Pembalesannja Kawanan Liangsan/Bagian ka ampat/Bab 11

by Tong Th. Fuctriorider

XI

Tjhie Seng berdoea Houw-jan Giok me-
nampak bebrapa kasoekeran jang
ampir membinasaken djiwa.

Sabagimana telah dibilang, waktoe sampe di itoe tempat oedara ada amat gelap, hingga satoe pada laen tida bisa kenalin kawan sendiri.

Houw-jan Giok dan Tjhie Seng jang diprenta boeroe-boeroe menjingkir, soeda kasalahan masoek dalem pasoekan Kim jang dikapalaken oleh Ouw Oh-ma, sala satoe panglima jang bekerdja di bawah prentanja Kim Boe-toet

Waktoe soeda terang kombali, baroelah Ouwe Oh-ma dapet taoe, hingga ia djadi amat girang dan prenta soldadoenja tangkep boeat dihadepken padanja.

Ouw Oh-ma lantas preksa dan tanja, siapa adanja ini doea panglima dan kenapa marika boleh masoek ka dalem barisan Kim, apa brangkali marika ada mempoenjai niatan-niatan djahat.

Sabelonnja Tjhie Seng boeka soeara, Houw-jan Giok lantas doeloein menjaoet: bahoewa ia doea soedara ada bernama Thio Liong dan Thio Houw, orang dari Hopak dan poetra dari Thio Tek-kong jang ada memangkoe djabatan Tjeng-peng-ma Tjongkoen.

„Thio Tek-kong?“ kata, Ouw Oh-ma jang mengoelangken itoe nama: „kaloe kaoe poenja ajahada bekerdja pada Tjee-ong, djadi tida ada bermoesoe pada kita, sedeng bermoela akoe kira moesoe jang masoek dengen semboeni.“

Houw-jan Giok berdoea Tjhie Seng menengok di sakoelilingnja ada banjak pahlawan dan soldadoe-soldadoe, tapi semoea masi begitoe moeda-moeda, jang kaliatannja brani dan gaga perkasa. Hingga ia merasa heran, bagimana dalem ini barisan tida ada kaliatan saorang jang beroemoer lebi dari doeapoeloe doea atawa doeapoeoe tiga taon.

Sasoenggoenja djoega dalem ini barisan memang semoeanja ada soldadoe-soldadoe pilihan dan pasoekan itoe dikasi nama Heng-tjiong-eng, jaitoe pasoekan orang-orang moeda jang brani mati dan djoemblanja kira-kira ada limaratoes ofang. Maka tida heran kaloe Ouw Oh-ma djadi girang waktoe liat kadoea orang tawanannja itoe ada doea panglima moeda, lebi lagi poetranja satoe panglima jang bekerdja pada Tjee-ong.

Ouw Oh-ma mengawasi sakoetika lama, ia liat doea-doeanja ada tjakep dan gaga. Maka ia lantas tanja: „Kaloe ajahmoe bekerdja pada Tjee-ong, kaoe tentoe soeka djoega bekerdja dalem ini pasoekan, boekan ?“

„Tentoe sekali,“ saoet Houw-jan Giok, jang rasa tida bisa mendjawab laen dari begitoe, soepaja rasianja berdoea tida terboeka.

Ouw Oh-ma djadi girang dan tanja lebi djaoe marika itoe biasa bergegaman apa Satelah Houw jan Giok dan Tjhie Seng kasi taoe pekakasnja, panglima itoe laloe prenta soldadoenja bawaken sapasang Pian boeat Houw-jan Giok dan toembak boeat Tjhie Seng.

Kadoea soedara ini laloe djalanken gisiauwnja satoe persatoe, jang dipandang oleh Ouw Oh-ma dengen girang. Sasoeda kadoeanja itoe brenti itoe panglima lantas memoedji dengen soeara, bangga, jang katanja: benerlah marika itoe toeroenan kapala perang.

Kamoedian ia tawarken djabatan Siauw-hoei-kie boeat dipangkoe oleh masing-masing, jang maoe atawa tida, Tjhie Seng berdoea moesti trima, soepaja tida membikin orang poenja hati djadi tjoeriga.

Di sitoe Ouw Oh-ma lantas kasi taoe, jang marika dipakerdjaken dalem ini barisan, dimana semoea soldadoe dan pahlawannja ada . . ., dari orang-orang moeda jang salaennja gaga perkasa, djoega brani mati. Maka boeat sekarang, sabagi permoelahan doea pahlawan ini dibriken sadja doeloe pangkat Siauw-hoei-kie, tapi kaloe kamoedian bisa dapet gandjaran, troesa koeatir pangkatnja tida dinaekin,

Tjhie Seng dan Houw-jan Giok memanggoet dan trima pangkat jang diserahken padanja.

„Tapi kaoe mengarti, bahoewa dalem ini barisan, orang moest bekerdja dengen soenggoe hati,“ kata itoe panglima Kim dengen soeara manis, tapi mengantjem: „djangan sekali kaoe minggat, sebab sasoeatoe pelarian jang tertangkep kombali aken dihoekoem tabas.“

Houw-jan Giok oetjapken bebrapa perkatahan enak, jang membikin Ouw Oh-ma tida merasa tjoeriga. Kamoedian marika laloe pergi ka tangsi aken lakoeken kawadjibannja

Maski doea soedara ini kaliatannja bekerdja dengan soenggoe hati, toch di waktoe ada berdoeahan iaorang berempoek boeat tjari djalanan minggat. Soepaja tida membikin orang pasang mata, pada sakalian soldadoe dan kawan-kawan sadjabatnja, Houw-jan Giokk berlakoe manis hingga semoea orang djadi soeka betoel padanja.

Sabagi satoe panglima jang teliti, maka esokannja waktoe ia trima boekoe nama-nama orang jang ada bekerdja di bawah prentanja, Houw- Jan Giok lantas seboetken sasoeatoe nama, dan orang jang dipanggil itoe laloe mengadep satoe persatoe. Sampe achirnja dapet dipanggil namanja Song. An-peng, jang lantas dateng mengadep sabagimana jang laen-laen.

Houw-jan Giok liat orang ini berparas sedi, kaloe diljat matjemnja, ia boekan moesti ditempatken dalem pakerdjahan militair. Tapi sebab itoe waktoe ada banjak orang, maka ia tida maoe tanja lebi djaoe, tapi dalem hatinja ada doega, jang ini orang dipakerdjaken di sini tentoe boekan dengen kahendaknja.

Sabentar lagi sasoedanja abis mamereksa, Houwjang Giok laloe panggil itoe orang jang bernama Song An-peng dan tanja padanja, di mana ia poenja asal, brapa lama telah bekerdja dalem ini pasoekan dan gegaman apa jang ia biasa pake.

Pertanjahan itoe dibikin berdoea-doea sadja: Song An-peng laloe menjaoet dengen roepa sedi, bahoewa ia tida sekali mempoenjai pengartian dalem ilmoe silat. Kerna sadari ketjil ia tjoema peladjarin sadja soerat, kaloe bikin karangan atawa sair, itoelah ia bisa, boege sedikit poen tida mengarti.

„He, bagimana boleh begitoe ?“ tanja Houwjan Giok dengen heran: „kaloe tida bisa gisiauw, mengapatah kaoe masoek dalem pekerdjahan militair?“

„Kita bekerdja di sini boekan dengen soeka sendiri,“ saqet An-peng, jang dengen liat roepanja ini pahlawan, seperti dapet ilham jang dirinja bakal tertoeloeng oleh ini orang. Maka dengen, tida merasa kaberatan ia laloe tjeritaken satoe persatoe bahoewa ia telah loeloes dalem oedjian Tjinsoe jang katiga; tapi belon mamegang pangkat. Waktoe kota Piankeng petja, terpaksa ia moesti ka- Joear dari itoè kota dan poelang ka doesoen-sen- diri bersama brapa pengiring. Tapi di tenga djalan ia katemoe. soldadoe Kim jang lautas tangkep dan bawa pada Ouw Oh-ma, jang laloe dimasoeki ka dalem ini barisan.

„Waktoe tertangkep, akoe tida taoe ka mana perginja pengiring-pengiringkoe,” kata poela Song An-peng: „sampe sekarang soeda kira-kira sapoeloe hari akoe berdiam dalem ini barisan, dimana akoe beroentoeng bisa katemoe pada Tjiang koen.“

„Di mana kaoe poenja doesoen, dan siapatah ajahmoe ?“ tanja poela Houw-jan Giok.

„Akoe tinggal di doesoen Song-ke-tjoen, jang termasoek dalem bilangan Koen-siang-koan,' saoetnja sastrawan itoe: „ajahkoe bernama Song Tjheng.“ H ouw-jan Giok berdiam, kerna sekarang ia mengarti: bahoewa orang moeda ini ada tjoetjoe- nja Song Kang.

Tjhie Seng jang belon pernah denger itoe nama, tida mengarti kenapa ini soedara bikin itoe pertanjahan-pertanjahan jang tida ada pentingnja, Tapi Houw-jan Giok jang taoe bagimana pikirannja ini soedara moeda, laloe kasi mata boeat toetoep moeloet. Kamoedian, sasoedanja ditanja laen-laen oeroesan, Houw-jan Giok, lantas ambil poetoesan boeat toeloeng, dan sekarang Song An-peng itoe dipakerdjaken sadja dalem oeroesan boekoe dan disoeroe tinggal bersama-sama.

Song An-peng mengoetjap banjak trima kasi dan bersoekoer dalem hati, jang dirinja dikasi pakerdjahan enteng. Tapi sabegitoe djaoe Houw-jan Giok belon njataken niatnja atawa kasi taoe tentang oeroesannja. Kerna ia rasa sekarang belon waktoenja boeat membri taoe rasia sendiri.

An-peng laloe oendoer dari hadepannja itoe Tjoetjiang baroe.

„Kaoe kaliatannja ada berlakoe aneh pada itoe orang, Koko," kata Tjhie Seng sambil tertawa.

„Pelahanan sedikit bitjara," kata Houw-jan Giok sembari gojangi tangan. Kamoedian ia tjeritaken siapa adanja itoe Song An-peng, jang sasoenggoenja amat kasian sampe sastrawan itoe terdjato ka mari.

Mendenger begitoe, baroelah Tjhie Seng mengarti doedoeknja perkara.

Kamoedian doea soedara ini berempoek boeat toeloeng pada itoe orang moeda. Sabentar malem marika maoe njataken siapa adanja marika berdoea poenja diri, dan njataken djoega maksoed nja, soepaja An-peng tida merasa koeatir.

„Itoelah betoel," kata Tjhie Seng.

Sorenja dari ifoe hari, sasoeda semoea soldadoe dan pahlawan-pahlawan balik ka tempat sendiri, Song An-peng djoega balik ka tempat dimana itoe doea Tjoetjiang ada berdiam. Di sitoe Houw-jan Giok lantas panggil dan silaken doedoek.

Bermoela Song An-peng tida brani, tapi satelah dipaksa dan Tjhie Seng kata ada apa-apa jang maoe dikasi taoe, maka An-peng lantas doedoek di sampingnja itoe orang jang djadi ia poenja chef.

„Apa kaoe kanal siapa adanja kita berdoea?" tanja Houw-jan Giok.

„Ja, rasanja akoe pernah liat," saoet, n-peng: tapi loepa di mana dan di waktoe kapan telah bertemoe."

„Akoe ini jalah Siangping Houw-jan Tjiak poenja anak, jang bernama Houw-jan Giok," kata itoe orang moeda jang kenalken dirinja. — Kamoedian sambil menoendjoek pada Tjhie Seng ia terbesken perkatahannja:

„Ini ada akoe poenja soedara angkat, nama Tjhie Seng, poetranja Kim-tjio-tjioe Tjhie Leng, djadi kita ini masing-masing poenja ajah, doeloe ada Hohan di Liangsan, Hengte dari almarhoem Song Kong-beng.“

Song An-peng djadi kaget jang tertjampoer girang. Kamoedian Houw-jan Giok teroesken bi- tjaranja, dimana ia toetoerken satoe persatoe bagimana sekarang ajahnja ada berkoempoel di lemmatjwan dan bagimana lantarannja maka ia djadi bekerdja di ini pasoekan orang Kim.

„Djadi maski sekarang kita berdoea ada memegang djabatan Siauw-hoei-kie, tapi kita poenja maksoed jang sabenernja adalah boeat tjari djalan aken lolosken diri,” kata poela ia: „tadi siang lantaran meliat Songheng poenja roepa, dengen tida ada satoe sebab akoe merasa ama katarik. Dan satelah dapet taoe siapa adanja kaoe, akoe telah ambil poetoesan boeat menoeloeng”

An-peng menjataken ia poenja girang dan hatoerken trima kasi. la kata: ia djoega waktoe ljat Houw-jan Giok berdoea Tjhie Seng, dalem hati seperti ada orang kasi taoe; jang dirinja bakal dapet toeloengan dari ini doea panglima; maka djoega waktoe ditanja ia telah tjerita dengen sabener-benernja.

Permoefakatan boeat lari laloe dibitjaraken Tapi sebab Song An-peng ada satoe sastrawan jang berbadan lemah, maka ia tida bisa berboeat laen dari mengharep orang poenja pertoeloengan Pada esoknja H. uw-jan Giok pergi ka blakang aken mamereksa orang piara koeda. dima- ha la dapet liat ada doea keda besar dan bagoes. Jang satoe berboeloe poeti dan jang laen itam. Waktoe meliat itoe heiwan, orang moeda ini tjoema memoedji, jang ini doea koeda betoel ada bagoes.

Kadoea koeda itoe satelah meliat pada Song An-peng dan Houw-jan Giok, lantas berbenger seperti lakoenja orang kagirangan, sedeng kakinja lantas berdjingkrak-djingkrak.

Tapi katiga orang moeda itoe, jang tida mengarti maksoednja itoe heiwan dan djoega koe- rang mengarti dalem hal meliat koeda, sasoedanja meliat-liat lantas berlaloe.

Itoe koeda sabenernja boekan sadja koeda bagoes, tapi djoega ada termasoek dalem golongan binatang jang baek dan kenal toean.

Koeda jang poeti ada kaloearan dari Se-hoan dan diseboet Tjiauw-ya-giok-soe-tjoe, doeloe ada djadi Soe Boen-kiong poenja toenggangan. Blakangan sasoeda Soe Boen-kiong binasa di tangannja Louw Tjoen-gie, ini binatang jang baek diambil oleh itoe Djiko dari Liangsan, jang kamoedian djadi miliknja Song Kong-beng.

Sedeng jang berboefoe itam ada bernama Thiswat-ouw-tjoe-ma, dan doeloe ada djadi toeng- gangannja Houw-jan Tjiak, satoe pembrian dari Keizer Song, jang waktoe prenta ini panglima pergi poekoel Liangsan.

Blakangan, sasoedanja kawanan Liangsan menaloek pada Tiauwteng, ini doea koeda toeroet di bawa bersama-sama ka kota Radja, dan Tong Koan jang liat itoe koeda baek, lantas prenta orang pergi tjoeri, kerna dorna itoe poen memang amat seraka.

Song Kang jang baroe menacek, maski taoe linjapnja itoe doea koeda telah ditjoeri oleh Tong Koan, tapi ia tida brani tarik pandjang, sebab dorna itoe poenja pengaroe amat besar. Sadari itoe waktoe sampe sekarang, soeda melaloei tempo sakean lama. Tapi bagimana kadoea koeda itòè sekarang djato di tangannja orang Kim, itoelah tida ada jang taoe.

Sedeng orang-orang jang mengenal itoe koeda, telah loepa sama itoe heiwan, tapi ini doea binatang jang mengarti dan kenal toean, lantas berdjingkrak-djingkrak satelah meliat itoe orang moeda.

Salagi Houw-jan Giok djalan-djalan ka istal, Kim Boe toet poenja pasoekan soeda sampe ka Tjeetjioe; tapi sebab ia taoe jang kota itoe ada terdjaga oleh Thio Souw, satoe panglima jang gaga perkasa, maka ia tida mace ganggoe dan lantas poeter pasoekan itoe ka Hoaysee, sedeng satoe laskarnja ia prenta panggil Ouw Oh-ma boeat diadjak berempoek.

Ini panglima tida brani ajal, hanja sasoeda membri pesenan pada Tjhie Seng berdoea Houw- jan Giok, ia lantas berangkat.

Kadoea Siauw-hoei-kie itoe djadi amat girang satelah dapet taoe jang chefnja hendak pergi ka tempat djaoe, dengen tinggalken padanja.

„“Hm, achir-achir dateng djoega itoe waktoe jang baek, boeat kita-orang berlaloe dengen zonder dapet halangan,“ kata Houw-jan Giok pada Tjhie Seng: sekarang tinggal kita tjari oewang boeat ongkos: djalan.“

Bagimana Koko pikir boeat dapetken oewang?“ tanja Tjhie Seng. aga seedi Houw-jan Giok laloe bisiki apa jang telah dipikir, hingga Tjhie Seng jang denger djadi girang. Kerna tipoe jang maoe dilakoeken itoė, salaen menjenangken hatinja orang-orang jang kaloear doewit, djoega djadi bisa menoeloeng pada orang jang lemah.

Sasoedanja berdami, kadoeanja itoe doedoek di kantorannja, sarajah koempoelken sakalian orang-orang jang di bawah prentanja.

„Dengen prentanja Soe-thay-tjoe akoe dibri koeasa boeat preksa dan lepasken orang-orang moeda jang ternjata ada berbadan lemah, boeat kaloear dari ini pasoekan,“kata Houw-jan Giok sembari kaloearken papan Bokkiap, saroepa dedengendengen apa jang doeloe Jan Tjeng dapet, dan djoega djadi ternjata, jang di fihak Kim poenja Leng-tjiam boeat sagala påkerdjahan, tida ada berbedah satoe dari laen.

„Tapi sabelonnja kaoe berangkat, haroeslah lebi doeloe tinggalken oewang menoeroet kaoe masing-masing poenja kakoeatan,” kata poela itoe panglima:„sasoeatoe orang jang maoe kaloear haroes toelis namanja dan seboet brapa besar bewang jang ditinggalken, soepaja akoe boleh bikin rapportnja.”

