Pembalesannja Kawanan Liangsan/Djilid ka-satoe/Bab 3

by Tong Th. Fuctriorider

III

HOUW SENG DJALANKEN TIPOE
DENGEN MEMBOEKA PERDJAMOEAN. — SOEN
SIN MEMBOEDJOEK SATROE
BOEAT MENOELOENGI
SOEDARA.

Kadatengannja Soen Sin di itoe pagi, pembatja tentoe soeda bisa doega apa maksoednja. Jaitoe boekan laen dari pada hendak adjak Soen Liep singkiri diri ka goenoeng Tenghoensan, kerna berhoeboeng dengen itoe pembalesan jang dilakoeken atas saroemia tangganja Mouw Gong-bok, ia koea-tir itoe soedara toea nanti karembet-rembet.

Doegahan itoe poen bener sekali.

Tapi latjoer, sabelon maksoed itoe dinjatakan, Jo Thijsioe soeda kaboeroe dateng. Maka waktoe Soen Liep masoek di kamar toekar pakean, ia lantas kaloear dari pintoe samping dan semboeni di satoe tempat, boeat liat apa jang nanti terdjadi dengen diri Kokonja.

Soen Liep jang belon taoe sama sekali atas kamatiannja Mouw Tjie, djoega tida taoe kaloe Soen Sin ada tjampoer tangan dalem itoe perkara jang samalem, maka dengen tida sekali merasa tjoeriga dan dengen roepa senang ia trima itoe doea tetamoe ka dalem roema.

,,Belon taoe ada oeroesan apa jang membikin Thaijsioe dan Thongtjie dateng ka mari di waktoe begini pagi?" kata Soen Liep dengen moeka manis: ,,tapi kaloe akoe tida sala doega, tentoe ada perkara penting."

,,Benerlah sabagimana jang didoega," saoet Jo Giam: ,,tapi boeat membitjaraken itoe boekan di sini tempatnja."

,,Begitoe?, di manatah?"

,,Ini perkara kita-orang haroes bitjaraken di kantoor."

Soen Liep maoe menanja lagi, tapi Jo Giam gojangin tangan dan kata, baek troesa tanja apa-apa, sabentar lantas bisa dapet taoe semoea dengen terang.

Maski hatinja Soen Liep merasa tida enak, tapi terpaksa ia toeroet djoega dengen tida membanta.

Berangkatnja marika itoe ada diliat oleh Soen Sin tempatnja mengintip, hingga hatinja ini soedara moeda djadi tida senang. Saban-saban ia menanja pada hati sendiri: apa Kokonja itoe ditangkep?, kaloe tida, kenapatah Thaijsine adjak ka kantoor dengen teriring oleh Tothongtjie dan bebrapa soldadoe?, apatah perginja itoe Koko boekan berhoeboeng dengen perkaranja Mouw Tjie?, dan laen-laen poela pertanjahan jang ia tida bisa djawab.

Sasampenja di kantoor, Jo Giam lantas doedoek di tempat kabesarannja, sedang di kiri kanan ada berbaris bebrapa ponggawa jang mamegang

Pembalesannja kawanan Liangsan

10

roepa-roepa-roepa sendjata. Loan Teng-giok mendjaga di loear dengen brapa poeloe soldadoe.

Soen Liep djadi kaget. Kerna ia poenja taoe, orang jang mengadep tjara begini ada persakitan.

Sabelonnja ia bisa berkata-kata, Jo Giam lantas njataken padanja, bahoewa dirinja sekarang ada mendjadi persakitan jang moesti dipreksa perkaranja.

„Akoe djadi persakitan?" kata Soes Liep dengen kaget: „dalem perkara apatah akoe ditoentoet?"

„Boekan moestinja kaoe menanja!" membentak Jo Giam dengen soeara keras, „hanja kaoe moesti djawab apa jang akoe tanja."

Kamoedian lantas dibatjaken soerat penoedoehan, jang boenjinja: pada tadi malem dengen berkawan sama brandal di Tenghoensan, Soen Liep telah dateng ka roemanja Mouw Tjie, aken merampas dan memboenoe Mouw Gongbuk poenja orang saroema tangga; dan sahabisnja lakoeken itoe kadjahatan, telah bakar djoega orang poenja roemа.

„Apa bener begitoe?" tanja Jo Thaijsioe kamoedian, pada sasoedanja membatjaken penoedoehan di atas.

„Tida! Itoelah tida bener!" djawab Soen Liep: „hanja perkara itoe baroe akoe denger di sini."

„Soeda tentoe kaoe menjangkal," kata Jo Giam sambil bersenjoem: „tapi itoe tida nanti bisa menoeloeng soeatoe apa."

„Sebagimana Thijsioe taoe," kata Soen Liep dengen satoeloesnja hati: ,,sahabisnja paperangan di Poeilap, oleh Sri Baginda akoe dikoerniaken pangkat Tothongtjie di ini kota. Tapi blakangan, lantaran ingin mengaso, maka akoe soeda letaken itoe djabatan dengen hormat dan berdiam sadja di roema sendiri, boeat senangken badan. Sadari itoe waktoe akoe tida bertjampoer pada orang di loearan, dan inilah semoea pendoedoek di kota Tengtjioe ada taoe. Dan bagimana sekarang dengen mendadak akoe ditoedoeh djadi kawannja brandal di Tenghoensan jang telah lakoeken itoe kadjahatan?"

,,Tapi orang soeda liat dengen terang, jang dalem itoe kadjahatan soedaramoe, Soen Sin, ada toeroet tjampoer tangan. Apa ini kaoe maoe sangkal?"

,,Akoe poenja soedara? Akoe tida taoe apa soedarako itoe ada tjampoer atawa tida. Dan seande bener dan ada boekti-boekti jang Soen Sin telah lakoeken itoe kadjahatan, akoe toch tida bisa kerembet-rembet, kerna ia toch tida ada tinggal padakoe. Kaloe ia ada bersala, ialah jang haroes ditangkep, tapi mengapatan Thaijsioe tangkep akoe jang tida taoe satoe apa dan tida sekali mempoenjai dosa?"

,,Dia djoesta!" treak Loan Teng-giok jang ada berdiri di samping: sagala bitjaranja tida boleh dipertjaja. Kerna doeloe poen ia soeda toeroet ambil bagian boeat bikin petja pendjara aken menoeloeng Kaji Tin dan Kaji Pa Dan waktoe kawan nja Song Kang poekoel desa Tjioketjheng, Soen Liep djoega poera-poera dateng membantoei akoe boeat lawan kaoem brandal. Tapi itoe semoea tjoema akal sadja, hanja bebalik ia membantoe pada itoe begal-begal. Djadi tegesnja apa jang ia bilang tida boleh dipertjaja, kerna orang ini ada mempoenjai perhoeboengan pada sagala begal dan brandal."

,,Kaloe begitoe, njatalah orang maoe kenaja akoe poenja diri," kata Soen Liep dengen amat goesar: ,,orang maoe pitenah akoe sakedar boeat mamoewasken hati."

Kerna Soen Liep tetep tida maoc mengakoe, maka papreksahan tida dilandjoetken lebi djaoe, hanja Jo Giam lantas prenta sapoeloe oppas bawa persakitan ini ka dalem pendjara, boeat toenggoe sampe kawan-kawannja jang laen dapet ditangkep, barue maoe dipreksa lagi.

Soen Liep jang ada ternama Peng Oct Tie, maski bagimana gaga djoega ia tida bisa berboeat laen dari pada menocroet sadja. Kerna maoe melawan, ia rasa pertjoema dan bocat samantara waktoe baek tinggal manda.

Sasoedanja Soen Liep dibawa ka boei, Jo Thaijsioe berkata pada Loan Teng-giok: ,,Sekarang kita troesa koeatir pada bahaja jang terbit dari dalem. Maka boeat membikin terang ini perkara, baek kaoe lantas bawa soldadoe boeat tangkep itoe sakalian pendjahat di goenoeng Tenghoensan." Loan Teng-giok trima itoe prenta dan lantas pergi ka langsi aken siapken doariboe soldadoe jang bersendiata lengkap. Dan itoe hari djoega ia lantas bawa ka tempatnja Tjo Loen.

Waktoe itoe barisan soeda berangkat, Soen Sin jang ada bertjampoeran pada orang banjak, lantas poelang ka roema sendiri. Sekarang ia dapet kanjatahan, bahoewa soedaranja bener telah ditangkep.

Maka dengen hati bingoeng, ia djalan boeroe-boeroe dan sasampenja di roema, ia lantas panggil-panggil istrinja dengen soaara keras, hal mana membikin Khouw Thaij-so djadi terkedjoet.

