Pembalesannja Kawanan Liangsan/Bagian ka ampat/Bab 10
X
Ampat dorna trima oendangan dengen
merasa heran. Lie Eng dan sade-
reknja bikin pembalesan.
Malemnja dari itoe hari, sahabisnja minoem-minoem Jap Bouw balik kombali ka itoe roema kosong tempat di mana ampat persakitan ada bermalem.
Jap Bouw jang memang telah dipesen, meliat lakoenja Tong Koan dan Tjoa Joe ada begitoe roepa, lantas bisa doega jang ini ampat orang lagi penoeh dengen kakoeatiran; tapi soepaja bisa penoehken perdjandjiannja pada Jan Tjeng, maka ia laloe tjeritaken tentang kabaekannja Lie Tjiangkoen dan jang laen-laen.
Baroe sadja iaorang brenti mengomong, itoe oppas jang mendjaga membri taoe, bahoewa di loear ada dateng bebrapa Hohan jang hendak bertemoe.
„Oh, marika tentoe maoe katemoeken Thaysoe dan Djoebit,“ kata Jap Bouw jang lantas kaloear dan adjak orang-orang itoe masoek.
Jang dateng ini adalah Jan Tjeng, Jo Liem Oan Swie dan Touw Hin; jang satelah sampe di roewangan tempat dimana Tjoa Keng dengen kawan-kawannja ada berdiam, Jan Tjeng laloe angkat tangan membri hormat sambil berkata:
„Kerna derger Tjoa Thaysoe bersama Haksoe dengen Tong Djoebit dan Ko Thaywie, dateng di ini kota boeat bermalem,maka Lie Tjiangkoen adaken sedikit perdjamoean dan oetoes kita ber ampat dateng ka mari boeat menjamboet."
„Lie Tjiangkoen bener-bener ada saorang jang herbpadi." kata He Keng sambil membales hor matnja Jan Tjeng: „tapi sajang sekali kita be rampat ada persakitan-persakitan dan manalah brani pergi koendjoengi.“
„Kaloe sampe Lie Tjiangkoen jang dateng oendang,” kata Jap Bouw: „maka tida djadi apa kaloe Asian beraipat pergi katemoeken Sa bentaran,’*
„tentoe Lie Tjiangkoe soeda pernah menerima boedi besar," kata satee penggawe jang djoega ada di itoe roewangan, dengen soeara menjele toek: „maka ia begitoe perloeken prenta orang dateng ka mari boeat mengoendang.”
„Benerlah katamoe, saoet Jan Tjeng: „Lie Tjiangkoen telah menerima boedi besar dengen dapet Thaysoe poenja pimpinan.”
Tjoa Kerig jang tida mendoega soeatoe apa, djadi merasa heran dan menanja pada hati sen diri, pimpinan apatah jang ia telah briken? Apatah boekan itoe orang telah k roe mendoega? Sedeng sabenernja, ia tida kenal.
Tapi ini dorna besar tida kahoeroe berpikir alawa inget-inget lebi djaoe, kerna Jan Tjeng soeda lantas sadja boeroe-boeroe adjak kaloear. Tida lama marika telah sampe di tempatnja Lie Eng, dimana ampat dorna itoe laloe mengadep sambil angkat kadoea tangan membri hormat.
Tjoa Keng dan kawan-kawannja djadi mengkirik, satelah liat banjak Hohan jang doedoek dan berdiri di kiri kanan, dengen mamegang sendjata. Roepanja Lie Eng ada kaliatan angker, semoea mala ia liat ditoedjoeken padanja.
Roewangan itoe terpasang terang dengen lampoe-lampoe, hingga sagala apa bisa kaliatan njata.
Tida djaoe dari itoe tempat ada kaliatan satoe medja perdjamoean, jang membikin hatinja djadi linjap dari kakoeatiran. Kerna kaloe bener datengnja maoe dipersakiti moestail disadiaken arak dengen makanan-makanan jang lesat?