Semoea orang jang ada di sitoe, djadi amat girang. Djangan kata jang berbadan memangnja lemah, kendati jang koeat poen, satelah denger begitoe, lantas mengakoe sakitan dan sabaginja dan lantas sadja kaloearkan oewangnja, menoeroet sabagimana jang dibilang oleh Houw-jan Giok.

Sasoeda taro itoe oewang dan toelis namanja, masing-masing lantas pada boebar dan sabentaran sadja di atas medja soeda ada kira-kira limapoeloe tail perak, jang tjoekoep boeat dipake ongkos menjoesoel barisan lemmatjwan ka djoeroesan Teng-hoensan.

Koetika itoe dalem ini pasoekan soeda djadi sepi dan Houw-jan Giok laloe panggil toekang koeda, boeat minta lantas disadiaken tiga koeda, boeat menjoesoel Ouw-Oh-ma.

Toekang koeda kata, koeda toenggang memang ada sadia, maka ia silaken Houw-jan Giok preksa sadja sendiri jang mana disoeka, ia nanti selaken.

Katiga orang moeda itoe lantas pergi ka istal dan Houw-jan Gok ambil itoe koeda boeloe itam, Song An peng ambil jang boeloe poeti, sedeng Tjhie Seng ambil koeda Ngo-hoa-tjong, djoega satoe koeda baek jang tida bedah seperti itoe doea koeda doeloean.

Sasoedanja dipasangken sela, katiga orang moeda ini laloe pesen sedikit perkatahan pada bebrapa orang jang masi ada di sitoe, kamoedian ia petjoet koedanja seperti terbang.

Perginja itoe doea Siauw-hoei-kie bersama Song An-peng, tida sekali menerbitken tjoeriga apa-apa. Kerna waktoe si toekang koeda pasangken sela, Houw-jan Giok soeda oendjoeki itoe papan pertandahan jang ia dapet dari Ouw Oh-ma boeat mendjalanken prenta-prenta dalem ini pasoekan.

Dalem sedikit tempo katiga orang itoe telah sam pe di satoe tempat jang boleh dibilang djaoe djoega. Di sini marika tahan koedanja dan kasi djalan dengen pelahan, sambil lemparken itoe pakean Siauw-hoei-kie jang menempel di badannja.

Marika beromong-omong dengen girang, jang dirinja, bisa terlepas dari ini bahaja.

Berdjalan lagi bebrapa li marika katemoe djalan ketjil, kerna itoe waktoe peroetnja merasa lapar, maka Tjhie Seng laloe menoedjoe ka satoe djoe- roesan dan berkata: ,,Itoe di depan ada satoe doesoen, maka baeklah kita lariken biar sedikit kentjeng, soepaja bisa lekas sampe dan tjari satoe roema makan."

Houw-jan Giok dan Song An-peng toeroet itoe perkatahan dan teroes lariken koeda itoe dengen kentjang, jang tida lama bener telah sampe di depan waroeng arak, dimana marika laloe toeroen dan iket masing-masing poenja koeda di depan.

Tjhie Seng prenta djongos sadiaken makanan jang enak bersama arak boeat tiga orang poenja makan. Prenta ini dilakoeken dengen tjepet, jang tida lama kamoedian djongos itoe bawa kaloear samangkok besar daging reboes, satoe pinggan bakpauw dan bebrapa pirang daging masak, jang tertjampoer dengen daging kambing dan ajam.

Baoenja makanan-makanan itoe amat sedap dan membikin terboeka napsoe, maka Houw-jan Giok laloe toewang itoe arak ka tjawan jang memang telah sadia.

Marika makan dengen enak. Sapandjang dahar itoe tida sempet boeat beromong-omong, kerna peroet amat lapar. Sasoeda arak jang botol pertama abis, baroelah diminta lagi satoe botol arak dan tamba sapiring daging reboes.

Itoe djongos lantas membri taoe, bahoewa arak jang sekarang masi ada, tjoema arak jang lebi keras. Kerna arak jang sedeng, tjoema itoe sadja satoe botol. Dan kaloe boleh ia nanti bawaken. „Keras atawa tida keras, djoega boleh," kata Tjhie Seng: „lekaslah bawa ka mari, soepaja akoe boleh tjoba, sampe di mana kerasnja arakmoe itoe." Itoe djongos berlaloe, tida lama ia kaloear kombali bawa itoe arak jang diminta.

Tjhie Seng laloe toewang ka gelasnja, jang lantas ditoeroet oleh Houw-jan Giok dan Song An-peng.

Tapi baroe sadja arak jang blakangan ini diminoem kering, katiga orang moeda itoe rasaken kapalanja djadi berat, matanja berkoenang-koenang, sedeng kaki tangan djadi merasa dingin, hingga keringet dingin laloe mengoetjoer.

Liwat sasaät katiga orang itoe. soeda tida bisa mengomong, hanja tinggal bersender di atas korsi. Sedeng itoe djongos jang liat tetamoenja semoea soeda seperti bangke, laloe panggil kawannja jang ada di dalem, boeat toenioen itoe tiga ekor koeda jang ada tertjangtjang di loear roema.

,,Ini hari kita-orang dapet oentoeng besar," kata itoe djongos:,,selaennja itoe tiga toenggangan jang bernarga mahal, djoega dalem sakoenja ini sala satoe orang, banjak oewangnja.

Sasoeda ambil oewangnja Houw-jan Giok, djongos itoe lantas prenta kawannja angkat-angkatin itoe piring mangkok jang bekas barang hidangan. Tapi itoe waktoe djoega dari sebla dalem kaloear saorang lelaki jang beroesia kira-kira tigapoeloe taon, menghamperi pada itoe tiga korban, sambil mengawasi.

,,Roepanja seperti orang baek-baek," kata orang itoe sambil manggoet-manggoet. Dan boleh djadi ia ini ada mendjadi kapala dari itoe kawanan kampak jang menjaroe djadi toekang roema makan.

Kamoedian sambil berpaling pada si djongos jang tadi, ia pesen ini tiga orang djangan dibinasaken djiwanja.

Itoe djongos memanggoet dan bawa korbannja, jang lantas direbahken di satoe tempat sebla dalem dari itoe roewangan.

Siapatah adanja itoe orang?

la ini boekan laen dari Koen Ko, jang doeloe pernah korek Phoa Kim-lian dan Se Boen-king poenja peiboeatan-perboeatan djahat dan boesoek, hingga Boe Siong dapet alesan boeat toeroen tangan linjapken djiwanja doea orang itoe. Perboeatannja Koen Ko di itoe waktoe ada terpoedji, kerna ia poen ada teritoeng orang-orang gaga dan djoedjoer.

Sadari doeloe Koen Ko memang biasa mendjoealan. Tapi blakangan, lantaran terbit hoeroe hara, ia tida bisa berdagang lagi. Kabetoelan itoe waktoe ia bertemoe pada Kang Tiong, saorang jang doeloe mendjadi Liangsan poenja Siauw-thau-bak, dengen pakerdjahan mengoeroes ramsoem. Tapi sadari Song Kang poenja soedara-soedara menaloek pada Tiauwteng, Kang Tiong jang soeda beroesia toea lantas poelang ka kampoeng sendiri, dengen oesahaken pertanian. Blakangan waktoe Keizer dapet taoe djasanja Song Kang dengen sakalian Hengte-nja, maka Baginda laloe prenta orang diriken satoe klenteng di goenoeng Liangsan, dalem mana ada ditaro patoengnja 108 orang gaga jang ada berpahala pada negri.

Kang Tiong jang denger itoe kabar, berhoeboeng terbitnja hoeroe-hara jang blakangan, lantas dateng ka ini goenoeng dan tinggal teroes dalem klenteng terseboet, boeat merawat itoe gredja sebagi satoe padri, aken membales Song Kong-beng dan laen- laen Hohan jang doeloe hari telah oendjoek kabaekan padanja.

Sasoedanja tinggal sedikit waktoe, Kang Tiong koempoelken orang-orang penganggoeran, antara mana ada teritoeng djoega Koen Ko, jang kamoedian diprenta boeka satoe waroeng arak di moeloet djalanan Liketo, deket Liangsan, menoeroet toeladannja Tjoe Koei doeloe hari, aken goena serepin soedagar-soedagar jang liwat di itoe tempat. Bila orang-orang hartawan atawa soedagar besar jang mampir di sitoe, sigra djoega disoegoeken arak jang tertjampoer obat tidoer, hingga orang jang minoem itoe pasti aken djadi seperti mait.

Demikianlah telah terdjadi dengen Houw-jan Giok, Tjhie Seng dan Song An-peng.

Marika itoe masi terletak dengen tida inget orang. -Koen Ko satelah dateng menghampirken dan liat roepanja itoe tiga tetamoe, laloe mengawasi sakoetika lama. Sataoe lantaran apa, achirnja ia merasa koeatir jang ini tiga orang nanti djadi tjilaka, maka boeroe-boeroe ia ambil obat pemoenah dan tjekokin itoe di moeloetnja masing-masing, hingga djongos jang tadi melajani dan rampas oewangnja itoe tetamoe, lantas menanja: kenapa tida diantepin sadja.

„Akoe liat ini orang ada berbedah dari orang- orang jang kabanjakan,” saoet Koen Ko:„maka baek djangan dibinasaken, kerna sajang kaloe orang jang moelia sampe djadi kenapa-kenapa.”

Selang sedikit waktoe Houw-jan Giok dan Tjhie Seng lantas bergerak, jang blakangan baroe ditoeroet oleh Song An-peng. Satoe persatoe lantas moenta dan jang pertama-tama bersoeara jalah Houw-jan Giok.

„Enak sekali,” kata itoe orang moeda, tapi matanja masi tinggal merem:„arak baek betoel!”

„Betoel arak baek,” saoet Tjhie Seng, jang roepanja soeda moelai inget:,,lantaran kabanjakan minoem sampe kita djadi poeles.”

Song An-peng djoega telah tersedar. Katiga orang itoe masi belon taoe apa jang terdjadi baroesan, hanja kira sadja jang dirinja kapoelesan lantaran kabanjakan minoem. Houw jan Giok dan Tjhie Seng lantas minta aer, sedeng Song An-peng pergi keloear meliat koedanja. Tapi waktoe ia balik kombali Tjhie Seng lagi pegang tangannja itoe djongos aken dibanting, kerna ditoedoeh soeda tjoeri oewang. An-peng jang baroe belik lantas mendoega tetep, bahoewa sekarang marika berada di roemanja pendjahat, kerna koedanja jang teriket di loear, soeda tida ada.

„Kaloe begitoe boleh djadi ini orang ada bangsat-bangsat,” kata ia pada Houw-jan Giok: „kita poenja koeda poen sekarang soeda tida ada, tentoe ia tjoeri.”

Mendenger itoe lapoeran Houw-jan Giok djadi amat moerka, maka lantas hamperi itoe djongos dan pegang kadoea pinggangnja, jang lantas dilempar- ken ka pelataran.

„Koerang adjar!. . . . . . . . . . kata Houw-jan Giok dengen moerka: „kaloe begitoe kaoe ini ada bangsat-bangsat.

Koen Ko jang dari satadi tinggal mengawasi, lantas menghamperi aken menjega. Ia kaloearken bebrapa perkatahan soepaja itoe orang-orang moeda tida terlaloe mara, ia kata: koedanja betoel ia bawaka dalem, bersama-sama oewang, dan ini semoea tida nanti djadi ilang, harep djangan goesar.

„Tapi Longkoen ini orang dari manatah, dan hendak pergi ka mana?” tanja ia kamoedian. „Kita-orang maoe poelang,” kata Song An-peng dengen tjepet, sabelon doea kawannja jang laen menjaoet:„tapi perloe apa kaoe simpen akoe poenja koeda dan ambil akoe poenja oewang dari sakoe?”

„Ka doesoen manatah Longkoen maoe poelang?” tanja poela Koen Ko, dengen tida perdoeliken orang poenja djawaban.

„Akoe maoe poelang ka doesoen Song-ke tjoen.” Song-ke-tjoen? Apa kenal pada Thisantjoe Soe-hoangwe?”

„Mengapatah akoe tida kenal, kerna jang diseboet itoe poen akoe poenja ajahanda.”

Mendenger itoe penjaoetan Koen Ko djadi amat ripoe, sembari manggoet-manggoet ia berkata: „ah, betoellah, betoellah akoe poenja doegahan. Ampir sadja tjilaka, baeknja akoe dapet firasat, jang Samwie ini boekannja sembarang tetamoe.”

„Kaloe begitoe, silakenlah Longkoen semoea masoek ka dalem,” kata poela ia, sambil prenta itoe djongos jang baroesan dilemparin oleh Houw-jan Giok, soeroe orang sadiaken poela makanan dan minoeman di roewang pertengahan.

Katiga orang itoe djadi tjoeriga liat kalakoeannja Koen Ko, maka sabelonnja toeroet masoek, ia menanja lebi doeloe, siapatah namanja ini pengoeroes roema makan, dan ini waroeng siapa jang poenja.

„Ini waroeng ada kapoenjahannja Kang Tiong, saorang jang mendjaga gredjanja 108 Hohan almarhoem di Liangsan,” saoetnja:„soepaja bisa tjeritaken lebi terang Kang Tiong poenja riwajat, kenlah Longkoen masoek ka dalem, dimana akoe nanti toetoerken satoe persatoe.”

Houw-jan Giok dan Tjhie Seng masi tjoeriga dan tida maoe lantas masoek, sabelon Koen Ko menjeritaken sebab apa dirinja dikasi minoem arak jang tertjampoer Bonghanyo.

„soepaja Samwie tida djadi tjoeriga, baeklah akoe naniti tjeritaken; sedeng apa jang orang-orang koe berboeat, harep soeka dimaäfken, kerna marika ada mata tapi tida bisa kenalin orang, ” kata Koen Ko, jang lantas tjeritaken satoe persatoe siapa adanja itoe Kang Tiong, jang lantaran soeda banjak menerima boedinja Song Kang dan laen-laen Ho-han di Liangsan, maka satelah denger baginda diriken gredja peringetan dari itoe orang-orang gaga, Kang Tiong soeda dateng ka itoe goenoeng boeat merawati, Kamoedian prenta ia boeka waroeng arak di ini tempat goena serepin perkara-perkara dari kota Radja dan rampas barangnja soedagar jang liwat di sini.

Lebi djaoe ia tjeritaken, bagimana hatinja merasa sangsi meliat roepanja ini tiga orang, maka boeroe boeroe ia ambilin obat boeat poenaken itoe ratjoen arak. Sekarang, sasoeda taoe jang Song An peng itoe ada kaponakannja Song Kong beng, njatalah doegahannja tida kliroe.

Waktoe Houw jan Giok tanja siapa Koen Ko poenja nama dan asal, orang gaga ini laloe membri taoe, banoewa ia di kota Koensengkoan poenja toekang djoeal baboeahan. Blakangan lantaran tida poenja kerdjahan, soeda ikoet Kang Tiong dan boeka ini waroeng menoercet toeladannja Tjoe Koei di djaman doeloe.

Katiga orang moeda itoe djadi amat girang. Houw jan Giok dan Tjhie Seng laloe kenalken dirinja dan tjeritaken apa sebabnja maka ia djadi sampe di ini tempat.

Mendenger ini nama jang blakangan, Koen Ko djadi lebi girang dan ripoe. Maka ia silaken katiganja doedoek-doedoek doeloe, sedeng ia hendak membri taoe pada Kang Tiong, soepajaitoe orang toea boleh dateng samboet. Tapi Tjhie Seng jang kapingin bisa liat keadahannja itoe goenoeng, larang Koen Ko berboeat begitoe, hanja lantas adjak kawannja berangkat ka atas goenoeng dengen tinggalken itoe minoeman jang orangnja Koen Kosediaken.

Koen Ko liat kamaoeannja itoe orang moedaada keras, maka ia poen tiada maoe memaksa lebi djaoe, hanja lantas prenta itoe djongos kaloearken poela oewangnja Tjhie Seng bersama tiga koeda jang tetelah disemboeniken. Sasoedanja binatangitoe dibawa dateng, marika laloe toenggang dan berangkat djalan ka Liangsan, itoe te npatdimana doeloe hari ajahnja tinggalken boeat sakean lama.

Kong Tiong jang soeda dibri taoe atas kadatengannja itoe tiga orang moeda, lantas boeroeboeroe memapak di tenga djalan dan kamoedian adjak masoek ka dalem gredja.

Houw-jan Giok lantas menanjaken apa-apa jang berhoeboeng dengen itoe gredja. Sasoeatoe pertanjahan didjawab’ dengen terang, ini pengoeroes gredja laloe sadiaken lilin dan hio, boeat bersoedjoet di depan patoengnja itoe 108 Hohan jang termasoehoer. Sahabisnja sembajang, Houw-jan Giok lantas djalan-djalan di seantero roewangan. Patoengnja Song Kong-beng dan Tiauw Thian-ong ditaro di tenga-tenga; di sebla kiri ada berbaris tigapoeloe anam patoengnja Hohan bagian Thiankong, sedeng toedjoepoeloe doea Hohan laen bagian Teeshoa, ada di sebla kanan.

Katiga orang moeda itoe merasa kagoem liat roepanja itoe patoeng-patoeng jang bersikap angker. Lebi poela hikajatnja itoe 108 Hohan, jang maski tjoema soedara angkat dan berlaenan she, toch satoe pada laen anggap seperti soedara betoel. Achirnja Houw-jan Giok berkata:

Kita poeénja orang toea doeloe ada berlakoe begitoe akoer, maka sekarang, apatah kita jang mendjadi anaknja, tida haroes samboeng itoe karoekoenan, dengen’ mengangkat soedara di depan ini 108 patoeng? — Pada Tjnie Hiante betoel akoe soeda angkat soedara, tapi pada kaoe, Songheng, belon. Maka kaloe kaoe satoedjoe, marilah kita bertiga ang kat soedara boeat samboeng tali persoedarahan" Tentoe sadja Song An-peng tida bisa membanta, malah menjataken rasa soekoernja hati.

