Pembalesannja Kawanan Liangsan/Djilid ka-satoe/Bab 2

by Tong Th. Fuctriorider

II.

KATEMOE KHOUW THAY SO, ORANG-
ORANG GAGA BITJARAKEN PEMBALESAN.
—LANTARAN TEMAHA, MOUW GONG-
BOK SAROEMA TANGGA BINASA.

Itoe orang gaga djadi amat heran meliat tingkanja Wie Siauw-tjhit jang begitoe roepa. Dengen hati kaget ia bales memandang dengen tida berkata-kata, kerna dikira: brangkali ini orang tida beres igetan.

„Lekas!, lekas bajar kombali akoe poenja iboe!" kata Siauw-tjhit sambil merongos-rongos, hingga membikin itoe orang gaga jadi terlebi heran lagi, kerna ia tida tade iboe apa jang ini orang edan minta padanja.

„Akoe taoe apa sama kaoe poenja iboe," kata itoe orang dengen soeara sabar, djoega tida sekali boeat tjoba berontak dari pegangannja Wie Siauw-tjhit: „iboe apatah jang kaoe ingin akoe bajar kombali?"

„Iboekoe soeda terilang, waktoe akoe pergi mengambil api. Kaoe tentoe taoe ini perkara".

„,Akoe taoe apa sama itoe kailangan? tah kaoe liat sendiri, jang akoe baroe sampe di ini gredja? Dan datengkoe kamari poen boekan dengen maksoed laen dari pada hendak noempang brenti, lantaran hawa ada begini panas. ---- Soenggoe akoe tida mengarti apa jang kaoe maksoedken itoe?"

Mendenger djawabannja jang begitoe sabar dan tetep, djoega paras moekanja ini orang tida sekali ada beroba, maka Siau-tjhit lantas pertjaja, bahoewa doegahannja telah kliroe, kaloe ia sangka ini orang soeda semboeniken iboenja.

,,Kaloe begitoe, bener kaoe tida taoe," kata Siauw-tjhit sambil lepasken orang poenja tangan. ,,tapi sabelonnja kamari, apatah di djalanan kaoe ada katemoe saorang prampoean jang menoenggang koeda dan bawa boengkoesan?

,,Tida!" djawab orang itoe sembari golengken kapala: ,,dari waroeng arak merk Sip Li Paij sampe kamari, akoe tida ada katemoe saorang prampoean atawa lelaki, baek jang berdjalan atawa berkoeda".

Siauw-tjhit djadi amat doeka, maka dengen tida berkata-kata ia toendoeki kapala, seperti orang jang lagi berpikir atawa mendoega-doega, kamana iboenja itoe telah pergi.

Aer meokanja jang tadi amat beringas, sekarang djadi kaliatan koesoet sekali.

,,Tapi kaoe ini siapatah?" anja itoe orang gaga, jang masi belon dapet taoe itoe kadjajdian: ,,dan bagaimanakah orang bisa djadi kailangan iboe?"

,,Oh. akoe ini orang pelantjongan," djawab Siauw-tjhit: ,,akoe bersama iboekoe ada berasal dari doesoen Tjiokkiat-tjoan dan maoe pergi kalaen tempat, apa maoe koenjoeng-koenjoeng ia dapet sakit oeloehati, maka akoe lantas baringken di atas itoe daon pintoe, (sembari kata begini Siauw-tjhit menoendjoek ka itoe papan pintoe tempat dimana haroesan iboenja ada rebah), kamoedian akoe pergi tjari api boeat masak aer. Tapi selang ampir satenga djam waktoe akoe balik kombali, orang toea itoe telah linjap dengen ttida kataoean ka mana perginja. --- Dan lantaran itoe djoega, maka satelah meliat padamoe, kerna bingoengnja hati akoe djadi berboeat itoe kalakoean kasar."

.,Dari Tjiokkiat-tjoan?" djawab itoe orang sambil menoendoeko kapala dan beringet-inget, seperti ia pernah denger namanja itoe doesoen.

,,Ja, begitoelah namanja kampoeng tempat di mana akoe tinggal."

,,Oh, ja-ja!, sekarang akoe inget. ---Apa Tjiokkiat-tjoan itoe boekan dalem bilangan kota Tjetjio, jang ada berdamping djoega dengen goenoeng Liangsan?" Benerlah. Sebab Tjiokkiat-tjoan dengen Liangsan ada terhoeboeng dengen djalanan aer dari rawa Tjiokkiat-ouw."

,,Kaloe begitoe brangkali kaoe kenal djoega pada Twako dari Liangsan, jaitoe Song Kong-beng, jang sakean lama ada mewakilin Allah boeat mendjalanken keadilan?"

,,Tentoe Sadja."

,,Apa kaoe kenal djoega pada ia poenja panglima jang dipanggil Ouwsoanhong Lie Koei?"

,, Lie Thi Goe?, — oh, ia itoe soeda mati."

,,Soeda mati? — Astaga, liatlah orang poenja oemoer, akoe tida doega sekali."

,,Kaloe begitoe kaoe ada kenal djoega padanja?"

,,Tentoe!, kaloe tida, masatah akoe tanjaken?"

Sahabisnja oetjapken itoe perkatahan, orang gaga ini mengelah napas. Dan lantaran adanja itoe bebrapa pertanjahan, Siauw-tjhit jang sabenernja soeda maoe kaloear boeat tjari ia poenja iboe, telah oeroengken itoe niat atawa lantaran kaloepahan, hingga kadoeanja itoe djadi bitjara leroes.

,,Kaloe kaoe ada tinggal di itoe doesoen," kata poela itoe orang gaga sasoedanja berdiam sakoetika lama: ,,kaoe tentoe taoe djoega bagimana doeloe Song Kang telah poekoel doesoen Tjiokketjheng, — kerna doesoen ini tida brapa djaoe dari tempat tinggalmoe?"

,,Soeda tentoe sadja akne taoe, djawab Siauw-tjhit, jang sabegitoe lama tjoema djawab sadja orang poenja pertanjahan, tapi belon maoe kasi taoe, bahoewa ia sendiri ada sala satoe dari soedara angkatnja itoe begal di Liangsan.

Begitoe djoega itoe orang, jang njata lagi maoe tjari taoe satoe hal, dan sekali-kali boekan menanjaken Lie Koei, kerna ada mendjadi sobatnja itoe kawanan brandal.

,,Kaloe begitoe, kaoe tentoe tace djoega pada saorang prampoean di itoe doesoen jang mendjadi Song Kang poenja tawanan," kata itoe orang gaga kamoedian: jang bernama Houw Sam-nio, dan ada diseboet djoega Ittengtjeng?"

,,Ja, akoe taoe," menjabet Siauw-tihit sambil memanggoet: ,,malah akoe taoe djoega apa kamoedian soeda terdjadi pada itoe orang tawanan jang tjantik dan kosen."

,,Nah kaloe bener kaoe ada taoe begitoe banjak, toeloenglah tjeritaken halnja itoe Houw Sam-nio, sobat," kata itoe orang gaga dengen bernapsoe: ,,apatah kamoedian soeda terdjadi pada itoe gadis eilok jang gaga perkasa?"

Dengen tida merasa kaberatan Siauw-tjhit laloe tjeritaken dari awal moelanja itoe doesoen dipoekoel petja, dimana kamoedian sasoedanja Houw Sam-nio ditangkep, Song Kang lantas anterin ka Liangsan boeat merawati ajahandanja jang soeda toea, jailoe Song Thaij-kong.

Bermoela orang lantas doega, kaloe Song Kang soeda berboeat begitoe, tentoelah ia ada tjinta pada Houw Sam-nio dan tentoe djoega kamoedian ini nona aken diambil boeat djadi istrinja; apapoela itoe waktoe Lim Tjiong jang tangkep padanja, ada dipoedji dan dapet persenan besar.

Tapi njatalah achirnja doegahan itoe telah kliroe kerna itoe Ittengtjeng jang gaga perkasa boekan menikah pada Song Kong-beng, hanja ............

Oleh kerna perkátahan itoe tida diteroesken, membikin itoe orang jang menanja djadi terkedjoet dan menanja lebi djaoe: abis bagimanatah, apa ia diboenoe.

,,Oh, masalah diboeroe, kerna Song Kong-beng ada terlaloe mengindahken pada orang-orang gaga," menjaoet Siauw-tjhit sambil tertawa, dan laloe kasi taoe, sasoedanja perselisihan itoe beres, Houw Sam-nio itoe dikawinin pada Aijkahouw. Ong Eng, jang djoega ada terkenal gaga perkasa. Ini sapasang laki istri ada amat manis dan tjinta, tani blakangan waktoe dimaloemken paperangan pada bangsa Poeilap, di Ouwliongnia Ong Eng dan Ittengtjeng telah binasa, lantaran kena The Mokhoen poenja ilmoe siloeman. Mendengar itoe tjerita, itoe orang djadi kaliatan sedi dan kadoea matanja djadi mengembeng aer. Siauw-tjhit jang meliat itoe djadi heran dan menanja: mengapatah ia boleh djadi bersedi hati, satelah denger kamatiannja itoe doea laki istri.

,,Apatah kaoe ada kena familie pada itoe doea orang?" tanja Siauw-tjhit kamoedian.

,,Bener," djawabnja sambil menjoesoet aer mata: kerna Houw Sam-nio itoe poen akoe poenja soedara moeda."

,,Oh, kaloe begitoe kaoe ini Kokonja Itteng-tjeng Houw Sam-nio?"

,,Bener."

,,Kaloe begitoe kane ini......."

,,Houw Seng, begitoelah ada namakoe."

Atas pertanjahannja Siauw-tjhit. Houw Seng itoe lantas tjerilaken, koetika Song Kang bikin riboet doesoen Tjiokketjheng, ja poen soeda bikin persediahan bocat menaloek. Tapi apa maoe itoe waktoe Lie Koei jang beradat kasar soeda maen hantem kalangkaboet dan lakoeken pemboenoehan dengen memboeta, tida perdoeli toea moeda ketjil besar, lelaki atawa prampoean; sedeng orang poenja harta banda jang sasoedanja dirampas, roemanja jang tida bisa dibawa laloe dibakar, hingga pendoedoek dari itoe kampoeng djadi terpentjar ka sana sini dan ia sendiri tida taoe kaloe soedaranja soeda kena ditangkep oleh Lim Tjiong.

Boeat tjari tempat menoempang, begitoe Houw Seng teroesken ijeritanja, ia soeda pergi ka Tenganhoe, tapi di sana itoe orang jang ditjari tida katemoe, hingga ia teroes pergi ka negri Siam bersama bebrapa orang kenalannja jang ada berdagang.

Tentang kaadahannja ini negri ia tjeritakan pandjang lebar, jang dipoedji ada amat bagoes dan mahmoer. Dan maski di Siam kagentoengan ada gampang, tapi sebab inget pada soedara dan kapingin liat tana aer, maka sasoedanja berdiam ampir tiga taon, ia balik kombali ka negri sendiri dengen mambawa banjak barang-barang berharga. Tapi apa tjilaka di tenga perdjalanan antara laoctan Tengtjioe, praoenja karem, hingga sabagian barang-barangnja itoe masoek ka dasarnja laoet. Beroentoeng dengen pertoeloengannja bebrapa toekang tangkep ikan jang bisa silem, barangnja jang djato ka aer bisa dapet dipoengoet lagi, tapi tjoema sabagian sadja.

Siauw-tjhit dengerken tjeritanja Houw Seng dengen sabar, tapi kamoedian ia menanja: manatah adanja itoe barang-barang, mengapa tida dibawa djoega bersama-sama, apa brangkali barang itoe dikirim atawa soeda didjoeal. Kaloe orang lagi apes, salamanja katjilakahan dateng beroentoen-roentoen," kata Houw Seng sambil gojang kapala: ,,sebab itoe barang jang bisa djoega kapoengoet dan akoe harep bisa didjoeal boeat didjadiken oewang goena meliwati hari, siapa taoe achirnja dirampas orang."

,,Ah, tjoba kaloc akoe taoe bakal begini diadinja, begitoe Houw Seng teroesken bitjaranja: ,,akoe tentoe lebi soeka kaloe itoe barang tinggal sadja di dasarnja laoet."

Siauw-tjhit djadi herau dan laloe menanja, siapa jang rampas. Atas ini pertanjahan, dengen teroes terang Houw Seng tjeritaken, sasampenja di Tengtjioe ia lantas soeroe orang pikoel itoe barang-barang boeat dibawa ka kota Radja; tapi sebab itue hari hawa amat panas, maka ia bersama toekang pikoeluja soeda brenti di bawahnja satoc poehoen besar deket roema orang berpangkat. Dan salagi ia mamereksa dari sasoeatoe roepanja itoe barang dan taksir-taksir harganja, dari itoe roema orang berpangkat lantas kaloear saorang moeda bersama toedjoe pengiringnja dateng menghamperi sambil bermaki-maki dan bilang tida taoe adat, kerna soeda begitoe brani brenti di bawahnja itoe poehoen Lioe. Tapi kamoedian satelah ia liat itoe barang berharga, dirinja lantas ditoedoeh djadi kawanan begal dari Liangsan, sedeng itoe barang-barang lantas dirampas dan dibawa masoek ka dalem roemanja. Barang itoe ada terdiri dari tjoela badak, merdjan, moetiara dan sabaginja.

Lebi djaoe ia kata: waktoe itoe koeli toekang pikoel membanta dan ia sendiri poen tida maoe kasiken, itoe orang moeda, jang roepanja ada satoe orang berpangkat, soeda djadi goesar dan prenta pengiringnja serampang ia poenja koeli itoe, sedeng ia ditoedoe sebagi badjak laoet dan maoe ditangkep.

,,Sajang jang itoe waktoe akoe tida bergegaman," kata Houw Seng sabagi penoetoepnja,, tjoba kaloe akoe ada poenja sendjata, moestail akoe maoe menjerah pada orang-orang jang begitoe dan kasi barang-barangkoe dirampas begitoe gampang. — Djoestroe lantaran tida ada sapotong roejoeng atawa golok, maka akoe lantas melariken diri dan tinggalken itoe toekang pikoel, jang akoe tida taoe apa djadinja. — Ah, soenggoe kasian sekali itoe koeli. Tapi akoe kira ia si tida diapa-apain."

,,Njatalah itoe orang ada terlaloe koerang adjar sekali," kata Siauw-tjhit dengen soeara mendongkol: ,,siapatah namanja orang berpangkat itoe?"

,,Akoe sendiri tida taoe dan tida sempet boeat tjari taoe."

,,Ah, sajang sekali."

,,Apa maoe kata — Tapi, sobat, kaoe ini sabetoelnja maoe ka manatah, maka boleh djadi kailangan iboe di ini tempat?"