Sasoedanja membri hormat, jang dibales oleh Lie Eng, ampat dorna itoe disilaken doedoek di tempat jang paling tinggi dan marika laloe moelai makan minoem, dengen disertaken djoega tetaboehan jang merdoe.
Tjoa Keng dan kawan-kawannja tida mengarti mengapa dirinja diperlakoeken begini moelia. Sasoedanja minoem satoe gelas Tjoa Keng itoe berkata:
„Kita-orang jang sekarang boleh terbilang ada sabagi boeroeng tida mempoenjai sajap, djadi bikin banjak soeesa pada Tjiang koen sekalian, jang telah adaken ini perdjamoean dengen hormati kita orang sabagi tetamoe agoeng. Djoega kita-orang tida merasa ada berboeat kabaekan apa-apa, jang pantes dapet ini kahormatan dan kemoeliahan?“
Lie Eng tertawa bergelak-gelak, kamoedian berkata:
„Thaysoe jang tjoema berada di bawahnja satoe orang, tapi ada di atasnja berlaksa-laksa menoesia, hingga nama itoe djadi termasoehoer di ampat pendjoeroe boemi dan ampat pendjoeroe laoetan, hingga siapatah djoega jang tida kenal?“
„Kerna soeda menerima boedi besar, maka kita-orang ingin sekali boeat meliat lagi sekali Thaysoe ampoenja roepa, kata poela Lie Eng jang teroesken bitjaranja: tapi Lo Thaywie dan Tong Djoebit, soeda doea-tiga kali kita-orang bertemoe, hal ini Thaywie berdoea Djoebit tentoe belon, loepa, boekan?“
Ko Kioe dan Tong Koan tida dapet perkatahan boeat menjaoet, hanja manggoeti sadja ka . . . Janja beroelang-o elang. Lie Eng berkata lebi djaoe:
„Baginda Thaij-tjouw dengen sabatang golok soeda malang melintang di ini doenia, poekoel sana sini aken djadiken ampatratues lebi kota- kota besar dan ketjil, dengen dapet poenjaken Kangsan berlaksa li djaoenja, diriken karadjahan hingga toeroen menoeroen pada Liatseng (Keizer-keizer jang telah marhoem). Tapi satelah kadoedoekan itoe toeroen pada Keizer Wie-jong, jang sadari moelai bertachta telah angkat Thaysoe sabagi Soesiang, dengen membri kakoeasahan besar dalem oeroesan pamerentahan, kenapatah kota Piankeng jang doeloenja begitoe tegoe, djadi roeboeh dalem sesaat sadja ? Sedeng kadoea Keizer moesti alamken kamelaratan dan maloe jang amat besar, jang laen dari begitoe bilangan Lianghoo semoea terampas oleh moesoe, hingga rahajat negri menampak kasoesahan dan katjilakahan jang boekan ketjil. ― Dan siapatah sabenernja jang ampoenja sala ?“
Ampat dorna itoe tida bisa menjaoet. Satoe pada laen saling mengawasi dengen roepa tida mengarui. Boekantah marika dioendang ka mari ada boeat doedoek makan minoem dalem perdjamoean, mengapa sekarang dimadjoeken ini pertanjahan-pertanjahan jang begini aneh?
„Ka manatah toedjoeannja ini omongan ?“ menaja Tjoa Keng dalem hati, sedeng moloet tida bisa berkata-kata.
Kerna koeatir pembitjarahan itoe aken madjoe leli djaoe dalem oeroesan-oeroesan jang tida diingin, maka Tjoa Keng koetik kawan-kawannja, boeat pamitan poelang.
Baroe sadja maoe oetjapken trima kasi dan hendak berlaloe, Lie Eng telah menjega sambil berkata:
„Doedoek doeloe sabentaran boeat kita omong-omong, toch masa djadi apa. Laen dari begitoe Tjiongwie sakalian brangkali belon kenal pada sasoeatoe orang jang ada di sini. Maka berkenalanlah . . .e.“
Ampat dorna itoe terpaksa doedoek kombali.
