Pembalesannja Kawanan Liangsan/Bagian katiga/Bab 2
II
Belajar tida kataoean jang ditoedjoe.
Achir-achir dapet djoega kate-
rangan halnja poelo Kimgo.
Gak Ho laloe hamperi pada Lie Tjhoen dan kasi taoe bagimana niatnja boeat dapetken itoe kapal. Ini Twako jang denger begitoe, djadi amat girang, dan kamoedian itoe semoea orang-orang gaga laloe kombali ka praoe sendiri, aken mendenger titahnja Gak Ho jang hendak atoer tipoe daja boeat rampas kapal terseboet.
Sasoedanja pada terkoempoel, itoe orang gaga jang berakal boedi laloe njataken tipoe bagimana jang haroes digoenaken. Dan boeat lakoeken itoe ada diprenta Hoei Po. berdoea Kie Hoen, jang djadi amat girang trima itoe titah.
Begitoelah achirnja ditetepken, bila hari moelai malem pakerdjahan jang penting ini moesti lantas dilakoeken.
Itoe kapal jang pake benderanja Djoe Bit, ada dikoeasaken pada doea orang jang bernama See Siang dan Siauw Long, dengen membawa banjak barang-barang moeatan soetra, gading, dan laen-laen barang perniagahan, boeat didjoeal di negri Djitpoen, Tapi apa lantarannja maka See Siang berlaboeken kapalnja disitue, sampe di itoe waktoe, inilah tida saorang jang mengatahoei.
Di atara itoe kapal-kapal, ada lagi laen-laen kapal jang djoega moeat banjak barang dagangan. Tapi itoelah oleh Gak Ho tida diperdoeliken.
Waktae hari telah moelai gelap, See Siang dan Siauw Long mamreksa di sakiternja kapal, itoe waktoe di laoetan oedara ada berhawa panas, maka kadoea koeasa dari itoe barang-barang perniagahan merasa terlaloe gerah dan lantas rebah dengen memboeka badjoe. Angin menioep dirasaken santer, tapi itoe doea orang masi djoega belon dapet poeles.
„Mengapa ini malem hawanja panas amat?" kata Siauw Long pada itoe kawan: „tida sari-sarinja hawa oedara ada begini melekap.
„Ja hawanja ini malem seperti di bakar," saoet See Siang: „liatlah badankoe jang tida berbadjoe, toch telah djadi lepek djoega ?"
Kamoedian doea orang ini omong-omong perkara perniagahan, tapi lantaran merasa lesoe, maka See Siang tida maoe ngomong terlaloe banjak.
Liwat sedikit waktoe marika baringken diri di tempat jang terboeka, dengen harepan aken membikin adem badan sendiri.
See Siang dan Siauw Long ada orang-orang jang tjerdik, tapi hatinja amat ketjil dan pengetjoet. Begitoelah pada sabelonnja waktoe djadi tengamalem, koenjoeng-koenjoeng ini doea koeasanja Djoe Bit mendenger soeara riboet, hingga ia djadi mendoesin dan menengok ka sana sini.
„Apa itoe riboet-riboet begitoe?" kata See Siang.
„Sataoe apa itoe matros-matros telah bikin," saoet Siauw Long: "apa brangkali iaorang pada maen dan terbit satorian?"
See Siang merasa oering-oeringan betoel pada sakalian anak-anak kapal, jang dikira soeda maentop sampe begitoe tengamalem, hingga mengganggoe orang poenja kasenangan di wakroe tidoer.
Baroe sadja ia maoe berbangkit, soeara roesoe-roesoe djadi samingkin keras dan ia laloe berbangkit dengen goesar. Baroe sadja ia maoe boeka soeara, sabagimana biasanja ia berboeat pada orang-orang sendiri, koenjoeng-koenjoeng dari oedjoeng kapal ada kaliatan doea orang gaga jang bergegaman pedang, dateng menghamperi.
Orang jang dateng itoe adalah Hoei Po, jang telah sampe di depannja See Siang, lantas angkat gegamannja dan tabasken ka orang poenja leher, hingga badannja itoe koeasa kapal lantas roeboe, sedeng kapalanja djato ka lantei kapal.
Siauw Long jang djoega boeroe bangoen dan liat itoe kadjadian, boekan maen poenja kaget dan katakoetan. Tapi sabelonnja ia bisa berboeat apa-apa, Lie Hoen dengen membawa golok tadjem soeda ada di sampingnja, jang dengen tida menanja apa-apa, lantas sadja tabasken pedangnja ka orang poenja leher, hingga dalem sakedjeb Siauw Long bisa manjoesoel ia poenja teman jang telah berangkat ka acherat.
Anak-anak kapal dan matros-matros boekan maen poenja riboet. Soeara treak dan boenjinja praoe-praoe ketjil jang ditoeroenken ka aer, ada kadengeran djadi satoe. Ada djoega bebrapa matros-matros jang gaga dan mempoenjai kabranian tjoekoep, soeda tjoba melawan boeat lindoengken moewatannja itoe kapal dari perampasannja si badjak, kerna begitoelah marika kira.
Tapi tangannja itoe orang orang kapal jang sadjoembla ketjil, manatah bisa lindoengken dengen sampoerna. Hoei Po dan Lie Hoen lantas oebat-abitken pedangnja aken menabas pada siapa jang brani deket padanja.
Dalem itoe tempo satenga djadi di kapalnja Djoe Bit ada terbit kakaloetan jang amat sanget: Matrosnja banjak jang toempang sioer, tapi baek Lie Tjhoen kaboeroe dateng dan lantas tetepken hatinja itoe matros-matros, dengen perkatahan menghiboer.
„He, matros-matros dan anak kapalnja Djoe Bit!" treak itoe Twako: „troesa kaoe djadi begitoe katakoetan, kaoe berame tida sala soeatoe apa, maka djangan lari atawa samboeni, hanja Kaloearlah. Kerna kaoe poen boekannja kita-orang poenja moesoe-moesoe!"
Gak Ho poen bertreak jang maksoednja ampir saroepa dengen itoe. Maka satelah denger soearanja itoe Hohan-hohan, sakalian anak-anak kapal laloe pada kaloear dan berbareng dateng mengadep di depannja itoe orang-orang gaga.
Demikianlah dalem tempo sabentaran itoe kakaloetan djadi padem kombali. Matros-matros jang tadinja kaliatan maoe lari sadja, sekarang mendjadi djinaka.
Lie Tjhoen laloe preksa keadalian dalem itoe kapal, brapa maitnja orang jang dikatemoeken, lantas diprenta koeboer dengen atoeran. Sedeng pada itoe orang-orang kapal jang mana maoe bekerdja teroes, boleh tinggal sadja dalem ini kapal. Tapi jang kapengin poelang atawa memang niat brenti, di-idjinken naek ka darat.
Itoe malem semoea Hohan pada naek ka atas itoe kapal dan laloe bikin papreksahan di sana sini. Sasoeatoe barang jang dikatemoeken ada mengirangken pada hatinja.
„Inilah ada kita-orang poenja redjeki," kata Hoei Po dan Lie Hoen sambil mesem: „maka mendadak-dadak boleh ada ini kapal. Besoknja „Lie Tjhoen lantas prenta orang naekin barang-barangnja ka dalem ifoe kapal, blakangan baroe naek orang-orang prampoean jang mendjadi koelawarganja.
Boekan sadja itoe kapal, malah barang-barang miliknja poen telah djadi djoega barang rampasannja ini Twako.
Sasoedanja selesih, hari esoknja lantas belajar kombali kapal itoe ka djoeroesan Barat daja.
