Pembalesan Kedji/Bab 30
DJANGAN KATA TIDA BISA TERKOETOEK
Sekarang kita maoe adjak pembatja pergi tengokin pada Ban-tjoan dan Koei-tjoan.
Sabagimana kita soeda terangken di atas, tiga tahon soeda berselang, ja, baroe sadja liwat tiga tahon sadari Kek-soen meninggal doenia, tapi itoe waktoe jang begitoe sabentaran soeda membawa banjak sekali perobahan atas dirinja Ban-tjoan dan Koei-tjoan. Kita soeda tinggalken marika sabagi anak-anak jang menerima warisan dari bapanja jang hartawan, tapi sekarang kita misti katemoeken kombali pada iaorang seperti satoe kekasih dan soeami jang terpetjat dan hidoep melarat.
Berhoeboeng dengen meninggalnja Kek-soen, Hoay-wan laloe petja ia poenja perseroan, dengen alesan misti kaloearken bagiannja Kek-soen boeat djadi miliknja ia poenja aliwaris-aliwaris. Lantaran itoe djadi adalah Kek-hoaij jang misti djadi pemimpin dari anak-anaknja ia poenja enko, tapi belon berdjalan sampe brapa lama, Ban-tjoan dan Koei-tjoan lantas merasa tida satoedjoe sama marika poenja entjek. Samantara lamanja terbit sedikit persatorian antara familie, dan achirnja Kek-hoay laloe ambil poetoesan: tida maoe ambil perdoeli lagi sama sekali atas kaadahannja ia poenja tjoetjoe-tjoetjoe.
Selang satoe boelan lamanja dari Kek-soen meninggal doenia, Sin-tjoan poen lantas menjoesoel ajahnja brangkat ka acherat, lantara mana antara anak-anaknja Kek-hoay poenja soedara, malaenkan adalah Ban-tjoan dan Koei-tjan jang boleh dian-delken boeat gantiken sang ajah memelihara roemah-tangga. Tapi Ban-tjoan sabegitoe, lekas perkara kematian selesi dioeroes, lantas tinggal misa di laen roemah. Sabagimana ia soeda berdjandji, laloe ia ambil Isa boeat goendik dan bri tempat di roemahnja Soan-nio, samantara bagi nona ini poenja tempat kadiaman ia belih satoe roemah indah. Di sitoe Ban-tjoan tinggal sama ia poenja goela-goela jang boleh dapet dirampas, seraja sa-bentar-bentar membagi djoega temponja boeat koendjoengin Isa. Oleh kerna Soan-nio bisa pe-gang pengaroe atas dirinja itoe anak moeda, djadi tertoendah pengabisannja itoe anak soeloeng dari Kek-soen tinggal tida menikah.
Djadi adalah Koei-tjoan jang misti gantiken djadi patoewa di roemah bapanja. Sasoeda selesi me-ngoeroes perkara kamatian boeat tahon jang ka-doewa-sabagimana bisa diseboetkan orang: kerdja tiga tahon-anak moeda itoe laloe dinikah-ken oleh iboenja. Sabagi istri ia dapat satoe gadis hartawan dari koelawarga Thio jang malaenkan hidoep di bawah pimpinan iboenja.
Berhoeboeng dengen itoe kawinan, membikin Koei-tjoan djadi radja betoel-betoel dalem itoe roemah di Tongakangan, tapi di waktoe itoe djoes-troe Ban-tjoan soeda terdjebloes dalem satoe ka-adahan jang amat djelek. Harta peninggalan dari ajahnja, jang memang tida boleh dibilang ada ba-nja, kaloe maoe dibitjaraken perkara kakajahan ratoesan riboe, dalem tempo satoe tahon sama se-kali soeda dibikin moesna olehnja. Tatkalah itoe ia poenja tali persarikatan sama Soan-nio, saming-kin lama lantas djadi samingkin genting, dan achirnja mendjadi poetoes betoel-betoel. dalem satoe persatorian nona itoe soeda bikin poetoes ia poenja perhoeboengan sama Ban-tjoan, kamoedian lalo mengikoet laen orang. Moelahi itoe waktoe anak moeda itoe djadi hidoep sadja sama Isa.