Lie Eng laloe bawaken satoe mangkok besar jang berisi arak, kasiken itoe pada Tjoa Keng sambil berkata:
„Thaysoe tentoe belon kenal siapa adanja Lie Eng, ― boattjiang ini boekan laen dari Liangsan poenja Gisoe jang diseboet Pokthiantiauw Lie Eng, jang doeloe telah trima Thaysoe poenja boedi dengen kasi toempangan pertjoema dalem pendjara di kota Tjeetjioe. Kerna dapet toeloengan, maka sakaloearnja dari boei boattjiang laloe bikin pergerakan di Immatjwan dan dengen koernianja Thian, bisa kalaken pasoekan Kim dan sekarang dengen antero barisan dateng ka Selatan boeat tjari Lioe-sioe-tjong-tek, soepaja bisa bantoe sedikit tenaga dalem pergerakan membangoenken negri.“
„Tapi apa maoe di ini tempat bertemoe pada Thaysoe berame, begitoe Lie Eng teroesken perkatahannja: maka boeat ini pertemoehan harep tida ditampik boattjiang poenja soegoehan samangkok arak“
Satelah denger itoe pengakoean dan dapet taoe siapa adanja itoe orang jang diseboet Lie Tjiangkoen, Tjoa Keng dan kawannja rasaken boemi jang ada di bawah kakinja djadi ambles.
Itoe perkatahan ia tida saoeti, hanja dengen toeboeh goemeter ia memandang pada kawan sendiri, moekanja poen djadi poetjet sabagi mait.
Roepanja kaliatan hendak berlaloe.
„Mengapatah Yhaysoe tinggal berdiam sadja ?“ kata poela Lie Eng sambil tertawa: „kita-orang berame jang ada di sini, satoe persatoe hendak persembaken samangkok arak pada Thaysoe, sabagi membales itoe kabaekan dan kamoerahan hati jang doeloe telah djoendjoek. Maka doedoeklah doeloe djangan boeroe-boeroe.“
Tjoa Keng berampat tinggal berdiri sabagi patoeng.
Ong Tjin lantas menghamperi dan sembari mengoeroet djenggotnja jang soeda djadi poeti, ia berkata pada Ko Kioe: „Thaysoe tentoe masi kenalin pada akoe, boekan? ― Jang boekan laen dari Ong Tjin, Kausoe dari pasoekan Gilimkoen, jang lantaran ada dendam sakit hati pada akoe poenja ianhoe, kaoe ada niat aniaja djoega akoe poenja djiwa. Beroentoeng ada Lotjiong Siangkong jang lindoengken, hingga maksoedmoe jang djahat itoe tida terkaboel. Tapi sekarang sasoedanja kita-orang bisa bertemoe, sabe onnja berlaloe harep Thaysoe soeka bikin peritoengan doeloe.“
Ko Kioe tinggal toendoeki kapala dengen tida berkata-kata, hatinja dirasaken ampir tjopot.
Itoe waktoe Tja Tjin lantas berbangkit sambil berkata:
„Akoe ini Siauwsoanhong Tja Tjin, beroema di Henghaykoan bilangan Tjoantjioe, dan dengen kakoeasahanmoe kaoe angkat Ko Kiam sabagi Thaysoe di Kotongtjioe; sedeng In Thian-sek dengen mengandel pengaroe Tjihoenja, soeda kaniaja mati akoe poenja entjek Tja Hong-seng, boeat rampas ia poenja taman boenga, hingga Cuwsoan-ho g Lie Koei jang dapet liat itoe perboeatan tida patoet, djadi amat goesar dan poekoel mati pada In Thayswe, jang mana membikin Ko Kam dengen boeta toeli telah tangkep akoe dan seksa akoe dalem pendjara. Beroentoeng ada Song Kong-beng jang dateng menoeloeng dan bawa akoe ka Liangsan.“ Ko Kioe djadi mengkirik denger perkatahanja Tja Tjin. Kerna menginget perboetannja na jang doeloe-doeloe, tidakah ini orang jang mendjadi toeroenannja Keizer Tja Sie-tjong nanti bikin pembalesan pada dirinja.