Siauw-tjhit laloe tjeritaken satoe persatoe siapa adanja ia poenja diri, jang sabenernja ada mendjadi sala satoe dari soedara angkatnja Song Kang di Liangsan. Blakangan pegang djabatan Tongtjhi dan kamoedian letaken pangkat itoe aken poelang ka kampoeng sendiri. Dan pada brapa hari jang laloe, lantaran Thio Kan-poan toedoeh ia sabagi begal, maka ia soeda kasi adjaran pada itoe pembesar.

Oleh kerna dapet itoe labrakan, achirnja Thio Kan-poan soeda djadi sakit hati dan satronin doesoen Tjiokkiat-tjoan boeat tangkep padanja. Tapi itoe pembesar ia soeda boenoe bersama bebrapa orang soldadoenja, hingga sekarang ia djadi boeroen bersama-sama itoe orang toea. Ia sendiri tida taoe maoe pergi ka mana, djadi berangkatnja ini tida taoe ka mana toedjoeannja.

Begitoelah sembari beromong-omong dan satoe pada laen menjeritaken keadahan sendiri, doea orang gaga ini lantes djadi bersobatan dari satoe pada laen soeka boeat saling toeloeng, djika ia orang ada di dalem soesa.

,,Kaloe kaoe djoega belon mempoenjai tempat jang katentoean," kata Siauw-tjhit achirnja: ,,baeklah kaoe toenggoe sabentaran di sini, sampe akoe dapet tjari ka mana perginja iboekoe itoe. Dan kaloe orang toeakoe soeda dapet dikatemoein, akoe nanti bantoe padamoe boeat rampas kombali itoe barang-barang jang diambil dengen tjara begitoe koerang adjar."

,,Kaloe, begitoe baeklah," kata Houw Seng; ,,sedeng akoe poen, lantaran soedarakoe sekarang soeda tida ada di doenia, djadi ilang poela satoe rintangan dan apa jang kaoe ingin berboeat, dengen senang akoe menoeroet."

,,Tapi," kata poela Houw Seng: ,,kaloe dari pagi kaoe belon dahar, tentoe ada lapar sekali, boekan?"

„Ja lapar si tentoe."

,,Nah kaloe begitoe, baek kita pergi bersantap doeloe."

,,Bersantap? — Di mana?"

,,Tida djaoe dari sini ada satoe roema makan jang mendjoeal djoega minoeman, jaitoe satoe waroeng arak jang pake merk Sip Lie Paij, dengen ada poenja persediahan arak jang baek betoel."

Mendenger perkatahannja ini sobat, Siauw-tjhit djadi girang sekali, kerna peroetnja poen itoe waktoe soeda amat lapar.

Dengen tida banjak omong lagi kadoea orang ini lantas berangkat djalan kaloear dari itoe gredja toea. Kerna itoe waktoe sinarnja matahari poen masi terlaloe panas, maka di sapandjang djalan iaorang tida bitjara banjak.

Begitoelah sasoedanja melaloe kira-kira tiga atawa ampat paal, iaorang telah sampe di satoe waroeng arak jang pake merk Sip Lie Paij, betoel sabagimana tadi katanja Houw Seng.

Kadoea orang ini lantas masoek dengen diikoetin oleh pelajan roema makan.

Siauw-tjhit pili tempat doedoek di roewangan sebla dalem, kerna di sebla loear ia koeatir kaloe-kaloe nanti ada orang politie jang kenalin padanja. Kamoedian Houw Seng prenta si pelajan bikin sedia tiga kati daging mateng, sama samangkok sajoer dan satoe piring bapauw jang masi panas.

Tjioepo itoe memanggoet dan lantas berlaloe.

Roewangan itoe ada besar djoega, di sebla dalemnja ada kaliatan tiga tempajan arak jang besar dan sabagian badannja tempajan itoe terpendem ka dalem tana. Dari sitoe ada kaloear baoe arak jang sanget haroem, hingga Siauw-tjhit jang baoeken itoe, lantas djadi mengiler dan saban-saban menengok, apa itoe tjioepo jang tadi diprenta soeda datang atawa belon.

Tegesnja ia kaliwat bernapsoe.

Tida lama itoe djoeroe lajan dateng dengen satoe doelang besar berisi barang-barang makanan jang diminta. Kamoedian ia taro doea mangkok boeat djadi tempatnja arak.

,,Eh, apatah ini toean boekannja jang tadi dateng kamari dan soeda bersantap baroesan?" menanja itoe djongos pada Houw Seng: ,,dan begitoe tjepet toean soeda lapar lagi?"

,,Troesa perdoeli, apa akoe soeda dateng atawa belon," saoet Houw Seng:,,hajoe lekas bawa itoe arak jang tadi akoe minoem."

Djongos itoe memanggoet sambil berlaloe.

Tida lama ia dateng kombali dengen membawa arak bebrapa gendoel.

,,Hajoelah dahar, dan ini arak baek sekali," kata Houw Seng pada Siauw-tjhit: ,,sebab akoe tadi soeda makan, maka biarlah akoe temenin sadja pelahan-pelahan sambil bertjerita. — Dan ini daging enak, — empoek?"

Siauw-tjhit tida tampik lagi itoe tawaran, maka arak jang ada di gendoel ia lantas toewang ka mangkok, dan begitoe djoega mangkoknja Houw Seng. Kamoedian ia iroep, jang sekali sadja ampir djadi kering.

Maski itoe waktoe hatinja ini orang gaga lagi iboek memikiri iboenja, tapi toch makannja kaliatan bernapsoe. Sabentar-bentar ia minoem itoe arak dan makan dagingnja, hingga Houw Seng jang meliat memoedji dalem hati dari bagoesnja ini orang poenja makan. ,,Kaloe diliat makannja jang seperti matjan, ini orang tentoe gaga sekali," kata Houw Seng dalem hati sendiri: ,,liatlah bagimana ia minoem itoe arak ada seperti orang meminoem aer. Dan orang-orang gaga memang koeat minoem."

Pelajan-pelajan jang ada berdiri tida djaoe dari itoe medja makan, djadi amat kagoem koetika liat Siauw-tjhit poenja kakoeatan bersantap. Tapi marika tida brani kata soeatoe apa.

Bermoela iaorang tida bitjara banjak, kerna Houw Seng poen taoe jang sobat ini lagi lapar, maka biarlah ia makan dan minoem doeloe, dengen troesa diadjakin ngomong. Tapi sasoedanja itoe tiga kati daging mateng moelai abis dan araknja poen soeda ditamba lagi segendoel, baroe kadengeran iaorang beromong-omong boeat tjari itoe orang toea.

,,Akoe tentoe tida senang kaloe belon dapetin kombali iboekoe," kata Siauw-tjhit.

,,Tentoe sadja," djawab Houw Seng.

,,Dimana kita moesti tjari dan di manatah kaoe doega dalem ini kalinjapan?"

,,Ja, apatah akoe bisa bilang?" kata Houw Seng sambil angkat poendak: ,,kerna akoe boekannja pendoedoek di sini, maka djalanan di ini tempat ampir akoe tida taoe betoel. Salaennja begitoe, apa ia kasasar atawa pergi ka mana, inilah boeat akoe tinggal satoe badean sadja." Salagi kadocanja ini berempoek, koenjoeng-koenjoeng dari dalem kadengeran satoe soeara prampoean, jang njata dioetjapken dengen hati girang:

..He, Siauw-tjhit Ko, kace dari mana dan kapantah ka mari?"

Siauw-tjhit dengen terkedjoet laloe menoleh, sedeng Houw Seng poen menengok ka tempat di mana socara itoe kadengeran.

Di sitoe ada berdoedoek saorang prampoean jang oemoernja soeda satenga toea, tapi roepanja masi kaliatan tjantik djoega. Dari potongan badan dan dedak sikapnja, njata ia ada saorang jang gaga perkasa.

Sasoenggoenja djoega ada demikian, kerna prampoean itoe poen boekan laen dari pada Khouw Thaij-so, dan lantaran boegenja pande dan tenaganja koeat, maka orang telah briken nama Bo Twa Tiong. Doeloe pada bebrapa taon jang laloe, Khouw Thaij-so ini sering bertempoer pada moesoe di paperangan, hingga namanja poen kasohor.

Tapi sekarang, lantaran perboeatannja dorna-dorna, maka lama ia telah meletaken djabatannja sabagi orang paperangan dan bersama soeaminja, jaitoe Soen Lip, ia tinggal di ini tempat boeka roema makan boeat meliwati hari. Begitoelah waktoe Siauw-tjhit dapet kenalin, maka ia lantas bangoen sembari menjaoet:

„Astaga!, Soso?—Dan benertah akoe ada berhadepan pada Soso?”

„Bener, Siauw-tjhit Ko,” djawab Khouw Thaij-so dengen girang, djoega sambil berbangkit dan menghampiri ka itoe roewangan.

Houw Seng djoega lantas bangoen.

Siauw-tjhit lantas madjoe bebrapa tindak dan sasampenja di hadepan itoe orang prampoean, ia lantas membri hormat dan berloetoet.

„Ah, boeat apatah pake itoe kahormatan,” kata Khouw Thaij-so sambil bales hormatnja itoe orang-orang gaga. Kamoedian iaorang doedoek kombali dan Khouw Thaij-so sambil memandang Houw Seng, ia menanja pada Siauw-thjit:

„Siapatah adanja ini hohan?”

„Oh, ini orang ada akoe poenja sobat baroe." dijawab Siauw-thjit: „ia poenja soedara jang dipanggil Houw Seng.”

„Pantes djoega roepanja ada seperti pinang dibelah doea,” kata Khouw Thaij-so sambil memanggoet.

Kamoedian Siauw-thjit adjar kenal sobatnja ini pada itoe njonja roema makan jang gaga perkasa. Maka sasoeda dikasi taoe nama, Houw Seng memanggoet kombali, soeatoe tanda ia mengindahken betoel.

Kamoedian Khouw Thaij-so silaken kadoea orang gaga itoe masoek ka dalem, sedeng makanan jang lagi dihadepin, disoeroe pelajannja angkat sadja.

Kadocanja itoe oleh njonja roema diadjak ka soeatoe paseban, jang ada dilengkapi dengen roepa-roepa perabot dan dirawat resik sekali. Hawa di itoe tempat poen ada amat adem, kerna paseban itoe ada berdeketan pada bebrapa poehoen-poehoen besar, hingga pelatarannja djadi tedoeh sekali.

Hatinja Siauw-tjhit dan Houw Seng diadi merasa legah meliat karapian karesikannja itoe tempat, apapoela kaloe orang melongok dari djendela ka loear, lantas kaliatan koelam jang aernja djerni dan letaknja koelam itoe ada berdamping djoega pada satoe kehon jang ada ditanamin roepa-roepa poenoen kembang.

Sasoedanja pada berdoedoek, Sauw-tjhit liat di atas medja ada satoe pot jang ditantjepin berapa lembar daon deringo jang matjemnja seperti padang, bersama kembang Siokkwi jang menjiarken baoe haroem.

,,Boeat orang jang bikin perdjalanan djane dalem tempo lama, bisa djoega maloepaken waktoe dan moesin," kata Siauw-tjhit sasoedanja memandang itoe semoea: ,,tapi dengen meliat itoe kembang Siokkwi dan daon dringo, akoe djadi maoe doega, jang ini waktoe soeda ampir deket pesta twanijang. Tida benerkah begitoe, Soso?"

,,Bener," djawab Khouw Thaij-so sambil bersenjoem: ,,esok kita-orang di sini aken merajahken itoe pesta."

,,Besok?" kata Siauw-tjhit dengen terperanjat: ,,ah, njatalah akoe tida taoe sekali. Tjobalah liat, akoe sampe tida taoe waktoe, boelan dan tanggal."

Houw Seng dan Thaij-so laloe tertawa.

Tida lama dateng satoe djongos jang oleh njonja roema disoeroe bawa makanan bersama arak boeat soegoeken itoe tetamoe. Dan katiga orang itoe lantas minoem kombali sembari beromong-omong.

,,Siauw-tjhit Ko, kaoe tentoe taoe banjak tentang halnja Song Kong-beng," kata itoe njonja roema kamoedian: sebab akoe djaoe dari kota Radja, maka sadari ia wafat, akoe tida denger-denger lagi tjeritanja. Bagimanatah itoe?"

,,Ah, kaloe maoe ditoetoerken satoe persatoe dari kamatiannja kita-orang poenja soedara-soedara, soenggoe sedi sekali, Soso," djawab Siauw-tihit, jang lantas tjeritaken bagimana itoe Twako dari Liangsan, begitoe poen Louw Tjoen-gie dan Lie Kwie, soeda binasa lantaran perboeatannja dorna.

Lantaran kamatiannja ini soedara-soedara, begitoe Siauw-tjhit teroesken perkatahannja, maka Gouw Jong dan Hwa Eng soeda djadi boenoe diri di koeboerannja Song Kang, di loear pintoe kota Tjotjioe sebla Kidoel.

Sasoeda itoe baroe ia tjeritaken tentang keadahannja diri sendiri, jang lantaran mabok soeda melabrak orang, hingga kawannja Tjoa Keng jang dapet taoe itoe, lantas kasi taoe pada pembesar jang sebla atas, bahoewa ia maoe bikin riboet atawa terbitken pemberontakan. Apapoela itoe waktoe sering-sering ia soeka pake pakeannja bangsa Poeilap, jang ia dapet rampas dari paperangan di negri Tayliauw, pada itoe bangsa.

,,Begitoelah lantaran perboeatannja dorna, maka akoe lantas dipetjat dari djabatan Khaijthiankoen Thongtji," kata poela ia sabagi penoetoepnja: ,,tapi boeat itoe akne tida djadi menjesel barang sedikit, sebab sadari wafatnja Kong-beng Koko, memang akoe poenja hati telah moelai tawar; dan itoe waktoe akoe lantas poelang kombali ka kampoeng sendiri di doesoen Tjiokkiat-tjoan, bocat merawati orang toea."

,,Tapi sekarang kaoe maoe ka manatah?"

,,Ja-ja, Soso belon taoe akoe poenja hikajat perdjalanan." „Sasoenggoenja djoega akoe tida taoe satoe apa."

„Baek akoe nanti tjeritaken. Dengerlah."

Sahabisnja kata begitoe ia laloe tjeritaken dari awal moelanja pergi sembajangin almarhoem soedara-soedara angkat di sabagimana tadi di dalem gredja ia tjeritaken pada Wie Siauw-tjhit.

Sasoeda menoetoerken perginja ka laen negri dan poelang kombali ka tana aer sendiri dengen membawa barang-barang berharga, dengen roepa sada-sada maloe ia tjeritaken jang itoe semoea barang telah dirampas orang.