Sabagimana doeloe, begitoe poen laloe ia me-metelken pada iboenja, boeat menjoekoepi ia poenja onkost penghidoepan dan kadang-kadang djoega pada adehnja. Aken tetapi djoega Koei-tjoan poe-nja harta tida bisa berdjalan pandjang. Anak moeda itor, jang memang tida ada poenja pengartian soeatoe apa dalem perkara mentjari oentoeng, ma-laenken soeda bisa borosken sadja oewangnja de-ngen tida mendapet tambahnja. Tjara begitoe kira-kira berselang satoe tahon sasoeda ia menikah, ia poenja harta lantas djadi habis terbang sama sekali. Pikirannja ia poenja istri, sedikit poen ia tida maoe dengeri, dan koetika ia soeda djadi goendil betoel-betoel, ia meras tida ada poenja laen daja dari maenken lelakon satoe soeami jang memetelken pada istinja. Lantaran itoe ampir sa-ban hari djadi terbit satoe persatorian, jang saming-kin lama dilakoeken semingkin sengit dan achir-nja telah djadi begitoe heibat, hingga pengabisannja djadi berachir dengen memoetoesken tali nikahan.
Tatkalah soeda terdjadi sampe begitoe djaoe, Koei-tjoan lantas menoeroet toeladan enkonja. Ia ambil iboenja seperti boelan-boelan jang misti me-njoekoepin ia poenja segala kaperloean.
Dalem fatsal di atas kita soeda adjak pembatja alamken satoe malem terang boelan, jang membikin Hoe-djin dan Bong-loan merasa begitoe broentoeng lantaran dapet berkahnja Alah, tapi sekarang kita merasa perloe adjak pembatja toeroet saksiken, ba-gimana kaadahannja orang-rang, jang barangkali djoega boleh dibilang ada dapet koetoeknja Jang Maha Kwasa.
Adalah pada 16 Tjapgwee poekoel delapan pagi koetika Ban-tjoan dengen tersangah-sangah poelang ka roemah orang-toewanja dari ia poenja tempat kadiaman sama Isa. Waktoe itoe njonja Kek-soen djoestroe sedeng doedoek bersantap.
„Nona, tjilaka betoel kaloe nona engga toeloengin owee ini sakali,“ kata anak moeda itoe dengen mendjoedjoe lempang sadja pada haloeannja ia poenja omong.
„Engga keh loe, anak tjilaka, samentar-mentar“ dateng menggoda sadja sama goea,“ kata njonja Kek-soean dengen soera amat ketoes. „Apa kaloe goea belon mati loe maoe merasa poewas djoega?“
„Habis kaloe boekannja nona siapa lagi jang boleh toeloengin sama owee? Owee engga maoe minta banjak-banjak; asal nona kasi lima belas sadja soeda tjoekoep; kaloe engga soenggoe tjilaka sekali; kamaren jang poenja roemah soeda dateng menagi dengen keras; ia kata kaloe ini hati owee engga bajar oewang sewa dia nanti oesir engga kasi owee tinggalin roemahnja lebi lama lagi.“
„Memang engga laen loe poenja tjerita bikin goea djadi bosan dengernja. Belon bebrapa hari loe minta doeit, katanja djoega boeat bajar sewa roemah; habis kanapa loe engga bajar?-loe ka-manalu itoe doeit?“
„Soeda owee boeat bajar sewa roemah......“
„Habis sekarang loe maoe boeat apa lagi?“ tanja njonja Kek-soean dengen memoetoesken orang poenja bitjara.
„Boeat bajar sewa roemah djoega, sebab soeda brapa lama owee engga bajar-bajar; sekarang orang jang poenja roemah engga maoe kasi tempo lagi.“
„Masa loe bodoh! Dasaran engga taoe diri; soeda engga poenja goena berlaga bertingkah-tingkah sewa roemah la. Brapa kali goea soeda kata: kaloe loe rasa engga bisa boewang loe poenja djobong, lebi baek loe djangan kenal lagi sama goea.“
Ban-tjoan maoe goeanake lagi lidahnja boeat memboedjoek ia poenja iboe, tapi di itoe waktoe djoega Koei-tjoan dateng dengen ambil djalan dari pintoe blakang. Laloe anak moeda itoe mengamperi pada iboenja, dan berkata:
„Mari kasi owee barang gohtoen, na.“
Koetika itoe djoega njonja Kek-soen rasaken daranja meloewap lantaran digrembengin tjara begitoe roepa. Ia brenti dahar nasi dan laloe men-djerit-djerit memaki kalang-kaboet, kamoedian lan-tas tinggal masoek ka dalem kamar.