„Akoe kira itoe semoea kaoe masi inget dengen baek, boekan ?“ kata poela Tja Tjin: „jang blakangan, sasoeda maloemken perang pada Poei lap, lantaran tida soeka pegang djabatan, akoe soeda poelang ka Tjongtjioe boeat rawati diri. Tapi di itoe tempat kombali kaoe soeda tempat ken Ko Goan sabagi Tietjioe dan dengen menggoenaken oendang-oendang telah koempoelken mas dan perak dengen djalan jang amat tida patoet, dimana kombali dirikoe dikaniajanja dengen tjara amat kedjem. Maka boeat itoe semoea, achir-achir toch kita-orang bisa djoega bertemoe satoe pada laen boeat bikin pentoengan.“
Ko Kioe tinggal berdiam. Moekanja saban-saban djadi poetjet dan mera, lantaran maloe tekoet dan koeatir.
Sasoedanja Tja Tjin bienti berkata-kata, Pwe Soan jang ada di sitoe laloe berkata:
„Dalem ini perojamoean tida ada plesiran apa-apa, maka boeat tambaken kagoembirahan, biarlah akoe pertoendjoeken satoe-doea roepa permaenan.“
Kamoedian Pwe Soan ambil sapasang pedang dan maenken itoe di roewangan terseboet. Kadoea sendjata itoe ia poeter begitoe siam, hingga kaiatannja seperti titiran. Sabentaran berklebat kasana dan sabentar kamari, hingga semoea orang jang menjaksiken djadi gisang dan memoedji tida soedanja.
Tapi Ko Kioe dan Tjoa Keng, tida brani angkat kapala boeat memandang.
Sasoeda djalanken ilmoe pedangnja sadjoeroes, Pwe Soan taro gegaman itoe dan menjanji dengen soeara njaring
„Negri jang besar katimpa bintjana,
Hingga doea Keizer dan rahajatnja terpentjar
kemana mana,
Negri kaloet dan karadjahan moesna,
Moesoe masoek ka dalem kota merampas
isinja astana.
Ini sakit hati rasanja terlaloe kahina,
Menoesoek ka djantoeng laksana pana,
Perdjamoean dihadijken boeat kawanan dorna.
Boeat p saken dirinja dari doenia jang fana.
Doeloe dorna ada berpengaroe besar di sing
gasana,
Tapi sadari Piankeng petja dan negri deket
moesna,
Kakoeasahannja marika poen djato katana.
Sedeng kagoengan terganti dengen
sagala hina.“
itoe penggawe jang djaga persakitan dan tida taoe maksoednja itoe Hohan-hohan, kerna kira bener-bener itoe ampat persakitan dioendang makan minoem boeat senangken hati, laloe madjoe ka depan dan kata: kerna sekarang hari soeda malem, maka baeklah ini perdjamoean ditoetoep sadja. Sebab ampat mantri itoe ada persakitan besar jang dapet poetoesannja Tiauwteng, djangan diadjak plesir terlaloe lama.
„Oh, kaoe tida taoe,“ kata Pwe Soan dengen soeara moerka: „marika ini ada Kantjat jang paling djahat dan telah binasaken kita-orang poenja soedara-soedara angkat, maka sekarang manatah boleh dikasi liwat dengen begitoe sadja ?“
„Tapi persakitan ini ada mendjalanken poetoesannja Tiauwteng?“ kata poela orang jang menganter itoe.
„Akoe perdoeli apa sama Tiauwteng! „membentak Pwe Soan, jang sekarang djadi samingkin goesar: „siapatah jang brani larang akoe poenja kahendak? Djangan kata marika jang memang ada djadi persakitan, maski pembesarnja sendiri akoe tida ambil perdoeli!“
Mendenger itoe perkatahan jang disertaken djoega dengen antjeman, itoe mengarter djadi takoet dan tinggal berdiam sadja sebab pikir tida bergoena banjak bitjara apa-apa.