„He, dirampas orang?“ mengoelangin Khow Thaij-so sambil ngebelengak; ,,ah, masatah Siok-siok jang gaga, bisa terdjadi perkara jang sademikian roepa?“

„Ja, lantaran itoe waktoe akoe tida bersendjata,“ djawab Houw Seng: ,,tambahan dirampasnja poen boekan dengen tjara lakoenja begal-begal, dimana akoe boleh lantas melawan, hanja akoe ditoedoeh sabagi brandal jang soeda tjoeri itoe barang-barang gelap, kamoedian dibawa ka dalem kantoornja, dimana akoe dipreksa dan barangkoe dirampas.“

Lebi djaoe ia tjeritaken sabagimana tadi soeda dijeritaken djoega pada itoe Oah Giam Lo.

„Ah, koerang adjar soenggoe itoe binatang," kata Thaij-so dengen roepa gergetan, sasoedanja mendenger abis itoe tetamoé poenja tjerita. Siauw-tjhit dan Houw Seng mengawasi dengen tida mengarti.

„Betoel-betoel itoe binatang koerang adjar sekali,” „kata poela itoe njonja roema: „soenggoe akoc tida kira ia bisa berboeat sampe begitoe roepa.”

„Siapatah adanja itoe orang, Soso?” me nanja Siauw-tjhit dan Houw Seng dengen soeara berbareng: „apa kaoe kenal padanja?”

„Apa kaoe tida bisa doega siapa adanja dia itoe, Siauw-tjliit Ko?”

„Tida sama sekali. Sebab orang jang mamerenta di Tengtjioe, sabetoelnja memang akoe tida kenal.”

„Dia itoe Mouw Tjhie,”

„Mouw Tjhie?—Apa jang diseboet djoega......”

„Mouw Gong-bok,” kata Khouw Thaij-so dengen tjepet, sabelonnja Siauw-tjhit dapet inget itoe pembesar kaparat poenja nama pangkat.

„Ja-ja, benerlah,” kata Siauw-hit sambil manggoet-manggoet.

Sekarang beroentoenglah akoe soeda dapet taoe itoe nama,” kata Houw Seng dengen merasa senang djoega dalem hati: „tida apa, tida apa, ada waktoe ia bikin begitoe, nanti djoega dateng itoe waktoe bocat akoe bikin pembalesan padanja.”

„Boeat membales itoe, troesa kaoe menoenggoe sampe di laen waktoe, Siok-siok,” kata ini njonja roema dengen soeara menghiboer:„sabentar kaloe soemikoe soeda poelang, akoe nanti kasi taoe, soepaja ia boleh bantoe padamoe apa jang perloe. Apapoela ada Siauw-tjhit Ko, tentoe pembalesan bisa dilakoeken dengen terlebi gampang lagi.”

Houw Seng bangoen dari tempatnja doedoek sambil membri hormat dan netjapken trima kasi atas itoe njonja roema poenja kabaekan, tapi ia kata: itoe boedi jang maoe dioendjoek, ada terlaloe besar boeat ia sanggoep trima dan pikoel.

„Ah, itoelah ada perkata ketjil sadja, Siok-siok,” kata Thaij-so sambil bersenjoem:„kerną salaennja kaoe. akoe poen memang ada bersakit hati pada itoe Mouw Gong-bok dan ingin sekali bisa lekas bekoek kapalanja.”

Atas pertanjahannja Siauw-tjhit dan Houw Seng, Khouw Thai-so lantas tjeritaken bagimana pada brapa taon jang laloe lantaran maitnja satoe matjan jang didapet oleh ia poenja soedara, jaitoe Khaij-pin dan Khaijpo, sampe terbit tjidra pada Mouw Thaij-kongkong, jang ada mendjadi Ong Tjeng poenja mertoea.

Tatkala perijidrahan itoe terbit, Ong Tjeng ada djadi pembesar di itoe kota. Maka satelah dapet taoe jang mertoeanja setori pada Khaij-pin dan Khaij-po, dengen menggoenaken ia poenja kakoeasahan, kadoea soedara ini lantas ditangkep dan dimasoeki dalem pendjara.

Khouw Thaij-so jang dapet taoe itoe perkara, lantas berdami pada soeaminja dan itoe hari djoega marika lantas pergi bongkar roema boewi aken menoeloeng soedaranja. Di sini lantas terdjadi satoe pertempoeran pada penggawal-pengawal pendjara, dan dengen kagagahannja itoe soeami istri, Thaij-so soeda binasaken bebrapa belas orang.

Sasoedanja Khaij-pin dan Khaij-po terlepas, djadi berampat orang marika laloe pergi ka roemanja Mouw Thaij-kong dan binasaken seantero koelawarganja, katjoeali sala satoe anaknja jang bernama Mouw Tjhie alias Tiong-gie, jang sekarang diseboet djoega Mouw Gong-bok, bisa melarikan diri.

Blakangan sasoeda ini anak djadi besar dan balik kombali ka kota Tengtjioe, — demikian Thaij-so teroesken tjeritanja —, ia tinggal pada Ong Tjeng, jang memang masi kena familie. Dan brapa taon kamoedian sasoedanja itoe pembesar wafat, Mouw Gong-bok diangkat djadi gantinja.

„Wah, waktoe ia soeda pegang itoe djabatan,” kata Thaij-so sabagi penoetoepnja „haek tingkah dan maoepoen kalakoeannja, kaliwat dari moesti. Adanja jang seraka soeda membikin banjak orang dapet banjak soesa, kema ia poen hendak mameres sadja. Sedeng pada akoe sabentar-bentar ia maor jari satori, sampe achirnja akoe djadi pinda ka mari, lantaran merasa jang di kota Teng-tjioe sanget tida aman.”

Satelah mendenger apa jang Khouw Thai-so toetoerken baroesan, kadoea orang kaga itoe djadi sanget goesar pada itoe pembesar kaparat.

Blakangan waktoe ini njonja roema kata. jang pembalesan boeat Houw Seng moesti dibikin dengen lantas, kaloe soeaminja soeda poelang, baroe Siauw-tihit inget menanja: ka mana Soen Sin itoe telah pergi.

„Soeamikoe pergi ka roemanja Soen Pepe,” djawab Thaij-so.

„Kaloe Soen Djiko pergi ka kota, tentoe tida bakal poelang ini hari.”

„Tida, ia tida pernah menginep di sana. Sabentar djoega tentoe poclang.”

„Ada oeroesan apatah dengen Soen Koko?”

„Tentoe ada soeatoe bitjarahan jang penting djoega.”

„Hajoelah minoem lagi araknja. Siok-siok,” kata Thaij-so pada itoe tetamoe, dan sambil memandang pada Siauw-tjhit ia berkata poela.

„Boekantah kaoe soeka minoem, Siauw- tjhit Ko?, tapi mengapatah kaoe liatin sadja itoe arak, tida diminoem?— Hajoe minoem-minoem, soepaja kita bisa liwatken tempo sampe soeamikoe poelang.”

Siauw-tjhit dan Houw Seng trima ini oendangan dan minoem kombali.

Selang tida antara lama orang jang ditoenggoe toe telah poelang. Dan satelah Soen Sin sampe, penggawanja laloe kasi taoe, bahoewa Khouw Thai-so ada di dalem lagi lajanin doea tetamoe orang gaga.

„He, tetamoe dari manatah, dan siapa namanja?” tanja Soen Sin dengen heran: „kaoe tentoe taoe djoega tetamoe itoe orang dari mana?”

„Tida,” djawab si djongos: „tapi kaloe tida sala. satoe antaranja ada mendjadi sobat atawa kenalan lama.„

Soen Sin tida menanja lebi djaoe, hanja boeroe-boeroe angkat tindakannja pergi ka dalem aken meliat.

Satelah sampe di roewangan blakang, betoel sadja di paseban ada kaliatan doea orang gaga jang lagi docdoek minoem-minoem bersama istrinja. Dan sigra djoega la lantas dapet kenalin dan berseroeh dengen girang:

„Ai, angin apatah jang membawa kaoe ka mari, Siauw-tjhit Ko?”

„Ah, Soen Djiko!” berseroeh Siauw-tjhit.

Katiga orang itoe laloe bangoen aken menjamboet datengnja toean roema.

Satoe pada laen laloe djalanken peradatan aken membri hormat. „Hahaha, soeda lama sekali kita-orang tida bertemoe,” kata Soen Sin sambil silaken tetamoenja berdoedoek kombali:„bagiamana keadahan kaoe sekarang. Siauw-tjhit Ko, apa ada baek dan senang djoega?”

Siauw-tjhit oetjapken bebrapa perkatahan jang koerang njata sambil mengelah napas seperti orang bersoesa hati.

„Dan, bagimanatah dengen ibocmoe?” tanja poela Soen Sin.

„Oh, itoelah boekan riwajat pendek,” berkata Khouw-Thaijso; „sabentar kita-orang boleh beromong-omong aken tjeritaken itoe.” Sahabisnja kata begitoe, ini njonja laloe kenalken Houw Seng pada ia poenja soeami, dan begitoe poen sabaliknja.

Kadoea orang ini memanggoet. Dan maski satoe pada laen baroe berkenalan, tapi sasoedanja Thaij-so kasi taoe, jang ini orang gaga ada soedaranja Ittengtjeng Houw Sam-nio, Soen Sin djadi kaliatan girang sekali.

Ampat orang itoe lantas minoem kombali sambil beromong-omong. Dan atas pertanjahannja itoe doea tetamoe, Soen Sin bilang ia baroe dateng dari kota pada soedaranja. Kamoedian pada sang istri ia kasi taoe, bahoewa Soen Liep panggil padanja ada boeat kasi taoe, soepaja persobatannja pada Tjo Loen dipoetoesken sadja.

Khouw Thaij-so djadi amat terkedjoet, maka dengen soeara heran ia menanja:

„He, mengapatah Pepe boleh kasi adjaran begitoe? Sedeng kita pada Tjo Loen toch ada bersobat baek, dan malah ampir seperti soedara.”

„Benerlah katamoe.”

„Tapi apa kaoe soeda berboeat?— Kaoe toeh tida nanti toeroet bitjaranja Pepe, boekan?”

„Tapi,apatah lantarannja, He?”

„Oh, lantarannja begini,” kata Soen Sin

jang moelai tjerita, sedeng Siauw-tjhit dan Houw Seng tinggal mendengeri sadja.

„Kaoe taoe, bahoewa Jo Gam, jang sekarang ada djadi pembesar di itoe kota, ada mendjadi soedaranja Jo Tjhian, jang memangkoe djabatan tinggi di kota Radja” kata Soen Sin: „dan dengen mengandelken ia poenja Tohong jang bernama Loan Teng-giok, itoe pembesar djadi samingkin tjongkak. Sedeng Mouw Tjhic-poen, lantaran ada dendam hati pada kita dari perkara doeloe hari, soeda lama ada tjari-tjari sadja kita poenja kasalahan. Dan Koko lantaran koeatir kaloe Mouw Cong-bok dapet taoe jang kita ada bersobat pada Tjo Loen, tentoe ia lantas toedoeh, bahoewa kita djoega ada kawannja brandal di goenoeng Tenghoensan.Inilah sebabnja maka mengapa Koko soeroe poetoesken sadja kita poenja persobatan pada itoe orang gaga di goenoeng terseboet.”

„Tapi apatah kaoe bilang, waktoe Pepe kata begitoe?” tanja Thaij-so, jang kepengen taoe djawaban soeaminja.

„Soepaja Koko tida djadi koerang senang, akoe bilang sadja baek, tapi sabenernja dalem hati tida sekali made toeroet ia poenja nasehat. Sebab bagimanatah kita bisa poetoesken itce persobatan dengen zonder ada sebab jang bener.”

„Itoe betoel.”

Siauw-tjhit jang memang ada kenal itoe nama, satelah denger namanja Tjo Loen diseboet, ia lantas menanja: apa bener Tjo Loen itoe djadi brandal, dan ia ingin sekali bisa katemoeken itoe sobat lama.

„Tapi, soenggoe akoe tida mengarti sekali,” kata poela ia:„bagimana Tjo Loen maoe lakocken itoe pakerdjahan jang tida halal?”

„Oh, dalem ini perkara ada satoe sebab jang kaoe tida taoe, Siauw-thit Ko,” kata Soen Sin: memang djoega kaloe orang taoe adatnja Tjo Loen, siapatah kira ia maoe lakoeken itoe pakerdjahan jang tida bagoes. Tapi lantaran perkara djiwa dan dirinja maoe ditangkep, djadi ia lari dan terpaksa singkiri dirinja di Tenghoensan aken djadi brandal.”

Atas pertanjahannja itoe doea tetamoe, Soen Sin tjeritaken lebi djaoe, bahoewa pada soeatoe hari dari tiga boelan jang laloe, Tjo Loen itoe ada pergi maen, sabagimana memang ada djadi kasoekahannja. Tapi dalem itoe perdjoedian soeda terbit satori jang heibat, hingga Tjo Loen terpaksa goenakensendjata boeat abisken djiwa moesoenja.

Dan dari sitoe ia lantas boeron, blakangan kataoean ia ada di Tenghoensan aken mendjadi begal.

„Oh, kaloe begitoe tida boleh terlaloe disalaken,” kata Siauw-tjhit:,,sebab terlaloe kapaksa. Tapi kaloe di-inget lebi djaoe, njataiah nasibnja itoc sobat ada seperti akoe, tjoema bedanja ia memboenoe orang preman, tapi akoe memboenoe orang berpangkat, jang membikin dosa djadi lebi berat lagi.”

„Tjobalah tjeritaken riwajatmoe, Siauw-tjhit Ko.” berkata Soen Sin:„kerna dari satadi poen kaoe belon toetoerken itoe.”

Siauw-tjhit laloe tjeritaken satne persatoe, sabagimana tadi ia telah toetoerken pada Khouw Thaij-so, dari moela sampe pada achirnja iboenja linjap dengen tida kataecan ka mana perginja.

Djadi dalem ini satoe hari, Siauw-tjhit soeda tjeritaken riwajatnja tiga kali pada katiga orang.

Sasoedanja abis tjerita, ia mengelah napas. Tapi ka djoeroesan mana orang toea itoe moesti ditjari, itoelah ia tida taoe.

Satelah denger begitoe Soen Sin poen djadi kasian. Tapi koejoeng-koenjoeng ia dapet inget soeatoe apa dan lantas menanja poela: bagimana pakeannja itoe orang toea, ada menoenggang koeda, bawa boengkoesan atawa tida.

Slauw-tjuit terangken itoe sabagimana adanja.

