebagi satoe moerid jang paling pinter dan kamoedian ia soeda beroentoeng bisa dapet kadoedoekan onder-diaken (candidaat padri) dalem gredja.

Landru soeda perna berkerdja pada satoe architect dan koetika ia masoek dalem golongan militaire, ia soeda bisa dapetken kadoedoekan onder-officier.

Tatkala ia masoek poela dalem maatschappij, ia soeda menika sama satoe nona Parijs dan sabelonnja ia beroesia tigapoeloeh tahon Landru soeda djadi ajah dari ampat anak. Kamiskinan itoe koetika ada menjerang dengen sengit pada dirinja Landru, dan lebih latjoer lagi itoe koetika ia tiada- ada djabat pakerdjahan apa djoega, maka boleh djadi inilah lantarannja hingga Landru moelai tjampoer sama bebrapa pendoedoek di Montmartre jang namanja tiada begitoe baek. Blakangan Landru sendiri soeda djadi satoe pentjoeri, pakerdja'an mana beroentoeng tiada dikatahoei oleh istrinja.

Di antara kontjo-kontjonja Landru ada terdapet djoega satoe orang jang djoeal mas-inten dan ia inilah ada itoe orang jang „dandania" barang-barang mas berasal dari tjoerian.

Ini toekang mas ada adjarin Landru bagimana satoe „blaaspijp" digoenaken dan sedari itoe waktoe Landru madjoe satoe tindak dalem ia poenja lelakon sebagi satoe pendjahat.

Memangnja Landru soeda perna djadi satoe escroc (penipoe) dan satoe chevalier d' industrie (toekang tjari harta) dan dalem tahon 1902, lantaran gelapken oewang, Landru soeda ditangkep oleh politie ; boeat ini hal Landru dihoekoem lamanja tiga tahon.

Saja soeda beroentoeng dapetken soerat papreksa'an dari ini perkara, aken tetapi lantaran ini ada satoe perkara jang biasa, maka tida heran djikaloe itoe koetika tida ada satoe soerat kabar jang wartaken hal itoe.

Satelah Landru kaloear dari pendjara, sigra ia berkoempoel kombali sama sobat-sobatnja jang terkenal sebagi orang-orang jang tiada baek.

Sedari itoe waktoe ia lakoeken banjak sekali kadjahatan, aken tetapi ini samoea dilakoeken dengen tjara jang tjerdik dan ati-ati sekali, hingga politie sendiri bilang bahoea Landru sasoenggoenja ada satoe pendjahat jang loear biasa tjerdiknja.

Di Parijs, Marseille, Avignon, Lyon dan Toulouse, dengen goenaken àkal-akal jang tjerdik dan omongan jang manis ia soeda tipoe banjak orang. Lantaran maloe sama perboeatannja Landru jang tjoba dapetken sasoeap nasinja dengen djalan tida halal, maka ajahnja Landru dalem tahon 1912 soeda boenoeh dirinja sendiri.

Inilah ada djadi sitoe katrangan bahoea Landru boekan ada toeroenan pendjahat.

Pelahan-pelahan Landru ambil kadoedoekan jang teroetama dalem golongan pendjahat di Parijs. Ia ada bladjar dalem oeroesan automobiel dan dalem sedikit waktoe sadja ia soeda djadi paham betoel dalem itoe vak — baek perkara automobiel maoepoen motorfiats. Boekan ini sadja jang dipahamken oleh ini pendjahat, hanja ia soeda tjoba beladjar djoega tjara bagimana menjamboeng wadja dengen goenaken perkakas samboeng jang bisa bekerdja sendiri. Boeat ini oeroesan djoega Landru dengen tjepet soeda djadi sitoe toekang jang pande, dan kapandeannja itoe tiada kala dengen satoe toekang.

Orang traoesah djadi heran sama Landru poenja, kapinteran sebab perkara kadjahatan jang ia lakoeken, sebagimana di bawah ini kita aken tjeritaken, menoendjoekin jang ia betoel-betoel ada satoe pendjahat jang tiada ada tandingannja.