Sigra djoega Lie Eng prenta orang singkirken itoe medja perdjamoean, dimana tida lama kamoedian lantas terganti dengen medja sembajang.
Satoe boedak lantas sadiaken apa jang perloe Lie Eng dengan sakalian Hohan lantas bersembajang mengadep ka salatan seperti bersoedjoet pada Thaytjouw Boehongte, kamoedian ka oetara pada doea Keizer jang tertawan.
Semoea Huhan satoe persatoe berloetoet, sambil berkata:
„Ampat kawanan dorna jang meroesaki prikesadjatra’an negri dan membikin tjilaka pada rahajat, sekarang telah tertawan. Maka boeat membikin negri djadi aman dan santausa, Sia berame moesti linjapken ini dorna, harep Pihe mendjadi taoe"
Kamoedian ditoelisken nama-namanja orang gaga jang doeloe perna dikaniaja olch Tjoa Keng dengen kawan-kawannja. Pertama Song Kang kadoea: Louw Tjoen-gie, katiga Lie Koei, keampat Liem Tjiong, kalima Jo Tjie dan keanem Hwa Eng; soerat itoe diletak dideket pendoepahan.
Sasoedenja pasang hio dan berloetoet kom ali, dengen soeara jang ampir berbareng itoe sakalian Hohan berkata:
„Tjiongwie Hengte sakatian, dengen hormat: kami berame ini hari telah beroentoeng dapet tangkep soedara-soedara sakalian ampoenja moesoe, jang doeloe telah pitenah dan aniaja dengen lakoe amat kedjem. Hare, Hengte jang sekarang soeda djadi orang aloes, soeka trima ini hadiaän dengen senang hati, boeat ilangken rasa penasaran."
Satelah denger itoe perkatahan, Tjoa Keng, Ko Kioe, Tong Koan, dan Tjoa Yoe djadi mengkirik boeloe badannja. Kerna perkatahannja itoe orang- orang gaga jang lagi bikin sembajangan, marika bisa lantas taoe, bahoewa dirinja maoe didjadiken samseng idoep-idoep boeat sembajangin rohnja kawanan Liangsan jang telah menoetoep mata.
Dengen tida merasa lagi Tjoa Keng berampat lantas hamperi itoe Hohan dan berloetoet sambil berkata:
,Harep Hohan sakalian poenja keadilan dan herkasian pada kita orang jang dengen poetoesannja Tiauwteng telah dihoekoem boewang ka kota Tamtjioe, biarlah kita djalanken sadja hoekoeman ¡toe sapenoehnja dengen menoeroet wet."
Sambil oetjapken itoe perkatahan, matanja ampat dorna itoe mengoetjoer aer tida brentinja.
,,Kaoe minta dikasiani, diampoeni, heu!..." kata Lie Eng dengen soeara menghina: „waktoe kaoe masi berkoeasa dan mamegang djahatan besar, pada waktoe mave keniaja akoe poenja Hengte, apa kaoe ada merasa kasian pada itoe korban korban ?
Tioa Keng tinggal bergoemeter dengen tida bisa menjaoet. Lie Eng prenta orangnja hawaken samangkok besar berisi arak, jang-kamoedian kasiken pada Tjo Keng sambil berkata:
"Maski bagimana djoega, akoe inget betoel Thaytjouw poenja oendang-oen lang fatsal katiga, jang ada melarang menghoekoem mati pada ambtenaar-ambtenaar besar dengen menggoenaken sendjata tadjem. Djoega lantaran doeloe kaoe telah boenoe Kong-beng Koko dengen menggoenaken arak beratjoen, maka boeat kaoe poenja kamatian akoe tida mengdenaken la dari pada begitoe djoega, jaitoe toeroet kane poenja toeladan. Sakarang trimalah dan minoem sampe kering ini arak jang tertjampoer toebah"
Tjoa Keng bersama anaknja, Tong Koan bersama Ko Kioe, jang memang masi kepingin idoep, kendati dipaksa beroalang-oelang, tapi tinggal membandel tida maoe trima, hanja menangis dengen sedi sembari minta-minta ampoen
Marika poenja perboeatan bentahan itoe soeda membikin semoea Hohan jang ada di sitoe djadi amat mendongkol dan tida saharan aken tinggal liati sadja. Hanja rame-rame lantas hamperi dan doea orang pegang satoe dorna, sedeng satoe pegang mangkok dan tjekoki isinja ka moeloet masing-masing.