Brapa hari telah berlaloe. Tapi dalem itoe hari-hari jang berikoet, tida ada apa-apa jang penting boeat ditjeritaken, katjoeali Lie Tjhoen jang memang ada di tenga laoet dan lagi memandang ka satoe djoeroesan dengen mata tida berkesip,
„Apa kaoe taoe itoe apa namanja?”tanja Lie Tjhoen pada Gak Ho sambil menoeding ka satoe djoeroesan.
„ltoe jang kaliatan?“, menanja Gak Ho.
„ja, itoe poelo jang kaliatan dari sini.“
„Boekit apa, dan goenoeng apa namanja, itoelah akoe koerang tao, saoetnja.“
Lie Tjhoen tida menanja lagi, hanja laloe tjari katerangan pada stuurman stuurmannja brangkali ada jang taoe hamanja itoe poelo.
Waktoe itoe ada saorang kapal jang memang nja taoe, lantas djawab bahoewa goenoeng itoe adasi diseboet Bouwtosan, jang menoeroet tjerita di djaman dahoeloe kala, perna djadi tempat kadiamannja Kwan Im Posat.
„Djoega pendoedoek di sitoe ada diriken satoe gredja, dalem mana ada diloekisken Posat poe- nja roepa," kata poela itoe orang lebi djaoe: „saban taon di moesin semi, — ja, bener di ini moesin, gredja itoe ada rame betoel, dimana banjak pendoedoek pada dateng bersoedjoet, sembajang dan pasang hio."
Perkatahannja itoe orang kapal dapet didenger djoega oleh Hwa Kiongdjin, jang laloe bertaoeken pada Tjin Kiongdjin, dengen maksoed boeat bersoedjoet sabentaran ka itoe gredja.
Tjin Kiongdjin tjoema menoeroet sadja. Malah kata djoega, pada waktoe masi ada di roema ia ada bikin doea bendera snelam, dengen maksoed boeat ditaro dalem gredja Thiantioksi di Hangtjioe; tapi ini maksoed belon kasampean. Maka kaloe Hwa Hoedjin ada niatan pergi ka gredjanja Kwan Im Posat, maka itoe mendera, baek bawa sadja taro di sitoe.
Hwa Kiongdjin djadi girang dan laloe prenta orang bertaoeken pada Lie Tjhoen atas niatnja. Dan ini permintahan sigra djoega ditoeroet, kerna itoe Twako poen ada poenja niatan boeat dateng ka itoe gredja, aken bersoedjoet di hadepannja boedha jang malia soetji.
Tida lama kamoedian kapal itoe soeda mendarat, maka Lie Tjhoen poenja orang-orang laloe toeroenken bebrapa praoe, dimana Hwa Kiongdjin dan Tjin Kiongdjin, begitoe poen Lie Niotjioe dan Hoei Niotjioe bersama baboe-baboenja, toeroen praoe. Blakangan baroe orang-orang lelaki.
Tek Seng bersama Hoei Po tinggal menoenggoe di kapal.
Satelah sampe di atas itoe goenoeng, marika laloe menoedjoe ka gredja. Dan saorang toea jang mendjaga di sitoe laloe samboet kadatengannja itoe njonja-njonja dan orang gaga dengen lakoe manis dan hormat, jang lantas dianterken ka tempatnja tetamoe-tetamoe, dimana ada disadiaken bebrapa kamar boeat marika bernanti.
Pada malemnja dari itoe hari masing-masing masoek ka dalem kamar jang memang ada disa- diaken, dan waktoe fadjar orang-orang itoe pada bangoen, mandi dan toekar pakean jang bersi, baroe dateng pasang hio di hadepannja gambar Kwan Im Posat.
Masing-masing laloe menjataken kainginannja dengen satoeloes hati, dimana iaorang minta Posat jang angker toeloeng melindoengken dan membri kaslamatan.
Sasoedanja sembajang, Lie Tjhoen laloe kaloearken sedikit oewang perak aken dibriken pada itoe orang toea, jang trima oewang terseboet dengen girang hati. Sakaloearnja dari gredja Tiauwimsi, Lie Tjhoen bersama Gak Ho, Tong Wie dan Tong Beng, Lie Hoen, Ko Tjeng dan Hwa Kongtjoe, bersama itoe sakalian njonjo-njonja dan baboe-baboenja, koendjoengi Bouwtosek dan liat Tjitioklim, aken meliat di sitoe poenja pemandangan-pemandangan jang bagoes dan indah.
Satoe hari tempo telah digoenaken boeat djalan-djalan di Bouwtosan, jang sasoedanja lohor, baroe marika pada kombali ka kapal.
Sorenja kapal didjalanken kombali.
Selang doea hari, sampelah di soeatoe tempat diseboet Kioesaiubgen. Tempat ini ada di bawah pendjagahannja, satoe pembesar jang berpangkat Sioepi, dengen kakpeatan sapoeloe kapal perang dan tigaratoes soldadoe.
Sataoe siapa jang kasi kabar, waktoe kapalnja Eie Tjhoen, ampir sampe, itoe pembesar telah dapet faoe dan sigra siapken antero pasoekan laoet boeat menjegat. Sedeng itoe Stoepi sendiri toeroef dalem itoe angkatan perang dan berdiri di kapala kapal bocat menoenggoe datengnja Ele Tjhoen.
Persadiahan boeat menjerang soeda diatoer dengen beres.
Gak Ho jang ada berdiri di sebla depan, djaoe ujabe soeda dapet liat bahoewa dari kapalaja itoe pembesar ada ditoedjoeken bebrapa meriam ka kapalnja. Tapi, sedeng laen-laen orang merasa koeatir, ini orang gaga jang tjerdik, sedikit poen tida merasa djeri, maka wakioe soeda bethadepan, ia lantas bertreak dengen soeara keras, membri taoe, bahoewa ia ada membawa katerangan dari Djoe Bit, dan silaken itoe Sioepi dateng boeat preksa.
Baek djoega Gak Ho kaboeroe kata begitoe, tjoba lebi lama sedikit, tentoelah itoe pembesar soeda prenta orang-orangnja lepasken tembakan.
Satelah denger begitoe Sioepi laloe prenta orangnja ambil itoe soerat katerangan, dengen tanja djoega, ka mana kapal ini maoe pergi,
„Kita-orang dioetbes oleh Djoe Bit boeai pergi ka Hokkian,“ saoet Gak Ho, dengen loepa jang boenjinja itoe soerat hendak belajar ka Korea dan Djitpoen.
Tentoe sadja imidjawaban jang tida akoer, membikin itoe, Sioepi djadi bertjekat. Rasa tjemboeroean laloe timboel dalem hatinja, kerna piktri: moestail amat kaloe bener ini katerangan dari Djoe Bit, penjadetannja begitoe melantoer. Tapi toch ini soerat betoel dari itoe pembesar jeng berkoeasa di kota Radja.
„Tentoelah ini Soerat ia dapet dengen djalan merampas,“ pikir Sioepi itoe dalem hati, jang sigra djoega gertakadan fototin mata:
Kaoe ini kawanan begal dan badjak laoet, jang lelah merampas orang poenja soerat katarangan boeat kelaboein akoe. . . . . . . . . .“
Baroe sadja perkatahannja sampe di sitoe, sigra djoega itoe pembesar djadi roeboe, kerna Hoei Po jang ada di samping, satelah liat penjamarannja dapet dikatahoei, lantas sambil dengen ia poenja sendjata Ngokohidji, jang lantas menantjap dengen djitoe di dadanja itoe pembesar sial.
Dengen tida mengaloearken lagi treakan, itoe Sioepi lantas roeboe dengen badan beloemoeran dara.