,,He, mengapatah roepamoe djadi begitoe?" tanja Thaij-so, jang kira soeaminja dapet tjomelan dari itoe soedara toea, lantaran tida satoedjoe bocat bersariket pada Tjo Loen.

,,Apa Pepeh tida socka toeroet kaoe poenja maksoed?" tanja poela Thaij-so.

,,Boekan! boekan!" saoet Soen Sin, jang lantas tjeritaken satoe persatoe, bagimana sabelonnja ia kasi taoe itoe maksoed, Thaijsioe Jo Giam sama Loan Teng-giok telah dateng tangkep soedaranja jang sekarang telah dimasoeki ka dalem pendjara.

Mendenger ini perkatahan, Khouw Thaij-so djadi amat goesar pada itoe Thaijsioe. Moekanja djadi poetjet dan keringet mengoetjoer di seantero pipinja. Dengen soeara bergoemeter ia berkata:

,,Kaloe begitoe, kita-orang tida boleh tinggal lamahan di sini. Kaloe tida lekas berlaloe, boekan sadja dirinja Pepeh tida bisa ditoeloeng, hanja kita-orang poenja saroema tangga poen boleh toeroet tjilaka.“

Sahabisnja berkata-kata, ia laloe benah-benahken sagala barang berharga dan masoemi ka dalem peti, kamoedian prenta bebraba orangnja bawa barang-barang itoe ka goenoeng Tenghoesan.

„Sasampenja di sana kita nanti berichtiqr boeat toeloeng Pepeh.“ kata Khouw Thaij-so.

Soen Sin menjalaken moefakat.

Kadoeanja itoe lantas berangkat djalan mengirng dari blakang.

Waktoe sampe di itoe goenoeng, kabetoelan Tjo Loem bersama omong-omong di Tjigiethia, maka satelah denger Soen Siti laki istri soeda dateng, itoe tiga orang gaga laloe kaloear menjamboet dengen girang dan silahken marika masoek ka itoe roewangan.

Sasoedanja masing-masing doedoek kombali di korsinja, Soen Sin laloe tjeritaken bagimana soedaranja soeda katangkep, sabelonja ia kasi taoe maksoedaja pada itoe soedara toea.

Satoe persatoe ditjeritaken dengen terang.

Samoea djadi terkedjoet. Sedeng Houw Seng jang satelah denger Thaijsioe Jo Giam soedah titahken Loan Teng-giok bawa balatentara ka ini tempat, lantas berkata:

,,Akoe rasa-rasanja seperti inget dan kenal itoe nama?"

,,Itoe Loan Teng-giok saorang gaga," kata Soen Sin: ,,maka djoega Jo Giam titahken ia jang bawa itoe soldadoe boeat tangkep kita-orang di sini. Maka kadatengannja itoe kita haroes berhati-hati."

,,Orang manatah asalnja Loan Teng-giok itoe?" tanja Huw Seng, seperti orang jang inget-inget loepa.

,,Ia berasal dari desa Tjiokketjheng," kata Soen Sin: ,,pada sabelonnja kampoeng itoe di poekoel petja, ia ada djadi goeroe gisiauw."

,,Ja, sekarang akoe inget!" kata Houw Seng sambil berdjingkrak: ,,itoelah ada namanja akoe peonja goeroe. Ja, akoe poenja goeroe Loan Teng-giok."

Semoea kawannja laloe memandang dengen roepa kagoem.

,,Kaloe benr jang dateng itoe ada Loan Teng-giok bekas goeroekoe," kata poela Houw Seng: ,,akoe soed dapet satoe akal boeat tarik ia kalihak kita. Tjoema lebi doeloe kita haroes atoer dan tegoehkan tempat sendiri boeat mendjaga, djangan sekali kita melawan padanja."

,,Mengapa begitoe?" tanja Siauw tjhit.

,,Itoelah ada berhoeboeng dengen tipoe jang akoe maoe dijalanken." saoet Houw Seng.

Tjo Loen moefakat, maka itoe hari djoega pendjagahan di goenoeng Tenghoensan moelai atoer. Balok dan batoe-batoe besar boeat timpaken moesoe telah disadiaken, tempat jang penting ditaroeken orang djaga-djaga.

Sasoeda semoea oeroesan dan pendjagahan diatoer beres, marika laoe arak membitjaraken oeroesan perang jang bakal dateng. Roepanja kaliatan girang sadja.

,,Tapi ini pendjagahan, akoe kira tjoema bisa menahan boeat sedikit hari sadja," kata Soen Sin: sebab apa jang perloe belon kaboeroe dibikin sampoerna. Maka boeat menjaga pertempoeran lama, akoe kira tida bisa tahan."

,,Apa lagi kita poenja rahajat jang tjoema bebrapa ratoes orang," kata Tjo Loen: ,,marika itoe semoea tida terpeladjar baek?"

,,Ja, kita-orang poen ada pikir begitoe," kata Wie Siauw-tjhit: ,,belon taoe Houw Seng Koko ada mempoenjai akal bagoes bagimana, boeat tangkis datengnja itoe doeariboe balatentara jang dipimpin oleh Loan Teng-giok?"

,,Boeat sekarang, harep soedara-soedara tida djadi ketjil hati, kaloe itoe tipoe akoe tida lantas njataken,: kata Houw Seng sambil bersenjoem: ,,kerna menoeroet kapentingannja, maka terpaksa akoe pegang rasia. Tapu kaloe moesoe soeda koeroeng kita poenja tempat dalem tempo tiga hari, sigra djoega kaoe nanti dapet taoe." Kamoedian ia samboeng perkatahan itoe dengen soeara amat pelahan. Ia minta itoe kawan nanti dijalanken betoel apa jang sekarang dipesen, kaloe soeda dateng waktoenja, dan djangan sekali dibikin gagal. kerna kamenangan ada bergantoeng dari ini tipoe jang digoenaken.

Kendari itoe amapt orang tida taoe apa jang bakal terdja, toeh roepannja kaliatan girang dan berdjandji nanti lakoeken betoel itoe pesenan.

,,Teroetama haroes dipegang rasia dan djaga djangan sampe orang laen dapet taoe, jang akoe ada mendjadi kawannja Tjo Loen Koko," kata Houw Seng: ,,tapi kaloe tipoe ini soeda berhasil, itoe tida halangan."

Sahabisnja berdami, masing-masing laloe bangoen dari tempatnja doedoek dan pergi ka tempat djagahannja, beoat meronda dan menilik ka sana sini.

Esoknja terkabar Loan Teng-giok telah sampe di bawah goenoeng.

Ini Tothongtjie ada memake pakean perang Toenggang satoe koeda jang tinggi dan tangannja ada pegang sebatang toembak Hoenthiantektjio, hingga roepanja djadi kaliatan gaga dan angker.

Dengen poeter itoe toembak ia prenta sodadoenja madjoe sampe ka bawah goenoeng, sambil bersoerak-soerak.

Pendjaga-pendjaga di ata goenoeng hoensan tida ambil perdoeli, hanja liatin sadja datengnja itoe moesoe.

Tapi satelah liat Loan Teng-giok prenta soldadoe menjerang naek, orang jang mendjaga tida bisa tinggal diam lebi lama, hanja mendjaga tida bisa tinggal diam lebi lama, hanja lantas prentarahajat goenoeng lepasken batoe-batoe besar dan balok dari atas boeat timpa padnja.

Soldadoe negri banjak jang binasa djiwanja. Kerna sasoedanja naek sedikit banjak balok dan batoe jang sabesar-besar kerbo pada menggeloentoeng toeroen, hingg itoe beratoes soldadoe jang soeda ada sbla atasan, maoe naek tida bisa dan maoe toeroen kombali soeda tida kaboeroe.

Meliat begitoe, Loan Teng-giok laloe tarik barisannja dan berdiriken tenda boeat bermalaem.

Dari atas tida ada kaliatan jang mengedjer.

Esoknja pagi, sahabisnja santap Teng-giok madjoeken kombali soldadoenja ka bawah goenoeng, sambil prenta soldadoe bertreak-treak minta perang.

Tapi tida ada satoe moesoe jang kaloear meladenin, hingga hatinja ini Tothongtjie djadi mendongkol, kerna tantangannja itoe tida diperdoeliken. Ia maoe menjerang naek, tapi koeatir menampak bahaj seperti kamaren, dimana brapa ratoes soldadoe banjak jang loeka dan binasa djiwanja.