Ban-tjoan djadi merasa amat sengit sama adehnja jang dateng menggretjok.
„Dasaran anak engga maoe mampoes!“ kata ia dengen soera sanget ketoes. „Boekannja toeng-goe doeloe, bolehnja dateng-dateng mengadoeh biroe!“
„Loe adja mampoes kan lebi baek!“ djawab Koei-tjoan jang djoega moelahi djadi sengit.
„Kaloe loe masi brani boekah moeloet lago goea nanti tondjok loe poenja moeka jang tebal karatan!“
„Loe brani katain goea moeka tebal?! Apa loe poenja moeka kabagoesan?! Sekarang adja loe brani begitoein sama goea; tjoba tempo goea masi ada doeit engga oeroengan ko loe bitjara manis-manis?!“
„Eh, kaloe loe engga maoe lantas diam goea nanti kasi bagian djoega sama loe poenja moeka jang dangkalan!“
„Tjoba-tjoba kaloe loe brani!“
Koetika itoe Ban-tjoan merasa tida sanggoep tahan lebi lama lagi ia poenja napsoe amara. Sigra ia angkat kapelannja dan mendjotos meokanja Koei-tjoan. Ia ini lantas menangkis dan bales me-moekoel, hingga achirnja terdjadilah satoe pergoelatan jang nekat antara itoe doewa soedara.
Njonja Kek-soen, jang merasa amat empat hadepken klakoean anaknja itoe, laloe bertreak-treak boeat bikin sedikit legah ia poenja hati.
Koei-tjoan poenja mata djadi bengkak lantaran kenah diadoeh sama kapelan, samantara Ban-tjoan dapet oedjian satoe bendjoel di kapalanja. Sasoeda sang iboe berboeat dengen amat soesa, terbantoe oleh bebrapa boedjang, baroelah pergoelatan itoe achirnja dapet dipisahken.
Ban-tjoan rasaken sekarang jang ia poenja harepan boeat dapet oewang bakal berachir dengen siasia sadja, lantas sadja ia berlaloe.
Djoega Koei-tjoan djadi misti iboekin sadja ia poenja mata jang bengkak. Samantara itoe njonja Kek-soean berdjalan moendar-mandir sabagimana adat kabisahannja, seraja mengotje tida brentinja.
Sasoeda membebat ia poenja mata dengen sepoetangan. Koei-tjoan poen lantas berdjalan pergi, tapi samantara Ban-tjoan, sakaioearnja dari itoe roemah di Tongkangan, lantas balik lagi ka Gang Toegee sama Isa, adalah anak moeda itoe berdjalan loentang-loentang dengen tida taoe maoe menoedjoe ka mana. Ia ambil djalanan ka Pintoe-Ketjil, dimana dengen koenjoeng koenjoeng ia dapet bertemoe pada Boen-san.
„Maoe kamana, Koei-tjoan?“ tanja sobat itoe satjara jang orang biasa seboetken: namanja manis boedi-bahasa.
„Engga, apa loe engga kerdja ini hari?“
„Soeda ampat hari sama ini goea brenti lantaran taukeh baroe ada terlaloe tjerewet.“
„Sekarang low maoe kamana?“
„Maoe poelang. Eh, mentar ada orang maen di roemah goea; kaloe maoe boleh lekas dateng.“
„Maen apa?“
„Maen apa adja; loe maoe engga?“
„Maoe si maoe, tapinja goea sekarang lagi engga ada poenja doeit; kaloe loe maoe kasi pindjem doeloe boleh djoega.“
„Kaloe begitoe loe djangan dateng oeda.“
Bitjaranja Boen-san itoe, jang dioetjapken dengen soera ketoes, adalah bekerdja seperti piso berbisa jang menikam hatinja Koei-tjoan, hingga lantaran amat goesar, dengen tida merasa lagi anak moeda itoe lantas balikin berkata:
„Do baroe sekarang loe bisa kata begitoe!“
„Eh-eh, apa salah goea bilang?-engga ada doeit djangan dateng, sebab maen oetang mana boleh enak!“
„Apa goea kata goea maoe maen oetang?-goea kata djoega kasi pindjem doeloe loe poenja doeit sama goea.“
„Nah ja, goea sekarang engga ada poenja doeit boeat kasi loe pindjem, sebab goea sekarang soeda engga kerdja. Ja, malahan goea sekarang maoe minta goea poenja oewang sama loe.“
„Do, brapa doeit si goea oetang loe?-tjoema djoega doewa perak; sampe begitoe engga pertjaja sama orang!“