Sedeng Tong Wie dan Tong Beng lantas lontjat ka kapalnja itoe pembesar, dengen ditoeroet djoega oleh Lie Hoen dan Ko Tjeng.
Dengen pedang terhoenoes, itoe ampat orang gaga laloe menabas pada officier-officiernja itoe Sioepi, tapi baek djoega sabelonnja dilakoeken pemboenoehan, ada terdenger satoe soeara jang bertreak:
„Tahan! djangan lakoeken doeloe pemboenoehan! Apatah Tjiongwie Hohan ini boekan di Liangsan poenja Enghiong?“
Orang jang bertreak begitoe, ada satoe djaga-djaga jang berbadan tinggi besar, matjemnja ga-ga, lagi mengawasi pada Gak Ho poenja saderek,
„Benerlah akoe ini Hoenkangliong Lie Tjhoen. Liangsan poenja orang!“ menjaoet Lie Tjhoen dengen soeara njaring, sambil memandang itoe orang: dan apakah kaoe maoe, sasoeda taoe begitoe?"
„Oh, oh, kaloe begitoe kiranja kita-orang bertemoe pada madjikan lama," kata itoe orang dengen girang, jang lantas dateng menghamperi dan berloetoet di hadepannja itoe Twako: ampir sadja terdjadi satoe pertemporan. Bagoes betoel!"
Lie Tjhoen moendoer satoe tindak dengen heran.
„Siapatah kaoe, Tjiokhe ?" mananja itoe Twako.
„Boekan laen dari Khouw Gie," saoet itoe orang gaga sambil toendoeki kapala: jang doeloe hari waktoe masi di Liangsan, perna bekerdja di bawa prentanja Lenglipektiauw Thio Soen."
Lie Tjhoen djadi girang dan sigra bangoeni itoe o rang jang beloetoet, dengen kata lantaran soeda berpisa terlaloe lama, hingga ia loepa perkara jang doeloe-doeloe. Beroemtoenglah ini hari bisa bertemoe kombali.
Atas pertanjahan-pertanjahan lebi djaoe, Khouw Gie itde kasi taoe, bahoewa lama ia bekerdja di bawah prentanja Thio Soen.
Koetika dimaloemken paperangan pada bangsa Poeilap, ia poen masi bekerdja teroes pada itoe Thaunia. Tapi sasoedanja itoe madjikan binasa, ia balik ka Hangtjioe. Di ini tempat jang terseboet lama djoega ia menganggoer, dan kernä tida betah tinggal berdiam sadja, maka ia dateng ka mari dan bekerdja di bawah prentanja Ong Tho-tong, aken toeroet mendjaga ini tempat.
Begitoelah dalem waktoe beromong-omong, Kwouw Gie larang kawannja bergerak.
Kamoedian ia menanja lebi djaoe, ka mana ini orang-orang gaga maoe pergi.
Lie Tjhoen laloe tjeritaken, bagimana keadahan dalem negri sekarang ada teramst kaloet. Pembesar-pembesar jang memegang pamerentahan dan berkoeasa, kabanjakan ada berdiri dari kawanan dorna. Dan sebab ia dengen soedara-soedaranja sering dapet ganggoeannja pembesar demikian, maka ia ambil poetoesan-boeat ka loear dari negri, dengen maksoed made tjari sadja satoe poelo boeat djadi tempat kadiamannja.
„Demikianlah adanja kita-orang poenja maksoed," kata itoe Twako sabagi penoetoepnja.
„Tapi sedari dibikin pelajaran sampe ini hari, belon dapet itoe poelo jang ditjari."
„Oh, itoelah sigra aken terdapet," kata Khouw Gie.
Lebi djaoe ini orang gaga kata: bahoewa ia soeda biasa maen di laoet. Maka kaloe ini Twako ada soeka, dengen senang hati ia soeka foeroet dalem ini perdjalanan boeat mentjari tempat. Tentang hal laoetan ia ada banjak mengerti, apapoela keadahan di sini, ampir tida ada jang ia tida taoe.
Tentoe sadja ini penawaran membikin Lie Tjhoen dan sadereknja djadi soeka hati. Boekan sadja lantas ditrima, malah marika menjataken djoega kagirangannja.
Atas pertanjahannja Lie Tjhoen, Khonw Gie laloe tjeritaken haluja itoe Sioepi jang baroesan diboenoe. Pembesar itoe ada bernama Tian Hoe, jang mamegang itoe pangkat dengen pertoeloengannja kawan dorna.
Thian Hoe itoe ada saorang jang tjerdik, tapi sombong dan kedjam, peranginja poen djelek sekali. boeat mendjaga ini tempat, itoe Sioepi ada dibriken tigaratoes soldadoe laoet dengen sapoeloe kapal perang dan meriam-meram. Tapi maski ada berkoeasa atas dirinja itoe sakalian tentara, toch orang-orang jang bekerdja di bawah prentanja merasa tida senang, kerna seringkali itoe Sioepi koerangin marika poenja gadji, prenta ini atawa itoe jang boekan termasoek dalem oeroesan dienst.
Kaloe Thian Hoe tida berlakoe sombong, brangkali itoe prenta orang soeka djalanken dengen senang hati. Tapi djoestroe kalakoean dan adatnja jang boeroek, maka prenta jang boekan moestinja, orang soeda djalanken djoega dengen hati koerang senang, lantaran pandang pada pangkatnja, dan inget jang marika ada bekerdja di bawah prentanja.
Seringkali itoe tigaratoes soldadoe lanet jang teritoeng mendjadi kawannja Khouw Gie, djadi nekat dan timboel niatan boeat berhianat, dimana itoe kawan-kawan soeda banjak djoega ia berhianat.
Tapi sebab tida maoe berhianat pada madjikan sendiri, maka Tian Hoe bisa idoep sampe di ini hari. Dan sekarang itoe Sioepi telah binasa, maka kaloe ini Twako maoe trima tentoelah gampang sekali membikin itoe orang-orang dateng menaloek.
Ini katerangan membikin Lie Tjhoen dan sadereknja djadi girang. Dan sigra djoega dengen perantarahannja Khouw Gie, itoe tigaratoes tentara aer telah dateng di hadepannja Lie Tjhoen boeat menaloek.
Lie Tjhoen laloe kloearken bebrapa ratoes tail perak boeat dibagi-bagi sebagi persenan, jang lantas ditrima oleh itoe orang-orang jang baroe menaloek dengen senang hati.
Dapetnja itoe tigaratoes balatentara aer, ada kabetoelan sekali. Kerna apa jang sabagitoe lama ini Twako pikiri poen boekan laen, hanja kakoeatan sendiri tida tjoekoep. Tapi dengen dapetnia itoe orang-orang, maski tenaga tida djadi besar, toch boleh dibilang ada menamba djoega. Itoe malem Khonw Gie oendang Lie Tjhoen dengen semoea soedara-soedaranja bermalem di Kioesamboen, dan esokuja pagi-pagi semoea orang soeda pada bangoen dan lantas naek kombali ka kapal.
Khouw Gie bawa ia poenja barang-barang bekelan bersama-sama itoe tigaratoes soldadoe jang baroe menaloek. Jang dirampas dari itoe tempat tjoema itoe sapoeloe boea kapal perang, dan sasoedanja semoea bersadia, kapal kapal laloe didjalanken kombali.
Itoe hari oedara ada bagoes dan laoetan poеn terang.
Kapal belajar dengen ladjoe, hingga orang-orang jang ada di dalemaja bisa memandang kabagoesannja, laoet jang menggirangken.