,,Oh, oh, kaloe begitoe kaoe tida oesah koeatir," kata Soen Sin sambil tertawa: ,,akoe brani tanggoeng jang iboemoe tida koerang soeatoce apa. Ko, Lonio tida ilang sabagimana jang kaoe kira."

,,Ah, apa benertah?" menanja Siauw-tjhit sambil berbangkit dengen paras girang, jang menjataken timboel kombali pengarepan baroe:,,bagimanatah kaoe bisa kata begitoe, Soen Dji Ko?"

,,Sebab orang prampoean seperti jang kaoe seboetken baroesan, tadi waktoe akoe maoe pergi ka kota, akoe ada katemoe," djawab Soen Sin: ,,ia berdjalan........."

,,Di mana?, ia ka mana?, --hajoelah bilang, soepaja akoe boleh lantas pergi soesoel sekarang djoega," kata Siauw-tjhit dengen terboeroe-boeroe, seperti orang jang kaba karan djenggot; kendati djoega ia belon denger abis orang poenja tjerita.

,,Tentoe sadja akoe moesti tjeritaken semoea," kata Soen Sin sambil bersenjoem, ,.tapi kaoe biar sabar sedikit, toch! — Sebab kaloe saban-saban kaoe poetoesi akoe poenja omongan, bagimanatah akoe bisa kasi taoe dengen terang."

Houw Seng dan Khouw Thaij-so membenerken itoe perkątahan.

Soen Sin laloe moelai tjerita lagi, sedeng Siauw-tjhit mendengeri dengen hati berdebar-debar.

Toean roema ini kata, tadi waktoe ia maoe pergi ka kota, di tenga djalan ia telah berpapasan dengen orangnja Tjo Loen jang minta ia dateng ka genoeng Tenghoensan. Apa oeroesan Tio Loen panggil padanja, itoelah ia tida taoe. Tapi toch ia berdjandji nanti dateng djoega, djika sasoedanja poelang dari kota.

Antara laen-laen itoe orang tjerita djoega, bahoewa liauwlo jang toeroen goenoeng ini hari ada beroentoeng, sebab soeda katemoeken satoe prampoean toea jang lagi tidoer di dalem gredja dengen membawa boengkoesan dan koeda. Barang-barang terseboet lantas dirampas oleh itoe liauwlo-liauwlo, sedeng itoe koeda dan orang jang poenja poen dibawa djoega bersama-sama boeat diserahken pada radjanja.

,,Sekarang iboemoe tentoe soeda ada di Tenghoensan," begitoe toean roema teroesteroesken tjeritanja: „dan bila ia dapet taoe jang Lonio ada Siauw-tjhit Ko poenja iboenda, boekan sadja itoe sakalian boengkoesan dan koeda nanti dibajar kombali, hanja ia aken dihormati djoega dan dirawati dengen sapantesnja. — Dan lantaran itoelah djoega sebabnja, maka mengapa tadi akoe kata: boeat jtoe kailangan kaoe tida oesah koeatir."

„Ja, Kaloe begitoe. — Tapi?........," kata Siauw-tjhit dengen hati kaget, sedeng dari moekanja ada ternjata ia poenja kakoeatiran.

„Tapi mengapatah?"

„Kaloe itoe liauwlo-liauwlo aniaja djiwanja?”

„Ah, itoelah tida bisa djadi, Siauw-tjhit Ko."

„Apa, tida boleh djadi?, —— he, kaoe djangan kira, Soen Djiko. Apa kaoe tida taoe bagimana hatinja rahajat begal ada kedjem dan tida segan boeat lakoeken pemboenoehan pada orang jang dirampas barangnja?”

„Begitoe si betoel. Tapi liauwlo-liauwlo jang ada di Tenghoensan tida sembarangan memboenoe orang poenja djiwa, sebab Tjo Loen soeda kaloearken prenta, siapa diantaranja jang brani melanggar itoe, pastilah batang lehernja aken ditabas."

„Djoega kaoe tida taoe, Siauw-tjhit Ko," begitoe Soen Sin teroesken bitjaranja: „atoeran di Tenghoensan tida banjak beda dari di Liangsan. Tegesnja maski melakoeken pakerdjahan begal, atoeran tida diboewang."

Tapi, kendati soeda denger itoe semoea dan Soen Sin bitjara begitoe pasti aken menanggoeng boeat kaslamatannja itoe orang toea, toeh Siauw-tjhit masi sadja kaliatan koerang sabar dan beroelang-oelang telah memaksa soepaja Soen Sin soeka lantas anterin padanja ka itoe goenoeng, kerna sabelon dapet kanjatahan dengen mata sendiri jang bener iboenja masi bernjawa, hatinja amat tida senang.

Kombali Soen Sin djadi tertawa dan kata: „Boeat anterin, tentoe sadja akoe moesti anterin, tapi sekarang toeh masi begini panas dan manatah orang bisa djalan ka tempat jang boekannja deket dalem waktoe jang djalanan-djalanan seperti dibakar."

„Benerlah katanja Soen Djiko," kata Houw Seng jang djoega bantoe memboedjoek.

Achirnja Thaij-so kata, boeat pergi ka Tenghoensan ada lebi baek sabentar kaloe matahari soeda moelai silem, dan sekarang baeklah iaorang minoem kombali.

Dengen merasa apa-boleh-boeat, Siauw-tjhit terpaksa toeroet djoega kahendaknja itoe toean roema, sedeng tjawan-tjawan lantas ditoewangken Kombali arak.

Sambil minoem, Soen Sin oelangin lagi pertanjahannja pada Siauw-tjhit, bagimana lantarannja maka ia djadi memboenoe pada Thio Kan-poan, sebab apa jang tadi ditjeritaken, tjoema saliwatan sadja dan tida begitoe terang.

Boeat ini Siauw-tjhit djadi menoetoer kombali dari awal moelanja, jaitoe waktoe ia pergi ka Liangsan akan binkin sembajangan pada almarhoem soedara-soedara angkatnja. Satoe persatoe ditjeritaken terang, sampe di soeatoe malem itoe Thaijsioe dateng keroepoekin padanja di doesoen Tjokkiat-tjoan.

Kerna kaloe ja ditangkep tentoe bakal dapet hoekoeman tabas, maka ada lebi baek kaloe lebi doeloe ia toeroenin tangan pada itoe pembesar kaparat, jang soeda menoedoeh dalem perkara boekan-boekan pade dirinja.

Dari sitoe lantas ia adjak iboenja merat, kamoedian lantaran hawa terlaloe panas, tambahan itoe orang toea dapet sakit oeloe hati, djadi ia brenti dalem itoe gredja toea, sabagimana jang di sebla atas pembatja telah taoe.

Demikianlah penoetoeranja Siauw-thjit.

,,Apa kaoe taoe djoega bagimana keras dirimoe sekarang ada ditjari?” tanja Soen Sin kamoedian.

,,Ja, itoelah akoe taoe,” djawab itoe Oah Gian Lo: ,,di mana-mana kota dan doesoen orang soeda tempel gambarkoe boeat ditangkep. Sabagaimana jang di djalanan akoe soeda denger dari tjeritanja pendoedoek.”

,,Sekarang, sasoedanja kaloear dari kampoeng sendin, ka mana kaoe niat maoe pergi toempangken diri?”

,,Itoelah akoe belon pikir.”

,,Apa kaoe soeka denger akoe poenja nasehat, Siauw-tjhit Ko?”

,,Oh, soeda tentoe sekali.”

,,Kaloe begitoe, dengerlah.” Kamoedian Soen Sin kasi pikiran, ada lebi baek kaloe sabelonnja ini Oah Giam Lo dapet tempat jang tentoe, ia pergi sadja ka Tenghoensan aken berkoempoel pada Tjo Loen boeat samantara waktoe.

,,Sabenernja akoe sendiri memang soeka sekali boeat toeloeng semboeniken padamoe bersama Lonio,” kata Soen Sin lebj djaoe: ,,tapi kaoe taoe sendiri, jang ini tempat boekan djadi satoe pangkalan jang baek boeat Kaoe poenja tempat mengocnipet. — Sebab salaennja akoe ini ada boeka roema makan boeat meliwati hari, dimana ada banjak orang jang dateng dan satoe tempo ia bisa katemoeken padamoe, djoega ini doesoen tida boleh dibilang sepi-sepi amat.”

,,Apa jane soeamikoe bilang, itoe ada bener sekali,” kata Khouw Thalj-so jang tjampoer bitjara: ,,ja, begitoe ada lebi baek, Siawy-tjhit Ko, dari si kaoe bersama iboemoe pergi mengoembira ka tempat jang tida katentoean,”

,,Djiko dan Soso poenja nasehat ada bener sekali,” saoet Siauw-tjhit dengen girang. ,,akoe soeka sekali pergi ka sana.”

Kamoedian sambil memandang pada Houw Seng, Siauw-tjhit kata: ada lebi baek kaloe ini sobat djoega soeka toeroet berkawan pada Tjo Loen, kerna ia poen tida ada poenja tempat Jang katentoean.

Soen Sin dan istrinja benerken itoe perkatahan.

,,Tentoe sadja akoe soeka sekali,” kata itoe orang gaga: „tapi belon taoe apa Tjo Loen nanti maoe trima kadatengankoe?"

„Oh, itoelah tentoe sekali, malah ia nanti trima dengen segala kagirangan," kata Soen Sin dengen soeara pasti.

„Kaloe begitoe akoe tentoe bersoekoer sanget," kata Houw Seng dengen girang.

„Eh, kaloe Sioksiok soeda ambil poetoesan begitpe," kata Khouw Thaij-so: „back waktoe mace pergi ka itoe goenoeng, lebi doeloe kita kasi hadjaran pada itoe pembesar kaparat; soepaja salaennja bisa ambil kombali barang-barangmoe jang dirampas, djoega bisa mamoewasken hati, bockan?"

,,Benerlah Soso poenja perkatahan," kata Siauw-tjhit sambil memanggoct.

Sedeng Soen Sin jang tida taoe bagimana sebabnja, laloe mengawasi pada sang istri dan pada itoe tetamoe, dengen sorot mata menanja.

„Pembesar siapatah jang kaoe maksoedken?" tanja Soen Sin pada Thaij-so. Masa siapa lagi, tentoelah itoe Mouw Gong-bok," djawab si njonja.

„Ada terdjadi apatah antara Mouw Tjhie dengen kita-orang poenja tetamoe ini?" tanja poela Soen Sin dengen terlebi heran. Houw Seng laloe tjeritaken satoe persatoe bagimana jang ia telah tjeritaken pada Wie Siauw-tjhit baroesan di gredja. Dan satelah ini toean roema denger begitoe, hatinja djadi amat panas dan berkata dengen soeara keras:

„Ai-ai! soenggoe kocrang adjar sekali kaloe begitoe!"

„Djoestroe itoelah jang membikin akoe membri voorstel demikian," kata istrinja: .apatah tida bener voorstelkoe itoe?"

„Kaloe begitoe memang patoet sekali," saoet soeantinja: „boekan sadja patoet diam- bil poelang kombali itoe barang-barang, malah djiwanja sekalipoen haroes dibinasa- ken dengen zonder kita merasa kasian lagi."

Thaij-so kaliatan amat socka hati jang bitjaranja ada banjak disatoedjoei, maka lebi djave njonja ini kata: djadi dalem ini perkara, salaennja bisa membantoe pada Houw Seng, djoega bisa dapet sampeken apa jang olehnja sendiri ada diniat. Betoel kaliatarnja ia ada membantoe pada Houw Seng, tapi sabenernja itoe orang gaga jang membantoe padanja.

„Dalem ini perkara, akoe djuega soeka toeroet ambil bagian," kata Wie Siauw-tjhit dengen girang..

Soen Sin lantas menjataken satoedjoe, tapi achirnja satelah dapet inget pada Soen Liep, ia djadi merasa koeatir, sebab sedikitnja apa jang bakal diperbocat itoe, tentoe aken merembet djoega pada soedaranja.

Kamoedian tocan roema ini berdiam dengen kapala toendock, soeatoe tanda hatinja lagi berpikir.

la tida tave bagimana moesti berbocat. Apa baek toeroet kahendak istrinja, atawa- kah djangan.

„Kaloe akoe tida toeroet, tentoelah maloe," pikir ia: „sebab baroesan akoe socda njataken satoedjoe. Tapi kaloe ditoeroet, sedikit- nja soedarakoe bakal menampak bahaja, dan kaloe sampe terdjadi demikian, boekantah seperti akoc djoega jang bikin tjilaka padanja?"

Sabelonnja Soen Sin bisa ambil poctoesan bagimana backnja, Thaij-so lantas berkata kombali:

Tapi bocat Pepe tentoe tida nanti maoc menjingkir dari Tengtjioe aken tjampoer pada kita, apabila tida mendapet safoe oedzoer ini atawa itoe. Pendeknja bocat ia akoe kira moesti dibiarken sadja doeloe, dan kaloe sampe perbocatan kita ini dirinja terantjem bahaja, baroelah kita membri toeloengan." „Tapi, kalue sampe boeat oeroesankoe moesti menjoesaken pada Soso dan Koko, hegitoe poen Soen Koko jang ada di kota," kata Houw Seng: baeklah itoe perniatan boeat membales pada Mouw Tjhie dioeroengken sadja."

„Ah, masatah mave ditinggal diam?" kata Siauw-tjhit sambil koetik kakinja itoe sobat dengen oedjoeng sepatoenja: „sabagi satoe laki-laki, kita toch tida maoe dipermaenken pada segala, pembesar jang begitoe."

„Bener," kat Khouw Thaij-so.

Houw Seng lantas berdiam, kerna sekarang ia mengarti, bahoewa perkatahannja ini sobat dan itoe njonja roema, ada boeat mem- Langoenken hatinja Soen Sin jang hendak oeroengken itoe niat.

Bener sadja tatkala itoe Soen Sin angkat kapalanja sambil berkata dengen soeara tetep:

Soeda, bugini sadja: ini sore kita nanti koendjoengi Tjo Loen di goenoeng Teng- hoensan, bocat dapet tave apa ia poenja kahendak panggil padakoe. Dalem ini oeroesan jang sekarang kita niat, kita boleh tjeritaken djoega padanja, boeat minta pindjem djoega ia poenja orang-orang, kaloe perloe." ,,Abis?" menanja sang istri. „Abis kita boektiken apa jang telah di niat."

„Itoe bagoes!"

„Tapi kaloe kita rasa tida perloe dengeh ia poenja bantocan liauwlo, soedal, kita sadja bertoeroe, moestail tida bisa binasaken itoe Mouw Gong-bok."