Achir-achit itoe minoeman jang tida di-ingin katelan djoega.
Tida lama kamor dian rajoennja arak itoe bekerdja di dalem peroet, hingga ampat dorna itoe pada menggelisahan sambil bertreak, meriti dan menekan-nekan peroet sendiri. Matanja mendelik-delik dan roeboe sambil kaklodjoan.
Semoea Hohan pada mengawasi sambil tepok tangan, seperti orang menonton pertoendjoekan loear biasa.
Itoe oetoesan jang mendja di kawannja Jap Bouw dan masi aja di itoe roewangan, satelah liat semoea persakitan jang di-iringken olehnja, paja menggletak di lantei dengen tida bernjawa, djadi poetjet seperti mait.
,,He, mengapatah kaoe boleh begitoe katakoetan ?" kata sala satoe dari itoe Hohan-hohan: ,,apa jang kita-orang berboeat, itoelah tjoema satoe pembalesan pada itoe dorna-dorna, sedeng kaoe jang tida bersala, troesa djadi takoet sampe begitoe?"
Bener, tapi....." kata oetoesan i'oe dengen perkatahan jang dikaloearkennja:,,dengen binasanja itoe ampat persakitan, kita djoega boleh dapet sala, kerna soeda tida mendjaga hati-hati."
„Oh, itoelah kaoe troesa takoer," kata Lie Eng sambil tertawa:,,bilang sadja pada pembesarmoe, jang itoe ampat dorna di djalannan telah katemoe pada kawanan Liangsan, jang lantas tangkep dan abisken djiwanja, sedeng kaoe boleh tida oesah tjapeken kaki boeat pergi ka kota Tamtjioe jang dari sini masi ada delapanriboe li djaoenja?“
Kamoedian oetoesan itoe dibriken doeapoeloe tail perak boeat ongkosnja poelang, hingga maoe atawa tida, terpaksa pengiring itoe trima djoega sembari oetjapken trima kasi.
Jan Tjeng djoega tida loepa kaloearken oewang boeat dikasiken pada Jap Bouw, jang esoknja fantas berangkat bersama-sama itoe kawan.
Itoe waktoe soeda ampir pagi. Semoea Hohan ada kaliatan girang, kerna soeda bisa bikin satoe pembalesan jang menjenangken betoel pada hatinja. Lebi doeloe dari ini, marika tida kira bisa bertemoe dan lakoeken pembalesan pada Tjoa Keng, Ko Kioe, Tong Koan dan Tjoa Yoe, dengen tjara begitoe gampang.
Waktoe matahari ampir terbit, pengawal dateng membri taoe, bahoewa di loear Tee Tjong jang pergi serepin kabar, telah balik kombali.
Lie Eng djadi girang dan silaken soedara itoe masoek.
Tee Tjong lantas membri taoe, bahoewa Tjong Lioe-soe telah wafat, samantara Touw Oen soeda tinggalken kota Piankeng aken poelang ka kota Hoaysee; sekarang Kim Boe-toet ada bawa ba- risanja dan ampir sampe di kota Kiankong.— Demikianlah adanja itoe warta, jang diprenta tjari taoe.
Mendenger ini lapoeran Lie Eng dan sadereknja djadi seperti orang kasima. Sakean lama marika tinggal berdiam dengen tida berkata-kata, kerna tida taoe ka mana sekarang marika moesti pergi, kerna orang jang hendak ditoendjang soeda tida ada di itoe kota.