Sigra djoega marika itoe bersembajang kombali. Dan kerna Song An-peng ada lebi toea dari jang laen, maka ia djadi Koko, kadoea Houw-jan Giok dan katiga baroe Tjhie Seng.

Kang Tiong jang memang soeda sadiaken barang hidangan dan arak, satelah katiganja itoe soeda selesih lakoeken persembajangan, lantas dioendang makan minoem. Tapi tentoe sadja iaorang tida bisa dahar begitoe banjak lagi, kerna sabelon- nja naek ka ini goenoeng, di tempatnja Koen Ko marika soeda minoem sampe mabok.

Kerna itoe waktoe tida ada apa-apa jang perloe boeat diomongin, maka Houw-jan Giok laloe menanja:

„Apa di ini gredja tida ada orang jang taoe dateng pasang hio?"

„Djarang sekali," saoetnja.

„Lantaran apatah orang tida soeka dateng ka mari?"

„Lautarannja poen boekan laen, hanja kerna dalem waktoe blakangan, lantaran dikaloearken poe- toesan boeat tangkep orang-orang jang mendjadi kawanan Liangsan, maka pendoedoek djadi takoet, kerna koeatir di kira ada familienja sala satoe dari itoe 108 Hohan." „Tapi lantaran apatah maka pamerenta boleh kaloearken poetoesan begitoe roepa, sedeng itoe 108 Hohan toch ada mempoenjai pahala, boekan?" „Bener begitoe, tapi.

„Oh!" kata poela Kang Tiong, jang lantas inget brapa taon poenja perkara: „jang mendjadi lantaran sampe pamerenta kaloearken itoe poetoesan, kerna doeloe pada soeatoe hari, selagi Wie Siauw-tjhit dateng sembajang, Thio Kan-poan jang lagi sedeng djalan ronda, kerna tida kenalin padanja, lantas prenta soldadoenja madjoe tangkep, kerna dikira begal. Hal mana membibin Siauw-tjhit djadi mara dan ngamoek kalangkaboet, hingga banjak soldadoe telah binasa."

Lebi djaoe Kang Tiong tjeritaken, bagimana lantaran itoe doesoen Tjiokketjheng didatengin soldadoe negri jang dikapalaken oleh Thio Kan-poan, hingga pembesar itoe djadi binasa. Dan lantaran itoe, teroes meneroes djadi terbit roesoe dan banjak pembesar telah diboenoe-boenoein, hingga baginda jang tjoema taoe satoe, tida taoe doea, djadi goesar dan kaloearken firman boeat tangkep orang-orang jang djadi familienja itoe 108 Hohan.

„Ini semoea ada bisa-bisahannja dorna jang mempoenjai pengaroe besar," kata poela itoe orang toea: „djika tida ada lantaran dari Thio Kan- poan, jang menoedoeh sembarangan, masatah Wie Siauw-tjhit boleh djadi moěrka dan di laen-laen kota terbit kariboetan?"

Baroe sadja ia bertjerita sampe di sitoe, satoe djongos waroeng arak jang tinggal di bawah goenoeng, ada kaliatan berlari-lari mendatengi, dengen roepa goegoep.

„He, ada apakah? tanja Kang Tiong dengen heran. „Di bawah ini goenoeng ada dateng satoe barisan, jang dikapalaken oleh Pek Tjiok-tong," saoet itoe rahajat jang membawa kabar, pada sasoeda tetepken hati sendiri.

„Pek Tjiok-tong? Siapatah itoe? tanja Kang Tiong dengen heran: „dan mengapatah djoega ia boleh dateng ka mari?"

Ini rahajat lantas kasi taoe: bahoewa Pek Tjiok- tong itoe ada pembesar di kota Koensengkoan poenja anak, jang sadari orang Kim masoek ka ini negri, itoe orang moeda jang memang amat djahat dan kedjem, laloe goenaken ini tempo jang baek, dimana dengen rahajatnja marika memake pakean orang Kim.

Dengen penjamaran begitoe, Pek Tjiok-tong masoek ka kampoeng-kampoeng, rampas orang poenja harta banda dan anak istri, hingga pendoedoek jang dibikin soesa dan kira bener-bener penjamoen kaparat itoe ada orang Kim jang boewas, pada lari dengen tida brani melawan. Hingga enaklah Pek Tjiok tong angkoet orang poenja barang-barang beserta orang orang prampoean jang disoeka. Tapi itoe si doerhaka roepanja belon poewas kaloe tjoema berboeat begitoe sadja. Sekarang ia bawa barisannja ka mari, dengen membilang: lantaran ajahnja mati di tangannja kawanan Liang-san, ia datang maoe bales sakit hati.

Mendenger itoe perkatehan, Houw-jan Giok berdoea Tjhie Seng djadi amat goesar. Sebelonnja Kang Tiong berkata apa-apa, doea orang moeda itoe laloe berbangkit dari tempatnja doedoek dan berkata pada Song An-peng:

„Kaoe berdiam sadja di sini, Koko, biar akoe berdoea nanti kasi labrakan pada itoe kaparat jang terkoetoek."

„Oh, kaoe tida boleh pergi, Longkoen," menjega Kang Tiong dengen kaget: „apa kaoe tida denger jang itoe djongos baroesan kata: bahoewa itoe Pek Tjiok-tong ada membawa rahajatnja jang boekan sedikit. Dan kita di sini tida ada liauwlo, mana boleh lawan padanja?"

„Tempo masi di lemmatjwan akoe biasa lawan orang Kim jang lebi besar, dengen satoe barisan ketjil," kata Houw-jan Giok sambil tertawa: „maka kaloe sekarang orang doerhaka itoe membawa barisan, akoe berdoea sama Hiante, soeda tjoekoep lawan padanja."

Sahabisnja kata begitoe ia lantas bawa sendjatanja dan kadoea orang moeda itoe lantas berlaloe dari roewangan tempat dimana marika baroe minoem-minoem.

Kang Tiong dan Koen Ko jang liat begitoe, terpaksa antepin sadja. Tapi soepaja bisa membantoe, tida lama kamoedian marika berdoea poen laloe ambil sendjata dan pergi menjoesoel, dengen tinggalken Song An-peng sendirian di atas goenoeng.

——————

XI
HOUW-JAN GIOK BERDOEA SOESOEL
PASOEKANNJA. LIE ENG SIAPKEN
TENTARA POEKOEL KOTA
KOENSENGKOAN.

_______

Tatkala itoe Houw-jan Giok dan Tjhie Seng telah sampe di bawah goenoeng, waktoe mana Pek Tjiok- ong lagi kaliatan mendatengi, denen teriring oleh kira-kira saratoes rahajatnja jang bergegaman golok pendek.

Pendjahat itoe ada menoenggang saekor koeda boeloe koening. Tangannja mamegang satoe kampak bergagang pandjang dan dateng menghampirken ka bawah goenoeng sambil bersoerak-soerak. Di antara rombongan rahajat, ada kaliatan bebrapa orang prampoean jang lagi terdjaga oleh bebrapa laskarnja.

Satelah liat Houw-jan Giok berdoza Tjhie Seng, Pek Tjiok tong madjoeken koedanja sambil bertreak: ,He, kaoe ini siapatah? - Orang kawanan Liangsan atawa boekan? kaloe kaoe kawannja itoe brandal, marilah toeroet padakoe.

Sabelonnja berkata abis Houw-jan Giok lantas geprak koedanja tikemken sendjatanja di mocka itoe moesoe hingga Pek Tjiok-tong djadi kaget dan tangkis. Tapi sabelon bisa bales menjerang dirinja soeda terpelanting dari atas koeda, kerna sendjatanja itoe lawanan ada begitoe tjepet datengnja dan ia tida kaboeroe kelip.

Tjhie Seng liat moesoe itoe djato, lantes memboeroe dan tabas lehernja. Sedeng itoe saratoes rahajat jang bermoela maoe dateng toeloeng madjikannja, satelah liat bebrapa kawannja pada roeboe, lantas pada lari dengen tinggalken itoe lima prampoean jang lagi didjaga.

Itoe orang-orang prampoean kaliatannja amat takoet. Tapi ini doea orang moeda laloe menghampirken dan berkata dengen soeara menghiboer, jang marika tida oesah takoet, kamoedian tanja bagimana sebabnja iaorang kena tertawan.

Dari tjeritanja itoe, njatalah ini orang-orang prampoean, semoea telah dirampas oleh Pek Tjiok-tong.

Houw-jan Giok lantas titahken marika itoe poelang kombali ka masing-masing poenja doesoen.

Katiga njonja moeda lantas berloetoet sembari hatoerken trima kasi, tapi jang doea tida maoe berlaloe.

Tjhie Seng liat prampoean itoe amat tjantik, pantesnja masi perawan. Boleh djadi ini anak dan iboe orang dari tempat djaoe, jang tida bisa poelang kombali ka doesoennja, maka marika tinggal berdiam sadja di sitoe.

Dari pertanjahan-pertanjahan jang Houw-jan Giok bikin, njatalah nona itoe ada Tjhiehoeisoe Lu Goan-kiat poenja gadis, jang koetika kota Radja terpoekoel petja, ajahnja telah binasa dalem paperangan, hingga ia bersama iboenja lantas lari, dengen maksoed boeat poelang ka Selatan. Tapi di tenga djalan katemoe pasoekkan Kim, jang lantas boenoe sang iboe bersama sakalian boedjang-boedjangnja, sedeng dirinja djoega tentoe soeda terboenoe, kaloe tida kaboeroe semboeni,

Dalem itoe katjilakahan, ini prampoean toea jang sekarang ada di hadepannja telah membri toeloengan. Tapi kombali katemoe itoe pendjahat jang baroesan, jang lantas rampas padanja maoe diperkosa.

Beroentoeng Djiwie dateng menoeloeng." kata itoe gadis jang toetoep bitjaranja: maka atas Djiwie poenja pertoeloengan jang besar, akoe berdoea tida loepaken."

,,Oh, oh, kiranja Lu Siotjia," kata Houw-jan. Giok: „kaoe poenja Lengtjoen sama ajahkoe ada baek, kerna sama-sama mamegang satoe pakerdjahan, maka kabetoelan sekali akoe bisa menoeloeng pada Siotjia."

Gadis itoe djadi girang. Kamoedian Houw-jan Giok tanja tentang riwajatnja ini prampoean toea. Siapa ia poenja nama, tinggal di mana dan bagimana bole katemoe papa Lu Siotjia.

Atas ini pertanjahan si nene itoe menjaoet, bahoewa ia diseboet Ong Poh dan pakerdjahannja memboeka waroeng thee. Tapi blakangan lantaran kena beroeroesan pada Giam Po-sek dan Thio Boen-wan, maka ia menjingkir dari doesoen tempatnja tinggal dan di djalan katemoe ini gadis, jang lantas sadja ditoeloeng, kerna ia poen memang tida mempoenjai anak.

Salagi beromong-omong, Kang Tiong berdoea Koen Ko telah sampe. Ini doea orang djadi girang sekali, satelah dapet taoe jang Pek Tjioktong telah binasa.

Houw-jan Giok laloe tjeritaken pada ini doea orang jang baroe dateng, bagimana itoe pendjahat moeda soeda tangkep-tangkepin orang prampoean dan tiga antaranja itoe njonja ia soeda lepasken.

Kamoedian marika balik kombali ka atas goenoeng dengen adjak itoe doea orang prampoean

Kang Tiong prenta bikin tempat boeat Lu Siotjia menginep. Ong Poh salaloe mémboedjoek soepaja nona itoe djangan terlaloe bersedi.

Sorenja orang lantas sadiaken barang makanan dan bawa itoe ka roewangan dalem. Sedeng orang-orang lelaki doedoek makan minoem di loear. Koen Ko dan Kang Tiong poedji kagagahannja ini doea orang moeda.

Satoe malem telah berlaloe.

Esoknja pagi sahabis santap, Tjhie Sen, berkata pada Houw-jan Giok:

,,Kita ini soeda berpisa lama sekali, koko; akoe koeatir nanti membikin Tiatia djadi bersoesa hati. Maka akoe poenja pikiran, kaloe sasoedanja menganterken Song Koko, baeklah kita lantas berangkat djalan, boeat soesoel ajah ka Tenghoensan. Tjoema sadja, sekarang ada Lu Siotjia, bagimana kita haroes berboeat, soepaja itoe gadis tida terdjato kombali di tangannja pendjahat?”

„Bitjaramoe bener sekali,” kata Houw-jan Giok, jang sasoedanja berdiam sakoetika lama: „dari hal Lu Siotjia baek kita kirim sadja di doesoen Song-ketjhoen boeat samantara waktoe sampe familienja dateng tjari. Song Koko djoega tentoe tida kaberatan, boekan?”

„Oh, tentoe!” saoet Song An-peng:„lebihan djoega akoe ada sadia boeat membri toeloengan.”

Kamoedian Houw-jan Giok prenta orang panggil Lu Siotjia bersama Ong Poh, pada siapa laloe dikasi taoe maksoednja. Lu Siotjia menjataken soekoer, sedeng itoe nene toea berdjandji soeka boeat mengikoet dan mendjaga dirinja itoe gadis boeat salama-lamanja.

„Itoe baek,” kata Tjhie Seng.

Houw-jan Giok barpaling pada Kang Tiong dan berkata:

„Akoe liat oesiamoe sekarang soeda boekan moeka lagi. Maka boeat mendjaga diri, baeklah kaoe oeroes sadja ini gredja, sedeng itoe waroeng arak boleh ditoetoep sadja, sebab dengen melakoeken itoe pakerdjahan, akoe koeatir satoe kali bisa menerbitken bahaja. Koen Ko akoe pikir maoe adjak, sedeng rahajat jang ada di sini, boleh pili sadja doea-tiga orang jang paling boleh dipertjaja boeat menemeni, dan jang laen soeroe sadja poelang ka masing-masing poenja doesoen, biar marika tjari pengidoepan jang halal."

„Kamoedian, kaloe akoe soeda sampe di Tenghoensan” kata poela ini orang moeda: „akoe nanti prenta orang bawaken oewang limaratoes tail perak goena kaoe meliwati hari sampe di hari — Ingetlah satoe pepata ada bilang: kaloe soeda dateng temponja tida maoe menjingkir, nistjaja bahaja dateng soeker terdjaga.”

Kang Tiong trima ini nasehat dengen soeka hati dan hatoerken trima kasi. Sigra djoega sakalian liauwlo dikasi taoe, jang marika boleh pada boebar, tjoema doea-tiga orang jang masi tinggal di sitoe bersama-sama Kang Tiong.

Itoe koeda Ngohoatjong jang djinak dikasi Lu Siotjia berdoea Ong Poh boeat toenggang, sedeng boeat gantinja itoe, Song An-peng toenggang koedanja Pek Tjiok-tong jang berboeloe koening.

Houw-jan Giok dan Tjhie Seng laloe toenggang masing masing poenja koeda, sedeng Koen Ko mengikoet dari blakang dengen djalan kaki.

Sasoedanja mengasi slamat tinggal, marika laloe toeroen goenoeng dengen teranter oleh Kang Tiong bersama tiga temennja. Di sapandjang djalan ka doesoen Songketjoen orang gaga ini beromong-omong.

Song An-peng jang sakean lama telah berlaloe dari doesoen sendiri, ada merasa amat girang jang sabentar aken bertemoe kombali pada orang-orang di roemanja. Maka kaloe koeda itoe ada mempoenjai sajap, ia tentoe soeda lantas kasi djalan seperti terbang.

Berdjalan satenga harian sampelah marika ka itoe doesoen. Tapi. . . . . . bagimana kaget marika poenja hati, teroetama itoe orang moeda jang poenja kampoeng, satelah dapet liat jang doesoen ini soeda tinggal bekasnja sadja.

Roema-roema soeda antjoer leboer. Di sana sini tjoema terletak petjahan-petjahan batoe dan genteng, roemanja soeda tida karoean matjem dan tida ada satoe pendoedoek jang boleh ditanja.

An-peng tida tahan lagi hatinja, hanja lantas menangis sasegoekan.

„Inilah tentoe soeda terdjadi lantaran paperangan,” kata Houw-jan Giok: „ja, di waktoe negri ada hoeroe hara, memang rahajat salaloe menampak roepa-roepa kasoekeran, terpisa dari koelawarga dan ilang miliknja.”

Kamoedian ia menghamperi pada Song An-peng dan memboedjoek dengen berbagi-bagi perkatahan menghiboer. „Koko poenja koelawarga tentoe soeda menjingkir ka laen tempat," kata ini soedara angkat kamoedian: „maka hal itoe tiada oesah terlaloe disedihi, kerna lambat laoen tentoe aken bertemoe kombali. Maka sekarang, baeklah kita madjoe lagi, kerna hari soeda ampir sore dan di sini tida ada tempat boeat bermalem.“

An peng tida menjaoet, hanja manggoeti sadja kapalanja, soeatoe tanda aken menoeroet, ka mana djoega dirinja maoe diadjak.

Sigra marika berdjalan kombali.

Liwat kira-kira tiga paal, iaorang telah sampe di satoe tempat. Satelah liat ada gredja, Houw-jan Giok berdoea Tjhie Seng laloe menghampirken dan liat di atas pintoenja ada tertoelis ampat hoeroef besar, jang boenjinja: Goan Lie Heng Kiong.

„Kaloe begitoe, kita ini telah sampe di doesoen Hoantotjoen,“ kata Song An-peng, jang djoega ada toeroet liat boenjinja itoe toelisan.

„Doesoen Hoantotjoen?“ mengoelangken itoe doea soedara jang laen.

„Ja, kerna di ini doesoen ada itoe gredja," saoetnja.