Dari papreksa'an jang dibikin, ada ternjata bahoea sedari

itoe waktoe Landru ada pake boekoe-boekoe jang menoetoerken tjara bagimana itoe digoenaken dan tjara bagaimana ratjoen itoe dipoenaken. Laen dari pada itoe ia ada banjak batja boekoe-boekoe jang menoetoerken hikajatnja pendjahat di djeman doeloe.

Sebagimana di atas kita soeda bilang baiioewa Landru ada satoe orang jang pinter, dan perkara-perkara jang diseboetken di atas, jaiioe seperti goenaken atawa poenaken ratjoen, dan tentang pendjahat-pendjahat di djeman doeloe jang ada diseboetken dalem boekoe tjerita, Landru ada pladjarin deijgen radjin sekali. Istrinja Landru dan sakalian anak-anaknja tinggal tiada taoe dengen lelakonnja ini pendjahat.

Landru bagi pengidoepannja djadi doewa bagian, di dalem satoe bagian ia lakoeken kadjahatan dan di laen bagian ia maenken lelakon sebagi satoe ajah dan soeami jang terhormat.

Di awalnja tahon 1914, ia toedjoeken pikirannja pada orang-orang prempoean, jang oleh ini pendjahat dianggep sebagai satoe soember bagi pentjariannja.

Daja jang digoenaken oleh ini pendjahat boeat bikin perhoelroengan deugen orang-orang prampoean jang berharta,adalah moeatken dalem soerat-soerat kabar, advertentie perkawinan. Sebagimana di atas soeda dibilang, bahoea Landru sebagi ajah dan soeami, tiada bisa ditjela, tapi di loear taoenja ia poenja istri dan anak-anaknja, dan di satoe tempat jang djaoeh dari roemahnja, ia ada sewah bebrapa kamer jang digoenaken olehnja boeat trima orang-orang prampoean jang soeda katarik dengen itoe advertentie-advertentie dalem soerat-soerat kabar.

Tjaranja Landru berlakoe da'em ini hal, jalah mengoendang itoe prampoean — jang mengasih djawaban atas itoe advertentie — dateng sendiri di tempatnja, koetika mana Landru laloe kasih kenal dirinja sebagi saorang jang sopan dan terpladjar. Lelakon begini memang Landru ada pande sekali.

Sebagi satoe tjonto di bawah ini saja toetoerken katrangannja njonja Morel, jang saja sendiri ada tanjaken.

Beginilah tjeritanja itoe njonja :

Dalem boelan Maart 1914 saja ada tinggal di Rue Joubert dan idoep dengen harta peninggalannja saja

poenja soeami jang telah marhoem. Saja ada poenja satoe roemah di Melun dan ada simpen bebrapa barang permata.

Berhoeboeng dengen moentjoelnja satoe advertentie jang dimoeat dalem sala satoe soerat kabar, saja soeda bikin „kenalan" dengen satoe toean jang seboetken dirinja dengen nama Raymond Herbette, dan menoeroet katanja ia ada djadi satoe architect. Ini toean ada tinggal di Rue des Petits-Champs dan dafi ka'adahan roemah-tangganja saja dapet kanjatahan bahoewa ia ini ada saorang jang tjoekoep pentjariannja dan ada hidoep dengen sapantesnja.

la poenja tjara berlakoe dan omong-omongannja ada begitoe manis, hingga menikah padanja. saja djadi katsrik hati aken sigra Bahoea saja poenja katjinta'an boekan palsoe adanja, itoelah saja telah boektiken dengen peserahken eigendom dari saja poenja roemah di Melun, begitoe djoega dengen saja poenja barang-barang permata, atawa lebih teges saja bilang, jang saja soeda serahken antero oewang dan harta jang ada di tangan saja.

Aken tetapi brapa besar saja poenja kaget koetikabpada soeatoe hari saja pergi di Rue des Petits-Champs saja tida dapet berdjoempa lagi pada itoe toean Herbette — jang boekan laen dari Landru — dan itoe roemah jang doeloe saja liat ada diriasin dengen perabotan lengkep dan mahal sekarang tiada lebih dari satoe roemah kosong.