,,Begal-begal pengetjoet!" kata Teng-giok sembari memandang ka atas goenoeng, dan liat-liat, di tempat mana jang boleh diserang. Tapi, salagi ia mengawasi begitoe, koenjoeng-koenjoeng di pinggiran goenoeng ada kaliatan brapa belas rahajat, jang tida pake tjelana. Ada jang pake jelana, tapi tida berbadjoe, dan ada djoega jang telandjang boelet, lagi maen lompat-lompatan dari satoe batoe ka laen batoc, seperti lakoenja monjet.

Ada jang oendjoeki pantatuja sambil tertawa-tertawa, kamoedian bersoerak dengen satoeroe kawannja, hingga Loan Teng-giok jang liat, djadi amat goesar, kerna itoc poen ada satoe hinaän bagi dirinja.

„Ah, itoe manocsia-manoesia hina jang sanget koerang adjar,“ kata Tong-giok dengen merasa gemes „terlaloe!... telaloe biadab!...“

Maski bagimana gemes djoega, tapi ia tida diadi nekat boeat menjerang nack. Kerna ini panglima salaennja tjerdik, djoega tida tjerobo. Betoel ia tave jang din ada gaga dan djarang ada bandingannja, tapi keadahannja itoe goenoeng dan selak-seloeknja, ia belon taoe. Kaloe boeat itoe hinaän ia moesti menjerang dengen memboeta, itoelah ada terlalpe gegaba, jang boleh membinasaken djiwa sendiri.

Inilah ia tida mane, hanja prenta sadja soldadoenja lepasken pana.

Tapi, lantaran letaknja itoc tempat ada terpisa djaoe, tambahan angin ada meniop dengen santer maka itoe beratoes anak pana lantas pada djato ka dalem tjoeram lantaran tersapoe angin. Soldadoe negri lepas lagi beratoes anak pana, jang ditarik sakocat-koeatnja. Tapi pertjoema, tida ada satoc dari itoe barang tadjem jang kena pada itoe liauwlo. Ini perbocatan bockan membikin itoe rahajat djadi djeri, malah djadi samingkin girang dan tertawa sambil tepok-tepok tangan.

Teng-giok merasa daranja naek ka kapala.

„Betoel-betocl manoesia biadab!“ menggerendang ini panglima: „bermoela akoe kira tida terlaloe soesa boeat tangkep ini kawanan manoesia jang terkoetock; tapi siapa tave kaloc sekarang djadi begini roepa? — Bagimana sekarang, apa akal moesti digoenakan?“

Sampe sore ia belon dapet satoe akal jang baek boeat mnenjerang mocsoenja, maka waktoe liat matahari ampir silem, ia lantas tarik barisannja ka teuda sendiri, aken menoenggoe di hari esok.

Besoknja ia dateng poela, tapi hasilnja tida lebi dari pada hari-hari jang kamaren. Itoe pertoendjoekan biadab dari liauwlo-liauwlo masi berdjalan terocs, malah lebi koerang adjar lagi.

Malemnja ia doedock sendiri di dalem tenda sambil memikiri satoe daja. la rasa kaloe bisa dapet tangkep satoe rahajat dari Tenghoensan boeat ditanja, brangkali tida socsa boeat ia bikin penjerangan naek. Tapi dengen tjara bagimana ia bisa dapet itoe orang. Inilah jang lagi dipikiri.

„Ini djoega boekan perkara gampang,“kata ia achir-achir.

Sabelonnja berpikir lebi djaoe, njoeng satoe soldadoe dateng menghamperi padanja sambil berkata:

,,Tjoetjiang, di loear ada dateng satoe orang jang minta bertemoe."

,,Siapa?" tanja Loan Teng-giok: ,,siapa namanja?"

,,Ia tida bilang nama," saoet itoe soldadoe: ,,tjoema kata jang dirinja ada kenalan lama, dan ia ada saorang she Houe,"

Teng-giok tida menjaoet, hanja lantas berbangkit mengikoet itoe soldadoe ka loear dari tenda, dengen hati sedikit tjoeriga. Lantaran itoe djoega, maka ia salaloe berhati-hati.

Sambil bedjalan ia berpikir: apalah jang dateng di waktoe malem begini: boekannja moesoe poenja orang, jang brangkali hendak menggoenaken sala satoe tipoe. Sekali-kali ia tida taoe liat.

Satelah sampe di loear, itoe soldadoe menoendjoek pada orang jang dateng dan sekarang ada berdiri sedikit djaoe. Teng-giok liat dan lantas kenalin, bahoewa benerlah orang itoe kenal. Tapi tida ingat betoel di mana.

Sasoeda itoe tetamoe seboet namanja, baroelah Teng-giok inget dan lantas silaken Houw Seng itoe masoek ka dalem.

,,Soehoe moerid Houw Seng dateng membri hormat," kata Houw Seng sambil berloetoet.

,,Oh, moeridkoe, Houw Seng," kata Teng-giok sembari angkat bangoenin: ,,bangoenlah, soepaja kita boleh beromong-omong. Boekantah kaoe ada tinggal di Tokliongkong, tapi mengapatah sekarang boleh dateng ka mari?“

„Itoe semoca ada terlaloe pandjang bocat ditoetoerken satoe persatoe,“ kata Houw Seng sambil bangoen berdiri:„tapi sabrapa bisa ako nanti tjeritaken djoega dengen ringkes pada soehoe.“

Teng-giok memdengeri, dan Houw Seng lantas berdoedoek sambil moelai tjerita.

„Sadari Lie Kwie binasaken roemanja ajahkoe,“ kata Houw Seng,akoe lantas melarikan diri ka Tenganhoe, dengen pengharepan boeat tjari dan ikoet pada soehoe. Tapi di sana akue tida beroentoeng katembe pada goeroe. Dan lantaran tida ada poenja pakerdjahan, maka akoe socda lantas ikoet sakawanan soedagar jang maoe berdagang ka loear negri, dimana akoe tjoema kaloearken sadja tenaga, kerna tida mempoenjai kapitaal. Sasampenja di satoe poelo, akoe beroentoeng djoega dapet mengoempoel sedikit harta dalem itoe bebrapa taon lamanja. Tapi lantaran hati ada terkenang pada tana aer sendiri, maski di sana akoe ada beroentoeng, toch akoe soeda balik kombali ka ini negri dengen menoempang kapal.“

„ Kapal dimana akoe mennempang kabeneran ada berlaboe di Tengtjioe,“ kata poela Houw Seng lebi djaoe:„maka akoe lantas toeroen dan meneroesken perdjalanan dengen kaki menoedjoe ka Tongking, dengen maksoed boeat djoeal itoe sakalian barang-barang. Tapi lantaran hawa oedara ada begitoe panas, maka akoe tida bisa berdjalan tjepet. Begitoelah satelah sampe di samping goe moeng Tenghoengan, barang barangkoe kena dirampas oleh sakawan brandal, sedeng akoe sendiri kena tertangkep.“

Loan Teng-giok dengerken itoe tjerita denger: sabar, sedeng Houw Seng menoetoer lebi djaoe obrol boeat memintjoek.

la kata: sasoedanja tertawan, kapala dari itoe brandal jang bernama Tjo Loen telah boedjoek boeat ia menaloek sadja pada perkoempoelannja Tapi kerna inget jang sabagian dari itoe brandal, ada bekas kawannja Liangsan, jang soeda tjilakaken seantero orang roema tangganja, maka ia soeda tampik dengen keras dan menjatji djoega dengen berbagi-bagi perkatahan pedes. Tapi pada tiga hari jang laloe ia denger orang di itoe goenoeng pada riboet, dan dari bitjaranja bebrapa orang, ia djadi dapet taoe, bahoewa ini kaoem kaparat lagi diserang oleh Loan Teng-giok.

Kerna Tjo Loen dan jang laen-laen semoea soeda kenal kagagahannja ini goeroe silat, maka datengnja Teng-giok ka ini tempat membikin marika itoe djadi bingoeng dan sadari kamaren doeloe iaorang soeda djaga masing-masing poenja tempat dan benteng, hingga ditinja jang tertangkep tida begitoe diopen lagi.

Dengen menggoenaken itoe tempo jang baek, ia lantas merat dan toeroen dari atas goenoeng dateng ka mari, dengen harepan boeat minta ini goeroe poenja pertoeloengan.

Teng-giok jang kira bitjaranja itoe moerid betoel, lantas berkata:

,,Kaoe hendak minta pertoeloengan apa padakoe?"