„Eh-eh, boekan si kata engga pertjaja; goea djoega sekarang engga senang: sobat tinggal sobat tapi doeit laen kantongnja; doewa perak apa eng-ga loemajan djoega boeat goea tambahin onkost saban hari?“
„Ja, baroe sekarang loe bisa bilang: sobat ting-gal sobat, tapi doeit laen kantongnja; doeloe ko enak adja loe makan goea poenja doeit sapoeloe doewa poeloe perak?“
„Kapannja?“
„Oeda, pendeknja loe troesa berlaga! Apa loe engga inget: pindjem ah sapoeloe, pindjemlah doewa poeloe, tapi kapannja loe taoe bajar?“
„Do matjem keh loe adja bisa pertjaja orang sampe sapoeloe doewa poeloe perak! Djangan kata boeat goea sendiri, boeat oewa Boen-hoei djoega, jang anaknja loe soeda roesakin loe masi maoe maen tarik oerat. Tjoema brapa boelan loe pe-gang loe poenja djandji kasi dia oewang berlandja, habis lantas loe kaloearin perkatahan begini ia, begitoe ia; loe brani engga ngakoeh?“
„Memang betoel, tapi boekan sebab goea takoet kaloear doeit; sebabnja goea taoe itoe doeit loe sendiri jang gegaras enak-enakan!“
„Apa?-loe kata goea jang gegares?“
„Memang, apa loe kira goea engga taoe loe poenja bangsat?“
Broentoeng koetika itoe lantas dateng banjak orag jang memisahken; kaloe tida tentoelah terdjadi lagi satoe perklahian, jang barangkali nanti berachir dengen membikin bengkak poelah Koei-tjoan poenja mata jang laen.
Lantaran orang bergroemoetan, maoe atawa tida toe doewa kenalan lama jang masing-masing soeda bernapsoe amat keras boeat saling gotjo, kapaksa misti poenja mata jang laen.
Lantaran orang bergroemoetan, maoe atawa tida toe doewa kenalan lama jang masing-masing soeda bernapsoe amat keras boeat saling gotjo, kapaksa misti toenda ia poenja rasa penasaran.
Koei-tjoan landjoetken perdjalanannja dengen merasa amat sakit hati. Sebenarnja siapatah djoega nanti tida merasa sengitan dan nekat apabilah ia kenah diperlakoeken seperti itoe anak moeda? Ia katemoe satoe kenalan lama, tapi kenalan itoe boe-kan lantas menaja apa sebab ia ponia mata jang satoe ada dibebat dengen sapoetangan, hanja sigra kaloearken perkatahan jang tida enak, dan perka-tahan itoe telah diotjapken malaekan lantaran ia sekarang soeda tida poenja oewang, soeda tida lagi djadi Koei-tjoan jang kajah!
O, manoesia, manoesia! PENOETOEP
Sabelon kita prenta orang-orang dalem ini tjerita membri selamat tinggal boeat salamanja pada pembatja, lebi doeloe kita maoe adjak pembatja pergi koendjoengin pada bebrapa antaranja, jang kita rasa pembatja tentoe ingin dapet sedikit katrangan, apa jang telah terdjadi dengen marika poenja peng-hidoepan jang paling blakang.
Paling pertama biarlah kita adjak pembatja pergi katemoein pada Hoel-djin dan Bong-loan.
Delapan boelan berselang dari apa jang ditjeri-ken dalem fatsal di atas ini. Koetika itoe doewa orang moeda itoe soeda hidoep seperti soeami dan istri. Kira-kira doewa boelan lamamja marika soe-da tersemboeng dengen tali nikahan. Rasanja ma-doe penghidopean jang manis dan sedap dapet dirasaken oleh arika sampe pada watasnja jang paling pengabisan, kerna iaorang poen ada menjinta betoel satoe sama laen. Samantara Bong-loan poenja broentoeng teroetama soeda terdiri dari pengrasahan trima kasi lantaran sang soeami sanantiasa ada oeroeki ia dengen kabaekan, adalah Hoei-djin poenja broentoeng terdiri dari pengarasa-han senang jang amat kekal. Sabenarnja siapatah djoega nanti tida rasaken dirinja seperti ada di da-lem sorga, apabilah orang broentoeng bisa alamken penghidoepan seperti jang ada didapet oleh itoe anak moeda? Ia poenja batin soetji, jang