Meliat pelajaran jang begitoe bagoes, Lie Tjhoen laloe prenta orang sadiaken barang makanan, dimana soedara-soedaranja bersama Khouw Gie poen ada toeroet makan minoem dengen segala soeka hati. Sambil memandang ka tempat jang djaoe, marika itoe beromong-omong dengen senang.
Sasoedanja melaloei lagi bebrapa belas li poenja djaoe, mendadak di blakang kapal ada kadengeran soeara riboet-riboet. Anak-anak kapal poen pada berlari-lari, hingga itoe orang-orang gaga jang lagi makan minoem, djadi kaget dan menengok ka blakang, sambil menanja pada satoe matros, ada terdjadi perkara apa.
Orang jang ditanja tida menjaoet, hanja berlari-lari dengen goegoep. Sedeng laen-laen matros dengen goegoep toeroenin lajar, berlari ka sana dan kamari Lie Tjhoen dan sadereknja laloe bangoen dari itoe tempat dan pergi menghamperi ka blakang.
Sasoedanja orang jang ditanja, tida bisa menjaoet, ini membikin itoe Twako djadi lebi kaget dan heran.
„He, ada terdjadi apatah djoega?“ kata Lie Tjhoen jang laloe berdjalan teroes ka blakang.
Djoeroemoedi dari itoe kapal, satelah liat itoe Twako mendatengi, masi tinggal teroes mamerenta kawannja boeat poeter haloeannja kapal ka satoe pantei jang paling deket. Dan waktoe sampe ka tempat jang baroesan ditoedjoe, djoeroemoedi itoe prenta orang lepas djangkar.
„Kenapa?, dan ada bahaja apa?“ tanja Lie Tjhoen pada itoe djoeroemoedi jang kaliatan masi poetjet lantaran tergetarnja hati.
„Oh, bahaja heibat lagi mengantjem pada kita!“ saoet itoe orang kapal dengen soeara geometer: „bahaja besar, bahaja!― Diam, diam, Tjiongwie Hohan semoea harep djangan riboet.“
„Tapi, bahaja apatah ?“ tanja Lie Tjhoen dengen lebi heran dan kaget. „Sabentar Tjiongwie aken dapet taoe,“ demikianlah itoe djoeroemoedi mendjawab: „sabentar lagi sadja. Troesa tanja, troesa tanja“
Tentoe sadja ini penjaoetan membikin orang jang tida taoe, djadi bertamba-tamba kaget dan heran. Lie Tjhoen, Hoei Po dan jang laen-laen memandang ka kiri kanan, blakang dan depan, tapi tida ada kaliatan apa-apa. Kaloe brangkali ada laen kapal, brangkali marika djadi katakoetan lantaran badjak. Tapi ini tida, tida sama sekali.
Sembari oetjapken itoe perkatahan-perkatahan jang paling blakang, si djoeroemoedi menoendjoek ka laoetan, soeatoe tempat jang tida sabrapa djaoe dari sitoe.
Tong Beng dan Tong Wie pada menengok. Lie Tjhoen dan sedereknja poen memandang ka tempat jang dioendjoek. Berbareng itoe, aer laoet jang baroesan dioendjoek djadi bergojang keras.
Dalem itoe saät lantas dateng ombak besar dan geloembang jang sabesar-besar goenoeng, dengen soeara gemoeroenja aer jang begitoe keras. Hingga orang-orang jang tiada biasa maen di laoet tentoe djadi katakoetan, sedeng jang soeda biasa poen, masi begitoe takoet.
Waktoe ombak jang sabesar goenoeng itoe petja, aernja moentjrat ka kapal-kapal dan orang jang ada di sitoe djadi bergojang keras, dan kaloe tida kaboeroe ditoeroenin lajar, pasti antaranja banjak jang kaleboe.
Dari petjahannja itoe aer ada kaliatan saekor ikan besar. Matanja jang boendar ada seperti rodja. moeloetnja, menganga seperti gang jang melongpong, giginja tida ada. Dari itoe moeloet kaloear sakoempoelan asep jang seperti padoet, hingga sabentaran sadja di sebla atasan aer djadi poeti sabagi halimoen pagi.
Kamoedian ikan itoe menjemboer toeroennja aer ada seperti oedjan.
Dengen méliat sadja pada roepanja itoe ikan besar, orang holeh djadi takoet. Panteslah itoe anak-anak kapal dan matros-matros pada goegoep kerna kaloe ikan itoe maoe timboel, ada tanda-tanda jang oleh laoet bisa diliat njata.
Roepanja tadi marika so eda dapet liat itoe, maka iaorang djadi begitoe repot dan katakoetan boekan maen.
Sedeng Lie Tjhoen dengen sadereknja memandang itoe binatang aer dengen roepa kagoem Hwa Hong-tjoen jang ada bardiri di pinggir kapal, lantas ambil boesoer bersama gandewanja.
Kamoedian angkat pana itoe jang lantas di-intjerken ka matanja itoe ikan.
Sre-seeeeeeeeet!! begitoelah kadengeran soearanja anak pana jang terlepas dari boesoer, jang dengen sakedjep lantas menantjep di sebla matanja itoe ikan.
Brapa sakit itoe binatang aer rasaken matanja jang tertantjep dengen itoe barang tadjem, itoelah orang bisa doega, dari melompatnja. Jang waktoe kena, lantas berlompat dan bantingken diri begitoe keras, hingga aer jang moentjrat sampe naek lebi 12 toembak tingginja, sedeng kapal-kapal semoea djadi seperti diajoen-ajoen. Baek djoega tida ada orang jang terlempar kadalem laoet.
Oleh kerna kasakitan, itoe ikan mengamoek teroes. Maka Khouw Gie laloe prenta anak-anak kapal lekas bantoe lepasken lagi pana, soepaja itoe binatang lekas mati. Sebab begitoe lama ia masi idoep, sabegitoe lama djoega ia menggelisahan. Dan begitoe lama ia banting-banting diri, kapal djadi bergontjang dan aer jang masoek poen tida sedikit.
Doearatoes tentara laloe lepasken pana. Tapi kaloe kena sisiknja, itoe barang tadjem pada djato njata pana tida mempan, katjoeali di matanja pingiran moeloet dan bagian peroetnja jang poeti, dimana sisiknja ada sedikit tipis. Sedeng jang saratoes bersama matros-matros, mengompa aer jang masoek ka dalem kapal.
Baek djoega ini ikan ada bodo, waktoe kasakitan boekannja ia silam, hanja tinggal mengambang dan menggelisahan, hingga pana jang digoenakan digoenakan boekan sedikit dan selang satoe djam baroelah ikan ini mati.
Bener-bener itoe ikan terlaloe besar, sebab sabelonnja dipotong-potong, itoe tigaratoes soldadoe tida bisa angkat ka kapal. Atawa sekalian poen bisa angkat, dalem kapal tentoe djadi sesak, kerna besarnja poen ada ampir seperti kapal djoega.
Liwat bebrapa djam, baroelah ikan itoe dapet dinaekin anteronja Daginguja diasinin, soepaja bisa taro lama lama. Kapalanja seperti mobiel poenja besar, maka orang-orang jang belon pernah liat, semoea pada gojang kapala sembari kata: besar betoel.
Tapi itoe djoeroemoedi kata ini ikan masi anak, kaloe biangnja jang betoel, saboea kapal ia bisa telen zonder merasa kenjang. Lebi djaoe itoe orang-orang kapal jang oeloeng tjeritaken, bagimana pada waktoe jang lama, ada satoe ikan besar samatjem ini telah telan satoe kapal jang moeat barang dagangan, dimana orang-orangnja bersama sakalian penoempangnja pada masoek ka dalem peroet ikan Tapi achirnja ikan mati djoega, kerna itoe orang-orang jang ditelan tida lantas mati, hingga di dalem peroet itoe matros-matros potong dan dodetin isih peroetnja itoe ikan besar.