Lebi djaoe An-peng tjeritaken, bagimana dalem ini gredja doeloe Song Kang telah dapetken boekoe Thiansi, dan dengen perhatiken boenjinja itoe kitab perang, Song Kong-beng bisa atoer barisan-barisan boeat kalaken moesoenja. Blakangan, sasoedanja beroentoeng dalem paperangan, itoe Twako dari Liangsan jang sasoeda dapet anoegrahnja Keizer, laloe, perbaeki ini gredja, bikin betoel patoeng-patoengnja dan taroken bebrapa Tosoe boeat merawati gredja ini. Dan boeat onkosnja ini gredja, ada disadia brapa belas petak sawa, jang saban taon boleh dipoengoet hasilnja aken goena membeli hio dan laen-laen barang kaperloean.

Kamoedian marika pada toeroen dari koedanja dan masoek ka dalem itoe gredja, jang lantas disamboet dengen hormat oleh satoe Tosoe.

Sasoedanja perkenalken diri dan tjeritaken perdjalanannja, tetamoe ini disadiaken thee boeat ilangken aoes. Kamoedian dibikin tempat tidoer boeat bermalem.

Lu Siotjia berdoea Ong Poh dapet tempat di sebla dalem, sedeng orang-orang lelaki di bagian loear.

Sasoedanja beres itoe persadiahan, Tosoe prenta moeridnja bikin makanan dan sabelonnja bersantap, Song An peng lantas menanjaken hal doesoen Song ke-tjoen jang soeda djadi binasa.

„Soehoe tentoe taoe bagimana karoesakannja itoe doesoen, boekan?“ kata ini orang moeda: „tjobalah toeloeng toetoerken dan sadari kapan kadjadiannja itoe perkara dan ka mana pendoedoeknja telah merat?“

„Soenggoe terlaloe sekali,“ kata itoe Tosoe sambil gojang-gojang kapala: „kaloe dipikir soenggoe kasian."

Kamoedian iman ini tjeritaken, pada brapa hari jang laloe itoe doesoen masi baek, kerna karoesakan itoe poen belon lama.

„Ja, itoelah akoe djoega telah doega,“ kata Song An-peng:„kerna ada terdapet djoega sisanja barang makanan, seperti baboeahan atawa beras, jang masi ada di tana. Djika karoesakan itoe soeda lama, tentoe barang itoe telah linjap.“

Itoe losoe landjoetken tjeritanja, ia kata: pada tiga hari jang laloe pembesar kota Koensengkoan dengen tigaratoes laskarnja telah dateng mengepoeng Koeitjoen, tawan Soehoangwe dengen sakalian Andjin saroema tangga. Barang-barang jang boleh dibawa, semoea dirampas, sedeng jang tida boleh diangkoet, laloe dibakar dan roemanja diroeboe-roeboeken. Jang mendjadi lantaran dilakoeken itoe kakedjeman, kerna pembesar itoe kata: ia ada bermoesoe keras pada Koei Tjek.

Mendenger itoe katerangan, Song An-peng laloe menangis menggeroeng-geroeng, hingga itoe iman djadi merasa kasian.

Houw-jan Giok dan Tjhie Seng laloe menghiboer. Tapi An-peng masi tinggal menangis sedi.

"Besok kita nanti soeroe orang pergi ka kota boeat tjari taoe ini perkara," kata Houw-jan Giok: djika soeda dapet katerangan, „baroelah kita berdaja boeat menoeloeng. Maka tida perloe Koko menangis kerna kaloe kasehatan djadi terganggoe boekan djadi bertamba soesa kita-orang poenja pakerdjahan?"

Tjhie Seng dan itoe Tosoe poen membenerken itoe perkatahan dan bantoe memboedjoek. soepaja orang moeda ini tida menangis teroes.

Tida lama kamoedian, itoe Tosoe prenta moeridnja atoer barang hidangan jang terdiri dari sesajoeran. Kamoedian marika doedoek bersantap Lu Siotjia bersama Ong Mamah dahar di dalem.

Song An-peng tida bisa dahar banjak, kerna hatinja teramat kesal memikiri bagimana kadjadiannja ia poenja familie.

Houw-jan Giok dar Tjhie Seng, djoega merasa iboek. Maka itoe malem iaorang tida bisa tidoer poeles, kerna roepa-roepa pikiran datang mengganggoe hatinja.

Begitoelah sampe terang tana, katiga orang itoe tida tidoer barang sakedjeb.

Sahabisnja gosok badan dengen aer panas, marika doedoek minoem thee sambil bermoefakatan boeat tjari taoe itoe perkara. Achirnja diambil poetoesan, prenta Koen Ko pergi ka kota Koensengkoan aken serepin kabar.

Song An peng masi kaliatan sedi sadja, hingga kedoea soedaranja itoe tida brenti menghiboer, jang katanja: kaloe Koen Ko soeda balik dan dapet taoe doedoeknja perkara, baroe bisa diambil satoe daja boeat menoeloeng. Maka bersabar sadja doeloe, djangan terlaloe sedi. Koetika hari meliwati lohor, Koen Ko telah balik kombali dan tjeritaken bagimana keadahan jang ia serepin. Menoeroet katanja: Tikoan di itoe kota ada saorang she Kwe, jang doeloe ada mendjadi Tosoe di kota Tongkin, dengen prenta satoe panglima bernama Tjan Si-hiong menawan Soehoangwe bersama sakalian familienja. Kerna ada mendendam sakit hati pada iri orang tawanan jang doeloe telah boenoe kakehnja, maka Tjan Si-hiong masoeki tawanan itoe ka dalem pendjara, dengen didjaga amat keras.

Demikianlah lapoerannja Koen Ko.

Song An-peng jang denger begitoe, kombali djadi menangis.

„Bagimanatah kita-orang bisa menoeloeng,” kata An-peng dengen soeara orang poetoes harepan : „dalem itoe kota tentoe ada banjak soldadoe, djadi maski kadoea Hiante ada gaga perkasa, tentoe soeker bertanding pada orang-orang dalem itoe kota, kerna kita tida mempoenjai rahajat. — Oh, lebi baek akoe mati!. . . .”

Sahabisnja berkata-kata, An-peng maoe ambil sendjata tadjem aken gorok leher sendiri. Tapi itoe kalakoean nekat soeda ditjega oleh Tjhie Seng, jang berkata:

Mengapatah Koko boleh begitoe pendek pikiran. Betoel kita tida mempoenjai rahajat boeat bertempoer pada soldadoe di itoe kota, tapi kita toch masi. mempoenjai daja, boekan? Djoega orang-orang jang telah tertawan semoea masi idoep, maka kaloe Koko binasaken djiwa dan achirnja Andjin sakalian dapet katoeloengan, apatah itoe tida membikin hatinja djadi menjesel?"

„Benerlah," kata Houw-jan Giok: „haroes Ko-ko bersabar."

An-peng berdiam dan soesoet aer matanja.

Houw-jan Giok bersama Tjhie Seng laloe berdami boeat masoek dalem itoe kota dengen menjamar, kerna dengen begini brangkali tida kataoean.

„Akoe kira itoe boekan djalan jang baek," kata Houw-jan Giok, jang njataken tida moefakat dengen pikirannja itoe soedara moeda.

„Abis bagimanatah?" „Kita moesti pergi doeloe ka Tenghoensan aken katemoeken ajah dan sakalian Siokhoe, tjeritaken satoe persatoe bagimana sadari kita orang berpisa, lantas katemoe pada Song Koko dan ditawannja itoe sakalian koelawarga. Kamoedian kita minta satoe pasoekan boeat serang kota Koensengkoan, begitoelah baroe kita bisa menoeloeng pada Andjin. Kerna kaloe pergi dengen zonder pasoekan, ada mempoenjai tenaga poen kita-orang tida bisa menoeloeng soeatoe apa."

Tjhie Seng rasa bitjaranja ini soedara toea ada bener. Maka sigra djoega marika ambil poetoesan boeat berangkat ka itoe goenoeng. Pada An-peng dipesen boeat mendjaga diri dan djangan terlaloe bersedi-sedi, kerna perginja ini paling lama sapoеloe hari, soeda bisa kombali.

Song An-peng memanggoet dan perhatiken pesenannja itoe soedara.

Kamoedian Houw-jan Giok pesen djoega pada Ong Poh, boeat mendjaga Lu Siotjia hati-hati, kerna ia berdoea Tjhie Seng maoe pergi ambil pasoekan. Djika kota Koensengkoan soeda terpoekoel petja dan koelawarganja Song An-peng telah tertoeloeng, baroe iaorang sama-sama balik ka Tenghoensan.

Pada Koen Ko diprenta balik lagi ka itoe kota, boeat katemoeken pada Soehoangwe aken membri taoe, jang pertoeloengan sigra djoega nanti dateng. Maka biarlah marika bersabar dan senangken hati.

Sasoedanja membri pesenan, Houw-jan Giok kaloearkan lima tail perak dan briken oewang ini pada Tosoe boeat ongkosnja merawati ini tetamoe jang ditinggalken. Sasoedanja itoe, marika laloe naek koeda dan berangkat djalan.

Berdjalan kira-kira doeapoeloe li, marika katemoe pada Tee Tjong jang lagi berdoedoek di post tempat pembrentian. Dan pertemoean ini tentoe sadja membikin satoe pada laen djadi girang sekali. Kadoea orang moeda ini lantas toeroen dari koedanja dan satoe pada laen laloe menanja: Tee Tjong lagi apa di sini dan itoe doea orang moeda pergi ka mana begitoe lama.

„Inilah satoe pertemoean jang menggirangken," kata Tee Tjong: „sasoenggoenja orang merasa iboek atas kaoe berdoea poenja kalinjapan, hingga akoe jang diprenta tjari, sampe merasa pajah. — Sabetoelnja itoe hari kaoe ka manatah?"

Houw-jan Giok dan Tjhie Seng laloe tjeritaken, bagimana ia telah masoek ka dalem barisan Kim, hingga achirnja kena ditawan dan brapa hari kemoedian baroe bisa lariken diri, satoe persatoe ditjeritaken terang.

Kamoedian marika balik menanja, Tee Tjong lagi bikin apa di ini tempat.

Tee Tjong tjeritaken, bagimana Tjioe Thong lantaran pergi mengambil anak istrinja, sampe sekarang belon kombali, maka ia bersama Jo Liem diprenta menjoesoel. Tapi ini kawan masi katinggalan di blakang, hingga ia brenti di sini boeat menoenggoe. Tapi tida kira di ini tempat ia bertemoe ini doea orang moeda, jang memang lagi ditjari sakean lama.

„Sadari maleman dimana kataoean kaoe berdoea telah ilang," kata poela Tee Tjong: „Lie Koko soeda lantas prenta orang tjari. Tapi kerna ajahmoe kata: kalinjapanmoe tentoe tida membawa bahaja dan troesa djoega ditjari, maka pasoekan itoe lantas berangkat ka Tjeetjioe, jang didjaga oleh Soanboesay Thio Souw. Dan malemnja dari harian kita orang sampe, sasoedanja bermoefakatan kita-orang lantas menaloek padanja dan dengen lakoe jang amat menjenangken, ia tempatken kita poenja pasoekan di loear kota."

„Selang doeapoeloe hari dari harian menaloek, salagi Soanboesay itoe maoe pakerdjaken pada kita," kata poela Tee Tjong: „tida kira Khong- ong soeda dengerin adviesnja Oei Tjam-sian dan Ong Pek-hian dengen maoe tetepken perdamian, dimana Lie Kong laloe dipetjat dari djabatannja dan Thio Soanboe poen dipindaken ka kota Totjioe, sedeng boeat penggantinja di itoe kota, diangkat Goe Touwkam."

Lebi djaoe Tee Tjong tjeritaken, bagimana ini Touwkam soeda berhianat dan serahken kota Tjee- tjioe pada Ouw Oh-ma. Lantaran itoe, maka Lie Eng dan sadereknja lantas balik niatnja dan pergi ka Tenghoensan.

Achirnja dikasi taoe, bahoewa pasoekan besar ada berdiri di sebla depan, jang dari sini djaoenja kira-kira satoe paal. Maka boeat menoeloeng Song Tjeng dengen sakalian familienja, baek Houw-jan Giok berdoea Tjhie Seng pergi sadja ka sana aken berdami, kerna ia hendak toenggoe Jo Liem boeat soesoel teroes pada Tjioe Thong, jang soeda sapoeloe hari belon djoega kombali dan orang merasa koeatir dengen kalambatannja itoe.

Kadoea orang moeda itoe memanggoet dan lantas berlaloe. Waktoe itoe djoestroe Jo Liem poen telah sampe, maka Tee Tjong laloe teroesken poela perdjalanannja.

Houw-jan Giok berdoea Tjhie Seng laloe pergi katemoeken Lie Eng dan jang laen-laen.

Houw-jan Tjiak djoega djadi girang meliat anaknja telah balik dengen slamat. Maka semoea Ho- han laloe menanjaken, kamana marika telah pergi di itoe malem.

Houw-jan Giok laloe tjeritaken satoe persatoe, sabagimana di sebla atas pembatja telah taoe. Dari awal sampe achirnja ditoetoerken terang, hingga membikin orang-orang jang denger djadi merasa girang dan poedji kadoea orang moeda ini poenja katjerdikan dan gaga brani.

Lie Eng prenta pasoekan depan boeat pergi ka kola Koensengkoan aken menoeloeng Song Tjeng, sedeng doea pasoekan laen berangkat teroes ka Tenghoensan, sebab ini tempat tida begitoe bagoes boeat djadi tempat pembrentiannja tentara.

Ini prenta ditoeroet dengen sigra.

Orang jang kapalaken pasoekan depan jalalı Kwan Siang, Jan Tjeng dan Oan Swie, jang itoe waktoe lantas moelai bersiap. Sedeng Houw-jan Tjiak itoe waktoe lantas inget pada anak istrinja, jang bersama-sama Boen Hwan-tjiang telah poe- lang ka Lilam. Maka liat laen-laen orang pada mengambil familienja boeat diadjak berkoempoel di Tenghoensan, maka sabelonnja sampe di itoe goenoeng, ia djoega ada itoe niatan.

Maka itoe waktoe ia lantas berkata pada sang anak, soepaja Houw-jan Giok dan Tjhie Seng soeka toeroet padanja boeat pergi ka Lilam aken membawa Andjin dan Siotjia. Tapi Houw-jan Giok lantas berkata:

„Boeat pergi ka Lilam aken mengambil Boetjin

dan Hianmoay, itoelah boleh sekali. Tapi sajang

akoe soeda berdjandji boeat menoeloeng Song

Siok-siok, hingga kaloe perdjandjian itoe tida dipenoehken, pastilah djadi ilang kapertjajahan. Mana lebi baek kaloe sekarang Tiatia berangkat sadja ka Tenghoensan dan akoe sasoeda membriken itoe toeloengan, baroe pergi ka Lilam, dan sampe itoe waktoe toch belon kasep, boekan?"

Mendenger perkatahannja sang anak, Houw-jan Tjiak djadi soeka hati, kerna njatalah anak moeda ini ada berhati toeloes dalem persobatan.

Sigra djoega ia ikoet itoe doea pasoekan jang soeda berdjalan menoedjoe ka goenoeng Teng- hoesan. Sedeng Houw-jan Giok dan Tjhie Seng, laloz berangkat ka kota Koensengkoan, jang satelah sampe, ia lantas brentiken pasoekan itoe di doesoen Tongketjoen, terpisa kira-kira doeapoeloeh li-djaoenja dari kota terseboet.

Sigra djoega orang-orang gaga itoe berdami boeat menjerang itoe kota. Jan Tjeng kasi pikiran : baek lantas diserang.

„Dalem kota Koensengkoan tentara sedikit dan panglima tida ada sabrapa, maka keadahannja itoe kota lemah sekali. Kadatengan kita jang diam-diam tida dikatahoei olehnja, maka tentoe djoega marika tida bersedia soeatoe apa. Kaloe sabentar malem sasoedanja sepi kita lantas menjerang, sakali ge- brak tentoe lantas bisa poekoel petja."

Semoea orang menjataken satoedjoe, sigra djoega balatentara diprenta masak nasi dan dapoer-dapoer laloe dibikin di depan kampoeng Tiauw- kaytjheng.

Sahabisnja makan, semoea soldadoe lantas diprenta bersiap. Koetika hari telah djadi malem, pasoekan lemmatjwan lantas berangkat djalan dan djam tiga marika telah sampe di bawahnja itoe kota

Kerna bagian sebla loear kota Koensengkoan ada banjak sekali roema-roema kosong, maka Jan Tjeng prentah soldadoe ambil roema-roema kosong itoe poenja pilar dan penglari boeat didjadiken tangga, jang sasoedanja disoesoen tinggi, Oan Swie bersama sakalian Nauwlo lantas naek dan tida lama kamoedian marika telah berada di atas kota.

Dalem kota itoe waktoe soeda soenji. Oan Swie lantas toeroen dan tabas lehernja soldadoe pengawal.jang lagi tidoer, dengen tida banjak soesa pintoe kota bisa dapet diboeka dan kamoedian membri tanda pada pasoekan jang ada di loear.

Kwan Siang bersama Houw-jan Giok dan Tjhie Seng laloe madjoeken tentaranja bereboet masoek ka dalem. Oan Swie dan Jan Tjeng menoedjoe ka kantoornja Tikoan, sedeng itoe doea orang moeda, dengen teranter oleh Koen Ko laloe pergi ka pendjara aken menoeloengi Song Tjeng beserta koelawarganja.

Itoe waktoe di dalem kota djadi amat kaloetSoldadoe-soldadoe jang memang tjoema sedikit djadi amat kaget, marika lebi soeka sipat koeping dari pada melawan. Apapoela itoe waktoe ada gelap goelita dan tida taoe brapa djoemblanja moesoe jang dateng.

Rahajat lemmatjwan menjerang kalangkaboet, siapa jang deket tentoe lantas ditabas, hingga sabentaran sadja soeda mendjadi sepi kombali,

Jan Tjeng jang masoek ka gedongnja itoe pembesar, dengen tida oesah keloearken banjak tenaga soeda bisa dapet tawan Kwee Tikoan bersama sakalian familienja, jang lantas di-iket dan prenta bawa kaloear kota. Sedeng Oan Swie laloe prentah orang gledah peti-peti dalem itoe kamar dan kadapetan ada banjak barang berharga, jang lantas sadja diangkoet pergi. Koetika meliat dalem itoe gedong soeda tida ada lagi orang. Jan Tjeng laloe pergi ka pendjara, dimana kaliatan Honw-jan Giok dan Tjhie Seng lagi boenoe pendjaga boei dan poekoel pintoe pendjara. Semoea persakitan lantas dilepas. tapi Song Tjeng dengen familienja tida kaliatan.