Kabesokan paginja orang ada kabarken pada saja jang toean Herbette soeda djoeal saja poenja roemah di Melun. Prihal saja poenja barang perhiasan sedari saja serahken pada itoe pendjahat, saja tiada dapet liat lagi."

Lelakonnja Landru pada waktoe blakangan poen ampir ada saroepa sadja dengen hal jang ditoetoerken di atas. Banjak orang ada bilang, bahoea Landru bisa hyonotisch, tapi inilah ada satoe hal jang kita tiada brani tetapken, dan apa jang kita taoe adalah Landru melinken maenin lelakon dengen perdjandjian maoe kawin sama itoe prampoean jang ia hendak djadiken korban.

Katjerdikan, kakedjeman dan kapandean mengobrol seperti Landru brangkali di doenia tiada ada kadoewanja. Ia taoe dengen baek bahoea perkata'an ,,kawin" ada sanget berharga seperti

kemat boeat pikat hatinja orang-orang prampoean di Parijs dari

— 11 —

golongan tengah, maka dengen ini djaian Landru ingin dapetken kakaja'an.

Di antara prampoean-prampoean jang pertama kali didjadiken sobatnja dan biakangan oewang dan hartanja itoe prampoean dieret, ada teritoeng djoega satoe njonja jang terkenal dengen nama Cuchet. Ia ini ada satoe djanda jang beroemoer tigapoeloeh sembilan tahon dan ada poenja satoe anak lelaki jang beroesia delapanbias tahon, tinggal di Faubourg St.-Denis. Njonja Cauchet ada toelis soerat lamaran pada satoe advertentie jang boenjinja seperti di bawah ini :

 <td style="text-align: center; padding:0.3em; border: solid 1px #a3b1bf; font-size: 110%; background-color:

1. CEE0F2; width: %;">[[{{{link}}}|{{{tab}}}]]„Saorang lelaki jang soeda ditinggal mati oleh istri, oemoer ampatpoeloeh tiga tahon, ada doewa anak, poenja penjarian jang pantes, toeroenan baek-baek, ingin berkenalan dengen satoe djanda, jang djikaloe bisa satoedjoe satoe sama laen aken menika".

Sasoedanja toelis soerat pada itoe advertentie, berselang tiada brapa lama lagi njonja Cuchet dapet trima satoe soerat jang dateng dari Rue Barbette dan diboeboehi dengen tanda tangan „Raymond Diard".

Kamoedian dari pada itoe, „perkenalan" lantas dibikin di Faubourg St.-Denis, dan berselang brapa hari, Landru lantas kenalken pada itoe njonja djanda doewa anak prampoean jang dioendjoekin sebagi ia poenja anak. Saliwalnja iloe malem iloe kadoewa anak prampoean tiada haliatan poela. Apa jang soeda terdjadi dengen iloe doewa anak prampoean — meliat dengen terdjadinja laen-laen perkara — pasti orang mengarti sendiri jang itoe doewa anak prempoean boekan anaknja Landru.

Njonja Cuchet soeda djadi katarik hati dengen kalakoean dan omong-omongannja toean Diard. Samentara Andre, anaknja njonja Cuchet, poen djadi toendoek dengen lakoe hormat pada itoe pendjahat. Semingkin lama persobatannja njonja Cuchet dan itoe lelaki ada djadi semingkin rapet hingga seperti koelit dan daging.

Pada soeatoe hari dengen sakoenjoeng-koenjoeng Andre djadi sakit, jaitoe pada sasoedanja ia bersama Landru alias Diard bersantap dalem satoe restaurant jang letaknja tiada djaoe dari Louvre. Dengen berkandaran taxi Landru soeda bawa Andre pada

— 12 —

satoe thabib, jang menerangken bahoea Andre soeda kena makan barang jang beratjoen. Kanjatahan kaädaliannja Andre ada berbaliaja, aken tetapi lantaran itoe thabib menoeloeng dengen soenggoe-soenggoe dan kasi djoega makan obat jang bisa poenaken itoe ratjoen achirnja dengen pelahan-pelahan Andre djadi semboeh kombali.