Semoea orang pada memoedji kapandeannja Hwa Hong-tjoen dalem hal menggoenaken pana, jang katanja: njatalah poetra ini tida bedah seperi ajahandanja jang begitoe gapah dan taba.
Hwa Kongtjoe oetjapken perkatahan merenda boeat itoe poedjian jang sakalian Sioksioknja briken.
Baroe sadja orang brenti memoedji, satoe orang jang bantoein potong-potong itoe daging ikan dateng membri taoe, balioewa di dalem peroetnja itoe ikan besar ada terdapet satoe koera-koera: besar, jang beratnja didoega ada lebi dari doeapoeloe kaji.
Semoea Hohan laloe pergi hamperi, boeat meliat.
Betoel sadja kaliatan satoe koera-koera, dan atas prentanja Gak Ho, dagingnja itoe koera-koera diambil, batoknja maoe dipake bikin lentera, jang bisa membri satoe pemandangan bagoes dan menjenangken.
Semoea orang djadi soeka hati dan sigra diprenta lakoeken itoe. bmail to almasi
„Lantaran ini ikan, kita poenja pelajaran djadi tertoenda satoe hari lamanja,“ kata Tek Seng.
„Tapi lantaran ini ikan, djadi dapet tamba ramsoem bebrapa hari lamanja,“ kata Lie Hoen sambil tertawa.
"Salaennja dapet daging ikan, kita bisa merasaken djoega lesatnja daging koera,“ saoet Tong Wie dan Tong Beng dengen soeara berbareng. Dan perkatahannja ini doea soedara disamboet dengen tertawa.
Begitoelah pada esok paginja, sasoeda brenti satoe malem di itoe tempat, kapal-kapal didjalanken lagi, jang selang doea hari telah sampe di satoe tempat jang aernja ada sedikit tjetek.
Dari sitoe ada kaliatan djoega daratan.
„Nah itoe jang kaliatan,“ kata Khouw Gie sambil menoendjoek pada daratan: ada diseboet poelo Tjingsoei, jang berwates dengen negri Siamlo. Itoe poelo ada mempoenjai tana jang gemoek. Pemandangan di sitoe poen bagoes sekali. Maka kaloe Tjiongwie sakalian ingin dapet sedikit hiboeran hati, baeklah naek sabentaran boeat liat-liat.“
Bitjaranja Khouw Gie dapet satoedjoe dari semoea Hohan, maka Lie Tjhoen laloe prenta pinggirin kapalnja, jang satelah menempel pada tepi, kapal itoe laloe belaboe dan orang-orang jang ada di dalem, pada kaloear bere oet naek ka darat, kerna soeda lama marika berdiam sadja dalem kapal, djadi girang kaloe meliat daratan.
Sigra djoega iaorang soeda berada di toe poelo.
Di sitoe ada terdapet banjak goenoeng-goenoeng tinggi, jang merentet-rentet sabagi oeler.
Pendoedoeknja maski orang-orang miskin, tapi ada kaliatan senang Marika itoe pada peroesahaken sawa, kebon dan laen-laen tetaneman jang mengaloearken hasil tjoekoep. Sawa-sawa ada banjak dan gemoek-gemoek, djoega antaranja ada banjak jang mamelihara heiwan.
Roema-roema bilik jang tertoetoep dengen atep, ada banjak, tapi mamentjil dari satoe ka laen tempat. Dalem itoe pengidoepan jang soenji, keliatannja ada saderhana dan senang
Lie Tjhoen dengen soedara-soedaranja berdjalan lagi lebi djaoe, di mana iaorang dapetken ada banjak poehoen baboeahan, seperti poehoen Tho, Lengkeng dan Leetji Kebon sajoer poen ada diperoesaliaken oleh marika. Tapi kabanjakan tjoema boeat makan sadja.
Dari pendoedoek di sitoe Lie Tjhoen dapet katerangan tentang itoe poelo, begini:
Ini poelo Tjingsoei tjoema ada bebrapa ratoes li sadja besarnja, sedeng pendoedoeknja, lelaki prampoean, ketjil dan besar, lebi atawa koerang sedikit, dari sariboe orang. Marika poenja pentjariandan pengasilan boeat liwatken hari, sabagian dari bertani dan jang sabagian lakoeken penangkepan ikan.
Pendoedoek di sini ada idoep dengen merdika betoel. Zonder membajar tjoeke atawa padjek, kerna ini poelo jang terpisa dari sana sini, ada berdiri sendiri sabagi satoe negri ketjil jang tida ada radjanja.
Kapas poen ada ditanem goena bikin pakean. Padi dan laen-laen barang makanan ada tjoekoep boeat dipake oleh pendoedoek di sini sendiri. Djadi tegesnja, keadahan barang boeat pake atawa makan, sama sekali tida beroeboeng pada laen negri atawa tempat.
Orang-orang prampoean dan lelaki semoea ada radjin, maka sabegitoe lama pendoedoek jang tinggal toeroen menoeroen di ini tempat, tida pernah kakoerangan apa-apa. Djoega pengidoepan jang ditoentoet, kendati saderhana, tapi tjoekoep senang. Marika satoe pada laen ada akoer seperti soedara.
Betoel roemanja satoe pada laen ada berdjaoean dan mamentjil sendiri-sendiri, tapi kaloe kematian atawa mengawinken, tetangga-tetangganja pada dateng membantoe dan kerdja dengen girang zonder menerima oepahan.
Oewang ampir marika tida perloe.
Demikianlah ada katerangannja itoe orang.
„Itoelah satoe pengidoepan jang senang betoel,“ kata Lie Tjhoen sambil memandang di sakoeliling.
„Ja, seneng sekali,“ saoetnja itoe pendoedoek sambil bersenjoem: „kadang-kadang kaloe kita-orang poenja kerdjahan soeda moelai ringan, kaloe soeka kita-orang bikin pelantjongan boeat djalan-djalan tempo bebrapa hari.
„Begitoe?“
„Ja.“ „Ka manatah pendoedoek di sini soeka melantjong?“
„Ka poelo-poelo jang deket sadja.“
„Dan poelo apatah jang deket dari ini tempat ?“
„Poelo kimgo. ?“
„Kimgo?!“ begitoe Lie Tjhoen oelangken perkatahannja itoe orang dengen hati girang dan terperandjat. Sedeng dalem hatinja ada berkata:
„Kaloe begitoe, bener-bener poelo itoe ada?“
Parasnja dalem itoe sa'at diadi girang, kerna itoe poelo jang diseboet poen, ada itoe poelo jang dioendjoek oleh Song Kong-beng dalem impian.
Sabenernja, maski. Lie Tjhoen kaloear dari Siauwhewan pergi njebrang laoetan maoe tjari satoe tempat, tapi hatinja tida pikir pada poelo Kimgo, hanja di mana sadja jang didapet, kaloe sasoedanja diliat. Kerne ia poen tida doega, ka- loe bener-bener dalem ini doenia ada itoe poelo jang bernama demikian.
Sasoeda menetepken hati dari gontjangnja kagirangan, ini Twako lalog bikin pertanjahan lebi djaoe. Dan menoeroet katerangannja itoe pendoedoek, bahoewa letak nja poeloe Kimgo ada di sebla Salatan dari ini tempat.
