XV.

17,000 DJALAN-DJALAN.


Pada harian Tjhiagwee tjee-it di waktoe lohor, satoe roemah di Kampoeng Baroe jang dipageri denger poehoen toelang-toelang 5 rameh sekali dikoendjoengin orang.

Orang-orang itoe, jang samocanja ada bangsa Tionghoa, rata-rata telah dateng di sitoe boeat satoe niat, jaitoe mengadoeh masing-masing poenja oentoeng di medja-djoedi dengen bertarohan besar.

Sadari pagi soeda ada ampat orang doedoek maentop di sitoe, tapi sadatengnja Kek-soen dan Kek-hoay pada poekoel 'satoe tengahari, plahan-plahan orang jang dateng djadi samingkin rameh, kamoedian laloe diboekah perdjoedian tjapdjiki.

Djoestroe salagi orang maoe moelahi brangkat mengadoeh oentoeng, Dian-hoei dateng dengen doedoek kandaran sewa, dan sembari berdjalan masoek ia berkata:

„Wa, betoel sadja kita poenja doegain engga salah! Ko rameh amat orang berantem ini hari."

„Na, kabetoelan moesoenja dateng," kata Ek-tjong. „Hajo da toeroen ko Dian-hoci. Orang lagi maen tjapdjiki. Kek-hoay jang boekah dengen berseroh sama Kek-soen. Kaloe ko Dian- hoei jang lawan tentoe dia misti kalah."

„Eh, kaloe owee si-maen engga takoet kalah," kata Kek-hoay jang doedoek bersilah dan bersa-limoet dari kaki teroes sampe pada poendaknja jang kanan. „Hajo da ko Dian-hoei; sekarang boleh pasang sampe nohtjeng: nantinja boleh naek lagi."

„Ja, ko Dian-hoci," kata Soei-kian, ,hajo da ga-roek oewangnja Kek-soen dan Kek-hoaij: dia orang kaja tah! Lagi samalem dia soedakantongin doeit orang, ada adja kaloe kata anam riboe ma."

„Lo, ko dateng-dateng owee lantas disoeroe ngedjagoin,“ kata itoe orang Pekalongan; „Owee mana boleh dibandingin dia doewaän iki. Dia kalah doeitnja masi ada iagi: owee salah-salah ko boleh djalan kaki poelang ka Kalongan."

„Hala orang Kalongan Soedalah djangan banjak moeloet," kata Kek-hoaij dengen memaen, dia soeda kantongin kita poenja oewang, sekarang bolehnja bisa lagi dia berlaga pilon."

„Lo, ini orang si lantasnja maoe moesogin kita sadja," kata Dian-hoei dengen tertawa. „Apa mengkali dia kapingin digaroek lagi doeitnja ha?"

„Soeda diam," kata Kek-hoaij. „Engga maoe pasang soeda, boleh nongkrong sadja liatin di sini poenja boekahan."

Samantara itoe Kek-soen, jang doedoek di sampingnja Kek-hoaij, lantas pegang lopa-lopa, bantingken itoe, kamoedian laloe berseroe:

„Tjhio!"

Samoea orang. pada kenah katarik oewangnja, katjoewali Soei-kian, tapi ia ini poenja pasangan poen tida lebi dari sapoeloe roepiah.

Meliat begitoe, Dian-hoei laloe berkata dengen mesem-mesem :

„Ini ko Kek-hoatj betoel baek sekali dia poenja kasi tanda pada kita Kita dateng-dateng sadja Mantas dia maoe ngetjhio. Kaloe begitoe baeklah, kita jang nanti ngetjhio dia poenja oewang:"

„Engga perdoeli," kata Kek-hoaij. „Di sini kaloe sampe soeda brani doedoek maen, sama' sekali engga poesingin itoe segala djimat Kalongan:"

„Kaloe sampe ditangtangin gitoe," kata Dian-hoei, baeklah kita toeroen djoega: tapi moelah-moelah engga maoe terlaloe gedeh, Kita si maoe pakeh ilmoe rajap sadja: sedikit-sedikit kita maoe garoek dia poenja oewang, sampe penghabisannja pindah ka mari samoeanja."