,,Salaennja dari barang-barang jang socda diampas oleh kawanan brandal," saoeft Houw Seng: ,,akoe masi ada mempoenjai lagi bebrapa koempoelan barang di tangannja bebrapa soedagar di kota Tengtjioe. Akoe pikir, soepaja bisa didjadiken oewang, maka akoe maoe halik kombali sadja ka itoe kota aken ambil barang-barang jang katinggalan, Tapi koeatir tida dapet masoek, maka maoe minta sochoe poenja pertoeloengan boeat kasi satoe Lengtjiam aken pergi ka kota Tengtjioe. Kaloe soeda ara itoe katerangan, kendati ada pertanjahan ini itoe dari pembesar di sitoe, akoe bisa oendjoeki itoe pertandahan dan tida koeatir nanti dapet soesa."

,,Boeat membri satoe Lengtjiam, akoe tida ada kaberatan," kata Teng-giok: tapi kaoe jang soeda taoe tinggal di sarangnja itce brandal, tentoe taoe djoega keadahannja itoe goenoeng, boekan?-Tjo- balah kaoe toetoerken apa jang kaoe tane, kaloe-kalue ada penting boeat akoe bikin penjerangan."

Keadahannja itoe goenoeng tida terdjaga back, begitoelah kaloe menoeroet akoe poenja pengliatan," kata Houw Seng: rahajatnja tjoema terdiri dari doearatoes orang jang tida terpeladjar; oeroesan paperangan tida diperlangkepan dengen santpoerna. Ramsoem djoega tentoe ada koerang, sebab satiap hari kaliatan itoc kawanan brandal djadi riboet dan iboek boeat mengadaken ramsoem dengen mendadak. Koeda toenggang poen tida ada, katjocali satoe jang biasa dipake oleh Wie Siauw-tjhit. Orang-orang jang djadi pemimpin jalah Tjo Loen, Soen Sin, Khouw Thaij-so dan Wie Siauw-tjhit."

Kaloe begitoe, Siauw-tjhit ada di atas itoe goenoeng?"

,,Ja."

,,Tida ada lagi laen-laen kapalanja?"

,,Tida."

Loan Teng-giok berdiam. Kamoedian ia tanja, tempat-tempat sebla mana jang terdjaga, dan Houw Seng telah lari dengen ambil djalanan dari mana.

Houw Song laloe tjeritaken, bahoewa ia soeda kaloear deugen djalan asroek-asroekan, kerna ia poen tida taoe betoel di sebla mana adanja djalanan. Tapi dengen tida disengadja, ia beroentoeng katemoe satoe djalanan ketjil jang meneroes ka mari.

Demikianlah ia telah sampe di sini.

Sasoedanja mendenger itoe katerangan jang Houw Seng karang, hatinja Loan Teng-giok djadi girang. Maka sigra djoega ia prenta soldadoenja tjariken barang hidangan dan berikoet djoega arak Waktoe ini barang-barang sadia, Teng-giok laloe oendang moeridnja toe doedoek bersantap kerna ia doega, Houw Seng jang baroe lari dari tempat moesoe, tentoe belon dahar.

Teng-giok sendiri doedoek menemeni sambil minoem bebrapa gelas arak.

Sedeng perkatahan nuerid" jang tadi Tenggiok bahasaken pada Houw Seng, diganti djadi ,,soedara, hingga ini membikin si moerid djadi lebi girang, kerna pikir jang maksoednja tentoe bakal berhasil.

Houw Seng bikin tingkanja betoel-petoel seperti orang jang amat lapar, la dahar begitoe enak dan minoem dengen bernapsoc, hingga Teng-giok jang tjerdik dan salaloe berhati-hati, djadi pertjaja dengen soenggoe.

,,Apa boekan lebi baek kaloc Hiante bantoe akoe dalem ini paperangan, soepaja bisa sapes bersi itoe kawan begal?" kata Tong-giok, pada sasoedanja minoem brapa gelas arak:,,belon tane bagimiana kaoe poenja pikiran?"

,,Soeda tentoe akoe socka skali bocat hante Hianheng poenja pakerdjaban," kala Houw Seng jang toeroeti sadja orang poenja panggilan:,,tapi sebab itoe barang-barang jang berharga laksaban tail más, masi ada di sana, apapoela soedagar itoe boekannja saorang jang djoedjoer, maka akoe ingin boeal pergi ka sana doeloc aken ambil itoe. Dan lantaran ini, maka terpaksa akoe moesti lampik Hianheng poenja tawaran. Loan Teng-giok berdiam.

„Tapi, maski dalam penjerangan jang Hianheng hendak bikin, akoe tida toeroet,” kata poela Houw Seng: „toch akoe tida loepa boeat oendjoeki letaknja itoe tempat-tempat terlebi terang. Bagimana kaoe rasa kaloe begitoe, Hianheng?”

„Itoe poen baek sekali,” kata Teng-giok sambil manggoet.

„Itoe djalanan jang pernahnja di sebla Barat-oetara, di bagian sebla atas jang ada sakira lima atawa anem li, di sitoe ada terdapet sapasang poehoen jang paling besar, dan tempat itoe diseboet Tanhongnia, jang tjoema didjaga oleh sapoeloe liauwlo. — Maka kaloe Hianheng ambli itoe djalanan boeat menjerang masoek, ada tida bedah sabagi orang membalik telapakan tangan poenja gampang.”

„Akoe nanti perhatiken betoel. — Tapi, Hiante, sasoedanja kaoe menampik boeat tawaran jang pertama, akue harep kaoe tida menoelak boeai jang kadoea dan jang akoe nanti toetoerken padamoe.”

„Apatah itoe?”

„Sabelonnja akoe berangkat ka mari akoe soeda tangkep Soen Liep; kaoe taoe Soen Liep itoe saorang gaga jang pande bersilat. Kapandeannja itoe padakoe ada berasal dari satoe goeroe. Sekarang ia ada di dalem pendjara.”

„Abis?”

„Nanti akoe tjeritaken,” kata Teng-giok, lebi djaoe: „Soen Liep itoe ada diseboet djoega Peng Oet Tie, itoe gelaran orang briken lantaran ia poenja kagagahan. — Dan maski sekarang ia soeda ada dalem pendjara, toch akoe masi koeatir ia bisa melarikan diri. Lantaran itoe maka akoe pikir, berhoeboeng dengen kaoe poenja berangkat ka Tengtjioe, akoe maoe serahken padamoe tigaratoes soldadoe boeat bantoe djaga itoe kota. Besok pagi akoe nanti briken itoe Lengtjiam bersama satoe soerat katerangan boeat dioendjoeki pada Jo Thaijsioe. Begitoelah adanja akoe poenja kainginan, harep kaoe tida menoelak, ja?”

Kaloe iloe waktoe orang kasiken salaksa tail mas, brangkali Houw Seng tida djadi begitoe girang, sabagi denger ini permintahan dari Loan Teng giok. Maka tentoe sadja ia lantas trima itoe tawaran dengen tida menampik lagi. Tapi kagirangan jang ada dalem hati, ia tida oendjoek bogitoe njata.

Kamoedian Loan Teng-giok kata: sasoedanja mendapet itoe katerangan-katerangan jang baroesan, boleh diharep jang lagi doea hari sarangnja Tjo Loen bisa disapoe bersi. Dan kaloe Tenghoensan soeda dibasmi, boeat pertoeloengan jang sekarang Houw Seng lakoeken, sapoelangnja dari sini ia tida loepa boeat mintaken satoe pangkat pada pemerenta agoeng.

„Oh. boeat ini pakerdjahan ketjil, jang tida sabrapa mengaloearken tenaga, masalah akoe ada harep mendapet apa-apa dari Hianheng,” kata Houw Seng dengen hati berdebar lantaran kagirangan: „tapi atas Hianheng poenja katjintahan, sasoenggoenja akoe haroes hatoerken banjak trima kasi.”

Demikianlahi iaorang bitjara-bitjara sampe djaoe malem. Kamoedian Loan Teng-giok adjak Houw Seng tidoer sama-sama dalem satoe kamar.

Esoknja pagi, sasoedanja matahari terbit, baroelah iaorang tersedar dan Teng-giok laloe toelisken itoe soerat jang boeat diserahken pada Thijsioe Jo Giam beserta Lengtjiam. Sasoeda itoe ia ka blakang dan piliken tigaratoes soldadoe boeat Houw Seng bawa ka kota Tengtjioe.

Houw Seng simpen itoe soerat bersama Lengtjiam; sahabisnja santap ia laloe ambil slamat tinggal dan lantas komendir itoe tigaratoes soldadoe, aken berangkat ka kota jang ditoedjoe.

Waktoe lohor Houw Seng telah sampe dan lantas brentiken balatentaranja di satoe lapangan. Kamoedian ia pergi ka kantoornja Thaijsloe Jo Giam, boeat serahken itoe soerat jang di toelis oleh Loan Teng-piok.