„Dari ini poelo ka poelo Kimgo, djaoenja ada kira-kira tigaratoes li,“ kata poela itoe orang: „poelo Kimgo ada termasoek negri Siamlo poenja djadjahan, jang diprenta oleh satoe pembesar“ nama Swa Liong, saorang jang bertabeat boeroek berperangi kasar dan berhati kedjem, hingga rahajat dari itoe poelo bentji betoel pada Swa Liong itoe.“
„Brapa djaoe itoe poelo terpisa dari negri Siamlo?“ tanja Lie Tjoen, jang sekarang maoe dapetken katerangan betoel-betoel: dan itoe pembesar jang bernama Swa Liong ada orang asal dari manatah?“
„Kaloe tida sala, itoe Swa Liong ada orang dari Siamlo," saoet itoe pendoedoek: dan dari negri Siamlo ka poelo Kimgo, djaoenja ada tigaratoes li djoega. Tapi kaloe itoe poelo dibandingin dengen ini poelo Tjingsoei, Kimgo ada lebi menang, sebab di sana ada banjak gedong gedong bagoes, roema-roema jang indah dan pendoeloeknja poen banjak jang hartawan. Sedeng keadahannja itoe poelo, di ampat pendjoeroenja ada terkiter dengen goenoeng-goenoeng besar dan tinggi, jang berpoentjak-poentjak. Djalan boeat masoek ka sana ada terletak dibagian sebla Kidoel, Itoe moeloet djalanan tida bisa diliwatken dengen doea kapal jang djalan berendeng, hanja moesti masoek satoe-satoe. Sasoedanja lintasin tiga moeara besar, sampelah di satoe djalanan darat jang ada dilindoengken oleh tembok-tembok benteng jang dibikin amat tegoeh.“
„Soenggoe! itoe poelo ada bagoes den mahmoer, lebi menang lipat sapoeloe kali dari ini poelo Tjingsoei,“ demikianlah itoe pendoedoek to etoep katerangannja: „tjoema sadja kita-orang di sini ada menang dengen kamerdikahan sebab Tjingsoei tida termasoek djadi djadjahan negri ini atawa itoe.“
Lie Tjhoen girang denger itoe katerangan, Salagi marika beromong-omong, dateng lagi laen pendoedoek, jang toeroet dalem iloe pembitjarahan Itoe orang jang pertama laloe kasi taoe pada temenja itoe, apa jang Lie Tjhoen tanja dan ia telah kasi katerangan. Dan itoe orang jang blakangan, sasoeda denger begitoe, lantas berkata:
„Ja, memang poelo Kimgo ada bagoes dan mahmoer. Baek dari pengasilan, maoepoen dar pameliharaän heiwan dan laen-laen, sapoeloe kali ada lebi menang dari di sini. Lebarnja tana jang dioesahaken oleh pendoedoeknja ada kira-kira iimaratoes li, Kimgo haroes dibilang ada satoe poelo jang kajah.“
„Ah, tjoema sajang sedikit,“ kata poela itoe orang sambil goleng kapala: „itoe tempat ada dibawah prentanja satoe ambtenaar rakoes, boeroek dan sombong, jang sekali-kali tida mempoenjai prikamanoesiahan. Tjobalah kaloe satoe pembesar jang adil doedoek mengoeroes itoe poelo, boleh dipastiken jang Kimgo tida nanti kala sama satoe negri jang tanggoe-tanggoe, kerna pendoedoeknja bisa merasaken keadilan dan kasenangan jang bener. ― Tapi, ja, apa maoe kata. Ini semoea ada salanja negri Siamlo sendiri, jang telah angkat pembesar demikian boeat menjoesaken rahajat dari djadjahannja.“
„Tapi itoe Swa Liong tentoe ada familie atawa sanak dari pembesar di negri Siamlo,“ kata Lie Tjhoen: „maka ia diangkat djadi pembesar di sitoe.“
„Tida, tida begitoe,“ kata itoe orang: „Swa Liong itoe ada saorang hangsa Thongban.“
Lebi djaoe ini orang tjeritaken djoega, sabenernja itoe Swa Liong brapa kali soeda maoe diboenoe oleh pendoedoek dari itoe poelo, kerna salaennja mempoenjai kalakoean boeroek dan kedjem, djoega seringkali ia merampas orang poenja anak-anak prampoean, dengen paksa. Itoe semoea perboeatan ia lakoeken, tjoema mengandelken sadja peda pengaroenja kabesaran dan pangkat.
„Ah, soeda pendeknja, ada terlaloe banjak kaloe moesti ditoetoerken tentang kadjahatannja itoe Swaliong,“ demikianlah ini orang jang blakang toetoeo bitjaranja, „maka apa jang baroesan diseboet, akoe kira soeda terlebi dari tjoekoep.“
„Oh, kaloe begitoe, dari sini kita-orang moesti lantas pergi ka itoe poelo Kimgo,“ kata Lie Tjhoen, ja, moesti, soepaja bisa kasi hadjaran pada itoe penjiksa dari sasama manoesia, dan membri hoekoeman pada dirinja jang djahat itoe, soepaja laen-laen pembesar tida goenaken sadja kabesarannja boeat poewasken hati.“
Itoe pendoedoek dari poelo Tjingsoei mengawasi pada Lie Tjhoen dengen sorot mata menanja. Roepanja itoe perkatahan jang dioetjapken oleh ini Twako, ada terbitken rasa heran dalem hatinja.
Lie Tjhoen mengarti itoe pemandangan, maka sigra ia berkata:
„Kita ini ada panglima dari Thian Tiauw Thay Seng, jang dengen pasoekan tegoe telah dioetoes boeat djalan kiterin ini banoewa aken bikin papreksahan pada negri-negri di sakoelilingnja ini doenia, aken membri hoekoeman pada orang-orang jang berlakoe tida patoet pada sasamanja raliajat atawa manoesia. Sekarang, sasoedanja denger kaoe poenja penoetoeran, maka tida boleh tida, nenoeroet akoe poenja kawadjiban, akoe moesti pergi ka itoe poelo Kimgo boeat kasi hadjaran pada itoe pembesar jang bernama Swa Liong, soepaja keadalian di itoe tempat mendjadi aman dan malmoer kombali.“
Mendenger perkatahannja Lie Tjhoen, itoe pendoedoek djadi kaliatan girang sekali. Kerna itoe Swa Liong salaennja telah berboeat kadjahatan pada orang-orang di poelo Kimgo, sering djoega dateng ka ini poelo Tjingsoei aken menganggoe pendoedoek di sini poenja kasenangan, danitoe gangoean, oleh orang-orang di poelo Tjingsoei tida bisa dibikin pembalesan apa-apa.
Sahabisnja beromong-omong pada pendoedoek di sitoe, dengen girang Lie Tjhoen berdami pada Gak Ho boeat bikin penjerangan ka poelo Kimgo.
Dalem itoe perdamian Gak Ho kasi pikiran, pada sabelonnja dapet tempat jang betoel, baek bediriken pangkalan di ini poelo dan kasi taoe maksoednja pada pendoedoek di ini tempat. Sebab orang-orang di sini soeda sering dapet ganggoeannja Swa Liong ― begitoe Gak Ho kata lebi djaoe ― , tentoelah ini gerakan ada banjak sympathienja rahajat di sini.
Lie Tjhoen moefakat dengen itoe pikiran, kerna ia poen ada memikir demikian.
Begitoelah itoe kapal-kapal dan orang-orangnja lantas berdiam di poelo Tjingsoei. Pada soeatoe hari dari perdamian itoe selesih, Lie Tjhoen laloe kasi taoe pada pendoedoek, siapa-siapa jang soeka masoek djadi soldadoe, bisa ditrima boeat menjerang poelo Kimgo.