Meliat begitoe orang moeda ini djadi kaget dan lantas baliki koedanja boeat tjari di laen tempat. Tapi di tenga djalan ia katemoe pada Jan Tjeng, jang lantas sadja dibertaoeken itoe perkara.

„Kwee Tikoan tentoe taoe," kata Jan Tjeng, jang lantas prenta orang bawa itoe pembesar mengadep padanja, boeat ditanja.

Tikoan ini boekan laen dari Kwee Keng, jang dengen menggoenaken ilmoe Liok-kak-sin-peng, kota Piankeng terpoekoel petja dan ia laloe menaloek pada moesoe, dengen dipakerdjaken dalem djabatan Tikoan.

Kwan Siang laloe menjentak dan tanja: di mana adanja familie Song Tjeng. Dengen badan goemeter ini menoesia boesoek lantas kati taoe: bahoewa Song Tjeng itoe kerna ada mendjadi moesoenja Tjan Sie-hiong, maka itoe panglima te lah koeroeng dalem pendjara jang terpisa, dengen didjaga keras. Tapi blakangan satelah Ouw Oh-ma dapet taoe, jang Song Tjeng itoe ada ajahr ja Song An-peng, laskar dari barisan Enghiong jang merat bersama-sama Thio Liong dan Thio Houw, dengen bikin koebra djoega itoe pasoekan, maka Ouw Oh-ma telah minta persakitan itoe dibawa ka sana. Begitoelah sadari kamaren Song Tjeng dan sakalian familienja soeda dikirim pada itoe panglima Kim.

Jan Tjeng djadi kaget denger itoe katerangan. Maka kamoedian diambil poetoesan boeat bawa padanja ka doesoen Hwatotjoen, tempat di mana Song An-peng lagi menoenggoe, dan dari sitoe ka- moedian boleh berichtiar lebi djaoe.

Sigra djoega itoe pasoekan berangkat ka doesoen terseboet, dan Houw-jan Giok berdjalan lebi doeloe.

Koetika liat datengnja ini soedara moeda, An-peng djadi girang dan lantas berseroe-seroe sambil menghamperi. Kamoedian tanja bagimana keadahan orang toeanja. Houw-jan Giok kasi taoe, jang Tikoan itoe soeda dapet ditangkep dan orang lagi berichtiar boeat dapetken kombali ini Koko poenja ajahanda.

Lebi djaoe ia wartaken kadatengannja Kwan Siang, Jan Tjeng dan jang laen-laen.

Itoe waktoe pasoekan lemmatjwan jang berdjalan di sebla blakang telah sampe. Kwan Siang sasoedanja brentiken tentaranja di loear doesoen, bersama-sama laen Hohan laloe pergi ka gredja Goan Lie Kong, jang lantas disamboet oleh Song An- peng dan dihatoerken trima kasi atas itoe sakalian Siokhoe-siokhoe poenja pertoeloengan. Sasoedanja pada berdoedoek, Kwan Siang laloe tjeritaken bagimana kota Koensengkoan soeda di- poekoel petja dan Kwee Tikoan jang tertangkep telah dibawa ka mari. Dan toetoerken djoega apa jang itoe pembesar telah kasi taoe tentang familienja Song Tjeng, jang soeda dibawa ka kota Tjeetjioe, berhoeboeng dengen meratnja Song An-peng bersama Thio Liong dan Thio Houw.

„Siapatah adanja itoe Thio Liong dan Thio Houw?" menanja Kwan Siang kamoedian.

Sabelon An-peng manjaoet, Tjhie Seng laloe tjeritaken itoe perkara dengen ringkes, jang Kwan Siang belon denger.

Salagi orang beromong-omong, Tee Tjong dan Jo Liem jang pergi menjoesoel Tjioe Thong telah sampe ka ini tempat.

Semoea Huhan laloe menanjaken bagimana itoe oeroesan, Jo Liem menjaoet: bahoewa itoe soe- dara tida dapet ditjari, sataoe ka mana perginja. Waktoe maoe balik ia denger pasoekan lem- matjwan jang abis poekoel kota Koensengkoan ada dateng ka ini doesoen, maka ia berdoea laloe dateng ka mari.

„Itoelah kabetoelan sekali," kata Jan Tjeng, jang Jantas tjeritaken bagimana kota terseboet soeda terpoekoel petja. Tapi Song Tjeng dan sakalian familie soeda dikirim ka Tjeetjioe. Tjeritaken djoega apa sebabnja maka Ouw Oh-mah minta dikirim itoe persakitan.

„Ouw Oh-ma poenja pasoekan ada lebi besar tenaganja, kaloe dipadoe dengen pasoekan di kota Koensengkoan," kata Jan Tjeng: „maka kita tida boleh lantas pergi menjerang, sabelonnja tjari taoe lebi doeloe. Maka sekarang dengen Djiwie Heng-tiang poenja kadatengan, ada kabetoelan sekali. Akoe pikir maoe minta kaoe jang pergi serep-

serepin ka sana." „Tentoe boleh sekali," saoet Tee Tjong.

Sahabisnja bersantap, Tee Tjong bersama Jo Liem dan Koen Ko laloe berangkat ka itoe kota Di sapandjang djalan tiga orang ini beromong- omong tentang Tjioe Thong, jang tida kataoean di mana adanja. Kerna marika tida taoe pernahnja doesoen Kimhiangtjoen.

Koen Ko jang denger begitoe, lantas berkata: „Doesoen Kimhiangtjoen? — Oh, boeat pergi ka Tjeetjioe, kita nanti liwati djoega itoe doesoen." Jo Liem dan Tee Tjong memandang satoe pada laen.

„Kaloe begitoe, perdjalanan kita ini djadi ka- betoelan," kata ia kemoedian: „dan kaoe tentoe taoe pernahnja itoe doesoen, boekan?"

„Ja, akoe taoe," saoetnja Koen Ko.

Kadoea orang itoe djadi girang dan berdjalan lebi tjepet.

Kira-kira berdjalan liwat lima li, marika telah sampe ka itoe kampoeng jang terseboet. Di s'toe ada kaliatan satoe anak ketjil jang lagi mengangon kerbo, maka Koen Ko laloe menghamperi dan tanja pada ini katjoeng, di mana pernahnja Tjioe Thong poenja roema.

Itoe anak lantas kasi taoe, maka katiga orang ini laloe pergi ka tempat jang dioendjoeki.

Satelah sampe, kaliatan roema itoe ada tertoe-toep. Jo Liem laloe ketok-ketok pintoenja dan tida lama, pintoe terboeka.

„Siapatah adanja Hohan ini, dan maoe tjari siapa?" tanja itoe orang prampoean jang memboeka pintoe dan roepanja seperti satoe baboe.

„Kita ini ada Tjioeya poenja soedara-soedara," saoet Tee Tjong: „jang dateng ka mari maoe tjari padanja."

Sabelon baboe itoe menjaoet, Tjioe Kiongdjin jang ada di sebla dalem dan telah denger itoe perkatahan, lantas kaloear dan berdiri di blakangnja itoe baboe, aken menanja: siapa adanja orang-orang jang dateng ini.

Tee Tjong dan Jo Liem laloe perkenalken dirinja.

Oh, kiranja Siok-siok," kata Kiongdjin jang lantas oendjoek roepanja dan membri hora at pada itoe doea orang. Peradatan itoe dibales oleh Tee Tjong berdoea Jo Liem. Kemoedian njonja roema itoe silaken tetamoenja masoek ka pertengahan, dan prenta si baboe ambilken thee. Sasoedanja pada berdoedoek dan minoem thee jang disoegoeken, Kiongdjin lantas menanja, ada kaperloean apa.

Thee Tjong laloe tjeritaken, bagimana ia bersama sakalian Hengte waktoe maoe pergi ka Teng- hoensan, mendadak Tjioe Thong minta permisi boeat poelang doeloe aken mengambil anak istrinja boeat diadjak bersama-sama. Tapi soeda ampir doea minggoe, belon djoega kaliatan soedara itoe kombali.

„Lantaran begitoe, maka akoe dateng ka mari," begitoe Tee Tjong teroesken perkatahannja: „tapi heran sekali, bagimana Soso masi ada di sini? Apa brangkali Tjioeheng belon poelang ka roema?"

„Kaloe begitoe djadi menjoesaken pada Djiwie Sioksiok," kata Kiongdjin: „ja, benerlah Siang-kong telah poelang pada brapa hari jang laloe, dan tjeritaken djoega padakoe, sabagimana jang baroesan Sioksiok telah bilang."

„Dan, mengapa Tjioeheng tida berangkat dan Soso masi ada di sini?" menanja Tee Tjong dengen heran.

„Oh, ada satoe sebab jang Sioksiok tida dapet taoe," kata Kiongdjin jang lantas toetoerken hal soeaminja pergi ka Tjeetjioe, boeat ambil satoe njonja toea jang doeloe pernah tinggal di sini,

akan diadjak bersama-sama ka Tenghoensan.

„Siapatah adanja itoe njonja toea?" tanja Jo Liem. Loei Sioksiok poenja iboe," saoet istrinja Tjioe Thong jang lantas tjeritaken lebi djaoe: „doeloe iboenja Loei Sioksiok itoe, jang memang soeda toea, ada tinggal di sini bersama-sama kita-orang. Tapi blakangan, satoe kaponakannja lantas adjak pinda ka Tjeetjioe. Pada brapa hari jang laloe, waktoe Siangkong poelang dan salagi maoe be- rangkat ka Tengnoensan, ia denger kabar jang njonja toea itoe telah roedin, hingga sang kaponakan jang doeloe adjak padanja, soeda perlakoeken dengen tida pantes. Mendenger itoe kabar Siangkong djadi merasa kasian dan tida tega boeat antepin sadja. Maka berangkat itoe ia oeroengken dan pergi doeloe ka kota boeat bawa itoe njonja toea bersama-sama aken diadjak ka sana. — Inilah sebabnja jang mendjadi lambat."

„Oh, oh, kiranja begitoe," kata Tee Tjong dan Jo Liem sambil manggoet-manggoet.

Tjioe Kiongdjin lantas prenta itoe baboe sadiaken barang hidangan. Kamoedian ia berkata poela: „Sabenernja, maski pergi ka kota poen, tida sampe begini lama. Sataoe ada halangan apa jang menahan padanja berhari-hari. Akoe djoega merasa tiada enak hati. Tapi lantaran dalem roema tida ada orang, salaennja orang-orang prampaoen dan boedjang lelaki ketjil, maka tida ada orang jang boleh diprenta menjoesoel."

Sahabisnja berkata, itoe baboe membri taoe, bahoewa barang hidangan telah sadia. Maka Kiong- djin lantas silaken Tee Tjong, Jo Liem dan Koen Ko doedoek bersantap.

Katiga orang ini jang memang soeda djadi lapar, laloe trima itoe oendangan dan doedoek dahar bertiga. Pada Kiongdjin Tee Tjong berkata: bahoewa marika djoega dari sini maoe pergi ka Tjee-tjioe, maka Kiongdjin troesa koeatir, ia nanti soesoelin sakalian. „Tapi siapatah adanja itoe kaponakan?" menanja ia.

„Namanja diseboet si Oay-tjoei, orang di kampoeng Enghonghian," saoet Kiongdjin, jang pesen djoega, kaloe ini doea Sioksiok katemoe pada soeaminja itoe, soeroe lekas poelang.

Kadoeanja itoe memanggoet.

Sahabisnja santap, katiganja itoe lantas berpamitan dan berangkat ka kota Tjeetjioe.

Di sapandjang djalan marika itoe beromong-omong tentang halnja Tjioe Thong, — dan sabetoelnja, lantaran apatah maka Tjioe Thong pergi begitoe lama?

Tentoelah ada satoe sebab, jang ringkesnja boekan laen dari begini:

Tjioe Thong ini saorang berboedi dan berhati moelia. Doeloe waktoe masi mendjabat pangkat bersama sama Loei Eng, satoe pada laen ada begitoe rempoek. Tapi blakangan, lantaran itoe kawan kena poekoel mati Sioe Eng, Loei Eng dipetjat dari djabatan To-thauw dan dihoekoem boewang ka kota Tjeetjioe, sedeng Tjioe Thong diwadjibken menganter itoe persakitan sampe ka tempat hoekoemannja.

Tapi Tjioe Thong jang inget kabaekannja itoe sobat, lantas lepasken persakitan ini dan prenta pergi ka Liangsan boeat semboeniken diri, sedeng ia sendiri gantiken Loei Eng mendjalanken hoe- koeman di kota terseboet.

Blakangan ini sobat jang dipandang sabagi soe- dara, sasoeda kawanan Liangsan ditrima oleh negri dan diprenta poekoel Poeilap binasa dalem paperangan di Poeilap, sedeng miliknja semoea Tjioe Thong serahken pada Loei Eng poenja iboe, dengen adjak djoega orang toea itoe tinggal bersama-sama satoe roema, dengen pandang sabagi iboenda sendiri.

Selang brapa taon kamoedian, sasoeda djalanken abis itoe hoekoeman dan Tjioe Thong pergi lakoeken kombali kawadjibannja salakoe To-thauw di Potenghoe, maka anak istrinja ia tinggal di roema bersama itoe orang toea, kerna orang-orang prampoean tida bisa diadjak ka tempat jang begitoe djaoe.

Tatkala itoe Tjian Oay-tjoei jang denger khonja ada tinggal di roemanja Tjioe Thong dan kho itoe ada banjak me poer.jai barang-barang, Oayfjoei laloe datang ketemoein dan adjak ini khơ poelang padanja di kota Tjeetjioe.

Ini nama Oay-tjoei ada berarti Moeloet Miring, sebab orang moeda itoe memang moeloetnja miring ka sebla. Dari roepanja sadja orang lantas bisa dapet kanjatahan, bahoewa hatinja Oay-tjoei ada bengkok. Tapi kerna diboedjoek dengen omongan manis dan lakoenja ada kaliatan begitoe hormat, maka iboenja Loei Eng jang bermoela tida maoe toeroet, terpaksa ikoer djoega.

Tjoei Kiongdjin tida bisa menjera apa-apa, kerna ia poen taoe jang itoe doea orang ada kaponakan bersama kho.

Itoe njonja toea ada kaliatan sedi waktoe maoe berpisa pada Kiong djin. Maka sasoedanja membri slamat tinggal, Loei Bo itoe ikoet kaponakannja.

Satelah sampe di kota Tjeetjioe, bermoela itoe orang toea diperlakoeken dengen baek dan dapet rawatan jang senang, sampe achir-achir Loei Bo pertjajaken sagala barang-barangnja jang berharga. Tapi blakangan, sasoeda Tjian Oay-tjoei poenjaken semoea khonja poenja milik, dirinja itoe orang toea tida diopen lasi. Kerna maksoednja itoe si Moeloet Miring poen boekan laen, hanja sakedar boeat dapet kang kangin sadja orang poenja barang.

Dalem itoe sapandjang waktoe, iboenja Loei Eng idoep dengen sangsara. Kerna sekarang si kolot itoe boekan sadja tida begitoe diopen, hanja seringkali dibentak, dimaki dan diprenta mendjaga anak-anaknja salakoe boedjang jang zonder gadji.

Di sitoe baroelah Loei Bo merasa menjesel jang ia soeda toeroet ini kaponakan setan alas. Tapi apa ia bisa berboeat, menjesal poen telah kasep!

Blakangan waktoe Tjioe Thong ikoet pasoekan lemmatjwan dan salagi poelang doeloe ka roemanja boeat mengambil istri, ia dapet kabar tentang kalakoeannja Tjian Oay-tjoei jang bezitoe tida patoet, hingga perasahannja jang moelia djadi timboel boeat ambil kombali pada itoe orang toea. Sedeng pada istri sendiri ia tjeritaken, bagimana waktoe ia lakoeken djabatan To-thauw dan telah bertempoer pada pasoekan Kim di Potenghoe, dapat kakalahan jang ampir sadja membinasaken djiwa. Beroentoeng itoe waktoe dateng Houw-jan Tjiak jang menoeloeng.

Sekarang antero Santong dan Holam telah djato ka tangannja orang Kim, inaka ia rasa tida santausa boeat anak istrinja berdiam lebi lama di ini tempat. Djoega ia tjeritaken jang bersama sekalian Hengte ia telah berkoempoel di lemmatjwan dan sekarang pasoekan itoe maoe pergi ka Teng-hoensan; datengnja ka mari boeat ambil Kiongdjin.

Begitoelah sasoeda beromong-omong ia lantas pergi ka Tjeetjioe boeat ambil Loei Bo aken diadjak bersama-sama.

Satelah ia sampe di tempat jang terseboet, si Moeloet Miring jang liat kadatengannja lantas menjamboet dengen girang, den, en oetjapken banjak perkatahan manis, hina ga sedikit poen Tjioe Thong jang berhati len pany, tida tjoeriga.

„Akoe belon sempat dateng menengoki, hanja Thongtjie sendiri soeda datens mengoendjoengi," kata si djahat ini dengen lakoe jan, poera-poera: ,,inilah sasoenggoenja ada satoe ka dosahan besar boeat akoe."

„Dosa apatah djoe a?" kata Tjioe Thong: „akoe poenja dateng poen boekan maksoed laen dari hendak ambil Loei Bo, boeat diadjak tinggal kombali bersama-sama."

„Goena akoe poenja kho, sampe membikin Tjioe Thongtjie djadi soesa, itoelah bener-bener ada boe- di terlaloe besar, jang akoe tida sanggoep trima."

„Ah, djanganlah kata begitoe. Kerna akoe pada Loeiheng doeloe ada sabagi soedara potoesan peroet, maka iboenja ada seperti djnega iboekoe."