Jo Giam poenja pendjaga samboeti itoe soerat dan taro di atas medja. Kamoedian pembesar itoe boeka dan balja.

Boenjinja seperti berikoet:

„Sadari madjoeken tentara ka Tenghoensan, sampe ini hari belon dimaloemken paperangan. Kerna Tjo Loen dan kawan-kawannja salaloe maen menguempet sadia. Tapi

sadari kamaren, jang bertanda tangan di bawah ini soeda dapet selidiki keadahanja moesoe, maka bisa diharep lagi doea hari, itoe begal-begal bisa dapet ditangkep aken diseraliken pada Thaijsioeija.

Pembawa ini soerat ada bernama Houw Seng, saorang gaga dan pande, jang boekan sadja dalem oeroesan militair, tapi djoega dalem bagian civiel ia ada mengarti baek. Lantaran menginget jang How Seng ini ada djadi moeridkoe jang teroetama dan mempoenjai kapandean tinggi, maka jang bertanda tangan brani poedjiken boeat bantoe mendjaga kota Tengtjioe.

Kerna salempang sabelonnja Tjo Loen dapet ditangkep, di dalem kota ada terdjadi perobahan apa-apa jang tida enak, maka Thaisioeija boleh sekali pertjajaken sagala beroesan padanja.

Bersama ini soerat ada diberikoet djoega satoe Lengtjiam sabagi tanda katerangan boeat Houw Seng mengadep di hadepan Thaijsioe Loija jang terhormat.”

Demikianlah boenjinja itoe soerat.

Jo Giam preksa djuega tanda tanganja, dan kenali betoel itoe ada toelisannja Loan Teng-giok. Dan sasoeda mamereksa djoega itoe Lengtjiam, ia mengawasi pada Houw Seng dari atas ka bawah, dan bener ini orang kaliatannja ada gaga. „Kaoe ini jang bernama Houw Seng?” tanja itoe pembesar kamoedian.

„Bener, Thaijsioeija,” djawab Houw Seng sambil mendjoera.

„Dalem ini soerat Loan Thongtjie telah poedjiken padamoe,” kata itoe Thaijsioe: „jang katanja, salaen gaga, kaoe ada djadi moeridnja jang teroetama, hingga ia pertjaja dengen bantoeanmoe, kaoe bisa bantoe lindoengken ini kota sabagimana haroesnja.”

Kamoedian ia oetjapken bebrapa perkatahan enak dan perdjandjian bagoes boeat Houw Seng, kaloe sadja ini orang gaga bisa berhati-hati sampe prikeamanan dalem kota Tengtjioe tida terganggoe.

Houw Seng bongkoki badan dan hatoerken trima kasi boeat itoe semoea perdjandjian jang Jo Giam briken.

Kamoedian itoe waktoe djoega ia berlaloe dari kantoor terseboet boeat djalanken kawadjibanja.

Jo Giam merasa girang bisa dapet satoe pembantoe, tapi Houw Seng poenja girang terlebi besar lagi. Kerna sekarang, sagala maksoednja, njata ampir berhasil. Boekan sadja itoe goeroe Loan Teng-giok, malah ini pembesar poen tida sekali ada bertjoeriga.

Sasampenja di lapangan Houw Seng laloe itoeng kombali itoe soldadoe jang ada di bawah prentanja, kamoedian bagi-bagi ka ampat pendjoeroe pinto kota boeat mendjaga dan preksa pada sasoeatoe orang jang masoek dan kaloear, dengen teliti.

Pintoe-pintoe baroe di-idjinken boeka kombali pada sasoedanja terang tana, dan ditoetoep pada matahari moelai silam ka Barat. Malem dilakoeken pendjagahan terlebi keras, sebab koeatir nanti ada kawanan begal jang menjaroe dan masoek ka dalem kota.

Houw Seng sendiri mamereksa dengen radjin.

Jo Thaijsioe jang liat pengatoerannja Houw Seng begitoe roepa, djadi amat girang dan poedji dalem hati, bahoewa itoe pembantoe baroe betoel ada saorang gaga jang pande.

Lantaran taoe jang pendjagahan kota ada sampoerna dan prikeamanan tida nanti terganggoe ini pembesar jang goblog tida begitoe openi lagi pada sagala oeroesan-oeroesan, hanja satiap hari tinggal bersenang-senang di dalem roema, dengen tida merasa koeatir soeatoe apa.

Itoe waktoe Houw Seng di dalem tangsi tjoema tinggal bersama doeapoeloe soldadoe jang mendjadi pelajannja, kerna jang laen semoea dititahken mendjaga di sana sini. Pada itoe doeapoeloe orang ini pembantoe berlakoe manis. Dan itoe hari sasoedanja mengatoer beres kawadjibannja, ia laloe kaloearken sadjoembla oewang dan prenta sala satoe antaranja pergi beli daging dan arak, dan baboeahan boeat minoem.

Soldadoe itoe ada merasa katarik hati betoel. Apapoela waktoe itoe arak dan barang santapan dateng, Houw Seng laloe adjak marika itoe doedoek makan dan minoem sama-sama, boeat menghiboerken hati.

,,Kita poenja Houwija ini ada saorang baek betoel," kata itoe soldadoe-soldadoe pada kawannja: ,,boekan sadja iaorang perlakoeken kita dengen manis, malah adjak djoega kita-orang makan minoem sama-sama, sabagi kawannja."

Kita nanti merasa soekoer sekali, kaloe salamanja kita-orang bisa bekerdja sama-sama ini Houwija jang berboedi," kata itoe soldadoe-soldadoe, sabagi kapoedjian bagi itoe pembesar militair baroe.

Sigra djoega makanan itoe telah sadia dan Houw Seng laloe oendang itoe doeapoeloe orang doedoek bersantap.

,,Hola, Houwija!" kata itoe sakawan soldadoe dengen merasa piloe di hati, kerna sabegitoe lama iaorang koet Jo Giam atawa Loan Teng-giok, belon pernah dapet ini kahormatan seperti sekarang: ,,kita-orang belon bisa berboeat satoe apa, tapi Houwija soeda berlakoe begitoe manis dan moera hati. Soenggoe kita-orang tida tace, bagimana kitaorang haroes bales ini katjintahan."

,,Ah, itoelah perkara ketjil sadja, sobat-sobat!" kata Houw Seng sambil tertawa.

,,Lebi doeloe kita-orang hatoerken banjak trima kasi atas Houwija poenja boedi katjintahan." kata itoe soldadoe-soldadoe dengen soeara berbareng. dan kamoedian lantas doedoek hadepi medja dengen tida sekali merasa tjoeriga, jang marika itoe lagi dioempanin boeat bikin dirinja djadi mabok.

Marika itoe laloe makan dan minoem dengen senang. Apapoela Houw Seng berlakoe begiloe manis, maka masing-masing dadi brani minoem lebi banjak dan tida lama kamoedian itoe doeapoaloe soldadoe laloe pada djato menglepak lantaran mabok.

Houw Seng tida perdoeliken lagi pada itoe soldadoe-soldadoe jang tidoer di kolong medja, kerna marika soeda tida berbahaja. Itoe waktoe hari soeda malem dan ia laloe kaloear dari tangsi, Di langit kaliatan banjak bintang jang berkelak-kelik.

,,Soeda ampir waktoenja," kata Houw Seng sendiri-diri.

Dengen membawa sendjata ia lantas menedjoe ka pintoe kota. Satelah sampe, di loear kadengeran soeara meriam beroendoen-roentoen, hingga soldadoe pendjaga djadi kaget dan masing-masing laloe bersiap.

,,Troesa koeatir, sobat-sobat!" Kata Houw Seng: ,,itoe tentoe ada soearanja moesoe jang dateng, maka haroeslah kita-orang melawan."

Houw Seng taoe, bahoewa itoe soeara bedjedar-djedoer ada pertandahan dari kawannja, jang memang ia telah pesen, kaloe soeda sampe moesti lantas pasang meriam, soepaja dari dalem ia boleh boekain pintoe. Dan bener sadja soeara itoe dibriken, satelah ia sampe di itoe tempat. Inilah ada itoe tipoe jang sakean lama ia pegang rasia. Tapi boeat djalanken tipoe ini, ia telah pesen bagimana moesti diberboeat.

Houw Seng prenta soldadoenja boeka pintoe boeat samboet datengnja moesoe. Tapi sebenernja boekan boeat bertempoer, hanja pintoe diboeka boeat samboet datengaja toe kawan-kawan jang memang dipesen.

Orang jang dateng itoe boekan laen dari brandal di Tenghoensan.