Sabagian dari pendoedoek di sitoe banjak jang masoek djadi soldadoe dan begitoelah satiap hari itoe orang-orang gaga koempoelken ramsoem dan adjar rahajatnja maen perang-perangan. Orang-orang dari laen poelo jang berdeketan dengen poelo Tjingsoei poen, satelah denger itoe warta, banjak djoega jang pada dateng, maka dalem tempo satenga taon sadja, Lie Tjhoen soeda mempoenjai kira-kira doeariboe soldadoe jang boleh dimadjoeken ka medan perang.
Pada soeatoe hari di maleman perajahan Tiongtjioe, Lie Tjhoen prenta orang potong kambing dan kerbo, bikin makanan jang kaloe soeda sadia diprema bawa ka poentjakuja satoe tandjakan di itoe tempat, dimana ini Twako laloe doedoek makan minoem bersama sakalian soedara-soedaranja sambil beromong-omong.
Sasoedanja minoem bebrapa tjangkir arak, Lie Tjhoen berkata:
„Rawanja Liangsan jaitoe telaga Thayouw; tapi maski bagimana loewas djoega adanja itoe telaga, toch tida bisa menangken lebarnia ini laoetan. Dan sekarang dengen mengandel sakalian soedara-soedara poenja kagagahan dan katadjeman pikiran, jang soeda begitoe soenggoe hati membantoe dan menoeloeng, achir-achir bisalah akoe lolosken diri dari satoe bintjana besar jang mengantjem, hingga sekarang kita-orang djadi berada di ini poelo.“
„Tapi kita poenja keadahan di ini masa,“ begitoe Hoenkang-liong teroesken perkataannja: „belon boleh dibilang santausa, sabagimana kaloe kita soeda bisa dapetken poelo Kimgo, baroelah boleh dibilang jang diri ada mampoenjai tempat berlindoeng jang tjoekoep. Itoe poelo jang kita perloe, roepanja tida bisa didapet dengen djalan terlaloe gampang, kerna itoe Swa Liong ada mempoenjai pasoekan perang jang tegoe. Maka sekarang, bagimanata Tjiongwi Hengte poenja pikiran boeat dapetken satoe daja jang sampoerna, sebab sekarang kita poenja soldadoe tida ada sabrapa banjak?“
„Sabetoelnja, boeat satoe pahlawan tida terlaloe perloe dengen balatentara, “ kata Gak Ho: „sebab Pan Tiauw, satoe panglima di djaman dahoeloe, dengen tentara tigapoeloe anam djiwa, bisa poekoel petjah negri Siansian. Djadi satoe panglima jang paling perloe jaitoe pengatalioean, boekan tjoema dari kagaghan dan banjaknja soldadne sadja.“
„Djoega boeat sekarang,“ kata poela Gak Ho: perlengkapan soeda sadia, djadi kita tjoema toenggoe datengnja itoe waktoe. Boeat ini gerakan jang hendak dimoelai, lebi doeloe baroeslah dipikir mateng, soepaja tida bergerak dengen kliroe sebab gerakan pertama jang membawa kagagalan, bisa membikin kita poenja pakerdjahan djadi moendoer. Tjoema salempang pada sabelonnja kita-orang bergerak, Swa Liong di poelo Kimgo jang dapet itoe kabar kaboeroe menjerang ka mari, inilah jang haroes dipikirken dan harpes djoega bikin pendjagahan jang tegoe.“ Laen-laen soedara poen menjataken pikirannja jang berhoeboeng dengen ini pergerakan. Kamoedian diambil atoeran, pada sabelonnja ini pasoekan pergi menjerang, keadahan di ini poelo haroés ditegoeken, soepaja tida djadi kasoesoe kaloe moesoe dateng menjerang.
Boelan itoe malem ada terang, maka iaorang pada makan minoem dengen sagala soeka hati. Sanpe liwat tengamalem baroelah itoe semoea orang gaga balik ka tempatnja aken tidoer.
Esokija pagi Lie Tjhoen laloe prenta Khouw Gie bawa sadjoembla tentara boeat ronda di sapandjang tepi laoet. Sedeng Tek Seng diprenta kapalaken toekang-toekang jang membikin tegoe keadahannja itoe tempat
Masing-masing laloe trima itoe prenta dan djalanken kawadjibannja dengen betoel.
Sabelonnja Tek Seng poenja kerdjahan djadi rampoeng, pada soeatoe hari dari kadjaoean ada kadengeran soeara mariam jang dipasang beroentoen-roentoen. Dan inilah soeatoe tanda ada moesoe jang lagi mendatengi.
Satelah denger itoe warta, Lie Tjhoen laloe prenta Tong Wie berdoea Tong Beng, Lie Hoen bersama Ko Tjeng kapalaken sadjoembla tentara boeat pegat di ampat pendjoeroe dengen semboeni sedeng itoe Twako bersama-sama Gak Ho, Hoei Po dan Hwa Hong-tjoen, bawa sariboe tentara dateng menjegat di pantei laoet.
Begitoelah sasoedanja atoer sagala pe sadiahan Lie Tjhoen memandang, ka tempat djaoe, dimana ada kaliatan lapat-lapat lima boea kapal perang jang lagi pendatengi.
Tida lama kamoedian pasoekan itoe telah sampe. Kapal-kapal itoe ada moeat tentara Ban jang dikapalaken oleh satoe panglima jang tingginja kira-kira anam kaki, dan pegang gegaman satoe kampak besar.
Tapi pakeannja itoe soldadoe-soldadoe ada kaliatan tipis sadja. Badjoenja ada kaen jang terbikin dari kapas, Waktoe kapal-kapal perang itoe ampir menempel pada daratan, iioe panglima laloe berlompat ka darat dan poeter sendjatanja aken menjebrang pada Lie Tjhoen jang berdiri di sitoe.
Panglima itoe boekan laen dari Swa Liong, jang roepa-roepanja soeda denger ini kabar bahoewa poeloeja maoe diserang. Tapi sabelonnja moesoe mendatengi, ia soeda kapalaken itoe pasoekan boeat menjerang moesoe.
Roepanja poen angker dan djahat. Dengen tida banjak bitjara ia angkat kampaknja dan hantemin di kapalanja Lie Tjhoen, jang lantas disamboet oleh Hoei Po poenja toembak, dan kadoeanja itoe djadi bertempoer.
Swa Liong ini ada bertenaga besar. sssoedanja berperang kira-kira sapoeloe djoeroes, Hoei Po merasa tida tahan dan lantas moendoer, dan pertempoeran di landjoetken oleh Lie Tjhoen, jang itoe waktoe ada dalem bahaja.
Itoe tentara Ban jang roepanja sanget liar, madjoe menjeroedoeng boeta toeli, hingga Lie Tjhoen poenja soldadoe kapaksa djadi kadesek ka blakang.
Soenggoe Swa Liong itoe gaga sekali, kerna maski soeda didoewain poen, kaliatannja tida djadi koerang kakoeatannja, malah semingkin moerka tenaganja djadi bertamba. Lie Tjhoen lawan sabrapa bisa dengen abisken tenaganja, tapi toch tida bikin moesoe itoe djadi takoet atawa oendoer.
Dari tempat dimana pertempoeran itoe dimoelai, sekarang itoe Twako soeda kadesak ka blakang sekali.
Hwa Hong-tjoen jang ada berdiri tida sabrapa djaoe, satelah liat Lie Tjhoen poenja keadahaii ada dalem bahaja, boeroe-boeroe ambil gandewa dan lantas lepasken satoe boesoer diam-diam.