„Troesa koeatir, djangan poela bocat satoe Mouw Gong-bok, kendati sapoefoe dia djoega kita takoet apa. Akoe djoega maoe toeroet, pada waktoe ini pakerdjahan dimoelai, sebab sekean lama pedangkoe, soeda tida kena-kena dara manoesia."

Houw Seng dan Siauw-tjhit lantas ter- tawa.

„Ini perniatan besok djoega boleh lantas dilakoeken," kata poela Soen Sin: „kerna besok ada harian pesta twanijang, dan itoe pembesar kaparat tentoe tida pergi ka mana- mana; maka kadatengan kita ka roemanja, djadi tida siasia."

Semoca orang djadi girang denger itoe perkatahan, maka dengen tida terasa lagi, bebrapa mangkok arak soeda diminoem abis.

Pelahan-pelahan matahari moclai silem ka Barat, dan sigra djoega itoe roewangan jang tadinja terang, djadi moelai gelap. Thaij-so laloe panggil orangnja aken pa sang api.

Kamoedian Soen Sin pesen pada ia poenja istri, soepaja esok sore ini njonja soeka lantas sedia-sediaken makanan beserta arak jang baek, kerna sapoelangnja dari Tenghoensan dan sahabisnja bersantap di ini roema marika boleh lantas berangkat ka kota aken lakoeken itoe perniatan.

Thaij-so bilang, ia nanti toeroet pesenannja itoe soeami,

Kamoedian tiga orang gaga itoe lantas berdandan boeat lantas berangkat ka itoe goenoeng jang djadi tempat tinggalnja Tjo Loen.

Tatkala itoe oedara ada terang, beriboe bintang ada kaliatan berkelak-kelik, hingga di sapandiang djalan katiga orang ini berdjalan dengen senang sambil beromong- omong, sedeng pemandangan tida begitoe njata, katjocali daon-daonnja pochoen jang dari kadjaoean kalitan itam dan remang-remang.

Sasoedanja meialoei bebrapa paal, iaorang telah sampe di satoe tempat pagoenoengan, dan dari djaoe Soen Sin menoendjock sembari berkata:

„Itoe dia goenoeng Tenghoonsan jang kaliatan dari sini, Bagimana kaoe liat dengen keadahannja itoe goenoeng, apa tida bagoes?"

„Ja, bagoes dan angker," saoet Houw Seng.

„Soenggoe jang itoe tempat ada santausa betoel," menjamboeng Siauw-tjhit.

Salagi marika beromong-omong begitoe, dari atas bockit lantas terdenger soeara oembrang-ocbrang, dan sigra djoega kaliatan bebrapa belas liauwlo dateng memboe- roe boeat pegat sambil mintaken oewang djalan.

Tapi sasoedanja deket dan satelah marika kenalin orang jang dateng itoe ada Soen Sin, masing-masing laloe membri hormat, sedeng itoe orang jang mave dipegat lantas soeroe ini rahajat pergi kasi tave pada Tjo Loen, atas kadatengannja,

Dengen tida menanja atawa bernanti lagi, marika itoc lantas boeroe-boeroe naek ka goenoeng boeat membri kabar pada radja- nja.

Satelah Tjo Loen denger jang Soen Sin dateng bersama doca orang gaga laen, boeroe-boeroc ia kaloear menjamboet dan kanoedian adjak ini tiga tetamoe masoek dalem roewangan Tjigithia, Sasampenja di sitoe satoe pada laen laloe membri hormat dan silaken berdoedoek.

Pada sabelonnja sampe di ini kantoran, koetika Tjo Loen dapet liat pada Siauw-tjhit, hatinja djadi amat girang dan lantas menanjaken ini itoe sabagimana biasanja satoe sobat jang soeda lama tida dikatemoe.

„Maatkenlah padakoe, atas akoe poenja kalantjangan, Siauw-tjhit Ko, kata Tjo Loen itoe dengen moeka berseri-seri: „jang akoe soeda begitoe lantjang boeat lantas bawa Pehbo kamari, salagi kave tida ada."

„Kaoe tentoe kaget boekannja maen," kata poela ia: „waktoe meliat iboemoe tida ada, bockan?"

„Ja, kagetkoe boekannja ketjil, itoclah soeda pasti," djawab Siauw-tjhit sambil ter- tawa:„tapi blakangan, satelah Soen Djiko kasi tave jang iboekoe soeda ada di sini, bockan sadja akoc tida koeatir, malah akoe djadi girang sekali."

Tjo Loen lantas tertawa dan soeroe orang kasi tave pada itoe njonja toea, jang Siauw-tihit sekarang soeda ada di sini.

Salagi ia mengaloearken itoe prenta, ia lantas menanjaken halnja Houw Seng, siapakah adanja ini sobat jang belon dikenal. Soen Sin faloe perkenalken dan bilang djoega, bahoewa Houw Seng ada Ittengtjeng Houw Sam-nio poenja Koko.

„Oit, oh, kiranja ini Ittengtjeng poenja soedara?" kata itoe radja goenoeng dengen teramat girang: soenggoe beroentoeng sekali jang ini hari kita-orang bisa bertemoe satoe pada laen."

Houw Seng laloe octjapken bebrapa perkatahan merenda.

Kamoedian Tjo Loen titahken orang atoer medja perdjamoean boeat oendang ini orang-orang gaga doedoek menjenangken hati.

Sabelonnja barang-barang hidangan diatoer, iboenja Siauw-tjhit jang dikasi tave, lantas kaloear dengen diapit oleh doea djoetoelajan prampoean.

Tjo Loen. Honw Seng, Soen Sin dan Siauw-tjhit laloe berbangkit dari tempatnja doedoek, dan waktoe itoc doea orang membri hormat, Siauw-tjhit lantas menghamperi dan berloetoet di hadepannja itoe orang toca, sambil minta ampoen atas kadosahannja jang ja telah tinggalken pada itoe orang toca.

„Oh, kaoe tida berdosa, anakkoe," kata iboenja: „akoe poen tjoema baroe-baroe sadja ada merasa sedikit koerang enak, waktoe maoe berangkat dengen zonder menoenggoe sampe kaoe balik membawa api. Tapi boeat kata kaget, itoelah tida sama sekali, sebab lhauwlo jang bawa akoe ka mari, tida ada berlakoe kasar."

Siauw-tjhit merasa senang denger itoe perkatahan.

Lebi djaoc iboenja berkata:

„Akoe dapet rawatan baek sekali oleh Hiantit Tjo Loen, anak, maka berloetoetlah padanja boeat hatoerken trima kasi."

Siauw-tjhit toeroet kata iboenja dan lantas beloetoet di hadepannja itoe radja goenoeng. Tapi Tjo Loen soeda kaboeroe tjega dan kata, tida desah pake itoe kahormatan, kerna marika poen ada sobat lama.

Kamoedian sasoedanja beromong-omong sedikit pada itoe anak jang baroe dateng, iboenja Siauw-tjhit laloe masoek kombali dalem kamar jang memang telah disediaken boeat djadi tempatnja.

Kamoedian itoe orang gaga laloe balik kombali ka medja tempat dimana tadi m rika beromong-omong. Dan sasoedanja medja perdjamoean sedia, Tjo Loen laloe adjak pinda ka roewangan sebla loear.

Di sini ampat orang itoe makan minoem dengen soeka hati.

Tjawan-tjawan sabentar-bentar djadi kosong. Sembari minoem marika tjeritaken roepa-roepa hal, sebab riwajatnja Siauw-tjhit, ini radja goenoeng soeda dapet denger dari iboenja itoe Oah Giam Lo, maka Tjo Loen tjoema, menanjaken lagi sedikit sadja, kamoedian baroe ia menanjaken halnja Houw Seng.

Orang jang ditanja itoe laloe tjeritaken satoe persatoe apa jang telah terdjadi atas dirinja, dan riwajat itoe tida perloe dioelangken lagi.

Satelah Tjo Loen denger itoe, ia djadi mengoetock pada Mouw Gong-bok, jang njata ada sanget koerang adjar. Lebi djaoe ia kata:

„Pembesar jang begitoe haroes sekali dibasmi saroema tangganja."

,,Benerlah, baroesan poen kita-orang soe- da berdami boeat bikin pembalesan," kata Soen Sin: „sabelonnja ka mari, di roetakoe akoe telah moelakatin ini perkara."

„Itoe poen tida łebi dari pantes," kata Tjo Loen: dan poetoesan bagimanatah jang kaoe telah ambil?"

Kita-orang telah ambil katetepan, jang di esok sore kita berame nanti satronin roemanja dan bikin abis ia poenja djiwa."

„Lebi siang dibinasain, ada tebi back lagi bagi kaslamatannja orang-orang ketjil. Maka atas niatmoe itoe, di segala waktoe akoe ada sedia boeat membantoe, apabila ada perloe. Dan bilanglah, apa kaoe ada perloe dengen akoe poenja bantoean?"

„Boeat kaoe sendiri poenja tenaga, ampir tida oesah, sebab kita-orang bertiga, dan bersama istrikoe, djadi berampat, socda tjoekoep boeat lawan Mouw Gong-bok dengen sakalian pahlawan-pahlawannja. Tjoema akoe maoe minta bantoean bocat dapet pin- djem sapoeloe rahajat di ini goenoeng." Sigra djoega kaoe nanti dapet itoe."

Soen Sin hersama doea sobatnja hatoerken trima kasi, kamoedian iaorang minoem-mi- noem lagi dengen hati girang, kerna apa jang diniatken poen sekarang soeda djadi tetep betoel.

Di antara orang-orang itoe, adalah Siauw-tjhit jang kaliatan paling bergirang, sebab salaen iboenja soeda dapet dikatemoeken dengen tida koerang socatoe apa, djoega ia bakal dapet tempat jang santausa boeat ocmpetin diri. Lantaran itoe, mak a saban-saban arak jang ditoewangken oleh Tjo Loen diminoem kering, dengen diberikoetin tampik soerak dan tepok tangan tanda kagirangan. Ja-ja, akoe baroe dapet inget," kata Tjo Loen sambil memandang moekanja Siauw- tjhit: bagimana, apa sekarang kaoe tida soeka menjanji lagi, sabagimana doeloe?"

„Menjanji?" begitoe Siauw-tjhit oelangken pertanjahan orang: „ja, soeda lama akoe tida pernah menjanji-njanji lagi."

Kenapa?, sedeng doeloe kaoe ada soeka betoel?"

„Ja, doeloe memang bener, saban kaloear dari moeloet mocara Kimshoa sambil mengandaraken praoe bersama kadoea Koko Siauwdji dan Siauw-ngo, akoe tida boewang itoe kasoekajian. Tapi sadari kita- orang berlaloe dari Liangsan, sampe di ini waktoe, ampir akoe tida pernah menjanji-njanji lagi."

„Sajang sekali kaloc itoe njanjian-njanjian bagoes jang dikaloearken dengen soeara njaring, kaoe tinggal sadja dalem tenggorokan dengen tida dikasi orang denger."

„Tapi sekarang brangkali soearakoe tida begitoe bagoes lagi seperti doeloe. Djoega itoe njanjian, soeda banjak jang tida kaingetan."

„Tapi akoe kira tida begitoe. Sebab kaoe poenja kabisahan boekan didapet dari beladjar, hanja terbit dari otak dan pikiran sendiri. Nah sekarang salagi kita bersenang-senang, tjobalah kave kalocarken satoe-doea njanjian jang bagoes, boeat menambaken goembira dalem ini plesiran.

„Benerlah, Siauw-tjit Ko," kata Soen Sin dan Houw Seng dengen soeara berbarung: „hajoelah kasi kita-orang denger."

„Baeklah," kata Siauw-tjhit: tapi kaloe sekatang shearakoe djadi koerang bagoes dan njanjian toe ada tida menjenangken, harep djangan ditertawaken."

Sahabisuja kata begitoe, dengen tida dipikir lagi ia lantas moelai menjanji.

Bermocia socara itoe ada sedikit bergoemeter, tapi samingkin lama djadi samingkin bagoes dan terang.

Liauwlo-liauwlo jang ada di pasanggrahan bla kang dan jang lagi meronda, satelah denger itoe socara, banjak antaranja jang dateng di samping Toewangan Tjigithia sebla locar, boeat. foeroet mendengeri.

Saban satoe njanjian abis, Tjo Loen, Soen Sin dan Houw Seng jang ada di sitoe lantas bersoerak dan tepok tangan; demikian djoega itoe sakaliau rahajat goenoeng, tatoeroetan bersoerak sabagi landa kapoedjian.

Tjo Loen memang soeda tave kapandeannja ini Oan Giam Lo dalem hal menjanji, maka ia tida djadi heran. Tapi Houw Seng dan Soen Sin, jang belon pernah denger itoe soeara, djadi merasa heran dan memoedji dalem hati, bagimana Wie Siauw-tjhit jang begitoe aseran dan beradat kasar, bisa njanji begitoe bagoes.

Antara laen-laen njanjian jang dioetjapken, adalah bagini:

Doedoe di Tjigithia sambil hadepken barang hidangan beserta arak,

Tjawan minoeman jang didjoedjoe sorotnja api, djadi berkredep serperti perak,

Boeat menambaken plesiran, saban-saban diberikoetin soearanja tampik dan soerak,

Hingga membikin seantero roewangan Tjigithia djadi rasa bergerak.

Perdjamoean makan minoem ada sabagi plesiran boeat menghiboer, Aken membangoenken kagirangan hati jang sakeian lama telah terkoeboer, Boekan! boekanlah kita-orang oetjapken pe katahan-perkatahan terkeboer,

Kaloe dibilang kita nanti madjoe, bila meudenger gemoeroenja tamboer.

Ini doea njanjian jang dikaloearken paling blakang, ada di samboet dengen tampik soerak jang lebi rioeh. Tjo Loen laloe berbangkit dari tempatnja doedoek dan dengen soegoeken satjawan arak jang ditoewang olehnja sendiri, ia briken itoe pada Siauw-tjhit sembari berkata:

„Trimalah ini samangkok arak boeat itoe njanjian-njanjian bagoes jang kaoe telah kasi kita-orang denger, Sianw-tjhit Ko; sasoenggoenja kaoe telah bikin kita-orang djadi goembira sekali."

Siauw-tjhit trima itoe soegochan dengen girang, sembari octjapken bebrapa perkatahan merenda; kamoedian samboeti itoe arak dan minoem kering.

Sasoedanja itoe, baroelah Soen Sin dan Houw Seng masing-masing trimaken sagelas arak sambil memoedji, dan ini poen ditrima dengen senang hati.

Itoe waktoe soeda liwat tengamalem.

Sigra djoega perdjamoean moelai ditoetoep dan katiga orang gaga itoe masing-masing laloe masoek ka kamar jang telah disadiaken.

Sedeng Tjo Loen, pada sasoedanja menganterken itoe tiga tetamoe, laloe balik ka kamar sendiri.