Tentoe sadja tiada saorang ada pikir, jang itoe ada perboeatannja Landru, dan tida saorang ada taro sangkahan jang Landru mempoenjai maksoed aken singkirken itoe anak dari doenia, maka hal terkenanja itoe ratjoen djadi dibilang sadja ada lantaran makan barang makanan jang tiada baek di itoe restaurant.

Njonja Cuchet, satoe prempoean jang pinter, semingkin lama semingkin katarik sama itoe pendjahat, lantaran ia ini pande sekali maenin lelakonnja. Katjintaännja njonja Cuchet pada ini pendjahat ada begitoe besar, sebagi djoega di doenia ini tiada ada lagi laen lelaki. Boeat ambil hatinja itoe njonja ampir saban hari Landru ada bawain kèmbang atawa laen-laen barang boeat itoe njonja.

Bebrapa kali djikaloe Landru tiada bisa koendjoengin itoe prampoean, ia laloe menoelis soerat dengen perkataan-perkataan jang manis sekali, hingga tiadalah heran djikaloe njonja Cuchet soeda djadi semingkin tjinta pada itoe pendjahat.

Sala satoe soeratnja Landru jang dikirim pada njonja Cuchet ada begini boenjinja :

Djantoeng hatikoe,

Hidoep tida berserta kaoe, soenggoe badan seperti tida berdjiwa.

Akoe merasa ingin sekali aken bisa doedoek poela di damping kaoe, hingga itoe tempo jang akoe moesti liwatken, akoe itoengin satoe-satoe djam dengen hati berdebar-debar.

Kaoe, moestikakoe jang terbajang-bajang, liatlah tjintakoe jang terasa sagenep badan dan djiwa, liatlah melinken pada kaoe sadja jang akoe bisa tjintaken".

Perkataän jang terseboet blakangan, roepanja ada djadi Landru poenja kasoekaän, sebab dalem laen-laen soerat jang dikirim pada laen prampoean, poen perkataan itoe ada dipake djoega.

— 13 —

Itoe soeral-soerat jang didjadiken jang dikirimken pada laen prampoean korban, samoea perkataannja ada terpili, maka tiadalah heran, lantaran merdoenja itoe soerat hingga banjak prampoean jang djadi tergila-gila pada itoe pendjahat.

Pada laen-harinja Landru toelis lagi satoc soerat pada njonja Cuchet jang boenjinja ada begini :

Sabetoeinja disini akoe tiada beta, akoc liarep sabegitoe lekas bisa kombaii lagi sama kaoe. Oh! djantoeng hatikoe, tiada ada satoe djam jang akoe tiada pikirken pada kaoe. Sanipe daleni impian djoega kaoe poenja roepa jang manis ada terbajang-bajang dan akoe merasa beroentoeng sekali, djikaloe begitoe lekas sabrapa bisa kaoe djadi akoe poenja istri jang sah. Akoe harep Andre ada dalem slamat. Badannja jang masih lemah, akoe koewatir bikin ia djadi sakit lagi, maka perloe sekali ia didjaga dengen betoel".

Perkataan jang paling biakang ada menoendjoekin jang Landru ada satoe pendjahat jang tjerdik 'sekali, kerna sasoenggoenja Andre poenja kaädahan ada sademikian, satoc anak moeda sebagi Andre tentoe sadja tiada taoe jang itoe perkataän-perkataän manis melinken ada moeshilatnja Landrn sadja, dan bahaja apa ada bersemboeni dalem itoe perkataan, poen tida sembarang orang bisa tebak.

Begitoe tjerdik Landru bekerdja, hingga boekan sadja njonja Cuchet dan Andre kena dibodoin, hanja njonja Friedniann, soedara prampoean dari Landru poenja „bakal istri" djoega soeda kena didjoestaken. Blakangan ia ini ada menerangken pada politie, bahoea maskipoen pertama kali ia ada tjoeriga atas dirinja Landru, tapiblantaran ini pendjahat poenja klakoean manis dan katjintaän jang amat besar pada ia poenja soedara, soeda bikin ilang ia poenja katjoerigaän.