„Mengkali engga gampang bocat orang Kalongan berboeat begitoe," kata Kek-hoaij. „Kaloe koerang pertjaja, tjoba-tjoba la."

Habis kata demikian, laloe ia taroh 'itoe lopa-lopa jang tadi di atas: medja, tapi sekarang ini soeda terisi dengen boekahan jang baroe.

„Tadi dia boekah angtjhio," kata Dian-hoei dengen soeara menggrendeng, „Sekarang tentoe ang-tjhio lagi. Hajo, angtjhio tjepeh !"

„Apa rasanjanja brani tentoein jang di sini bakal boekah angtjhio?“ tanja Kek-hoaij dengen bermesem.

„Memang soeda angtjhio, masa apa lagi," kata Dian-hoei.

„Kaloe begitoe kanapa engga maoe pasang sampe nohtjeng ?"

„Lo, kaloe begini tentoe dia boekah laen, sebab orang Batawi hatinja ketjil," kata Dian-hoei. ,,Soeda ah, oeroengin doeloe." ?

Orang Pekalongan itoe tarik kombali oewangnja, dan sasoeda 'bantingken Idpa-lopa, Kek-soen lantas berseroe :

„Angtihio lagi! Habis bagimana sekarang, ko Dian-hoei? Apa orang Batawi atawa orang Ka-longan jang hatinja ada lebi ketjil ?“

Dian-hoei bermesem sadja,

Djoega sakali ini Kek-hoaij ada moedjoer dalem boekahannja, kerna sama sekali orang jang pasang kenah katarik oewangnja,

Koetika itoe adalah kira-kira poekoel tiga lohor. Perserohannja Kek-hoaij ada dapet waktoe moedjoer teroes-meneroes, hingga tatkalah lontjeng mengoe-taraken poekoel ampat, ia bersama Kek-soen soeda kedoet orang poenja oewang tida koerang dari belasan riboe.

Di itoe masa Dian-hoei soeda kalah tiga riboe Jebi, tapi oleh kerna itoe-orang Pekalongan me-mangnja ada bertabiat sabar dalem perkara maenmaentop, maka sedikit poen tida djadi berobah ia poenja aer moeka.

Samantara, jang laen-laen menggotot teroes-teroesan, melawan Kek-hoaij jang sedeng moedjoer, ia sendiri pergi doedoek di medja thee, jang me-mang sangadja ada disediaken di sitoe. Ia kaloear-ken satoe tjeroetoe, isap itoe seraja keboeiken asapnja ka atas, kamoedian laloe berkata dalem hati:

„Dalem perkara maen tjapdjiki, kaloe sampe goea kenah didjoewal di sini, ko boleh dibilang ada tjilaka amat! Di Pekalongan orang takoet lawan goea maen; masa ja sekarang goea misti kenah didjoewal sama si Kek-hoaij? Kaloe begitoe sampe saoemoer hidoep goea engga boleh pegang kartoe lagi."

Baroe sadja habis ia berpikir begitoe, koepingnja lantas denger Kek-soean berseroe dengen soeara amat njaring:

„Angtjihio!"

Dian-hoei berbangkit, laloe mangamperi medja djoedi, kamoedian ia balik lagi doedoek di medja thee, dan berkata pada diri sendiri dengen soeara jang tida bisa dapet didenger oleh laen-laen orang:

„Boleh dibilang dia poenja kamenangan samoea lantaran boekah tjhio! Kaloe goea bisa bikin bresi dia poenja oewang sama sekali lantaran dia boekah angtjhio, samoea orang tentoe nanti pada bersoerak."

Ia makan koewe-koewe, minoem satjangkir thee dan isap tjeroetoe sembari gojang-gojang kaki. Samantara itoe koepingnja dapet denger lagi Kek-soen berseroe:

,,Ohtjhio!"