Lebi djaoe Tee Tjong tjeritaken tentang perdjalananja di waktoe balik, dimana ia telah bertemoe pada Bok Tjoen, jang lantas kasi taoė: bahoewa Wie Siauw-tjit, Soen Liep dan jang laen-laen semoea ada berkoempoel di Tenghoen-san, dimana Bok Tjoen soeda adjak djoega ia pergi ka itoe goenoeng, aken berkoempoel pada itoe sakalian Hengte.
Tapi satelah ia kaşi tape, tentang perdjalanannja, Bok Tjoen soeda kasi pikiran soepaja Hengte dari Immatiwan dateng sadja ka Tenghoensan boeat berkoempoel. Bok Tjoen itoe kata: kadatengannja ini soedara-soedara tentoe bakal di trima dengen girang hati.
„Djika menoeroet akoe poenja pikiran,“ begitoe Tee Tjong teroesken bitjaranjas sasoenggoenja ada baek sekali kita pergi ka sana, kerna itoe goenoeng jang terletak di tempat soenji, toe ada soesa boeat Kim Boe toet datengi.
Lie Eng tida bisa lantas ambil poetoesan, hanja roendingken ini perkara pada satoeroenja. Satelah semoea Hohan menjataken satoedjoe, baroelah ia bikin pasoekan itoe djadi tiga dan berangkat djalan.
Sigra djoega pasoekan itoe berdjalan dengen tjepet, dan waktoe matahari ampir silem, barisan itoe telah sampe di Tongtjianghoe.
Tee Tjong jang djalan lebi doeloe sabagi djoeroe kabar, lantas dateng membri taoe: bahoewa Kim Boe-toet poenja barisan depan soeda ampir sampe, dan kaloe itoe panglima Kim dapet liat pasoekan Immatjwan, tentoe djadi pertempoeran.
„Baek kita menjingkir, sebab kita toeh tida maoe bertempoer boeat jang tida bergoena,“ kata ia lebi djaoe.
Lie Eng toeroet itoe advies dan prenta barisannja ambil laen djalanan, dan itoe waktoe hari soeda djadi gelap. Kerna salaennja matahari telah silem, djoega langit ada mendoeng.
Tapi koenjoeng-koenjoeng laen djoeroekabar dateng membri taoe, bahoewa orang Kim poenja pasoekan telah sampe. hingga barisan Immatjwan soeda tida kaboeroe boeat menjingkir dengen beres. Atas prentanja masing-masing poenja kapala, liauwlo-liauwlo itoe pada berpentjaran ka sana sini dan boebar dalem tempo sakedjeb, hingga barisannja Kim Boe toet tida dapet taoe,
Besok pagi sasoeda pasoekan Kim berlaloe, rahajat lemmatjwan jang kamaren berpentjar lantas berkoempoel kombali. Waktoe dipreksa, njatalah doearatoes liauwlo soeda ilang bersama doea panglima jang kapalaken barisan itoe.
Lie Eng djadi kaget dan tanja, siapa adanja panglima jang ilang itoe.
„Tjhie Seng dan Houw-jan Giok,“ saoet orang ang melapoer.
Lie Eng djadi sanget koeatir dan lantas tahan balatentaranja, aken prenta orang tjari itoe doea panglima jang linjap. Tapi Houw-jan Tjiak menjega sambil berkata:
„Samalem toeh tida ada pertempoeran apa-apa, djadi maski doea orang itoe linjap, tentoe masi ada di dalem slamat dan tida koerang satoe apa, maka tida perloe ditjari dengen tahan madjoenja tentara. ― Ini tempat boekan satoe pangkalan jang bagoes, dimana kita-orang boleh taro tentara Maka baek berdjalan sadja teroes, kerna itoe. anak-anak toeh bisa menjoesoel kita poenja djalan, boekan ?“
Mendenger katerangannja Houw-jan Tjiak, Lie Eng rasa betoel djoega, maka waktoe barisan jang di blakang sampe, pasoekan itoe lantas berdjalan kombali.
Ka manatah perginja itoe doea panglima, inilah haroes kita tjari taoe.