Wie Siauw-tjhit jang berada di sebla depan satelah liat pintoe kota terboeka, lantas prenta rahajat goenoeng madjoe ka depan boeat masoek.

Itoe liauwlo lantas masosk memberobosan dengen pegang obor di tangan dan bersoerak-soerak, hingga soearanja begitoe rioeh.

Soldadoe pendjaga pintoe, satelah liat datengnja moesoe di waktoe malem begitoe dengen secara riboet, marika tida taoe kakoeatannja moesoe ada brapa besar, hingga jadi bingoeng dan lari sipat koeping.

Sabantaran sadja rahajat dari Tenghoensan soeda masoek semoea, sedang itoe brapa ratoes soldadoe jang Houw Seng trima dari Loan Teng-giok, soeda pada lari dengen tida kataoean ka mana perginja.

Sasoedanja Siauw-tjhit masoek, blakangan Soen Sin bersama Khouw Thaij-so dateng menerobos. Tapi ini doea orang begitoe sampe di dalem kota lantas menoedjoe ka dalem pendjara tempat di mana Soen Liep ada tersekap.

Jang laen-laen laloe bikin pendjagahan boeat tjega datengnja pertoeloengan.

Satelah sampe depan pendjara, Soen Sin laki istri laloe menerobos masoek dan dobrak roema boei bocat kaloearin Soen Liep, jang iloe waktoe lagi sedeng memikiri nasibnja. Satelah denger socara riboet-riboet, ia djadi terkedjoet dan laloe bangoen boeat meliat.

,,Hajoe, Koko, sigra kaloear!" kata Soen Sin dengen lakoe amat ripoe. Sedeng Khouw Thaij-so mengamoek kalangkaboet, hingga cipier dan opzichter-opzichter pendjara djadi lari kalangkaboetan

Soen Liep mengarti, bahoewa ia ditoeloeng oleh soedaranja bersama orang-orang gaga dari goenoeng Tenghoensan. Maka sigra djoega ia berlari lari ka roema sendiri dan bikin beres sagala barang-barang berharga, kamoedian koempoelin sakalian familie dan orang-orangnja saroema tangga, hoeat lari ka goenoeng tempatnja Tjo Loen.

Tatkala itoe Jo Giam lagi sedeng tidoer njenjak. Ini pembesar sorenja baroe abis minoem arak, sebab hatinja merasa senang dan tida koeatir, maka ia minoem ada lebi banjak dari sari-sarinja.

Tapi satelah denger soeara riboet-riboet, sigra djoega ia djadi sedar dan laloe pake pakean kabesaran dan topinja poen ditaro di atas kapala dengen tebalik balik, hingga siapa jang liat tentoe djadi tertawa.

Dengen mata jang masi kesap-kesip ia lantas kaloear, dengen maksoed maoe tanja pada Houw Seng, ada terdjadi perkara apatah itoe. Tapi baroe sadja sampe di pelataran, ia liat ada banjak orang jang mamegang api obor dan saorang gaga dateng menghamperi padanja.

,,He, he, siapatah angkaoe........?" tanja itoe pembesar, jang tida sekali bisa kenali pada itoe Oah Giam Lo.

Orang gaga itoc bockan laen dari Siauw-tjhit, jang satelah meliat pakeannja itoe pembesar, ia lantas dapet taoe, bahoewa ia ini tentoe ada Thaij-sioe Jo Giam; maka dengen tida banjak bitjara lagi, Siauw-tjhit laloe angkat gegamannja dan djatoken di atas lehernja itoe Thaijsioe, jang itoe waktoe kapalanja lantas djato dari poendak.

Tjo Loen satulah sampe di itoe tempat dan liat kawannja soeda boenoe Jo Giam, ia lantas masoek ka dalem gedong bersama sakalian rahajat dan rampas barang-barang berharga jang ada dalem kamar.

Dalem roemanja Jo Thaijsioe djadi amat riboet. Orang lelaki dan prampoean, boedak-boedak semoea pada lari toempang sioer. Kerna tida ada orang jang halangi kerdjahannja, maka kawan brandal bisa bekerdja dengen laloewasa dan sabantaran sadja harta bandanja itoe pembesar soeda diangkoet oleh liauwlo-liauwlo. Kerna itoe waktoe soldadoe di dalem kota semoca dibawa oleh Loan Teng-giok, dan jang ada joema tigaratoes di bawah pimpinannja Houw Seng, tapi semoea itoe soeda pada oempetken diri, hingga kawanan dari Tenghoensan djadi tida oesah lakoeken perklaian sangit.

Pendoedoek djadi amat bingoeng, kerna tida taoe brapa banjak rahajat begal jang dateng masoek ka kota Tengtjioe. Tapi beroentoeng orang-orang ketjil poenja barang dan roema tangga tida ada jang diganggoe.

Pada waktoe matahari terbit, Soen Sin dan Khouw Thaij-so soeda beres kaloearken sagala oewang dan ramsoem kapoenjahannja negri, jang dioendjoeki oleh Soen Liep, kamoedian laki istri itoe giring kaloear dengen tida dapet halangan.

Houw Seng djoega soeda ambil bebrapa koeda boeat kawannja, hingga itoe orang-orang gaga jang dateng dengen djalan kaki, poelangnja djadi menoenggang koeda. Sedeng binatang-binatang jang tida ditoenggang, digoenaken boeat menggendong alat sendjata, obat pasang, barang pakean dan sabaginja, dan apa sadja jang bisa diangkoet, tida dikasi tinggal.

Kamoedian marika itoe berangkat poelang dengen girang.

Sampe di sini baeklah moendoer sedikit, jaitoe pada harian waktoe Tjo Loen dan kawan-kawannja toeroen goenoeng pergi ka kota Tengtjioe.

Pada itoe hari di mana lohornja Tjo Loen berangkat, sorenja Loan Teng-giok prenta penjoeloe pergi serep-serepin pada pendoedoek desa di sitoe, boeat dapet taoe keadahanja goenoeng Tenghoen-san jang bener.

Dari katerangan jang didapet, njatalah bener di bagian Salatan-barat ada itoe tempat jang diseboet Tanhongnia, dan di sitoe ada satoe djalanan ketjil jang orang bisa naek ka atas goenoeng dengen tida banjak soesa.

Tjotjok dengen katerangnnja Houw Seng.

Ini katerangan jang paling blakang membikin Loan Teng-giok lebi tida tjoeriga. Maka itoe sore, sasoedanja prenta sakalian soldadoe dahar, ia laloe tinggalken limaratoes soldadoe boeat mendjaga tenda, sedeng jang sariboe lebi dititahken madjoe mienjerang.

Satelah sampe di djalan terseboet, Teng-giok laloe bagi soldadoenja djadi doea rombongan dan prenta jang sabagian masoek dari djalanan kiri dan sabagian poela dari djalanan kanan.

Itoe malem, maski di kota Tengtjioe oedara ada terang dan beriboe bintang ada menaboer langit, tapi di betoclan Tenghoensan oedara kaliatan gelap, lantaran langit tertoetoep dengen awan-awan mendoeng.

Tapi Loan Tong-giok tida perdoeli dengen itoe keadahan, hanja titahken soldadoenja madjoe teroes.

Sasampenja di sebla atas, bener sadja di sitoe tida kailatan satoe rahajat jang mendjaga, maka soldadoe-soldadoenja djadi lebi brani dan lantas naek teroes sambil bersoerak-soerak.

Kerna tida dapet tjegahan, maka sabentaran sadja itoe bebrapa ratoes soldadoe soeda sampe di Tjigiethia. Tapi di sini poen tida kaliatan satoe orang, melihat begitoe baroelah Teng-giok merasa bertjekat.

Koenjoeng-koenjoeng hatinja djadi takoet, waktoe dapet inget: jang itoe kawanan begal tentoe soeda toeroen goenoeng aken pergi ka Tengtjioe; dan kaloe bener sabagimana jang telah didoega, apatah nanti djadinja di itoe kota.

,,Oh, inilah tida boleh gegaba sakali," kata ini Tothongtjie dalem hati: ,, keadahan di kota Tengtjioe ada lebi penting dari pada penjerangan di sini. Kaloe ini semoea begal pada toeroen, akoe koeatir Houw Seng tida sanggoep menangkis."

Sasoedanja berpikir tetep, ia lantas prenta soldadoenja lekas toeroen kombali, kerna berdiam lebi lama di ini tempat kosong, tida bergoena.

Itoe waktoe oedara djadi samingkin gelap.