Dian-hoei keboelken asap tjeroetoenja, dan menggrendeng:

,,Sekarang dia maen ohtjhio, jang lebi doeloe sama sekali dia belon taoe boekah. Goea sekarang misti lebi ati-ati, soepaja djangan kenah didjoewal sama dia, sebab goea poenja-beladoe soeda tinggal tida sabrapa."

Kamoedian ia berbangkit, dan berdjalan teroes kaloear. Sasoeda moendar-mandir di nataran sakean lama, laloe. ia masoek kombali, dan berdiri di depan medja djoedi.

Kek-hoaij, jang lantas sadja dapet liat itoe orang Pekalongan, lantas tertawa bergelak-gelak, kamoedian laloe berkata:

,,Wa ini enko, dimana dia soeda betapa sampe begitoe lama? Kaloe begini gelagatnja dia tentoe ada niatan boeat bikin habis kita poenja oewang jang ada di depan. Tapi engga apa la! Satoe kali soeda maen maoe apa ditakoetin lagi segala djimat Kalongan!"

“Memang betoel-betoel owee nanti bikin habis itoe oewang, ko Kek-hoaij," kata Dian-hoei dengen bersenjoem. ,,Tapi kaloe soeda kalah djangan toh djadi sakit hati sama owee."

„Orang maen, kalah ia tinggal kalah, masa ja misti. sakit hati?" kata Kek-hoaij sambari tertawa.

„Mengkali orang Kalongan jang adatnja begitoe, itoe owee engga bisa bilang."

Dian-hoei berdiam sadja.

Orang di sakiter itoe medja pandjang sama sekali tida ada poenja koeping lagi boeat denger Kek-hoaij poenja godahan, kerna marika rata-rata soeda kenah kapatik oewangnja sadjoemblah besar.

Samantara jang laen-laen dengen teroes-teroesanm pada mengadoeh oentoeng boeat poelangin doeitnja jang soeda djalan-djalan, dan saban-saban djadi samingkin sengit sadja kaloe oewangnja kenah katarik lagi, Dian-hoei tinggal berdiri sakean lama, menelitikin apa jang soeda diboekah sembari tjoba-tjoba menebak kartoe apa lagi jang bakal dikaloearken oleh Kek-hoaij.

Satjara demikian ia tinggal berdiri dengen mejakin sampe orang soeda berhantem lagi sapoeloe kali, jang djoega achirnja ada membawa kamenangan besar bagi perserohannja Kek-hoaij, tapi koetika orang soeda brangkat maoe boekah boeat kasabelas kalinja, Dian-hoei laloe berseroe :

„Toenggoe doeloe!"

„Nah loe tjilaka ini sakali," kata Kek-hoaij dengen tertawa, „sekarang ini orang Kalongan tentoe dia maoe toeroen tangan boeat bikin bresi kita poenja oewang jang ada di depan."

„Tentoe", kata Dian-hoei dengen soeara sabar. „Ini sakali kaloe boekan angtjtho owee lebi soeka dijalan kaki poelang Kalongan. Bilang sadja, ko Kek-hoaij, brapa paling besar orang boleh pasang."

„Brapa ko Dian-hoei maoe pasang?" tanja Kek-hoaij dengen bersenjoem.

„Boleh tiga riboe boeat satoe kartoe? Owee bilang teroes-terang owee pasang angtjhio!"

„Kaloe tiga riboe sadja si boeat apa ditanja lagi, ko Dian-hoei. Oewang jang ada di depan sadja masi ada kalebian boeat bajar itoe pasangan."

„Kaloe begitoe, baek," kata Dian-hoei. „Tiga riboe angtjhio!"

Sambil bitjara begitoe ia bantingken satjekal oewang kertas di atas medja sama satoe kartoe angtjhio jang soeda ditjelentangin.