Aken tetapi bagi pembatja nanti lenijata bahoea Landru poenja katjintaãn ada berarti satoe kakedjeman jang sekali poen binatang bocas tiada nanti bisa berboeat.

Djantoeng hatikoe", kata Landru dengen soeara terpoetoespoetoes, „Akoe soeda dapet karoegiaa jang besar sekali. Akoe soeda berlakoe bodo sekali dengen korbanken akoe poenja oewang dalem peroesahan gambar idoep, dan sekarang saparoh dari akoe poenja harta soeda djadi loedes. Betoel itoe tiada heibat, aken tetapi boeat sekarang ini kaädahan akoe soenggoe amat tiada beroentoeng".

Soeda lama njonja Cachet ada pikirken tentang halnja itoe doewa nona, jaitoe anak-prampoeaniija Landru, dan koetika hal ini ditanjaken pada itoe bangsat, Landru djawab, bahoewa itoe doewa anak prampoean sekarang pada tinggal sama satoe tante di Brest.

Kamoedian dari pada itoe, Landru atawa Diard tetiron jang banjak sekali mempoenjai akal serta taoe bagimana ia moesti berlakoe pada orang-orang prampoean, dengen bertjoefjoeran aer mata menerangken jang ia sekarang ini tiada ada poenja kakoeatan boeat menika sama njonja Cuchet.Laen djalan tiada ada salaennja berpisa satoe sama laen.

Njonja Cuchet awasin itoe orang pada siapa ia dja'o tjinta merasa antjoer hatinja mendenger itoe perkala'an. Boeat angkat kasoesahannja itoe djantoeng hati, ia laloe djoeal roemahnja di Parijs dan pergi di Chausse, deket Chantilly, bersama Landru.

Pasti sadja hal ini ada sanget mengirangken pada Landru jang atas ongkosnja itoe prampoean laloe toeroet pinda ka tempat terseboel, sekaiipoen pada itoe waktoe ia aken menika sama tiga prampoean laen dari Parijs.

Aken tetapi di Chausse Landru tiada beta.

Itoe roemah, kata Landru, ada terlaloe ketjil dan banjak kandaran liwat moendar-mandir disitoe. Laen dari pada itoe sasoeatoe orang jang djalan disitoe bisa liat djoega ka dalem itoe roémah dari katja-djendela. Dengen goenaken ia poenja kapandean lida, ia soeda beroentoeng djoega boeat bikin Andre tiada betah ting gal disitoe. Demikianlah pada boelan December 1914 Landru soeda bisa boedjoek njonja Cuchet tinggal di Vernouillet, satoe kota jang ada di Seine-dai, deket Mantes.

Inilah ada roemah jang pertama kali Landru pake boeat lakoeken kadjahatan, dan blakangan lelakon begini dioelangken poela di Gambais.

Roemah itoe ada ketjil, ampat pesegi, tapi model baroe dan ada poenja satoe loteng, sedeng kaädahannja tiada menjenangken. Bagian depan dari ini roemah ada terdapet ampat djendela dan

satoe tangga batoe jang menoedjoe ka depan dan teroes ka djalanan besar.

— 15 —

Di bawah ada terdapet satoe dapoer dan satoe kamar mobiel jang sempit. Itoe roemah ada dikoeroeng dengan satoe kebon dimana ada toemboe poehoen-poehoen boeah dan seringen jang lebet. Letaknja ini roemah ada di satoe peloksok dari Ile de France dan boleh dikata tida saorang bisa doega bahoewa di blakang itoe tembok-tembok ada terdjaJi perkara-perkara jang bisa bikin mengkirik boeloe badan.

Di ini tempat Landru soeda ambil djiwanja ia poenja korban jang pertama dan ini kadjahatan ia lakoeken melinkeii boeat dapetken barang-perabotan jang djadi kapoenjahannja njonja Cuchet.