Malem telah berlaloe dengen tida dirasa. Siauw- hit dengen, kawannja ada tidoer dengen enak, dan baroe mendoesin sasoedanja hari mendjadi pagi.

Sasoedanja bangoen marika laloe tjoetji moeka dan berpake-pake, kamoedian Tjo Loen adjak katiga sobatnja itoe djalan-djalan di sakiternja goenoeng, boeat memandang kabagoesannja alam.

Soearanja boeroeng jang menjamboet datengnja siang, ada kadengeran rame di sana sini. Ajam-ajam tida brentinja berkroejoek, aken samboet datengnja hari jang baroc.

Soen Sin, Houw Seng dan Siauw-tjhit ada kaliatan girang memandang keadahannja itoe goenoeng. Tjo Loen sambil menganter tida brentinja mengoendjoeki ini itoe, jang ada teriiat oleh malika.

Goenoeng Tenghoensan kendati lebar, tapi ke adahannja berbeda djave kaloe dibandingin de ngen Liangsan. Di sini ada terdapet banjak tempat-tempat jang mendjoerang dan menebing. Di bebrapa begian ada djalanan jang menandjak begitoe tinggi, hingga kaloe orang meliat ka atas, bisa dapet rasa mengeri.

Djika dipandang betoel-betoel, seperti djoega goenoeng itoe ada mempoenjai bebrapa poentjak jang bersoesoen di antara satoe dan laen.

Batoc-batoe tjadas jang berada di pinggiran goenoeng, ada terdapet banjak sekali. Ini batoe- batoe membikin keadahannja itoe goenoeng djadi seperti benteng kota jang dipalis wadja, hingga tegoenja tida disangkal lagi.

Poehoen-poehoen besar poen ada banjak toeinboe di sana sini, membikin di sakiternja tempat djadi kaliatan kekar dan koeat.

Djoega itoe papoehoenan jang lebat ada membawa banjak kefaedahan boeat menjegah moesue. Salaennja boleh didjadiken balok aken menimpa moesoe jang ada di bawah, djoega bagi moesoe jang maoe menjerang naek, tida terlaloe gampang: sebab di sana sini kaliatan seperti octan meloeloe.

Djalanan-djalanan di ini goenoeng jang paling besar tjoema satoe, jaitoc jang berada dibagian depan dan mendjoeroes ka kota Tengtjine. Di mоеka ada dibikini satoe pintoe jang seperti pintoc kota matjemnja, dengen ada jang djaga,

Inilah ada djalanan idoep satoe-satoenja. Sagala orang jang mage naek atawa foeroen, semoea moesti djalan dari sini dan meliwati itoe pintoe, jang dasarnja terbikin dari balok-balok besar dan hatoe-batoe goenoeng jang keras, hingga sapoeloe meriam belon tentoe bisa bikin antjoer.

Tjo Loen dau katiga sobatnja pelahan-pelahan telah sampe ka ini tempat dan memandang itoc semoea dengen roepa kagoem.

Siauw-tjhit berdoea sobatnja sabentar-bentar kadengeran memoedjie tentang kabagoesan dan kakoeatannja itoe goenoeng, jang dikata ada tjoe- koep bener boeat melawan pada moesoe, kaloe seande kata dari kota Radja ada dikirim balatentara jang mace menangkep padanja.

„Dengen bertempat di ini goenueng, kita-orang hoesa takoet satoe apa," kata Houw Seng sambil menoendjock pada itoe pintoe dan tepinja goenoeng jang banjak tjadas: „sebab balatentara moesoe tida gampang-gampang bisa nack ka mari".

„Sekali poen marika bisa mandjat", begitoe Soen Sin samboeng bitjara kawannja: tapi sabelonnja iaorang bisa berobosan naek, kaki tangan- nja soeda pata lebi doeloe ditimpaken balok dan baloe-batoe."

„Benerlah!" kata poela Houw Seng. Tjoema kita-orang belon ada mempoenjai halatentara jang tjockoep," kata Wie Siauw-tjhit, jang dari satadi tinggal berdiam sadja.

Tjo Loen bersenjoem, sambil menoendjoek ka satoe lapangan jang tida djaoe dari sitoe, jaitoe satoe lapangan loewas, jang kira-kira bisa berkoempoel orang lima riboe banjaknja.

Itoe katiga sobat pada menengok ka djoeroesan jang dioendjoek. Marika lantas dapet taoe, bahoewa itoe ada Japangan tempat adjar soldadoe maen perang-perangan. Dengen itoe, njatalah sagala apa soeda langkep betoel, salaennja balatentara jang moesti ditjari lagi, sebab soldadoe di ini goe noeng tida ada brapa banjak.

„Njalalah ini tempat tida kala kaloe dibandingi pada Liangsan di waktoe doeloe," kata Wie Siauw- tjhit pada sasoedanja memandang itoe semoea keadahan: dengen ini persadiahan jang sampoerna, kita bisa moendoerin soldadoenja Tjoa Kheng, atawa laen-laen dorna jang dateng ka mari."

,,Boeat keadahan di goenoeng, memang sadari doeloe akoe soeda sadia-sadiaken apa jang dirasa perloe," kata Tjo Loen: „sebab maski tida perang sekalipoen, kaloe kita poenja tempat dibikin tegoeh, toch tida ada djahatnja. Tegesnja apa jang ada sekarang, ada tjoekoep boeat toelak kadatengannja moesoe dari loear, kaloe dari dalem kita mengatoer dengen radjin dan tertip,"

„Itoelah djoega jang kita-orang bitjaraken," kata katiga sobatnja dengen soeara berbareng. Tapi boeat melawan soldadoe dari kota Radja," kata poela Tjo Loen sembari tertawa: „sabagimana jang baroesan soedara-soedara omongi, itoelah akoe kira masi djaoe dari sampoerna. Kerna sekarang kita poenja soldadoe tjoema terdiri dari bebrapa ratoes orang sadja, manatah ada itoe tenaga boeat dipake bertempoer pada soldadoenja dorna, jang tentoe ada terpeladjar back? — Dan soldadoe jang tjoema bebrapa ratoes orang itoc, melinken boleh digoenaken boeat pegat socdagar- soedagar jang kasasar, laen poen tida.'

Ja, boeat sekarang, memanglah kita poenja kakoeatan belon tjoekoep," kata Houw Seng: „ma- ka kaloe ada poenja niatan jang besar, haroeslah kita-orang djangan brenti berichtiar."

„Menoeroet akoe poenja pikiran," kata Soen Sin: „maski tenaganja tentara ada terbilang soeal jang penting boeat di paperangan, tapi toch kaloe orang-orang jang mengapalaken tida berdaja, ken- dati soldadoe banjak toch perijoema sadja. Maka nomor satoe adalah panglima jang gaga, pinter dan pande meliat saratan. Sebab katjerdikan itoe ada jang teroetama boeat pimpin soldadoe dan moendoerin moesoe."

Ja, itoe poen ada perloe sekali," kata Tjo Loen: djadi salaennja soldadoe, kita poen haroes berichtiar boeat dapetken orang-orang gaga jang pande."

Soen Sin bales lagi dengen bebrapa perkatahan dan kasi pikiran tjara bagimana haroes berichtiar: Tapi pembitjarahan itoe dipoetoesken oleh Siauw- tjhit, jang berkata:

Bocat tegoehken tempat, baeklah kita bitjaraken sadja di laen hari, pada sasoedanja kita-orang bikin beres peritoengan pada Mouw Tjie. Dan sekarang baeklah kita pikiri apa jang sabentar sore kita aken berboeat."

Demikianlah iaorang laloe pocter bitjara ka djoeroesan apa jang bermoela telah diniat, jaitoe: hoeat binasaken Mouy Tjie jang djahat. Kamoedian itoe orang-orang gaga tjeritakon marika poenja keadahan jang sabenernja. Honw Seng kata; kerna sekarang ia belon ada poenja tempat tinggal jang tentoe, maka ia poen soeka sekali boeat tinggal sama-sama di ini goenoeng bersama Wie Siauw-tjhit, kaloe sadja Tjo Loen tida menampik.

,,Menampik?! Oh, itoelah tida boleh djadi!! kata Tjo Loen sambil tertawa: malah akoe nanti merasa amat girang, kaloe sekalian soedara-soedara socka berkoempoel djadi satoe."

Salaennja Siauw-tjhit dan Houw Seng," kata Soen Sin: boleh djadi akoe bersama istrikoe poen aken dateng djoega di sini, kaloe soeda selesihken itoe pakerdjahan jang sabentar kita bakal lakoeken."

„Soekoerlah!" kata Tjo Loen dengen roepa gitang.

Sambil beromong-omong marika itoe balik kombali ka roewangan Tjigiethia. Di atas medja soeda tersadia roepa-roepa barang makanan jang lesat, antara mana ada terdapet djoega arak jang baek, jang roepa-roepanja oleh Tjo Loen soeda dipesen, jang kaloe marika balik, itoe semoea makanan soeda moesti sadia boeat tetamoenja.

Kerna ini hari ada hari rajah Twanjang, maka perdjamoean ini dianggap ada boeat toeroet merajahken itoe hari jang moelia.

Tjo Loen jang sabagi toean roema, laloe tuewangi gelasnja itoe sasozatoe tetamoe dengen arak, hingga penoeh-penoeh. Kamoedian marika laloe makan dan minoem dengen sagala soeka hati.

Siauw-tjhit ada minnem dengen bermapsoe.

Dalem itoe perdjamoean tida brentinja iaorang mengomong ini itoe, dan tertawa-tertawa dengen girang. Sedeng di loear, rahajat goeaneng poen toeroet dapet bagian, hingga saban-saban dari loear kadengeran soeara bersoerak dan tertawa gempar jang menjataken orang lagi makan minoem dengen girang.

Sadari pagi perdjamoean itoe terocs sampe sore, dan marika baroe brenti koetika matahari ampir maoe silam di selah-selahnja goeroeng.

Tjo Loen lantas toetoep itoe perdiamocan dan masing-masing laloe berpake dan bekal sendjata boeat toeroen goenoeng, aken lakoeken itoe pakerdjahan sabagimana jang telah di niat.

Sasoedanja berdandan rapi, Tjo Loen laloe pili sapoeloe rahajat jang gaga dan tjerdik, jang semoea ada membawa djoega gegaman. Kamoedian ampat orang gaga itoe laloe toeroen dari goenoeng Tenghoensan, menoedjoe ka waroeng Sipliephaii.

Itoe waktoe soeda menggerib.

Khouw Thaij-so itoe waktoe soeda bersadia-sadia, menoeroet sabagimana pesenannja Soen Sin.

Koetika soeaminja berangkat, ia tinggal berdoedoek sambil memikiri keadahannja Mouw Tjie djahanam, hingga ia merasa amat gemes dan kapingin geragot tengkoraknja itoe orang djahat, jang amat menjakiti hati.

Mengapatah Khouw Thaij-so djadi begitoe gemas pada Mouw Tjie? ―― Itoelah ada dari sebab menginget perboeatannja jang doeloe-doeloe. Boekan satoe kali atawa doea kali Mouw Tjie berboeat kalakoean tida pantes, jang achirnja ada menjoesaken pada orang banjak, antara mana ada teritoeng djoega Khouw Thay-so sendiri.

Samingkin di-inget djadi samingkin gemas dan goesar, hinggga sampe djaoe malem ia tida bisa tidoer.

Salagi Thaij-so merasa gergetan dan kapingin abisin djiwanja itoe djahanam, adalah soeaminja bersama itoe satoeroe orang gaga lagi plesir makan minoem, sambil mendengeri njanjiannja Wie Siauw-tjhit.

,,Tapi boeat apatah akoe terlaloe pikiri pada itoe manoesia hina," kata Khouw Thaij-so sasoendanja menggeroetoe pandjang pendek: ,,kerna besok sore djoega djiwanja soeda tida ada lagi, dan ia tida bisa berboeat laen kadjahatan pada manoesia."

Kamoedian ia rebahkan diri dan poeloes tida lama kamoedian.

Tapi dalem poeloesnja ia dapat roepa-roepa impian jang berhoeboeng dengen apa jang hatinja ada pikiri baroesan.

Waktoe pagi baroe ia tersedar dan lantas bangoen aken mamerenta pada boedjang, bocat sadiaken barang-barang jang perloe goena perdjamoean sabentar sore, kaloe soeaminja dan itoe orang-orang gaga soeda balik dari goenoeng Tenghoensan.

Demikianlah, waktoe Soen Sin poelang, barang hidangan soeda tersadia di atas medja, dan begitoe djoega arak-arak jang baek.

Tjo Loen lantas membri hormat, jang disamboet oleh Khouw Thaij-so dengen manis boedi dan silaken orang gaga itoe doedoek hadepi medja.

Itoe waktoe soeda liwat menggerib.

Lima orang itoe, sembari minoem sambil tjeritaken halnja Mouw Tjie poenja kedjahatan, jang tida segan bikin orang soesa. banjak gadis-gadis soeda dibawa lari dan orang poenja istri telah di pedajaken, Tapi tida ada satoe ajah-ajah atawa soeami-soeami jang brani mengadoe perboeatannja itu djahanam.

,,Perboeatannja itoe soenggoe kedj sekal," kata Tjo Loen: ,,tapi ini hari ada malem jang penga bisan boeat ia lakoeken sagala kadjahatanja jang paling achir."

,,Kita-orang moesti berlakoe dengen hati-hati," kata Khouw Thaij-so: ,,soepaja apa jang hendak dilakoeken tida mendjadi gagal. Sebab kaloe ini sekali ia bisa lari, tentoe lebi soesa boeat kita basmi padanja."

,,Thaij-so troesa djadi koeatir," kata Tjo Loen: ,,masalah satoe tida bisa tjekoek batang lehernja. Salaennja kita berlima, djoega akoe ada membawa sapoeloe rahajat boeat membantoe."

,,Begitoe, bagoes!" kata itoe njonja roema: ,,sabagimana pribahasa ada bilang: kaloe maoe tjaboet roempoet moesti sama akar-akarnja. Nah begitoe djoega dengen ini kali poenja pakerdjahan kita moesti basmi djahanam dengen tida kasi ampoen lagi pada satoe orang, basmi sama sekali apa jang ada."

Begitoelah iaorang makan minoem sembari bitjara-bitjara sampe ampir tengamalem baroe brenti.

Sasoedanja medja perdjamoean ditoetoep, itoe ampat orang gaga laloe bersiap, jang ditoeroet djoega oleh Khouw Thaij-so, djadi berlima.