Tapi baroe sadja iaorang melaloei sedikit djaoe, dari depan kaliatan sarombongan soldadoe, jang djoega dateng dengen bersoerak-soerak. Kerna itoe waktoe amat gelap dan satoe pada laen tida bisa kenalin siapa adanja, masing-masing laloe menjerang dengen seroeh.

Achir-achir, dari soearanja itoe doea rombongan barisan jang lagi serang menjerang, marika dapet kanjatahan, bahoewa iaorang lagi berklai sama

temen sendiri. Maka jang satoe laloe berseroeh-seroeh boeat brentiken penjerangan, tapi jang loe..ka soeda banjak djoega.

Njatalah itoe barisan jang dikatemoeken, ada itoe barisan jang Teng-giok petja boeat mengambil laen djalanan. Tapi, satelah dapet kanjatahan jang doea rombongan itoe ada kawan sendiri. Thongtjie ini laloe rangkep djadi satoe boeat lantas toeroen goenoeng.

Baroe sadja itoe soldadoe-soldadoe sampe di tempat jang menebing, oedjan besar lantas toeroen seperti ditoewang-toewang. Tapi Teng-giok tida oeroengken itoe maksoed, hanja prenta toeroen teroes boeat menoeloeng kota Tengtjioe, jang ia doega tentoe lagi diserang oleh kawanan brandal.

Itoe waktoe djoerang-djoerang jang tadi diliwati telah penoeh dengen aer, hingga banjak soldadoe soeda djadi ketjeboer, sedeng jang tida djato poen pakeannja telah basa katimpa oedjan.

Selang satenga djam barisannja Loan Thongtjie soeda melaloei djalanan Tanhongnia; tapi maksoed boeat balik ka kota Tengtjioe terpaksa moesti dioeroengken, lantaran itoe sariboe doearatoes soldadoe jang tadi diadjak naek ka goenoeng, semoea pakeannja basa dan pada kadinginan sakoedjoer badan.

Lebi tjilaka lagi koetika iaorang ampir sampe di tenda sendiri, itoe limaratoes soldadoe jang Teng-giok tinggalin boeat djaga tangsi dan sakalian mendjaga djoega larinja moesoe jang merat, telah kira: bahoewa itoe soldadoe-soldadoe jang toeroen ada kawanan begal jang melarikan diri. Maka dengen zonder menanja lagi, itoe limaratoes soldadoe laloe menjerang dan lepasken pana sambil bersoerak-soerak.

Oedara masi tinggal galap. Oedjan jang teranter dengen gemoeroenja angin dan geloedoek, masi toeroen menderoe-deroe. Tapi dari soearanja soetakan, membikin itoe doea fihak dapet kenalin, bahoewa ja orang ada kawan sendiri.

Pertempoeran lantas brenti.

Teng-giok kaliatan doeka sekali, lantaran boekan sadja maksoednja tida berhasil, malah pendjagahan di kota Tengtjioe poen dikoeatir ada dalem bahaja jang fida bisa ditoeloeng.

Waktoe oedjan moelai berenti, Teng-giok laloe menedoeh dipinggir rimba boeat meneonggoe datengnja siang.

Itoe satoe malem soldadoe-soldadoe jang ada di bawah pimpinannja merasakan kasoesahan jang amat tidak enak. Banjak antaranja jang soeda djadi menggetget lantaran pakeannja basa dan kadinginan, sedeng penjerangan tida mendatengken hasil jang diharap.

Sigra djoega malem telah liwat, sasoedahnja oleh itoe soldadoe-soldadoe jang bersangsara di rasaken lama sekali.

Waktoe matahari terbit, baro sadja Loan Teng-giok maoe siapken soldadoenja madjoe Tengtjioe, warta petjanja itoe kota telah sampe padanja, hingga membikin ia amat kaget dan lantas djato lantaran lemas.

„Kota Tengtjie soeda petja?” kata ini Thong jhie pada sasoedanja berdiam brapa saat lamanja bagimanatah?, bagimanatah: boleh begitoe gampang petja?—Apa Houw Seng tida mendjaga dengen betoel, atawa brangkali ia tida sanggoep melawan serangannja itoe kawan brandal?”

„Oh, boekan, boekan begitoe,” kata itoe pembawa kabar penjamoen dari Tenghoeasan dateng ka Tengtjioe sasoedahnja hari mendjadi malem, jang sesampenja di loear lantas pasang meriam seperti agak orang jang maoe menjerang.”

Loan Teng-giok mendengen sambil menahan napas.

Itoe pembawa kabar, jang memang ada soldadoe dari Tengtjioe dan tape bagimana keadahan di itoe malem, laloe jeritakan satoe persatoe apa jang ia telah liat dan taoe. Bagimana ime waktoe Houw Seng jang lagi meronda, satelah denger soeara meriam meriam Tantas prenta soldadoenja boeka pintoe kota, dengen kata maoe lawan datengnja moesoe.

Tapi satelah pintoe terpentang, kawanan begal lantas masoek merobosan dan itoe Houwya jang disocrue melindoengken kota, boekannja menjega datengnja brandal, hanja samboet aken diadjak masoek

Demikianlah satu persatu ditjeritakan terang Djoega dikasi taoe, hagimana Thaysioe Jo Giam saroema tangga soeda djadi binasa di tangannja itoe orang-orang gaga dari Tenghoensan.

Soen Sin dan Khouw Thay-so soeda menjerang ka pendjara aken lepasken Soen Liep, kamoedian itoe kawanan brandal angkoet segala ramsoem koeda dan alat sendjata kapoenjaannja negri, aken dibawa poelang ka goenoengnja. Begitoe djoega oewang dan ramsoem, semoea tida katinggalan.

Setelah denger itoe warta, tida bisa dibilang brapa besar kadeekahan, kabingoengan dan kata koetannja Loan Thongtjie itoe, kerna salaen datengnja ka mari tila sanggoep tangkep itoe begal-begal, djoega lantaran laloenja dari Tengtjioe sampe itoe kota djato ka tangan moesoe

Napasnja merasa sesak. la berdiam sakoetika lama dengan tida berkata-kata.

Soldadoe-soldadoenja jang djoega satelah denger ini kabar tida enak, banjak antaranja jang djadi bingoeng dan koerang senang, kerna memikiri marika poenja anak istri dan koelawarga.

Apalah djadinja dengen iaorang poenja iboe bapa dan famili Demikianlah masing-masing menanja pada hati sendiri.

Lantaran itoe djoega, maka itoe seriboe toedjoeratoes soldadoe djadi kaloet, Ada jang kapingin lantas poelang boeat liat roeina tangganja; ada jang menangis dan sabaginja, hingga Teng-giok sendiri tida sanggoep bocat tetepken lagi hatinja itoe sekalian balatentara.

Achir-achir ia kasi prenta bocat brangkat sadja. Itoe barisan jang soeda tida karuean matjem, lantas bersiap menoedjoe ka depan dengan tida teratoer beres.

Baroe sadja melaloei brapa li dan liwati satoe rimba, lantas kadengeran socara meletoesnja meriam. hingga itoc soldadoe-soldadoe djadi kaget dan lantas brenti sabentaran boeat liat siapa itoe jang datang.

Dari sebla depan ada kaliatan saloe rombong barisan. Satoe panglima dengen inamegang gegaman Kongpian lantas madjoe menghamperi pada Loan Teng-giok, jang berdiri di bagian paling depan dari itoe barisan bedjat.

Sasoedanja berhadepan, sigra djoega ia kenali bahoea orang jang daleng itoe ada Soen Liep, ia poenja bekas orang tawanan jang sekarang soeda dapet kamerdikahan kombali lantaran pertoeloenganja kawanan begal dari Tenghoensan.

Teng-giok rasaken daranja djadi meloeap, toba kaloe bisa, tentoe ia lantas tangkep dan tjingtjang badannja itoe moesoe. Dengen tida banjak bitjara lagi ia lantas madjoeken koedanja dan angkat sendjatanja aken menjerang.

Soen Liep djoega laloe madjoeken toengangannja aken menangkis itoe moesoe, hingga dalem sedikit tempo disitoe laloe terbit satoe pertempoeran heibat.

Loan Teng-giok lantaran gemes soeda tida bisa tahan sabar, hanja menjerang teroes dengen maksoed boeat binasaken itoe orang jang sekarang ada berdiri di hadepannja. Kerna lantaran ia maka terbit itoe katjilakahan di kota Tengtjioe.

Tapi Soen Liep djoega, jang ada sampe gaga dan Ternura Peng Oet Tie, masalah maoe mengala. Begitoe liat toembaknja itoe Tethongtjie sampe, ia laloe sampok dengen Kongpian, hingga kadoea roepa gegaman itoe djadi beradoe dengen bersoeara dengen bersoeara keras.