„Itoelah menjataken jang Tjioe Thongtji saorang berboedi besar."

Salagi marika beromong-omong, Loei Bo jang ada di sebla dalem dan sa'elah denger soearanja Tjioe Thong, lantas boeroe-boeroe kaloear dan orang toea ini kaliatan amat girang. Apapoela denger jang dirinja maoe d adjak tinggal kombali seperti doeloe, hatinja dirasaken sabesar goenoeng. Ini orang toea laloe menanjaken apa-apa tentang itoe sapandjang waktoe jang telah liwat. Tanja djoega tentang Kiongdjin, apa ada baek. Tjian Oay-tjoei laloe prenta istrinja sadiaken barang hidangan, sedeng ia sendiri laloe kaloear kombali sambil berkata:

„Kerna akoe poen tida taoe jang Thongtji hendak ka mari, maka akoe tida bersadia lebi doeloe. Harep Thongtji soeka doedoek sadja doeloe dan minoem-minoem sendiri, akoe nanti pergi beli boea dan tida lama djoega aken kombali."

Tjioe Thong laloe menjega, tapi si Moeloet Miring paksa kaloear djoega dengen lakoe repot, seperti orang jang sasoenggoe maoe menghormati, hingga Tjioe Thong jang berhati djoedjoer dan moelia, sedikit poen tida tjoeriga kaloe orang maoe bikin tjilaka.

Tjian Oay-tjoei berdjalan dengen tjepet menoedjoe ka tempatnja Ouw Oh-ma, sedeng dalem hatinja ada amat gírang dan sembari djalan ia berkata sendiri-diri:

„Toehan Allah kasi akoe redjeki besar ini sakali, jang sasoenggoenja akoe tida doega. Ini sakali akoe bisa djadi orang hartawan, bisa berdjoedi lagi dengen tarohan besar dan plesir sapoe- wasnja hati."

„Oh, oh, itoe sariboe tail mas boekannja sedikit," begitoe ia samboeng perkatahannja dengen penoeh kagirangan: „saoemoerkoe idoep belon tentoe bisa dipake abis. — Hahaha, Tjioe Thong anterken diri, inilah bener-bener amat soesa ditjari. Sedeng jang pergi tjari masi belon tentoe bisa dapet."

Kamoedian ia samboeng perkatahannja itoe dengen tertawa bergelak-gelak.

Mengapatah Oay-tjoei djadi begitoe girang?

Inilah boekan laen, hanja kerna Ouw Oh-ma ada kaloearken prenta dengen tarohan besar, bahoewa siapa orang jang bisa dapet tangkep pada Tjioe Thong, marika nanti dibri gandjaran besar, dan siapa jang semboeniken, aken dapet hoekoe- man boenoe.

Kerna takoet korban itoe kaboeroe pergi, maka ia berdjalan saparo lari dan satelah sampe di kantoornja itoe panglima Kim, si djahat ini laloe membri taoe, jang Tjioe Thong, sala satoe kawanan Liangsan jang doeloe djadi Thongtji di Potenghoe, ada dateng ka roemanja dan minta Ouw Oh-ma kaloearken tentara boeat tangkep.

Ini panglima Kim jang satelah menerima warta, tida ajal lagi dan kaloearken satoe barisan aken menoedjoe ka roemanja ini djahanam.

Satelah sampe roema itoe lantas dikoeroeng, dan Tjioe Thong baroe dapet taoe waktoe Ouw Oh-ma berdiri di hadepannja.

„He, apa kaoe ini boekan di Potenghoe poenja Thotongtji?" menanja Ouw Oh-ma sambil mengawasi.

„Bener sekali," saoet Tjioe Thong.

„Mengapa kaoe tinggal semboeni sadja dalem roema, dan tida lakoeken kawadjiban sabagimana moestinja?"

„Akoe tida semboeni. Akoe poelang ka roema poen baroe sadari kamaren."

„Ka mana kaoe telah pergi dalem sekean lama itoe?"

Itoelah ada berhoeboeng dengen akoe poenja djabatan."

Ouw Oh-ma jang memang soeda dikasi taoe oleh Tjian Oay-tjoei siapa adanja Tjioe Thong, maka katerangannja ini orang gaga jang paling blakang, tida dipertjaja. Panglima Kim itoe berkata sambil tertawa:

„Kaoe ini satoe pemboeron jang belon menaloek pada Kimtiauw, dan akoe tave djoega jang kaoe ada orang gaga kawanan Liangsan."

Dengen tida banjak bitjara lagi, Tjioe Thong diprenta bawa ka istal koeda, aken menoenggoe sampe perkaranja dipreksa.

Satelah sampe di itoe tempat, Tjioe Thong dapet liat snorang gaga jang lagi bikin obat goena koeda jang sakit. Orang itoe ia kenalin ada seperti Hengtenja. Sedeng itoe orang poen satelah liat padanja, djadi terkedjoet. Tapi tida menanjaken apa-apa, kerna itoe soldadoe Kim jang menganterken masi ada di sitoe.

Sasoeda itoe doea soldadoe berlaloe, Hong Hoe-twan lantas menghampirken dan berkata:

„He, apatah akoe boekan ada berhadepan pada Tjioe Hengtiang?"

„Benerlah," saoet Tjioe Thong: „akoe poen lagi liat dan awasi Hongheng poenja gerak-gerakan dan roepa, njatalah tida sala kaoe adanja."

Hong Hoe-twan laloe menanja: kenapa ini soedara angkat boleh ditangkep dan ada tersangkoet dengen perkara apa.

„Itoelah akoe sendiri poen tida taoe," saoetnja Tjioe Thong: „kerna dengen zonder ada sebab akoe laloe ditangkep."

I ebi djaoe Tjioe Thong tjeritaken, bagimana ia telah dateng ka roemanja Tjian Oay-tjoei boeat ambil Loei Bo, tapi koenjoens-koenjoeng balatentara Kim lantas koeroeng dan Ouw Oh-ma prenta tangkep, kamoedian disoeroe tahan di ini istal koeda.

„Oh, kaloe begitoe tentoe lantaran itoe perdjandjian jang Kim Boe-toet telah kaloearken, jaitoe: siapa-siapa jang brani semboeniken penggawe Songtiauw nanti dapet hoekoeman, sedeng siapa jang bisa membri taoe, aken dikasi persen besar. Boleh djadi Hengtiang poenja kadatengan di roemanja Tjian Oay-tjoei, itoe toean roema sendiri jang dateng melapoer pada Ouw Oh-ma." „Boleh djadi begitoe — Tapi bagimana soedara boleh ada di sini dan djadi toekang mengobatin koeda?"

Hong Hoe-twan laloe tjeritaken, waktoe kota Piankeng terpoekoel petja dan dirinja kena ditawan. Tapi sebab ia pande mengobatin koeda, maka panglima Kim jang tangkep padanja bebasken dari hoekoeman dan pakerdjaken ia dalem ini kerdjahan.

Kamoedian Hong Hoe-twan adjak Tjioe Thong dateng ka roemanja jang pernahnja di sebla sam- ping, dimana marika laloe beromong-omong dan tjeritaken tentang itoe koeda jang terpelihara. Lebi djaoe ia tjeritaken tentang itoe doea koeda baek jang doeloe kapoenjahannja Song Kang dan Houw- jan Tjiak, telah ilang tertjoeri orang.

„Sekarang," kata poela Hong Hoe-twan: „boeat laen-laen oeroesan baek kita tinggal sadja di samping dan mari kita bitjaraken sadja jang berhoe- boeng dengen Hengtiang poenja diri."

„Apa kaoe rasa bisa toeloeng lolosken dirikoe?"

tanja Tjioe Thong. „Akoe rasa bisa," saoetnja: „akoe dapet pikir satoe daja."

Kamoedian ia tjeritaken, bagimana Ouw Oh-ma poenja istri, ada anak prampoeannja Kan Lie-poet; istrinja itoe panglima ada berkoeasa di atas dirinja sang soeami. Maka dengen goenaken pengaroenja oewang, pasti Tjioe Thong bisa terlepas dari ini bahaja.

Tapi Tjioe Thong kasi taoe dengen teroes terang, bahoewa ia tida ada mempoenjai banjak oewang, djoega seandenja ada, siapatah jang boleh disoeroe boeat kabarken pada istrinja.

Dengen tertawa Hong Hoe-twan bilang: itoe ada perkara ketjil, maka boeat itoe semoea ia nanti oeroes sampe baek.

....................

Dengen tinggalken doeloe Tjioe Thong jang ada di pasanggrahan Kim, maka sekarang baeklah kita balik meliat pada Tee Tjong.

Ini orang gaga jang ada mempoenjai kapandean berdjalan tjepet, tatkala itoe soeda sampe di kota Tjeetjioe bersama doea kawannja. Satelah sampe depan roemanja Oay Tjoei, ia katemoe satoe njonja toea, jang lagi doedoek sembari segak-segoek. Di bagian pertengahan ada kaliatan doedoek satoe prampoean moeda jang poepoeri moekanja dengen begitoe medok dan empo satoe anak ketjil.

Jo Liem laloe menghamperi dan tanja itoe pram- poean toea tentang Tjioe Thong, jang lantas didjawab: Tjioe Thongtjie telah ditangkep oleh orang Kim, dengen tida taoe apa lantarannja. Tentoe sadja ini penjaoetan membikin Tee Tjong dan Jo Liem djadi kaget, dan sabelonnja ia menanja lebi djaoe, itoe prampoean jang ada di dalem berkata dengen soeara ketoes, bahoewa di sini tida ada Tjioe Thongtjie, djoega tida kenal siapa adanja itoe Thongtjie jang diseboet.

Tee Tjong lantas berlaloe dengen hati merasa koerang senang. Di sapandjang djalan ia mengomong pada Jo Liem, di mana sekarang marika moesti tjari. Achirnja ia orang ambil poetoesan boeat tanja-tanja orang jang tinggal berdeketan dengen pasanggrahan Kim, soepaja bisa dapet taoe apa sebabnja itoe kawan tertawan.

Di deket sitoe ada berdiri satoe roema makan, maka katiganja itoe lantas masoek dan minoem arak. Sabelonnja ia menanjaken apa-apa pada toekang waroeng, di sebla depan ada liwat Hong Hoe-twan bersama satoe anak ketjil jang meng- gendong tromol obat.

Tee Tjong lantes kaokin, Hoe-twan djadi terkedjoet jang tertjampoer girang. Maka ia hamperi dan berkata:

„Kaoe dateng kabeneran sekali."

Katiganja itoe lantas beromong-omong dengen pelahan. Liwat sedikit waktoe marika lantas bangoen dan bajar harganja arak jang diminoem, dan kaloear dari itoe waroeng.

Dari ini sobat lama jang djadi toekang mengobatin koeda, Tee Tjong dapet tape apa lantarannja ia poenja kawan ditangkep, kamoedian marika pergi ka tempatnja Tjioe Thong jang lagi ditahan, di mana ada kaliatan djoega Song Tjeng dan istrinja, hingga orang-orang gaga itoe djadi girang.

Sasoedanja satce pada laen men bri hormat, Tee Tjong lantas membri taoe, bahoewa laen-laen Hengte merasa koeatir meliat Tjioe Thong pergi begitoe lama, maka bersama Jo Liem ia diprenta dateng serepin.

Kerna Tjioe Kiongdjin membri taoe jang ini soedara pergi ka Tjeetjioe boeat ambil satoe njonja toea, maka ia lantas dateng ka ini kota. Di roemanja Oay Tjoei marika tjoema dapet katerangan jang Tjioe Thong telah ditangkep, dan toetoerken satoe persatoe apa jang baroesan pen.batja telah liat.

„ltoe njonja toea jang menangis, tentoe ada Loeiheng poenja iboe," kata Tjioe Thong: „sedeng itoe prampoeam moeda tentoe ada istrinja si dja- hanam, jang telah membri taoe atas akoe poenja kadatengan pada Ouw Oh-ma."

Tapi kaoe kenapa boleh toeroet dateng ka mari?" tanja Tjioe Thong pada Koen Ko.

Orang jang ditanja laloe membri taoe, ia dateng ada atas perentanja Song An-peng, jang merasa koeatir atas kaslamatan ajah boendanja.

Song Tjeng dan istrinja tjoema menangis sadja, kerna ia kata: bagimana dirinja bisa kaloear dari ini tempat. Tapi Hong Hoe-twan jang ada di sitoe, lantas menghiboer dan kata: ini perkara Song Tjeng troesa boeat iboek, kerna baroesan ia kaloear dari ini tempat, boekan berboeat laen dari pada oeroes ini perkara, soepaja ini orang-orang tawanan bisa terloepoet dari bahaja.

„Abis bagimana?" tanja Tjioe Thong: „soeda beres itoe perkara."

„Soeda," saoet Hong Hoe-twan, jang lantas tjeritaken, bahoewa dengen perantaraannja satoe Thaubak jang dapet oewang sogokan, soeda pergi katemoeken Thay-thay boeat bitjaraken ini perkara teboes persakitan, jang achirnja soeda ditrima dan ditetepken, boeat dirinja Tjioe Thong moesti diteboes dengen doeariboe tail perak; sedeng Song Tjeng laki istri boleh dilepas lagi, kaloe sadja bajar harganja itoe doea koeda jang ditjoeri orang, jang ditetepken harga sariboe limaratoes tail perak.

Lebi djaoe Hoe-twan kasi taoe, sekarang Tee Tjong dan Jo Liem boleh balik sadja ka Hoanto-tjoen boeat mengambil itoe oewang, sedeng Song Tjeng laki istri nanti dilepas dengen teranter oleh Tjan Si-hiong. Sedeng itoe thaubak jang soeda djadi orang perantarahan, moesti dipersen saratoes tail perak.

„Itoe se noea perkara ketjil," kata Tee Tjong dan Jo Liem dengen berbareng: „sekarang baek- lah kita berangkat sadja, soepaja ini perkara djadi beres. Tapi sebab kita poenja balik ambil oewang boekan perdjalanan deket; maka brapa lamatah Thay-thay soeda membri tempo?"

„Delapan hari."

„Oh, itoelah tjoekoep betoel."

Pada waktoe maoe berpisa, Tjioe Thong pesen pada itoe tiga soedara, soepaja dalem perdjalanannja poelang. marika itoe soeka mampir djoega di roemanja boeat mengabarken pada Kiongdjin. Tee Tjong dan Jo Liem berdjandji baek.

Sasoedanja membri slamat tinggal, Tee Tjong lantas berlaloe. Di sapandjang djalan hatinja merasa senang, sebab sekarang itoe kakoeatiran atas dirinja Tjioe Thong, soeda tida ada. Begitoe djoega tentang Song Tjeng dan istrinja, bakal katoeloengan. Djadi baliknja ka Hoan-to-tjoen, tentoe menggirangken hatinja Song An-peng.

Satelah sampe di doesoen tempatnja Tjioe Thong, Tee Tjong laloe mampir dan tjeritaken pada Kiongdjin apa jang telah terdjadi dengen soeaminja, tapi itoe perkara sigra djoega mendjadi beres, kata ia. Kiongdjin djadi girang dan hatoerken banjak trima kasi.

Kamoedian ia berdjalan lebi djaoe.

Tida lama kamoedian marika telah sampe di Hoan-to tjoen, Tee Tjong lantas masoek dalem gredja Goanlikong, dimana Kwan Siang dan jang laen-laen djadi heran meliat poelangnja Tee Tjong tjoema sendirian sadja.

„Bagimana oeroesan jang diserepin itoe?" tanja Kwan Siang: „dan mana Joheng bersama Koen Ko, kenapa tida poelang sama-sama ?“

„Oeroesan itoe soeda akoe dapet katerangan heres,“ djawab Tee Tjong: sigra djoega Tjioe Heng itoe nanti kombali bersama istri dan koelawarganja dengen slamat.“

„Bagimana boleh begitoe dan kenapa tida poelang bersama-sama ?“ kata Kwan Siang jang belon mengarti terang.

Di sitoe Tee Tjong lantas tjeritaken tentang poelangnja Tioe Thong, jang lantaran maoe adjak iboenja satoe sobat, telah berangkat ka kota Tjee-tjioe dan di sana dirinja kena ditangkep oleh orang Kim.

Inilah jang mendjadi lantaran hingga tida bisa lekas balik kombali.

Tapi sekarang bahaja itoe troesa dikoeatirken, kerna pada Thay-thay soeda didamiken boeat teboes Tjioe Thong poenja diri. Begitoe lekas oewang teboesannja dianterken, sobat itoe lantas dilepas,

„Siapatah adanja itoe Thay-thay?“ menanja Kwan Siang dengen heran.

„Istrinja Ouw Oh-ma.“

„Tapi bagimana itoe istri boleh berkoeasa lepas orang tawanan ?“

„Kaoe tida mengarti, soedara. Itoe Thay-thay ada berpengaroe besar di atas diri soeaminja, apa djoega ia kata dan berkahendak, soeaminja toeroetin sadja. Dan itoe oewang teboesan poen ada boeat itoe njoaja.“

Lebi djaoe Tee Tjong kasi taoe, jang Ouw Oh-ma aken pergi mamereksa pembikinan kapal- kapal perang, maka dengen perantarahannja satoe Thaubak, jang Hong Hoe-twan ada kenal dan soeroe bitjaraken itoe teboesan, istrinja Ouw Oh-ma soeda tri na baek dan berdjandji nanti lepasken Tjioe Thong, kaloe oewang itoe soeda dianterin.

Tapi boeat Song Tjeng troesa dibawaken oewang, kerna Tjan Sie-h ong jang diprenta da eng trima itoe oewang ka mari, dengen membawa djoega ia poenja orang tawaran.