Dengen berbarengaja itoe soeara pana mendjeprat, Swa Liong jang gaga lantas bertreak dan roeboe!
Itoe anak pana menantjep di poendaknja.
Sabelonnja Lie Tjhoen poenja gegaman sampe, sala satoe soldadoe Ban jang, liat panglimanja dapet itoe katjilakahan, laloe madjoe dan reboet Swa Liong, aken dibawa naek ka dalem kapal perang. Lie Tjhoen jang inher, ada di pihak menang; laloe membri tanda pada tentaranja. Maka soldadoenja laloe memboeroe ka pantei. Sedeng Tong Wie dan Tong Beng, bersama Lie Hoen dan Ko Tjeng jang semboeni, Satelah dapet taoe jang moesoe dapet dikalaken, lantas kaloear dari tempatnja semboeni dan basmi soldadoe Banjang lagi maoe naek ka kapalnja.
Pembasmian dilakoeken heibat sekali. Lebi separo. soldadoe Ban jang binasa, tiga boea kapalnja dapet dirampas oleh Tong Wie poen ja. kawan-kawan, dan. doea dari. itoe kapal bisa lolos dari kabinasahan dan lantas lari. dengen tjepet membawa Swa Liong jang loeka poelang kembali.
Tida lama kamoedian, sasoedanja moesoe berlari djaoe, Lie Tjhoen laloe koempoélken soldadoenja aken balik ka tangsi. Pada Soedara-soedaranja itoe Twako berkata:
"Itoe bangsa poenja lakoe tjara berperang soenggoe berbahaja sekali. la menjerang dengen tida pake atoeran paperangan, hanja menoebroek dan neroedoeng dengen boeta toeli, hingga akoe moesti terdesak moendoer. Tjoba kaloe tida kabetoelan Hwa Kongtjoe lekas lepasken satoe anak pana, pastilah dirikoe boleh dapet bintjana."
Kamoedian Gak Ho. menjataken pikiran, sekarang ada tempo jang baek boeat ini Twako menjerang Kimgo, kerna Swa Liong jang belon tersemboeh dari loekanja tentoe tida bisa melawan perang kombali. Sedeng tentaranja jang baroe abis dapet kekalahan, pikirannja poen djadi kaloet kaloe didatengin moesoe. Dengen begitoe, sakali hantam kita-orang bisa dapetken itoe poelo Kimgo.
„Kaloe soeda bisa doedoekin itoe poelo sabagi kita poenja tempat berlindoeng,“ kata poela Gak Ho sabagi penoetoepnja itoe voerstel: „kita troesa koeatir boeat hari jang mendatengi.“
Ini pikiran ada disatoedjoe oleh sakalian soedara-soedara.
Maka sigra djoega dibitjaraken lebi djaoe tentang penjerangan jang bakal dibikin. Achirnja ditetepken harinja tentara poenja berangkat. Khouw Gie diangkat sabagi pengoendjoek djalan, sedeng Tek Seng tinggal mendjaga di poelo Tjingsoei, waktoe ini tentara pergi menjerang.
Tapi ini penjerangan tida terlaloe gampang, kerna Swa Liong jang maski dapet loeka, sapoelangnja ka Kimgo tida alpa boeat atoer pendjagahan, kerna ia poen telah pikir, salagi fihaknja dapet kakalahan, maka pendjagahan haroes diatoer hati-hati dan begitoelah koetika kapal perangnja Lie Tjhoen ampir sampe, soldadoe Ban jang mendjaga lantas bersoerak-soerak.
Paperangan lantas dimoelai, kerna Swa Liong jang lindoengken itoe tempat, tida maoe pertjajaken sadja orangnja. la sendiri kaloear dan lawan moesoe-moesoenja dengen gaga, hingga dalem tempo tiga hari, kadoea fihak tida ada jang menang atawa kala.
Meliat kaoeletannja Swa Liong jang begitoe roepa, Lie Tjhoen laloe tarik barisannja dan koempoelin sakalian soedara-soedaranja aken diadjak berempoek. Di antara begitoe banjak Hengte, tida saorang jang bisa dapetken daja sampoerna boeat menjerang moesoe.
Lantaran itoe, terpaksa Gak Ho laloe adjak Khouw Gie tjari taoe keadahannja di sapoeter poelo kimgo.
Tapi apa jang telah didapetken tida lebi dari pada goenoeng-goenoeng tinggi, oetan lebat dan tjoeram-tjoeram jang dalem hingga maksoed boeat tjari satoe djalanan goena naekin tentara, tida terdapet.
Sasoedanja terpoeter-poeter di sapandjang itoe tempat, tapi tida djoega berhasil apa jang ditjari, Gak Ho laloe balik kombali aken katemoein pada Hoen Kang-liong Lie Tjhoen, dan toetoerken satoe persatoe tentang pendapetannja.
Mendenger ini katerangan, Lie Tjhoen poen djadi bermasgoel. Tapi salagi kesel memikiri itoe, koenjoeng-koenjoeng Tong Wie njataken pikirannja begini: „Sekarang sabagian besar moesoe goenaken tenaganja boeat mendjaga di moeloet moeara, sedeng di dalem tentoe tida diatoer apa-apa. Dengen goenaken ini waktoe jang baek, di waktoe sepi akoe boleh masoek bersama-sama Tong Beng dengen ambil djalan di dalem aer, sasampenja di dalem akoe nanti goenaken api boeat bakar itoe roema-roema, nistjaja moesoe djadi kaloet. Dan dalem waktoe begitoe, Koko boleh menjerang dengen antero pasoekan, maka sakali sadja kita madjoe, akoe kira Kimgo lantas terdjato ka tangan kita.“
Lie Tjhoen dan begitoe poen jang laen-laen, semoea menjataken satoedjoe dengen ini daja, maka titah-titah jang perloe laloe diatoer. Antero pasoekan dalem tempo sabentaran sadja soeda bersiap, tinggal menoenggoe waktoenja sadja.
Begitoelah waktoe moelai sepi, itoe doea soedara laloe boeka badjoe dan masing-masing selipken golok pendek, toeroen dari kapal dan djalan di dalem aer. Boeat djalan di dalem aer marika memang pande sekali, sedeng oempan api, jaitoe kaen-kaen jang tertjeloep soeda ada di tangannja.
Sasampenja di pinggiran marika angkat sedikit kapalanja boeat dapetken napas. Di sitoe ada kaliatan Swa Liong jang lagi atoer pendjagahan sambil moendar mandir, sedeng bebrapa soldadoenja lagi angetken diri di perapian. Dengen sekali-kali tida doega, kaloe di tempat jang didjaga itoe ada moesoe mentjoeri liwat.
Tida lama kamoedian Tong Wie dan Tong Beng telah sampe di pinggirannja satoe benteng jang bertembok tegoe, tapi soeda terkoentji. Kerna liat keadaban di sitoe ada soenji, maka doea soedara ini laloe timpelke kapalanja dan menengok di sakoelilingnja itoe tempat, dimana marika tida dapetken satoe djalanan boeat masoek.
Itoe waktoe ada mesin Tjhioe, dimana hawa ada sanget dingin. Apapoela angin jang menioep ada begitoe santer. hingga Tong Wie berdoea soedara djadi goemeter seantero badan, lantaran kadinginan.
Di sakaternja itoe benteng tida ada kaliatan sabidji orang. Apa jang kadengeran di itoe tempat soenji jang soeda moelai gelap, tjoema soearanja binatang-binatang ketjil jang berboenji saling saoetan.
Kadang-kadang terdenger djoega soearanja aer laoet jang mendampar-dampar pada batoe karang, laen dari itoe tida soeatoe apa lagi.