Jang laen-laen meliat Dian-hoei begitoe pertjaja pasangannja, lantas djadi toeroet-toeroetan katarik hati. Antara iaorang dengen diam-diam ada banjak sekali jang toeroet pasangannja itoe orang Pekalongan.

„Djadi ja, ko Dian-hoei ?" tanja Ket-soen

„Eh, eh, masa maen-maen salamanja!"

Kek-soen angkat lopa-lopa. Koetika itoe Kek- hoaij poenja moeka lantas djadi berobah. Dian-hoei poenja mata lantas djoega dapet njataken itoe, hingga koetika Kek-soen bantingken lopa-lopanja, laloe ia berseroe lebi doeloe:

„Bajar shabantoen!"

Dan betoel-betoel sadja sang angtjhio jang diharepi itoe lantas menoendjoekin roepanja dengen menggletak di atas laken djoedi.

Orang-orang jang beroentoeng pasangannja sigra tjelentangin kartoenja.

Itoe satoe kali sadja djoemblahnja orang jang kenah ada ampir lima riboe roepiah, boeat apa djadi perserohannja Kek-hoaij misti membajar koerang-lebi lima poeloe riboe.

Sasoeda diitoeng, njatalah itoe beban di depan, teritoeng dengen kamenangan dan pokohnja, masi ada tida tjoekoep boeat tanggoeng itoe kakalahan.

„Betoel ini orang Pekalongan lihai sekali," kata Kek-hoaij, jang di itoe waktoe soeda sangadja paksaken diri boeat bermesem.

„Masi koerang doewa riboe ampat poeloe," kata Kek-soen dengen soeara jang menjataken doekah.

Laloe doewa soedara itoe rogo sakoe, dan kaloearken masing-masing sariboe doewa poeloe roepiah boeat teboes iaorang poenja kakalahan.

Kek-hoaij adjakin enkonja taroh oewang lagi boeat maen teroes, tapi Kek-soen jang berpikiran lebi pandjang, laloe berkata:

„Sekarang kaloe kita lawan teroes, kita tentoe bakal djadi kalah lebi banjak lagi. Memang maen namanja engga boleh orang kaboeroe napsoe begitoe, Lagi kita poenja kakalahan djoega engga sabrapa. Samalem kita menang kira-kira toedjoe riboe, sekarang kita kalah kira-kira toedjoe belas riboe, djadi kita tjoema kalah satoe orang kira-kira lima riboe. Oewang sagitoe si laen kali ada gampang adja kaloe dia maoe balik poelang."

Maski poen moeloetnja kaloearken perkatahan begitoe, dalem hati, soeaminja Soan-nio ito ada berpikir laen, ia soeda, berbangkit dari medja djoedi dan doedoek minoem thee, tapi ingetannja masi teroes boeat pangenan atas ia poenja kamenangan jang soeda djadi berbalik kalah.

Kek-hoaij merasa enkonja poenja bitjara ada betoel djoega, tapi tida oeroeng ia soeda memaki dalem hati, katanja:

„Ini si boeaja Kalongan satoe kali goea misti bikin bresi dia poenja oewang, soepaja dia engga bisa ngedjagoin lagi dateng ka mari."

Kamoedian laloe ia poen berbangkit, dan pergi masoek dalem soeatoe kamar, dimana lantas disamboet oleh satoe prampoean moeda, jang sigra soeda bangoen dari rebanja tatkala meliat Kek-hoaij dateng mengoendjoengin.

„Menang lagi?"

„Kaloe engga ada si boeaja Kalongan, wa, bitjaranja loe djadi rebo sekali, Oen, tapi ini djadi berbalik kalah toedjoe belas riboe."

„Tadinja soeda menang brapa?"

„Ada adja kaloe kata tiga poeloe riboe ma."

„Wai soeda begitoe pengabisannja baba djadi djato kala begitoe banjak?“

„Ja, Oen, toedjoe belas riboe soeda djalan-djalan."