Song An-peng jang denger ajah-boendanja tida koerang soeatoe apa, djadi girang,

„Kaloe begitoe, baek sekarang Tee Wantiang berangkat sadja boeroe boeroe ka Tenghoensan boeat ambil itoe oewang teboesan,“ kata Kwan Siang: „tapi, eh, pada waktne kita-orang poekoel kota, soeda dapetken Kwee Keng poenja oewang contant doeariboe tail perak, dan ini boleh digoenaken boeat meneboes Tjioeheng. Djadi sekarang ambil sadja di Tenghoensan sakoerangnja boeat teboes koelawarga Song, soepaja itoe tempo jang ditetepken oleh istrinj Ouw Oh ma, ida djadi laat.“

Tee Tjong memanggoet dan lantas maoe berangkat. Tapi Jan Tjeng menjega dan berkata:

„Boeat apa pergi ka Tenghoensan, membikin tjape-tjape djalan tida kaoeroesan.“

Kwan Siang dan Tee Tjong, begitoe djoega Song An-peng, djadi heran, kerna itoe mengarti bagimana Jan Tjeng hendak berboeat.

„Kaloe Ouw Oh-ma soeda kaloear dari Tjeetjioe boeat liat pembikinan kapal-kapal perang, sedeng Song Hoangwe bersama istrinja aken dateng ka mari dengen teranter oleh Tjan Sie-hiong,“ kata Jan Tjeng sambil tertawa: „itoelah ada satoe perkara bagoes, dan dengen tida oesah goenaken peseran, boekan sadja itoe orang-orang nanti tertoeloeng, malah kita-orang bisa membales sakit hati pada itoe moesoe moesoe.“

„Bagimana boleh begitoe?“ tanja Kwan Siang.

„Inilah ada satoe akal,“ saoet itoe ahli pemikir, jang lantas kasi taoe tipoe apa jang ia hendak goenaken, dan pikiran ini soeda membikin Tee Tjong dan Kwan Siang djadi girang.

---

XI
SASOEDANJA MEMBIKIN KARIBOETAN DI
TJEETJIOE, ORANG-ORANG GAGA
BERANGKAT TEROES KA
TENGHOENSAN.

_______

Sasoedanja persadiahan diatoer beres menoeroet sabagimana titahnja Jan Tjeng, sorenja dari itoe hari satoe pengawal dateng membri taoe, bahoewa Tjan Sie-hiong jang mengiring Song Andjin dengen membawa limapoeloe laskar, telah sampe.

Mendenger ini kabar, Song An-peng lantas boeroe-boeroe kaloear menjamboet, anak ini menangis dengen sedi dan pimpin orang toeanja masoek ka dalem gredja, jang lantas di-ikoet djoega oleh Tjan Sie-hiong.

Ini penggawe jang berpake pakean satjara panglima Kim, lantas menanja dengen soeara kakoe: apa betoel orang moeda itoe ada bernama Song An-peng, djika bener, mana kawannja jang bernama Thio Liong dan Thio Houw, bersama itoe tiga koeda jang doeloe telah ditjoeri dari pasanggarahan Kim.

„Akoe bener Song An-peng," saoet itoe orang moeda: „itoe doea orang jang kaoe tanja ada di dalem dan akoe nanti panggil.“

Selang sasaät Tjhie Seng dan Houw-jan Giok telah kaloear sambil membawa oewang dan taro kantong itoe di atas medja.

Tjan Sie-hiong lantas itoeng itoe djoembla, kamoedian ternjata masi koerang sariboe limaratoes tail perak.

„Bener,“ kata Tjhie Seng: „ini oewang doea-riboe tail ada boeat peneboesan Song Andjin, dan boeat harga penggantian koeda, masi koerang.“

„Tapi lekaslah sadiaken!“ menjentak Tjan Sie-hiong dengen soeara keras.

Doea orang moeda itoe lantas berlaloe. Tida lama kamoedian marika datang kombali bersama-sama Kwee Keng.

Ini orang kaparat jang bekas djadi Tikoan, waktoe dibawa kaloear tida brani angkat moeka. Tjan Sie-hiong jang liat begitoe, djadi kaget tertjampoer heran, kerna tida mengarti bagimana Kwee Keng boleh ada di ini tempat. Maka ia laloe dateng menghamperi dan menanja, mengapa Tikoan Loja boleh ada di sini,

Sabelon petanjahan ini didjawab, orang-orangnja Kwan Siang jang soeda diatoèr lantas mengoeroeng itoe gredja, di mana Tjan Sie-hiong dengen laskarnja ada berdiam. Sedeng Tjhie Seng dan Houw-jan Giok satelah denger tanda rasia jang diboenjiken, lantas hantem kapalanja itoe pengawe, jang lantas djato dan di-iket.

Itoe limapoeloe laskar jang liat panglimanja soeda tida berdaja, marika djoega laloe letaki sendjata boeat menaloek. Berbareng itoe Kwan Siang dengen roepa angker laloe dateng ka itoe roewangan, dimana Tjan Sie hiong laloe dihadepken padanja.

Dengen lakoe bengis Kwan Siang laloe menanja, kenapa Tjan Sie-hiong berlakoe begitoe kedjem pada Song Hoangwe dan istrinja, apatah marika itoe poenja kasalahan. Tapi pertanjahan ini tida didjawab.

Sekarang Tjan Sie-hiong mengarti, jang dirinja. soeda kena didjebak. Maka dengen soeara meratap ia minta diampoenin kadosahannja.

„Minta ampoen? Minta ampoen??” kata Kwan Siang dengen djemoe: „foei! orang kaparat jang tida poenja maloe, pengetjoet dan takoet mati! Kalo: kaoe brani kaniaja orang baek-baek, mengapatah djoega kaoe moesti takoet hadepi kabinasahan?”

Tjan Sie-hiong tida menjaoet.

Kerna rasa tida perloe boeat bikin pertanjahan-pertanjahan pada orang jang begini matjem, Kwan Siang lantas prenta algodjo bawa sadja Kwee Keng bersama Tjan Sie-hiong kaloear gredja, boeat ditabas batang lehernja.

Itoe doea orang kaparat satelah denger itoe perkatahan „tabas“, djadi bergoemeter sakoedjoer badan dan merinti-rinti minta diampoenken. Tapi Kwan Siang dan jang laen-laen tida ambil perdoeli ratapannja itoe.

Tida lama kamoedian orang anterken itoe doea kapala, sabagi tanda jang prentanja ini orang gaga telah didjalanken dengen baek.

Sekarang Jan Tjeng prenta orang-orangnja sadiaken makanan dan minoeman pada itoe lima poeloe laskar taloekan, jang hendak dipindjem pakeannja. Djika oeroesannja telah beres, marika itoe nanti diloepoetken dari hoekoeman potong kapala.

Tentoe sadja ini limapoeloe orang tida brani membanta, dan briken tjelana badjoenja boeat dipake oleh orangnja Kwan Siang, jang hendak masoek ka dalem kota Tjeetjioe boeat toeloung Tjhioe Thong dan Song Tjeng.

Tida lama itoe liauwlo sueda berdandan seperti orang Kim, bersama Kwan Siang lantas berangkat ka kota, jang satelah sampe, marika laloe bettreak minta diboekain pintoe.

Itoe waktoe siang telah terganti dengen malem. Pendjaga kota tida brani berlakoe gegaba. Tapi sasoeda mengawasi dan kenalken betoel jang dateng ada kawan sendiri, baroelah ia boekai dan itoe liauwlo jang nenjamar laloe masoek ka dalem.

Kwan Siang dan Jan Tjeng laloe menoedjoe ka istal, tempat di mana Tjioe Thong dan Song Tjeng ada tertahan.

Ini doea orang jang memang lebi doeloe soeda dikabarken oleh Tee Tjong, sadari tadi telah bersadia. Maka sadatengnja itoe kawan, marika lantas sadja bersadia boeat kaloear dari itoe tempat tahanan.

Thaubak jang mengoeroes koeda dapet liat padanja, maka ia lantas pegat sambil bertreak soeroe orang djaga keras, kerna ini orang tawanan maoe lari. Tapi sabelon perkatahan jang dioetjapken itoe abis, Tjhie Seng poenja kepalan telah sampe di moeloetnja, hingga Thaubak itoe djato dan rontok doea giginja.

Itoe waktoe Tjhie Seng tahan datengnja laskar-laskar Kim jang lagi maɔe menoeloeng itoe Thau-bak, sedeng Tjioe Thong dan jang laen-laen soeda ada di djalanan. Maka pada itoe kawan ia soeroe djalan sadja doeloean, kerna ia hendak pergi doeloe ka roemanja Oay Tjoei, boeat adjak sobatnja poenja iboe jang masi ada di sitoe.

Sahabisnja berkata, ia lantas boeroe-boeroe pergi ka Enghokoan.

Dalem hatinja soeda ambil poetoesan tetep boeat abisken djiwanja Tjian Oay-tjoei boeat linjapken penasaran hatinja.

Tatkala itoe Oay-tjoei bersama istrinja lagi do doek omongin halnja itoe persenan sariboe tail mas.

„Itoe orang soeda ditangkep,“ kata istrinja itoe djahanam: kenapa oewang persennja belon dikasi?"

„Sebab Ouw Goanswe jang moesti membri itoe persen, djoestroe baroe pergi,“ saoet si moeloet miring.

„Abis sampe kapantah kita bisa rima itoe oewang?“

„Paling djoega lagi sapoeloe hari.“

„Ouw Goanswe pergi ka manatah?“

„la pergi preksa pembikinan kapal-kapal perang.“

„Sapoeloe hari, wadoe, lama amat. Akoe soeda kapingin poenjaken sadja itoe oewang boeat belandja, membeli barang pakean dan laen-laen lagi.“

„Sigra djoega kaoe nanti poenjaken itoe. Djangan takoet.“

Itoe waktoe Tjioe Thong soeda sampe depan roemanja Oay-tjoei, dan telah denger djoega apa jang itoe doea orang lagi bitjaraken.

Lebi djaoe kadengeran Oay-tjoei berkata, jang ia djoega soeda kapingin bisa mempoenjai itoe oewang, kerna sabelonnja dapet trima, hatinja tida bisa merasa senang. Tapi apa-boleh-boeat ia moesti menoenggoe, sebab itoe panglima besar tida ada di dalem kota.

Kamoedian marika njataken djoega perniatannja, jaitoe, kaloe ini perkara soeda beres dan oewang persen telah ditrima, imarika maoe beli pakean jang bagoes boeat pergi membajar kaoel ke gredja Thaybi-si, jang telah mengasi peroentoengan bagoes.

„Ini semoea nanti kadjadian,“ kata Tjian Oay-tjoei.

„Kaloe oewang itoe soeda ditrima, kaoe poenja kho oesir sadja dari sini, boeat apa pelihara dan djadi banjak boewang ongkos sadja, sedeng goe nanja soeda tida ada.“

Sabelonnja ini soeami kaparat menjaoet, pintoe jang tertoetoep djadi menggedoebrak dan terpental, hingga doea laki istri itoe djadi kaget.

Marika itoe djadi bengong terlongong-longong, waktoe liat seorang gaga ada berdiri di hadepannja.

„Bangsat! djahanam!“ menjentak Tjioe Thong dengen amat moerka: „kaoe berdoea tjoema sifatnja sadja manoesia, tapi sabenernja binatang, ja binatang jang mendjelema dan tida sekali mempoenjai perasahan manoesia.“

Oay-tjoei djadi goemeter, sedeng istrinja tinggal berdiam sadja, waktoe dapet kenalin siapa adanja itoe orang jang berdiri di hadepannja. Tjioe Thong tjaboet goloknja, hingga itoe doea

djahanam djadi lemas dan roeboeh sabelonnja ditabas.

Sigra djoega Tjioe Thong batjokin sendjatanja di masing-masing poenja leher, dan doea kaparat itoe lantas binasa dengen tida mengaloearken lagi soeara.

Kamoedian ini orang gaga jang sasoeda membales sakit hati, lantas masoek ka dalem dan dapet denger di blakang ada soeara orang menangis. Sembari wawa-wewe orang jang menangis itoe memoehoen pada Toehan, soepaja Tjioe Thong jang tertangkep tida binasa djiwanja dan bisa lekas katoeloengan.

„Akoe soeda terlepas dari bahaja, Popo,“ kata Tjioe Thong sambil bertindak ka dalem kamar ketjil dan kotor: „akoe dateng ka mari maoe adjak kaoe lekasan berangkat dari ini tempat jang terkoetoek.“

Loei Popo djadi kaget, tapi sigra djoega djadi amat girang, satelah dapet kanjatahan jang djiwanja itoe penoeloeng masi idoep.

Tida lama kamoedian Tjioe Thong soeda adjak prampoean toea itoe kaloear dari roemanja Oay-djoei, sedeng dalem kota Tjeetjioe ada kadengeran soeara riboet, jaitoe soldadoe-soldadoe Kim jang maoe pegat kaloearnja Jan Tjeng dan Tjhie Seng, telah merat sambil mendjerit-djerit.

Sasoeda maksoednja itoe kasampean, orang-orang gaga ini lantas berlaloe. Tapi di tenga djalan ia diboeroe oleh Goe Touwkam, jang dapet kabar ada orang membikin roesoe besar.

Touwkam itoe mengedjer dengen tjepet, tapi orang jang dikedjer poen tida sekali merasa takoet, hanja prenta kawannja jang laen-laen djalan sadja doeloean, sedeng Tjhie Seng bersama Oan Soei dan Houw-jan Giok, lantas mamegat datengnja moesoe.

Itoe Touwkam dateng menerdjang, jang lantas disamboet oleh kadoea orang moeda itoe dengen gaga dan bales memoekoel sama sendjata. Oan Soei diam-diam madjoe mengantem, hingga belon ada sadjoeroes, itoe panglima jang tida taoe diri telah binasa di oedjoeng sendjata.

Itoe waktoe dalem kota Tjeetjioe djadi riboet. Tapi laen-laen panglima jang berpangkat ketjil tida brani mengedjer, hanja mendjaga sadja tempat sendiri, sedeng Oan Soei bersama doea kawannja rangkep barisannja dan teroesken poela perdjalanannja.

Waktoe matahari terbit barisan ini telah sampe di doesoen Kimhiangtjoen, dan Tjioe Thong lantas adjak sobat-sobatoja mampir doeloe ka roema, boeat ambil istrinja dan sakalian koelawarga.

„Kita-orang tida boleh tinggal lama di sini,“ kata Jan Tjeng: „baek Hengtiang lekasan babenah, kamoedian sasoedanja selesih, adjak Soso dan Popo berangkat djalan. Lebi lekas berlaloe ada lebi baek, sedeng akoe menoenggoe di doesoen Hoantotjoen.“

Tjioe Thong memanggoet.

Jan Tjeng lantas berangkat kombali.

Tida lama marika telah sampe di desa terseboet. Djaoe djaoe Song An peng jang dikasi taoe lantas kaloear menjamboet ajahnja. Kamoedian ini ajah dan poetra lantas sodja pada semoea orang-orang gaga jang telah menoeloeng padanja.

„Sekarang semoea oeroesan soeda beres,“ kata Kwan Siang: „maka sabelonnja kita orang berangkat, harep Tee Wantiang soeka djalan doeloean boeat membri taoe pada kita poenja sakalian Hengte di Tenghoensan, jang kita-orang bakal sampe tida lama kamoedian.“

,,Benerlah,“ kata Jan Tjeng.

Tee Tjong merasa moefakat dan lantas djalan doeloean. Berbareng itoe, orang-orang jang ada dalem gredja lantas bersiap boeat berangkat.

Hong Hoe-twan jang memang tida taoe bakal diatoer ini tipoe, telah poedji atas bagoesnja ini akal jang didjalanken dengen berhasil. la kata, bermoela ia kira bener-bener maoe dikaloearken oewang teboesan, sebab tida ada saorang jang membri taoe padanja, bahoewa Jan Tjeng maoe goenaken ini tipoe.

Itoe waktoe kandaran-kandaran boeat orang prampoean telah sadia. Song Andjin bersama Lu Siotjia dan Ong Po, berdoedoek dalem satoe kreta, barang-barang ditaro dalem laen kandaran, sedeng orang lelaki toenggang koeda.

Sebelonnja berangkat Song An-peng panggil itoe Tosoe jang djaga gredja, padanja dibriken oewang limapoeloe tail perak, sabagi tanda trima kasi, jang marika soeda dapet tempat dan rawatan baek. Itoe Tosoe mendjoera dengen girang, sambil hatoerken trima kasi.

Koen Ko jang lantaran ada mempoenjai oeroesan pada politie di Koensengkoan dan Tjeetjioe, lantas minta diadjak bersama-sama, soepaja boleh bekerdja kombali pada Houw-jan Tjiangkoen. Ia harep ini permoehoenan tida ditolak.

„Ini orang sampe tjerdik dan satia,“ kata Jan Tjeng pada Houw-jan Giok: „maka boleh sekali diadjak.“

„Itoelah baek sekali.“ kata Houw-jan Giok: „sekarang marilah akoe kasi taoe.“

Koen Ko menghamperi dengen hormat.

„Waktoe akoe dibikin mabok dalem waroeng arak,“ kata itoe orang moeda jang gaga: „akoe ada poenja boengkoesan oewang limapoeloe tail perak, dan oewang itoe akoe persenken padamoe. Sedeng pada Kang Tiong, jang akoe djandji maoe kasi oewang limaratoes tail perak, kaoe boleh toeloeng bawaken boeat tjoekoepi akoe poenja perdjan-djian padanja, soepaja tida ilang kapertjajahan“

„Tapi boeat apa soeroe Koen Ko,“ kata Jan Tjeng: „ia biar toeroet sadja kita-orang barangkat, sedeng boeat anterken itoe oewang, prentasadja doea thaubak ketjil, jang bila sasoeda trimaken itoe, biar marika menjoescel kombali sadja.“

Houw-jan Giok njataken moefakat.

Sigra djoega Jan Tjeng prenta orang kaloearken oewangnja Kwe Keng jang doeloe dirampas dan ambil limaratoes tail boeat dibriken pada Kang Tiong, sedeng Koen Ko djoega lantas pesen sedikit perkatahan pada itoe doea thaubak, jang kaloe katemoe pada Kang Tiong, toeloeng sampeken perkatahannja, bahoewa ia ikoet ka Tenghoensan.