Sadjoembla barang-barang linnen jang ada di bawa ka itoe roemah, biakangan — sasoedanja berselang ampat tahon sedari njonja Cuchet dan Andre ilang dengen tjara jang tiada kataoean — telah didapetken kombali dalem satoe garage kapoenjahannja Landru.

Di awalnja tahon 1915 ampir samoea harta dari ia poenja korban soeda ada dalem tangannja. Pada soeatoe hari dengen tiada disengadja Andre telah dapet liat Landru sedeng berdjalandjalan dengen satoe prampoean laen, jaitoe njonja Labord Line, tinggal di Rue de Rivoli. Sadari itoe waktoe si „anak kwalon" tiada begitoe pertjaja poela pada dirinja itoe bangsat.

Hal jang membikin Landru lebih tjilaka, adalah Andre soeda tjeritaken itoe hal pada iboenja, hingga iboe itoe sigra panggil Landru boeat ditanjaken bener dan tidanja itoe tjerita. Landru satoe pendjahat jang oeloeng, pasti sadja tiada kakoerangan akal, maka dengen omongan manis ia soeda bisa bikin njonja Cuchet tiada bertjoeriga lagi, aken telapi toch sedari itoe waktoe, dengen dendem di hati Landru soeda ambil poetoesan jang tetep boeat abisken djiwanja njonja Cuchet dan Andre.

Iboe dan anak sama sekaii tiada taoe adanja itoe bahaja jang aken menimpa atas dirinja ; ampat hari kamoedian koetika Landru pergi ka Parijs, dan menoeroet katanja ada oeroesan dagang, dengen sakoenjoeng-koenjoeng Andre poenja kawarasan djadi terganggoe.

Thabib jang dipanggil boeat mengobatin Andre, telah njataken bahoewa Andre poenja kawarasan telah terganggoe lantaran soeatoe penjakit dalem badan. Koetika Landru poelang di waktoe tengah malem, dalem hatinja merasa amat heran jang Andre masih tinggal idoep. Aken tetapi di hadepannja njonja Cuchet ini pendjahat oendjoek roepa jang amat doeka lantaran Andre ada dalem sakit.

Landru soeda ambil poetoesan jang tetep bahoewa sabelonnja matahari terbit, baek njonja Cuchet atawa poen Andre moesti disingkirken dari doenia, sedeng kaperloean boeat lakoeken ini kadjahatan soeda disediaken

Laen dari pada itoe, Landru soeda ambil tindakan-tindakan djoega boeat singkirken tanda-tanda dari ia poenja kedjahatan, hingga di waktoe matahari mementjarken sinarnja, itoe samoea tanda aken ilang boeat selama-lamanja.......

Dengen omongan jang manis Landru boedjoek njonja Cuchet aken boeka satoe botol ,,Madeira" (samatjem anggoer).

,,Ini hari akoe soeda dapet banjak oentoeng", begitoelah Landru bitjara, ,,dan akoe harep jang kaoe orang soeka minoem boeat akoe poenja kaberoentoengan".

Begitoelah dengen girang orang laloe boeka anggoer Madeira, dan njonja Cuchet bersama Andre laloe minoem itoe anggoer boeat kaberoentoengannja Landru. Tiada satoe antaranja njonja Cuchet dan Andre ada doega atawa poen merasa jang dalem anggoer itoe ada tertjampoer ratjoen.

Ilangnja njonja Cuchet dan Andre tiada saorang jang taoe, aken tetapi pengarang dari ini boekoe bisa kasi katrangan jang tjoekoep dengen tjara bagimana ini pendjahat jang paling kedjem dan paling tjerdik soeda lakoeken itoe pemboenoehan.

Sembari tertawa dan mengomong sama njonja Cuchet dan Andre, Landru temenin marika doedoek sampe djam sablas malem.

Bebrapa djam kamoedian doea orang tani, satoe lelaki dan satoe prampoean, jang liwat depan roemah itoe telah dapet liat dapoernja Landru berkobar, sedeng sakoempoelan asep jang tebel ada kaloear dari lobang asep.

Apatah soeda terdjadi dalem itoe roemah jang soenji?

---