Teng-giok amat goesar liat moesoenja menangkis, hanja laloe mendesak dan menikam poela. Tapi Soen Liep jang memang masi gaga dan tida kadinginan sabagi lawanannja, maski diserang bagimana djoega tinggal segar dan tangkis teroes.

Begitoelah ini doea tandingan berperang sama gaganja.

Brapa djoeroes telah berlaloe. Tapi belon ada jang menang atawa kala.

Salagi pertempoeran dilakoekan amat sengit. Wie Siauw-tjhit jang berdjalan di sebla blakang telah sampe. Bermoela ia tjoema mengawasi sadja, tapi satelah liat kawan sendiri tida bisa oendoerken itoe moesoe, maka hatinja djadi panas dan tida bisa tahan sabar lebi lama. Sigra djoega ia angkat gegamannja boeat bantoe menjerang. Loan Teng-giok bener-bener ada saorang gaga perkasa, kerna maski semalem tida tidoer dan di djalan telah kaoedjanan, toch tenaganja tida mendjadi koerang. Meliat moesoenja begitoe gaga, sedikit poen ia tida merasa djeri.

Ia poeter sendjatanja dan lawan teroes dengen tida moendoer.

Tjoba kaloc itoe waktoe boekannja Siauw-ijhat dan Soen Liep, tentoe lebi siang soeda kateter.

Itoe tiga orang berperang terpoeter-poeter. Jang satoe madjoe dan jang laen moendoer. Kendati bagimana tjepet dan sebet djoega lawanannja, toch ia ada sampe tjeli boeat menangkis dan kasi balesan. Tapi Siauw-tjhit dan Soen Liep djoega boekannja sembarang panglima, maka teutoe sadja tida gampang-gampang diroeboehkan.

Brapa djoeroes telah berlaloc. Sampe achirnja dateng lagi laen-laen orang gaga jang berdjalan di sebla blakang.

Itoe waktoe Tjo Loen poen telah sampe di sitoe.

Satelah liat jang kawannja lagi bertanding. ini kapala dari Tenghoensan laloe madjocken ia poenja sakalian rahajat boeat membantoe.

Itoe liauwlo laloe madjoe dengen bersoerak-soerak, hingga membikin soldadoenja Loan Teng-gi-ok jang memang lagi kabingoengan dan kadinginan, apapocla dari pagi iaorang belon dahar soeatoe apa, djadi tida ada niatan boeat berperang. Waktoe meliat dari fihak moesoe ada mendesak begitoe keras, itoe sekalian soldadoe jang memang soeda tida mempoenjai ketetepan hati, lantas lempar-lemparin marika poenja sendjata jang ada di tangan, dan kamoedian melarikan diri.

Jang laen-lean djoega, satelah liat kawannja begitoe, marika laloe lemparin itoe gegaman dan lantas sipat koeping. Kerna pikir ini semoea boleh menjilakai diri, kaloe tida maoe merat.

Itoe waktec Loan Teng-giok poenja keadahan djadi ada dalem bahaja. Tapi baek djooga Tjo Loen dan kadoea kawannja, jang memang soeda dipesen oleh Houw Seng, djangan binasaken ia poenja goeroe.maski iaorang bertiga menjerang dengen sengit, tapi tida membahajaken djiwanja.

Setelah liat dirinja terkoeroeng, Teng-giok rasa tida goena lawan lebi lama, kerna salaennja ini begal-begal samingkin lama dapet tamba kawan, tapi di fihaknja sendiri boekan sadja fida dapet bantoean, malah soldadoe jang ada pada lari pergi.

Dengen begitoe, manatah ia ada hati boeat bertempoer lebi lama.

Koetika liat Siauw-tjhit dan Soen Liep menjerang dengen tjetjel, sigra djoega ia menerobos dan lariken diri ka satoe djoeroesan, sambil petjoet koedanja sakoeat-koeat.

Katiga moesoenja tida mengedjer, hanja pada brenti aken menoenggoe datengnja kawan-kawan jang laen.

Teng-giok lari teroes dengen rerikoet oleh brapa belas tentara jang satia. Tapi waktoe ia menenggok dan liat moesoenja tida mengendjer, ia poen laloe djalanken sadja toenggangannja dengen pelahan. Hatinja djadi sedi, koetika liat doea riboe soldadoe jang ia pimpin, sekarang tjoema tinggal tida lebi dari doea poeloe orang.

Beroelang-oelang ia menghela napas.

,,Apa sekarang akoe moesti berboeat?" menanja Teng-giok pada hati sendiri ,,ka mana akoe moesti pergi?"

Demikianlah beroelang-oelang ia tanja pada hatinja. Tapi itoe semoea tida dapet djawaban.

Pikirannja djadi amat koesoet.

Sambil djalankan koedanja ia berpikir teroes.

Apa baek balik poela ka kota Tengtjioe? Tapi apatah tida maloe kaloe moesti poelang dengen keadahan begini roesak? Kaloe tida balik ka itoe kota ka manatah moesti poelang? Di laen tempat tida ada familie, tida ada sobat boeat toempangken diri. Kaloe maoe pergi kakota Radja, hati merasa maloe pada Jo Tjian Tetok, jang mendjadi Jo Giam poenja soedara toea. Sebab salaennja Tengtjioe tida bisa dilindoengi, djoega binsasanja Jo Giam saroema tangga, ada membikin hatinja djadi merasa takoet. Demikianlah ia berpikir boelak balik dengen merasa amat soesa.

Lebi djaoe ia pikir kaloe ini semoea kaldakahan maoe diselidiki dengen betoel, haroes dibilang ada kesalahannja, jang soeda begitoe gegaba boeat pertjajaken pada Houw Seng sadjoembia tentara aken djaga itoe kota. Tjoba kaloe ia tida begitoe teledor dan alpa, belon tentoe bisa terbit ini bahaja besar.

Achir-achir ia djadi amat gemes pada Hoaw Seng, jang soeda begitoe brani menipoe padanja.

,,Ah....ah...mengapatah akoe boleh begitoe gampang-gampang sadja pertjaja padanja? kata ia sambil kerteki gigi lantaran gemes.

Ja koetoek dan tjatji itoe moerid tjilaka. Tapi sabaliknja kaloe dipiir lebi djaoe ini semoea ada ia poenja asalahan.

Sekarang doenia dirasaken amat tjoepet. Boeat kasalahan dan kateledorannja itoe, Ja rasa bisa mendapet hoekoeman jang boekan enteng.

Oh, kaloe inget itoe, hatinja djadi takoet.

Itoe waktoe, maski berdjalan , tapi tida kataoean di tempat mana jang ditoedjoe. Hingga djalannja sang koeda poen tida dikendaliken lagi.

Soldadoe-soldadoenja jang berdjalan di sebla blakang, maski sekarang - sasoedanja terbit matahari - tida merasa dingin, tapi sang peroet ada merasa amat lapar, hingga iaorang djadi amat kesel. Teng-giok taoe itoe semoea, tapi apa ia bisa berboeat. Boekan sadja itoe balatentara, hanja peroet sendiri poen kalaparan.

Dalem itoe sapandjang djalan, tida sekali kadengeran soeara orang mengomong, kerna masing-masing lagi kesel dan iboek.

,,Tjoetjiang ka manatah kita orang menoedjoe sekarang?" tanja sala satoe dari itoe soldadoe, waktoe meliat itoe panglima berdjalan sadjalan-djalannja sadja: ,,ini toch boekannja djalanan ka kota Tengtjioe?"

Teng-giok menengok, tapi tida berkata soeatoe apa.

Itoe soldadoe poen tida brani menanjaken apa-apa lagi, hanja mengikoet sadja dari blakang.

Achir-achir iaorang telah sampe di satoe rimba.

Kerna soeda merasa tjape, maka Teng-giok laloe silaken soldadoenja brenti doeloe boeat mengaso. Prema ini ditoeroet dan masing-masing laloe menedoeh di bawahnja satoe poehoen.

Ini Thotongtjie tida bisa berboeat laen dari pada mengelah napas pandjang pendek, memikiri dirinja jang tjilaka.

,,Soenggoe akoe belon pernah menampak nasib jang begini sial," kata ia sendiri-diri, sambil toendoeki kapala.

Sedeng itoe panglima teroeroek oleh kadoekahan jang menindi hatinja, itoe bebrapa belas soldadoe poen tidak brentinja bisik-bisik, sataoe apa jang diomongi. Tapi bisa didoega, jang marika djoega tida koerang keselnja seperti itoe Tjoetjiang, jang tida taoe bagaimana moesti berboeat.