Doea thaubak trima itoe pesenan sambil memanggoet. Padanja poen dibriken ongkos boeat berdjalan.

Semoea oeroesan soeda djadi beres dan orang lantas moelai berdjalan.

Kreta-kreta jang moeat familie prampoean dan barang-barang djalan doeloean, sedeng Tjhie Seng, Houw-jan Giok dan jang laen-laen djalan di sebla blakang dan kiri kanan boeat melindoengi. Di waktoe siang marika berdjalan dan malem brenti boeat tjari tempat pemondokan.

Selang brapa hari perdjalanan itoe talah sampe di kota Tengtjioe, dan itoe waktoe Tee Tjong jang ada mempoenjai ilmoe djalan tjepet, dari doesoen Hoantotjoen soeda sampe, di Tenghoensan dan sekarang telah kombali boeat dateng membawa kabar.

Setelah sampe di kota Téngtjioe ia ka emoe itoe barisan dan lantas membri taoe, bahoewa kabar jang ia bawa ka Tenghoensan, telah membikin semoea Hengte djadi amat girang. Sekarang Houw-jan Tjiak bersama Wie Siauw-tjhit ada mengapalaken barisan boeat dateng menjamboet. Dan tida brapa djaoe barisannja Tenghoensan aken sampe.

Ini warta jang disampeken oleh Tee Tjong, soeda membikin semoea orang jang denger djadi amat girang.

Betoel sadja berdjalan lagi tida brapa djaoe, kaliatan barisan Tenghoensan lagi mendatengi, maka satoe pada laen lantas toeroen dari koeda, Wie Siauw-tjhit katemoeken itoe soedara-soedara jang doeloe, dengen hati girang.

Houw-jan Tjiak laloe hamperi anaknja dan tjeritaken, bagimana sasampenja di sana, Houw-jan Kiongdjin bersama Siotjia, Boen Sianseng dan gadisnja, djoega soeda ada di sana. Satoe pertemoean jang amat menggirangken hati.

„Bagimana Boetjin dan Moaymoay boleh ada di sana?“ tanja Houw-jan Giok dengen kaget jang tertjampoer girang.

Houw-jan Tjiak lantas tjeritaken satoe persatoe, bagimana waktoe maoe berangkat ka Lilam, di itoe tempat sedeng terbit peroescehan, hingga itoe orang-orang jang maoe pergi ka Lilam djadi bebalik dateng di Tenghoensan. Satoe persatoe ajah ini tjeritaken dengen terang, sabagimana di sebla atas pembatja telah taoe.

Tentoe sadja kabar ini ada menggirangken sanget hatinja Houw-jan Giok dan Tjhie Seng, kerna dergen begitoe, iaorang troesa pergi lagi ka Lilam. Kamoedian Houw jan Giok kata, baek djoega loe waktoe ajah ini prenta pergi ka itoe tempat, ia ada mempoenjai halangan lantaran moesti menoeloeng ajahnja Song An-peng, tjoba kaloe tida, tentoe marika telah berangkat dan achirnja tentoe balik dengen tangan kosong.

Sambil djalan anak dan ajah beromong-omong dengen girang, sedeng Siauw-tjhit bersama Jan Tjeng djoega tjerita ini itoe jang menggirangken hati. Tida lama kamoedian marika telah sampe di bawah goenoeng Tenghoensan.

Liauwio lantas boeroe-boeroe membri kabar pada Thaunia-thaunia sakalian.

Loan Ten-giok, Soen Liep dan sadereknja lantas toeroen goenoeng boeat menjamboet.

Tida lama marika soeda ada di atas goenoeng. Sasampenja depan Tjhigiethia satoe pada laen lantas djalanken kahormatan. Sedeng Houw-jan Giok dan Tjhie Seng laloe katemoeken iboenja jang djadi amat girang dan soeka hati.

Sasoedanja bertemoe pada Boen Hoan-tjiang dan jang laen-laen, marika laloe disilaken doedoek dalem itoe roewangan.

Satoe medja pandjang lantas dipasang, gelas-gelas diatoer dan barang-barang makanan jang lesat soeda tersadia. Ini orang-orang gaga jang sekarang telah berkoempoel laloe doedoek makan minoem dengen sagala soeka hati, dan Wie Siauw-tjhit ada kaliatan girang sekali, hingga saban-saban gelasnja ditoewangken arak sampe penoeh.

„Ini hari akoe maoe minoem sampe mabok betoel,“ kata itoe orang gaga sambil tertawa: „belon pernah akoe merasaken girang seperti ini hari, dimana kita-orang poenja Hengte soeda bisa berkoempoel sama-sama.“

Dalem itoe perdjamoean ada doedoek tigapoeloe lima orang-orang gaga dan pande. Tapi jang toedjoe boekannja kawanan Liangsan jang doeloe, jaitoe seperti:

1. Loan Teng-giok,
2. Ong Tjin,
3. Boen Hwan-tjiang,
4. Houw Seng,
5. Song An-peng,
6. Houw-jan Giok, dan
7. Tjhie Seng.

Jang doeapoeloe delapan orang semoea ada kawan Liangsan jang lama, pada siapa satoe pada laen doeloe telah angkat soedara bersama-sama Song Kong-beng.

Itoe doeapoeloe delapan orang ada seperti berikoet:

1. Kwan Siang,
2. Houw-jan Tjiak,
3. Kong-soen Sin,
4. Lie Eng,
5. Tja Tjin,
6. Tjioe Thong,
7. Tee Tjong,
8. Wie Siauw-tjhit,
9. Jan Tjeng,
10. Tjoe Boe,
11. Oei Sin,
12. Soen Liep,
13. Oan Soei,
14. Pwe Soan,
15. An To-tjwan,
16. Siauw Djian,
17. Kim Thay-kian,
18. Hong Hoe-twan.
19. Soen. Sien,
20. Khouw Thay-so (prampoean),
21. Tjio Keng,
22. Bok Tjhoen,
23. Jo Liem,
24. Tjo Loen,
25. Tjoan Ging,
26. Leng Tjin,
27. Song Tjeng, dan
28. Touw Hin.

Satoe pada laen kaliatan amat girang dan saban- saban tjawan jang kosong ditoewangken kombali.

Dalem sapandjang minoem jang satoe menanjaken keadahannja jang laen, bagimana keadahannja ini soedara dalem sapandjang waktoe jang iaorang tida bertemoe. Pendeknja pertanjahan-pertanjahan jang biasa dioetjapken bagi satoe kawan pada laen kawannja jang sekean lama ada terpisa.

Sasoedanja orang minoem-minoem doea-tiga tjawan arak, Lie Eng berkata;

„Kaloe di-inget, sagala apa ada koeasanja Toehan, hingga perkara jang ampir tida didoega, bisa terdjadi. Hal ini Liatwie Hengte semoea tentoe taoe, bagimana sadari kita-orang poelang dari paperangan di Poeilap, satoe pada laen lantas terpisa. Ada jang mendjabat pangkat dan ada jang poelang ka masing-masing doesoennja sendiri, hingga didoega tida aken bisa koempoel kombali. tapi dengen koeasanja Toehan, sasoeda kita-orang terpisa brapa taon, sekarang bisa berkoempoel kombali di ini tempat.“

Semoea orang benerken ito: omongan.

Pada itoe hari perdja noean diteroesken sampe hari mendjadi malem. Boeat tanda kagirangan jang ini semoea soedara soeda bisa berpoempoel djadi satoe, pesta itoe dirajahken tiga hari teroes meneroes, sedeng semoea liauwlo djoega toeroet rasaken itoe kaplesiran jang menjenangken hati.

Di fihak orang prampoean poen tida katinggalan rajahken itoe.

Pada soeatoe hari Loan Teng-giok prenta satoe thaubak pergi ka Tengtjioe boeat membeli barang-barang jang perloe, tapi sapoelangnja dari kota terseboet, thaubak itoe membri taoe: sasampenja di itoe kota ia dapet kabar, bahoewa Ouw Oh-ma jang pergi mamereksa pembikinan kapalkapal perang di Tengtjioe, telah kombali. Satelah dapet taoe apa jang soeda terdjadi dengen perkara di kota Koensengkoan dan Tjeetjioe, tentang kamatiannja Goe Touwkam, Tjan Sie-hiong, dan Kwee Keng, itoe generaal Kim djadi amat goesar dan lantas sadja balik ka Tjeetjioe hoeat siapken 20.000 balatentara, jang tida lama aken menjerang ka mari.

„Hahaha! itoe baek! itoé baek!“ kata Wie Siauw-tjhit dengen girang: „kaloe brandal Kim itoe dateng tentoe akoe labrak, dan kamoedian kita lantas poekoel ka Tongking dan doedoekin kabesaran jang agoeng, apa itoe tida bagoes?“

Penoetoepnja itoe perkatahan, kombali ia tertawa gelak-gelak.

Meliat kalakoeannja Wie Siauw-tjhit jang begitoe, membikin orang djadi inget pada Lie Koei, jang saban-saban denger moesoe dateng, tentoe djadi girang dan tertawa besar. Ini doea orang poenja adat dan kalakoean, djika dibandingken pada itoe Lie Thi-goe, sedikit poen tida berbedah.

---

(Ada samboengannja.)

Tapi Pwe Soan jang denger itoe warta, lantas berkata:

„Pasoekan Kim ada terlaloe besar dan soeker boeat kita tempoer. Maski panglima-panglima di fihak kita ada tjoekoep kagagahan, tapi kaloe dibandingin dengen tenaganja balatentara, fihak kita boekan tandingannja.“

„Itoelah bener sekali,“ kata Tjoe Boe: „sabenernja, dengen naeknja Khong Ong di atas tachta, boekan ketjil menimboelken kita poenja kagoembirahan. Tapi siapa doega itoe djoengdjoengan ada berpikiran singkat, sagala dorna ada penoeh di saidarnja, hingga mantri-mantri jang pande, djoedjoer dan satia, djadi menjingkir djaoe. Lantaran itoe djoega, maka boeat kita djadi terpepat itoe djalan boeat kombali ka Tiauwteng. Samantara keadahan di ini goenoeng tida sabrapa santausa, maka perloe kita berichtiar laen djalan boeat kaslamatan.“

„Boeat dapetken perlindoengan jang santausa betoel, akoe soeda dapetken satoe tempat,“ begitoe An To-tjwan samboeng perkatahannja Tjoe Boe: „tempat itoe ada dilindoengken dengen tembok-tembok benteng bikinan alam jang tegoe, hingga tida koeatir dapet serangannja ratoesan laksa manoesia.“

„Di manatah tempat itoe?“ menanja laen-laen orang. „Tempat itoe boekan laen di poelo Kimgo,“ saoet An To-tjwan: loewasnja itoe poelo ada kira-kira limaratoes li, jang sekarang ada didoedoeki oleh Hoen-kang-liong Lie Tjhoen dengen brapa poeloe soedara-soedara angkatnja.

Lebi djaoe ini thabib tjeritaken satoe persatoe keadahannja itoe poelo, dimana ia soeda taoe berdiam doeapoeloe hari lamanja. Orang-orang gaga dari lemmatjwan jang baroe dateng di Teng-hoensan, memang tida taoe itoe perkara, maka itoe thabib moesti toetoerken kombali, sabagimana doeloe ia telah tjeritaken pada sabagian dari Heng-tenja. Kamoedian kasi pikiran, lebi baek pergi ka itoe poelo sadja, berkoempoel bersama-sama Lie Tjhoen.

Semoea Hohan merasa satoedjoe, tapi Jo Liem tanja: itoe tempat jang ada terpisa dengen laoetan besar, bagimana bisa disampeken, kaloe dengen zonder kapal. Sedeng boeat bikin kapal, tentoe tida kaboeroe.

„Kapal boekantah soeda sadia?“ kata Jan Tjeng: „apa soedara-soedara tida denger, jang itoe thaubak baroesan ada bilang, jang Ouw Oh-ma lagi asik membikin kapal-kapal perang. Maka akoe doega, bebrapa boea tentoe ada djoega jang soeda rampoeng boeat kita pake menjebrang ka Kimgo. Tjoema sadja akoe tida taoe bagimana keadahan di kota Tengtjioe.“ „Keadahan di itoe kota, akoe taoe sampe baek,” kata Soen Liep, jang lantas tjeritaken, bagimana saban-saban ia ada prenta orang serepin kabar tentang keadahan di itoe kota. Blakangan ia dapat taoe, bahoewa, Tengtjioe tjoema terdjaga oleh sariboe soldadoe jang soeda toea, de::gen dikapalaken oleh satoe Thaijsioe dan terbantoe oleh Mouw Khian jang pangkoe djabatan Thongtji.

„Tapi lebi baek kita-orang tjari taoe lagi,” kata Jan Tjeng.

Sasoeda berempoek lagi sakoetika lama, achirnja diminta Tee Tjong pergi ka Tengtjioe boeat serepin kabar. Selang doea hari Tee Tjong balik membawa lapoer, bahoewa betoel Kim Boetoet ada prenta Lauw Bang ko kapalaken kapal jang djoemblanja 500 boea dan saratoes antaranja telah rampoeng, djoega soeda diperlengkapin dengen perabot dan pekakas jang perloe.

Berhoeboeng dengen datengnja warta jang Tjee-tjioe dan Koensengkoan ada terbit kariboetan, kata Tee Tjong lebi djaoe, Ouw Oh-ma soeda berangkat poelang dan di itoe kota tida dibikin persediahan apa-apa.

Ini kabar membikin semoea Hohan djadi amat girang. Sasoeda marika berdami, pada sakalian liauwlo ditanja, siapa-siapa jang soeka ikoet ka Kimgo, boleh ikoet; jang tida soeka, boleh poelang ka masing-masing doesoennja, dengen dikasi oewang. Di antara limariboe rahajat, jang soeka toeroet ada tigariboe, maka jang sabagian itoe sasoeda menerima oewang lantas berlaloe dari Tenghoensan, poelang ka masing-masing ampoenja kampoeng.

Sigra djoega lantas diatoer boeat menjerang kota Tengtjioe, jaitoe: Kwan Siang, Jo Liem, Tjoe Thong, Pwe Soan, Houw-jan Tjiak. Soen Sien Ong Tjin dan ljoa Ging, pergi mengoeroeng Tengtjioe poenja ampat pendjoeroe pintoe kota.

Marika ini lantas berangkat.

Sedeng Tee Tjong, Tjhie Seng, Houw-jan Giok dan Jan Tjeng, kapalaken barisan penoeloeng. Wie Siauw-tjhit, Tjio Keng, Bok Tjhoen, Oan Soei dan Loan Teng-giok, djadi pelindoeng barisan blakang. Jang laen-laen dari itoe, mengapalakan barisan jang melindoengken orang prampoean dan barang-barang kaperloean.

Pada djam tiga pasoekan itoe telah bersiap. Djam ampat sahabisnja santap lantas moelai bergerak dan djam lima semoea barisan soeda toeroen goenoeng dan tinggalken goenoeng Tenghoensan.

Selang satenga hari telah sampe di kota Tengtjioe.

Thaijsioe jang denger itoe bakar, djadi amat kaget. Pintoe kota lantas diprenta toetoep, anak negri djadi riboet, kerna saban-saban terdenger soearanja meriam jang menggeterkan boemi. Sedeng Mouw Thongtjie tida berboeat laen dari pada oendjoek katakoetannja. Wie Siauw-tjhit dengen roepa keren lantas pergi ka pelaboean dan beslag sakalian kapal- kapal jang telah rampoeng, dengen antjem orang- orang kapalnja, jang asal sadja marika bergerak, djiwanja tentoe binasa. Tapi kaloe marika tida melawan, semoea aken dapet idoep.

Semoea orang kapal lantas menaloek, maka perampasan itoe dilakoeken dengen tida banjak soesa. Dalem sedikit djam sadja orang-orang prampoean soeda diprenta naek, kamoedian ramsoem, sendjata, koeda dan sabaginja.

Orang-orang kapal lantaran dapet perlakoean baek, maka semoea tetep bekerdja dengen senang. Itoe perampasan kapal-kapal soeda terdjadi dengen begitoe gampang, sebab dari kota tida ada kaloear balatentara jang menghalangken.

Sasoeda semoea djadi beres dan tinggal bebrapa lagi jang masi kosong, Wie Siauw-tjhit lantas membri tanda dengen letoesan meriam, maka berbareng itoe semoea tentara jang mengoeroeng kota lantas moendoer ka pelaboean dan naek ka atas kapal.

Sigra djoega itee saratoes boea kapal lantas berangkat.

Maski liauwlo jang mengoeroeng kota kaliatan moendoer, tapi Thaijsioe masi tida brani boeka pintoe. Blakangan sasoeda taoe apa maksoednja moesoe berboeat begitoe roepa, taroelah ia djadi katakoetan, begitoe djoega Lauw Bang-ko dijadi amat bingoeng, sebab kapal-kapal jang soeda rampoeng telah dirampas moesoe.

Dengen berempoek pada Mouw Khian, itoe pembesar kota lantas toelis soerat pada Ouw Oh-ma, boeat membri taoe atas kadatengannja Hohan dari Tenghoensan, jang soeda rampas itoe kapal-kapal.

Sekarang baeklah kita tinggalken doeloe keadahan di Tengtjioe dan mari mengikoeti djalannja itoe kapal-kapal, dimana Houw Seng, jang ada mengarti banjak dalem perdjalanan laoetan, lantas oendjoek djalan boeat menoedjoe ka Kimgo.

Perdjalanan itoe djadi menoedjoe ka djoeroesan Timoer-selatan.

Dalem itoe sapandjang djalan, semoea Hohan liwatken temponja dengen beromong-omong dan minoem. Koetika baroe belajar satoe hari lebi, orang masi bisa liat pemandangan. Tapi sasoeda kapal berdjalan ampir tiga hari, di sana sini orang tjoema liat sadja aer jang bersamboeng dengen langit.

Marika itoe telah sampe di laoetan jang besar.

Tapi sabegitoe djaoe belon terdjadi soeatoe apa. Kapal belajar teroes dengen ladjoe, jang roepa-roepanja ada dapet angin baek.