Masing-masing ada bawa sendjata jang lengkap, dan dengen pakean menjamar marika laloe kaloear dari waroeng Sipliepahij, bersama itoe sapoeloe pengikoet jang baroe abisan santap di medja loear. Itoe malem ada amat soenji. Langit ada tertaboer dengen beriboe bintang jang berkelak kelik. Angin aloes jang amat sedjoek ada menioep dengen santer. Tapi marika berdjalan teroes dengen tida rasaken itoe.

Sigra djoega iaorang telah melaloei itoe kampoeng dan djalan ka laen kampoeng. Di perdjalanan itoe tida sekali dapet ganggoean apa-apa.

Dalem perdjalanan itoe tida ada jang mengomong. Dan waktoe sampe di kampoeng tempatnja Mouw Tjie, iaorang berdjalan lebi perlahan dan menoedjoe ka roemanja itoe orang jang diamoein, jang letaknja soeda tida brapa djaoe lagi.

Tatkala itoe soeda liwat tengamalem.

,,Di sebla mana roemanja itoe djahanam?" tanja Tjo Loen dengen soeara berbisik.

,,Itoe jang kaliatan dari sini," saoet Soen Sin sambil menoendjeok pada satoe roema jang kaliatan oewoengnnja: ,,itoe jang ada poehoen-poehoen, perkarangnnja."

Tjo Loen memanggiet, dan marika itoe laloe berdjalan dengen tjepet, tapi djoega dengen tindakan tetep, hingga soearanja tida kadengeran.

Satelah ampir sampe, Tjo Loen laloe atoer ia poenja rahajat ka bebrapa pendjoeroe boeat mamegat datengnja pertoeloengan; sedeng bebrapa orang dititahken mengikoet boeat bantoe angkoet harta bandanja Mouw Tjie jang ia dapet dengen djalan tida halal.

Khouw Thaij-so kaliatan amat garang njatalah hatinja ada amat bernapsoe boeat bikin pembalesan pada itoe djahanam moeda jang soeda menjakiti hatinja orang banjak.

Sigra djoega roemanja Mouw Tjie itoe soeda terkoeroeng oleh orang-orang gaga dan rahajat dari goenoeng Tenghoensan. Soen Sin jang ada mengenal baek tentang keadahannja itoe roema dan temapt, laloe oendjeoki pada itoe bebrapa kawan apa jang dirasa perloe, kamoedian ia sendiri djalan paling doeloe, boeat masoek dari pintoe blakang.

Dari djaoe ada kaliatan sorot api jang bersinar dari lobang djendela.

,,He, apa ia belon tidoer itoe djahanam, begini malem?" kata Soen Sin dalem hatinja. Dan sambil kat begitoe, ia menghampiri teroes.

Deket itoe djendela ada satoe poehoen besar jang berdaon dampiak. Maka Soen Sin laloe naek ka atasnja itoe poehoen, dan dengen doedoek di tjabang pertam, ia bisa lantas dapet liat keadahan di dalem itoe kamar, dari djendela jang memang terboeka.

Lebi poela ada sinarnja api, hingga sagala apa djadi kaliatan terang.

Dalem itoe kamar ada kaliatan satoe prampoean moeda jang berdoedoek di tepi pembaringan, di deket mana ada tidoer satoe anak ketjil, jang masi orok. Njonja itoe ada berparas manis, djoega, pakeannja poen bagoes.

De deket medja ada doedoek saorang lelaki jang belon sebrapa toea. Kerna ia doedoek mengadep pembaringan, maka moekanja tida kaliatan. Tapi dari pengawakannja, Soen Sin bisa lantas kenalin, bahoewa lelaki itoe Mouw Tjie adanja.

Itoe prampoean tentoelah ada ia poenja istri.

Di atas medja ada satoe peti ketjli jang terbikin dari koelit, jang sekarang lagi diboeka oleh itoe lelaki; sedeng itoe prampoean tinggal mengawasi sadja.

Sigra djoega kaliatan Mouw Tjie kaloearken dari dalem itoe peti satoe rentjeng barang perhiasan jang berwarna mera.

,,Apa itoe?" tanja istrinja sambil samboeti itoe barang jang soeaminja kasiken.

,,Oh, kaoe tida taoe, istrikoe?" demikianlah kadengeran Mouw Tjie berkata sambil tertawa: ,,kaloe kaoe maoe taoe rante merdjan, inilah dia."

,,ini rante merdjan?, hola, bagoes amat?" kata njonja dengen giramg dan teliktiki barang itoe dengen hati-hati, jang kamoedian ditempelkan kadadanja dan diliat, seperti maoe liat: apa rante ini ada pantes atawa tida bila dipake.

Itoe omongan-omongan Soen Sin dengeri dengen terang. Dan sekarang ia mengarti, bahoewa merdjan itoelah tentoe ada kapoenjahannja Houw Seng, jang telah dirampas oleh Mouw Tjie.

,,Soenggoe manis sekali kaloe kaoe pake itoe," kata poela mouw Tjie sambil tertawa-tertawa: ,,lebi lagi boeat kita poenja anak jang ketjil." ,,Brapatah harganja ini barang?"

,,Sedikitnja masi ada sariboe tail perak."

,,Olah! Mahal amat!"

,,Tapi perdoeli apa, kita toeh boekan beli ini dengen oewang."

,,Beli dengen apatah, kaloe boekan dengen doewit?"

,,Oh, kaoe tida taoe, ini barang ada anterannja satoe orang jang baroe dateng dari loear Tiongkok; salaennja ini merdjan, djoega ada lagi bebrapa roepa barang baek, antara mana ada tjoela badak dan gading-gading jang bagoes. ―― Akoe pikir maoe pili bebrapa boetir dari ini merdjan jang besar-besar boeat nganter pada Jo Thaij-sioe, soepaja ia djadi berpihak pada kita."

,,Begitoe poen baek. Tapi siapatah jang soeda menganter ini barang-barang baek?"

Mouw Tjie tertawa-tawa. Kamoedian seperti orang jang maoe oendjoek diri poenja kakarenan, ia lantas tjeritaken satoe persatoe dari halnja Houw Seng, sabagimana jang itoe orang gaga soeda toetoerken pada Wie Siauw-tjhit dan Khouw Thaij-so. Semoea itoe Mouw Tjie tjeritaken dengen terang, jang katanja: sasoeda ambil barangnja itoe orang jang dipikoel oleh satoe koeli, ia lantas gertak pada itoe orang jang poenja, dengen kata maoe tangkep, kaloe ia tida maoe lekas pergi. Gertakan itoe njata telah berhasil, hingga itoe satoe pikoel barang sekarang telah djato ka dalem tangannja.

,,Liatlah bagaimana besar adanja akoe kakerenan," kata poela si djahanam jang merasa besar diri: ,,tapi ini semoea boleh bilang ada dari kaoe poenja peroentoengan jang bagoes dan redjekinja kita poenja anak, jang bisa pake ini barang.

Si istri kaliatan seperti orang merasa koerang senang.

,,Tapi sabagimana tadi akoe telah bilang," kata poela Mouw Tjie: ,,soepaja kaloe itoe orang mendakwa, kita troesa takoet, maka akoe pikir maoe ambilin bebrapa boetir dari ini merdjan jang besar boeat nganter pada Jo Thay-sioe. Bagimana kaoe pikir?"

,,Akoe tentoe tida bisa berboeat laen, dari pada menoeroet, kata istrinja. Tapi kendati moeloet kata begitoe, di hati roepanja masi koerang senang, sasoedanja dapet kanjatahan, jang barang itoe telah didapet dengen djalan jang tida halal.' Ini njonja moeda roepanja boekan itoe orang jang bertabeat seperti soeaminja, jang begitoe saraka dan temaha.

Soen Sin lantaran maoe taoe segala rasia, maka sabegitoe lama ia masi menahan sabar boeat tida lantas toeroenin tangan, hanja maoe denger doeloe satoe persatoe apa jang diomongi dan diperdamiken.

Tjoba kaloe ia tida kapingin taoe itoe semoea, tentoe lebi siang djiwanja itoe bantoag soeda melajang ka acherat.

Kamoedian kadengeran Mouw Tjie jeritaken satoe pesta jang hendak dibikin. Jaitoe pesta boeat bikin Magwe jang anaknja telah masoek oemoer seboelan. Ini pesta ada menelen ongkos besar, tapi ia tida maoe kalocarken oewang sendiri dari sakoe.

Achirnja ia tanja: ,,apa itoe istri taoe, dengen tjara begimana ia hendak dapetken itoe oewang.

,,Tjobalah kaoe bade," kata ia sambil tertawa.

,,Mana akoe bisa taoe," saoet istrinja.

,,Itoelah gampang sadja," berkata Mouw Tjie: ,,asal akoe kaloearken satoe akal, sigra djoega akoe bisa dapet sadjoembla kakajahan ketjil jang amat tjoekoep boeat dipake pesta pora soeka-soeka."

,,Akoe tida mengarti."

,,Akoe nanti kasi mengarti."

,,Sahabisnja kata begitoe, Mouw Tjie laloe tjeritaken, bahoewa ia niat masoeki satoe pengadoean palsoe boeat bikin soesa pada Suen Liep, jaitoe Soen Sin poenja socdara toea, jang teritoeng mampoe djoega.

Dalem itoe pengadoean diseboet djoega namanja Soen Sin dan Khouw Thaij-so, sabagi itoe orang-orang jang bekas djadi kawannja begal di Liangsan. Kaloe ini pengadoean soeda dimasoeki, nistjaja itoe tiga orang bakal ditangkep. Apapoela kaloe ia bilang jang marika itoe sekarang ada tjampoer pada begal di Tenghoensan, jang dikapalaken oleh Tjo Loen, tentoelah pamerenta tida kasi ampoen lagi. Kaloe marika soeda ditangkop, harta bandanja dengen gampang ia dapet rampas.

Demikianlah adanja loc maksoed jang Mouw Tjie niat djalanken.

Si istri tida saoeti itoe perkatairan, Kerna perniatan soeaminja jang djahat, tida incajotjoki hatinja. Maka waktoe Mouw Tjie maoe omong lebi djaoe, itoe istri tida ladenin dan lantas hamperi pada pembaringan boeat tidoer.

Soen Sin jang dari satadi bisa tahan sabar, setelah denger itoe tjerita jang paling blakang, maranja lantas timboel dan tida bisa menahan lebi lama. Dari atas itoe pochoen ia laloe berlompat masoek ka djendela sambil mendjerit, hingga membikin itoe laki istri djadi terkedjoet.

Tapi sabelonnja ia masoek, pintoe kamar kadengeran menggedoebrak, dan Wie Sieuw-tjhit. dengen golok terhoenoes telah masoek ka dalem, dan Mouw Tjie djadi seperti kasima.

Sabelonnja ini djahanam bisa mengaloearken perkatahan apa-apa, itoe golok telah sampe di lehernja, hingga kapalanja Mouw Tjie djadi menggelinding dari atas poendak ka tana. Soen Sin jang soeda berlompat ka dalem kamar, lantas sabet lehernja itoe njonja, jang djadi binasa di sitoe djoega.

Dalem itoe sedikit tempo, jang laen-laen djoega telah masock dan boenoe siapa jang ada, hingga itoe anak orok jang belon mengenal dosa, poen toeroet djadi korbannja golok. Sebab begitoelah soeda diniat, made tjaboet roempoet sama akar-akarnja, hingga siapa djoega familenja kaoem Mouw Tjie jang ada, aken dibasmi sampe abis.

Kamoedian iaorang benain sagala barang-barang berharga dari itoe kamar dan prenta itoe rahajat bawa lebi doeloe, sedeng jang sabagian tinggal boeat membantoe. Di antara itoe barang-barang jang dapet dirampas, ada teritoeng djoega barang kapoenjahannja Houw Seng, jang sekarang telah dapet diambil poelang kombali.

Mouw Tjie poenja pahlawan jang lagi tidoer di kamar loear, satelah denger soeara riboet-riboet lantas masoek ka dalem. Tapi baroe sadja marika sampe di pertengahan gang jang meneroes ka kamar, Tjo Loen lantas pegat dan batjok kapalanja, sedeng Siauw Tjhit sabet lehernja itoe pahlawan jang satoenja, hingga sabentaran sadja itoe doea pahlawan telah binasa djiwanja.

Khouw Thaij-so dan Houw Seng basini boedjang-boedjang dan siapa sadja jang dikatemoe. Selang tida antara lama, dalem itoe roema soeda tida kaliatan lagi satoe orang, maka Siauw-tjhit bersama kawannja laloe ambilin roempoet dan kajoe-kajoe kering, boeat bakar roemanja Mouw Tjie.

Api lantas berkobar-kobar, hingga oedara kaliatan mera.

Bebrapa pendoedoek jang tinggal berdeketan dengen itoe roema, satelah liat sorotnja api lantas pada bangoen dengen maksoed maoe membri pertoeloengan. Tapi baroe sadja iaorang ka loear dari roema, Tjo Loen jang memang ada mendjaga, laloe treaki soepaja itoe orang-orang oeroengi maksoednja.

Mendenger begitoe, itoe orang banjak djadi oeroeng boeat menoeloeng. Sebab marika dapet taoe, jang pemboenoehan dan pembakaran itoe tjoema dilakoeken boeat membales sakit hati, sedeng pada orang jang tida tersangkoet, tida aken dapet ganggoean dari itoe orang-orang gaga.

Lebi poela kaloe inget Mouw Tjie poenja kadjahatan, itoe tetangga-tetangga poen ajadi segan hoeat oeloer tangan.

Meliat jang maksoednja telah berhasil, maka itoe lima orang gaga dengen pengikoetnja lantas balik kombali ka waroeng Sipliephaij.

Tatkala itoe hari soeda ampir fadjar.

Tida lama kamoedian marika itoe telah sampe dan masoek ka dalem waroeng. Sasoedanja menoekar pakean jang katjipratan dara, masing-masing laloe berdoedock dan beromong-omong dengen girang.

,,Hal jang baroesan tida perloe kita bitjaraken; lebi djaoe," kata Soen Sin: ,,apa jang kita lakoeken tadi malem, sabentar pagi tentoe dapet dikatahoei oleh pembesar kota, Maka kaoe bertiga baek berangkat sadja lebi doeloe ka goenoeng Tenglioensan, sebab kaloe orang dapet liat soedara Tjo Loen ada di sini, tentoe djadi koerang baek, hingga sagala doegahan bisa lantas timboel di hatinja orang-orang politie." ,,Itoe betoel," saoet Houw Seng baek kita berangkat sadja doeloean, soepaja. Soen Koko laki istri tida dapet soesa atawa poesing."

Tjo Loen dan Slauw-tjhit menjataken moetakatnja.

,,Kaloe soedara-soedara soeda berangkat," kata poela Soen Sin:,,akoe maoe pergi ka kota boeat adjak Koko Soen Liep lari sama-sama ka atas goenoeng. sedeng istrikoe di roema bersadia-sadia apa jang perloe, soepaja bisa lantas berangkat kaloe Soen Koko soeda dateng. Dengen begitoe kita-orang djadi tinggal berkoempoel."

Tjo Loen menjataken benernja itoe bitjara, maka sigra djoega Siauw-tjhit dan Houw Seng laloe membri slamat tinggal pada Soen Sin laki istri, kamoedian dengen mengadjak itne sapoeloe rahajat, marika laloe poelang ke goenoeng dengen membawa itoe barang-barang rampasan.

Itoe waktoe soeda pagi. Sahabisnia saniap sedikit, Soen Sin laloe toekar pakean dan pergi ka kota, bocat tjari soedaranja.

Pembesar kota soeda dikasi taoe atas itoe pembakaran dan pembocnoehan jang terdjadi samalem. Di depan roemanja Mouw Tjie jang kabakar, ada berkoempoel banjak orang-orang lelaki dan prampoean, jang lagi omongin halnja itoe katjilakahan.

Jang satoe tjerita begini, dan jang laen doega begitoe.

Di antara itoe orang-orang, ada terdapet djoega bebrapa pahlawannja Mouw Tjie jang pengetjoet, jang tjoema maoe trima sadja gadji dan pande bermoeka-moeka pada sang madjikan. Tapi satelah liat keadahan ada dalem bahaja, marika lantas pada mengoempet seperti tikoes

Api socda moelai padem, tapi asepnja masi tinggal mengeboel.

Di sana sini kaliatan toempoekan poewing dari tembok-tembok jang roeboe, dan perabotan jang soeda beroba djadi areng.

Di betoelan kamar ada kaliatan mait orang jang tida ada kapalanja. Itoelah ada maitnja Mouw Tjie.

Semoea orang jang liat begitoe djadi bergidig.

,,Ini ada lagi satoe!" treak saorang laen: ini tentoe maitnja prampoean!"

Orang semoea lantas berkeroeboetan, dan bener sadja di sitoe ada kadapetan maitnja Mouw Tjie poenja istri, jang djoega soeda tida berkapala.

,,Ah, inilah perbocatannja begal jang kedjem soenggoe-soenggoe!" kata bebrapa orang sambil leletken lida: marika boekan sadja merampas, hanja telah lakoeken djoega pemboenoehan."

Sigra djoega lantas terbit banjak pengomongan. Bebrapa orang jang taoe, bahoewa Mouw Tjie ada mempoenjai satoe anak lelaki jang masi ketjil, lantas mendoega, jang baji itoe tentoe telah dibinasakan djoega oleh kaoem perampok. Alawa seande anak itoe tida diboenoe, ia tentoe binasa di dalem api jang berkobar-kobar.

,,Hola, ngeri amat!" kata laen orang. ,,Belon taoe begal dari mana itoe?" kata saorang toea pada kawannja: maka bisa lakoeken perampokan dengen tjara jang begini kedjem."

,,Tida saorang jang dapet taoe," djawab satoe tetangga sebab waktoe kita-orang maoe kaloear pintoe, sala satoe dari kapalanja itoe kawan penjamoen soeda bertreak dan tjegah kita kalocar. Marika telah antjem djoega pada kita, kaloe kitaorang brani dateng menoeloeng."

Kaloe begitoe, tentoelah tida ada orang jang bisa kenalin lagi," kata poela itoe orang toea.

,,Akoe kenalin! Akoe kenalin betoel!" kata sala saloe orang jang roepanja gaga. Dan ia ini adalah pahlawannja Mouw Tjie jang samalem soeda lari mengoempet.

,,Akoe kenalin padanja," kata poela itoe orang lang satoenja ada begal dari Tenghoensan, dan jang laen ada madjikan dari waroeng arak Sipliephaij; tapi kawannja akoe tida kenal. Dan tjoema toe sadja jang akoe bisa bilang padamoe.

Semoea orang djadi terkedjoet, jang satoe memandang pada jang laen dengen sorot mata menanja.

Madjikan dari waroeng arak Sipliephaij?" kata itoe orang-orang dengen menggerendeng: ,,ah, apatah bener?"

,,He he, mengapatah djoega tida?" saoet itoe pahlawan akoe kenalin betoel dianja. Sebab waktoe akoe maoe menoeloeng, itoe madjikan waroeng arak soeda menjegah sambil mamegang golok. Tapi lantaran kawankoe ada di laen fihak. maka akoe tida ada taksiran dan lantas semboeni."

,,Kaloe bener itoe madjikan dari waroeng arak, tentoelah Soen Sin," kata itoe orang dengen soeara pelahan; tapi heran sekali, bagimana Soen Sin boleh tjampoer dalem ini kadjahatan, sedeng ia ada orang dagang, boekan?"

,,Apa kaoe tida taoe, bahoewa ia doeloe ada mendjadi kawannja begal di Liangsan?" saoet saorang laen.

„Ja-ja, benerlah, akoe inget." kata itoe orang sambil manggoet-mangoet.

,,Soen Sin itoe boekan soedaranja Soen Liep?" tanja poela saorang laen.

,,Bener. Ia ada Soen Liep poenja soedara moeda."

,,Kaloe begitoe, Soen Liep djoega boleh tjilaka.

,,Tentoe. Kaloe sadja ini perkara kataoean.

,,Ah, kita djangan banjak omong, sebab itoe bisa katarik-tarik."

,,Benerlah, lebi baek toetoep moeloet. Sebab Mouw Tjic poen kita-orang poenja sobat. la poenja binasa ada menjenangken sekali hatinja orang banjak."

,,Sekarang ilanglah satoe pendjahat jang biasa mengganggoe orang poenja anak istri."

,,Inilah ada pembalesannja Toehan Allah." .,Satoe pembalesan jang tjepet dan ngeri betoel."

Demikianlah kadengeran soeara orang berkatakata, jang sabagian ada merasa senang dengen bintjana jang menimpa pada dirinja toe djahanam.

Itoe pahlawan jang tadi beromong-omong lantas pergi ka kantoornja pembesar boeat mengadoeken perkara di atas, jang lantas ditrima dan dipreksa oleh Jo Giam.

Jo Giam adalah itoe pembesar, jang oleh Mouw Tjie maoe dikasi anteran merdjan. Kerna di ini kota pangkatnja teritoeng tinggi dan mempoenjai pengaroe besar.

Ini Thaijsioe laloe prenta oppasnja panggil itoeorang jang mengadoe, jang satelah sampe depan medja, laloe berloetoet di hadepannja itoe pembesar sambil manggoet-manggoet.

,,Apa kaoe ini pahlawannja Mouw Tjie, orang jang masoeki itoe pengadocan?" tanja Jo Giam.

,,Bener," djawab itoe pahlawan sembari manggoet lagi.

Thaijsioe laloe bikin pertanjahan, pertanjahan jang penting seperti brapa orang kawannja itoe pendjahat; marika dateng di waktoe bagimana, dan dengen djalan di mana marika masoek ka dalem roemanja Mouw Tjie, dan laen-laen poela.

Itoe pahlawan lantas menjanet dengen terang dan kasi taoe jang ia taoe.

Koetika ditanja kenapa ia tida dateng menoeloeng waktoe terdjadi itoe katjilakahan, ia djawab: ia maoe menoeloeng, tapi lantaran sendiri sadja, ia merasa takoet dan lantas lari semboeni.

Sasoedanja denger sagala pertanjahan, pahlawan itoe disilahken berlaloe, sedeng Jo Giam lantas panggil Loan Teng-giok, jang ada mendjadi Tothongtjie di itoe kota.

Loan Teng-giok ada saorang gaga perkasa, doeloe pernah djadi goeroe silat di kampoeng Tjiokketjheng, pada sabelonnja itoe kampoeng didatengi orang-orang gaga dari Liangsan, jang merampas dan memboenoe harta bandanja pendoedoek di sitoe.

Tatkala peroesoehan itoe terdjadi, Loan Teng-giok soeda melawan sabisa-bisa. Tapi maski bagimana djoega gaganja ini goeroe gisiauw, toch sendirinja tida sanggoep melawan begitoe banjak orang dari koempoelannja Song Kang.

Sasoedanja dapet kanjatahan jang ia tida bisa lindoengken lagi desa Tjiokketjheng, Loan Teng-giok lantas lari ka djoeroesan Oetara-barat, dengen tida kataoean tempat mana jang di toedjoe

Dalem itoe perdjalanan Loan Kausoe ada menampak banjak kasoesahan. Sasoedanja melaloe brapa belas hari, sampelah ia di kota Tengtjioe.

Jo Giam, pembesar di ini kota, satelah liat kagagahannja Loan Teng-giok, dengen tida merasa sangsi lagi laloe pake padanja dan briken djabatan Tothongtjie, sabagimana di atas kita telah liat.

Djadi Loan Teng-giok itoe ada bekerdja di bawah prentanja Jo Giam.

Ini pembesar poen sabenernja ada saorang jang tida banjak pengartian, sedeng hatinja tida boleh dibilang loeroes. Tapi ini kali ia soeda dapetken itoe pangkat, itoelah ada dari lantaran mengandel pada pengaroe soedara toeanja jang benama Jo Tjian jang di kota Radja ada djadi kawannja dorna.

Dengen pertoeloengannja itoe soedara djoega, maka Jo Giam diangkat djadi Thaisioe di kota Tengtjioe, boeat mengoeroes dan berkoeasa di seantero itoe tempat jang berdamping dengen laoetan.

Ini kota ada socatoe tempat jang rame. Banjak sekali soedagar-soedagar dari laen tempat dateng berniaga. Soepaja ini tempat bisa djadi santausa. Jo Giam dikasi koeasa dalem oeroesan balatentara. Tapi ia sendiri tida poenja kapandean dalem hal mengatoer soldadoe, maka kabetoelan sekali ia dapet Loan Teng-giok, jang boleh diandeli dalem perkara demikian, dan dipakerdjaken boeat bagian militair.

Demikianlah waktoe itoe Tothongtjie dateng, Jo Giam laloe kasi taoe satoe persatoe atas pengadoeannja itoe pahlawan jang baroesan. Dengen terangken djoega, bahoewa orang jang melakoeken itoe kadjahatan telah dikenali satoe antaranja ada Soen Sin, madjikan dari waroeng arak Sipliephaij.

,,Dia itoe moesti ditangkep," kata Jo Giam sabagi penoetoepnja.

,,Soen Sin?. Soen Sin ada tjampoer dalem itoe kadjahatan, membakar dan memboenoe?" kata Loan Teng-giok dengen roepa terkedjoet.

,,Ja, mengapatah Thongtjie djadi kaget?" tanja itoe Thaijsioe. ,,Kaloe maoe tangkep Soen Sin, lebi doeloe moesti ditangkep Soen Liep," begitoe Thotongtjie njataken pikirannja; ,,sebab kaloe Soen Liep masi tinggal merdika, dikoeatir ia nanti membantoe soedaranja, hingga bisa menerbitken satoe bahaja dari dalem."

,,Oh, ja, benerlah!" ,,kata itoe pembesar sepeiti orang jang baroe tersedar; ,, astaga! mengapa akoe boleh djadi loepa pada ini orang. — Ja, ja, betoel Soen Liep doeloe pernah bongkat pendjara aken menoeloengi Kaij Tien dan Kaij Po, ia itoe haroes dibilang ada saorang jang berbahaja. Maka boeat tangkep padanja, kita-orang tida boleh berlakoe ajal."

Sasoedanja berdami boeat itoe penangkepan, Jo Giam laloe toekar pakean dan naek ka atas satoe djoli, dengen teriring oleh Loan Teng-giok jang berkoeda bersama bebrapa soldadoe menoedjoe ka roemanja Soen Liep.

Menginget perkara jang doeloe-doeloe, maka Jo Giam rasa boeat tangkep Soen Lip orang tida boleh berlakoe keras, hanja baek dengen tipoe jang aloes, dan begitoelah hal ini telah dilakoeken.

Sabelonnja pembesar ini sampe, di roemanja Soen Liep socda kadatengan Soen Sin. Kerna ini soedara koeatir jang Kokonja nanti dapet bahaja, maka sabelonnja matahari terbit ia soeda kaloear dari waroeng Sipliephaij dan djalan saparo lari menoedjoe ka kota Tengtjioe. Satelah hari moelai terang tana, ia soeda sampe di roemanja itoe soedara dan lantas masoek dengen tida permisi lagi.

Soen Liep djadi heran liat suedaranja dateng begitoe pagi.

Tapi sebab Soen Sin memang biasa dateng menengoki, maka ia tida mendoega apa-apa dan laloe berkata:

Hola, begini pagi kaoe soeda sampe, dari waktoe bagimana kane djalan dari roema?"

,,Dari masi gelap-gelap," savet Soen Sin sambil berdoedoek.

Kamaren akoc ada kirimin ampat ekor ikan Tjiokdjioehi padamoe, boeat merajahkan pesta Twanjang; apa kaoe ada trima?"

,,Trima dengen betoel, dan akoe haroes hatoerken djoega trima kasi atas koko poenja katjintahan."

,,Kamaren kaoe ka manatah? Kerna orangkoe jang menganterken itoe ikan, bilang: waktoe ia dateng kaoe tida ada di roema. Apa betoel?"

,,Itoe waktoe akoe kabetoelan lagi ka loear."

,,Tentoe boeat koendjoengi Tjo Loen, boekan? kata Soen Liep, jang koenjoeng-koenjoeng lantas ingel apa jang doeloe soedaranja ini telah bilang: ,,Inget! kaoe moesti hati-hati apa jang doeloe akoe telah pesen."

Sabelonnja Soen Sin menjaoet, satoe boedak dateng membri taoe, bahoewa di loear ada dateng Jo Thaijsioe jang hendak berdjoempa. Soen Liep lantas berbangkit, sedeng Soen Sin kaliatan sedikit kaget.

,,Jo Thaijsioe dateng mengoendjoengi?" kata Soen Liep sambil betoelken pakeannja.

,,Ja," kata itoe boedak: ,,pembesar itoe dateng bersama-sama Tothongtjie Loan Teng-giok,"

,,Oh, kaloe begitoe tentoe ada oeroesan penting, kata Soen Liep sambil masoek ka kamar boeat toekar pakean kabesarannja. Dan waktoe ia kaloear kombali, Soen Sin soeda tida ada di itoe tempat. Tapi sedikit poen linjapnja itoe soedara tida diboeat pikiran.

Sigra djoega Soen Liep itoe soeda kaloear dan oendang kadoea tetamoenja masoek di pertengahan tempat dimana baroesan ia beromong-omong pada Soen Sin.