Pembalesannja Kawanan Liangsan/Djilid ka-satoe/Bab 5
V.
Lantaran pengadoeannja Giok-go, Touw
Hin dipindaken kerdjanja.—Soeatoe
hari Kwa-eng pergoki istrinja
di kamar salagi bertjintahan.
Sadari terdjadi itoe pergoeletan loear biasa di atas randjang, dalem hari-hari jang berikoet itoe doea orang tida berbalasa lagi satjara familie, hanja satoe pada laen memanggil seperti marika poenja katjintahan sadja.
Pek-hoa rasaken dirinja sekarang benar-benar ada di dalam sorga. Sedang Giok-go jang sadari menikah belon pernah rasaken plesiran jang begitoe senang dan sedap, djadi tjinta betoel pada itoe lelaki kaparat, hingga rawatan jang dibriken poen ada melebiken dari pada soeami sendiri.
Itoe waktoe keadahannja Pek-hoa soeda tida bedah sabagi di roema sendiri. Satiap hari siang atawa malem, ia doedoek dan makan minoem bersama-sama itoe prampoean doerdjana. Begitoe poen pada waktoenja tidoer, boekan lagi ia masoek ka kamar sendiri, hanja masoek di kamarnja Lie Kwa--eng
Dalem tempo tiga atawa ampat hari, semoea boedjang soeda dapet taoe atas perboeatan itoe njonja madjikan. Tapi apatah marika bisa berboeat, kerna itoe boedjang-boedjang toeh tida brani boeat melarang.
Boeat Touw Hin poen ini perkara boekanuja rasia.
Maski lebi doeloe dari ini. Touw Hin soeda doega apa jang nanti terdjadi dengen istrinja Lie Kwaeng, toch ia moesti djadi gojang kapala, waktoe dapet taoe, jang satiap hari itoe doea orang moeda brani doedoek makan minoem dan betjanda, atawa masoek ka kamar bersama-sama dengen tida perdoeli di matanja boedjang.
„Hai, benar-benar orang tida poenja maloe,” kata Touw Hin sambil mengelah napas dan gojang kapala: „soenggoe akoe tida doega. Kaloe itoe lelaki jang roepanja tjakep dan tingkanja sopan santoen, ada itoe kaparat jang amat brani ?. ja, brani benar-benar!.............Betoel bermoela akoe soeda doega, jang marika lambat-laoen bakal bikin perhoehoengan rasia. Dan doegahan ini poen sekarang telah berboekti, sabelonnja liwat satoe minggoe. Tapi boeat doega sampe marika brani berterang-terang masock ka dalem kamar, soeng goe orang tida njana.”
Demikianlah orang gaga ini berkata-kata sendirinja.
Lebi djaoe ia inget djoega begimana Lie Kwaeng poenja pesenan, boeat djaga dan toeloeng liatLiat ia puenja roema tangga, salamanja pembesar itoe tida ada di sini.
Liat-liat si boleh, tapi boeat djaga, bagimana? Siapatah bisa tjega kaloe itoe istri doerdjana maoe lakoeken perboeatan terkoetoek, tjemarken nama dan berserong dari mata soeaminja?
Samingkin inget Touw Hin djadi mendongkol dan merasa gemas djoega pada Pek-hoa, jang soeda begitoe koerang adjar dan tida poenja maloe.
Tapi kaloe dipikir lebi djave, Touw Hin rasa bockanlah itoe orang moeda jang haroes disalaken sendiri, kerna ia poen soeda tave bagimana Giok- go sabagi istri moeda ada terlaloe aoes sama kaplesiran. Maka pertama-tama jang haroes disalaken adalah Lie Kwa-eng djoega, kerna pembesar itoe tida taoe diri, toea-toea poen masi sadja mave tjari istri jang moeda, ellok dan tjantik. Bocat satoe istri jang dalem ocsia begitoe ngorah, kendati dikasi tjoekoep pakean dan makanan sadia, sa gala apa ada jang lajanin dan tinggal di gedong bagnes, tentoe belon merasa poewas, kaloe dapet soeami jang kolot bangkotaa.
Namanja djoega si toea. Orang toea itoe ko lot, rasanja terlaloe alot, dan plesirannja poen paling bisa, aneggerogot......... Mana bisa toe- roet si moeda, jang gaga, kocat, kentjang dan maher!
Begitoelah Touw Hin berpikir boelak-balik. Achir-achir ia rasa tida ada laen djalan jang lebi baek, dari pada kasi taoe sadja dengen aloes dan pelahan, kalee Lie Kwa-eng soeda balik dari San-se. Boeat sekarang, maoe atawa tida ia moesti berdiam sadja.
Touw Hin maoe kasi tape itoe perkara djina, boekan dari lantaran dengki atawa ngiri, hanja ia maoe tjega perkara-perkara djelek jang nanti menimpa atas dirinja itoe pembesar toea jang baek. Kerna ia poen inget betoel Kwa-eng poenja kasajangan, jang tjobalah kaloe dirinja ada di bawahnja laen pembesar, belon tentoe ia tida terseksa atawa dikasi pakerdjahan berat sabagimana laen- laen orang hoekoeman.
Sahabisnia berpikir kombali ia mengelah napas.
Hari-hari telah berlaloe. . . . . . . . . .
Sekarang Giok-go djadi tida begitoe soeka lagi pada Touw Hin, maski pada brapa minggoe jang laloe ia gilain dan ada merasa birahi.
Kaloe sedikit sadja ada kasalahan apa-apa, orang gaga itoe lantas ditjomeli dan dikatain. Tapi Touw Hin tinggal diam dan sakali poen belon pernah saoeti. Hal ini boekan lantaran ia takoet, hanja ia paudang njonja doerdjana itoe poenja soeami.
Tapi dengen kakewatannja itoe, achir-achir Giok-go sendiri djadi merasa koeatir kaloe perhoeboenganja ini nanti Touw Hin kasi taoe pada la poenja soeami. Dan ini kakoeatiran membikin ia berdami pada kekasihnja, dengen djalan bagimana bocat toetoep moeloetaja Itoe orang gaga, soepaja marika poenja kasenangan di blakang hari tida djadi terganggoe atawa roesak.
Sasoenggoenja boeal laen perkara akoe tida begitoe dipertiaja oleh socamikoe," demikianlah Giok-go moelai berkata: kaloe kamocdian ia kasi taoe pada si kolot atas kita poenja perfoeboengan, tentoe kita berdosa tila bisa begitoe laloewasa lagi seperti sekarang."
Tapi masalah Touw Hin begitoe iseng moeloet ?" djawab Pek-hoa sambil bersenjoem.
,,Eh ?, boleh taoe sí, kaloe ia sakit hati."
Sakit hati kanapa?"
,,Sebab seringkali akoe tjomeli dan kataken.
Dan maski betoel saban kali akoe maki la tinggal diam, tapi halinja teafoe mendongkol dan boleh djadi djoega ia niat membales. Sebab orang jang pendiam akoe lebi salempang, dari pada jang soeka sasoembar."
,,Kaloe begitoe kaoe soeka maki padanja?" kata itoe kekasih, jang sekarang merasa koealir: ,,ah, inilah sala sekali; sabenemja kaoe moesti baek-haeki padanja, soepaja ia bisa toetoep moeloet."
Tapi sekarang, sasoeda katelandjoeran begitoe, apa-holeh-boeat, terpaksa kita moesti pitenah itoe orang," kata poela ia: soepaja kita poenja perhoeboengan djangan sampe terganggoe, dan inilah akoe nanti pikiri." Sahabisnja kata begitoe, Pek-hoa loendoeki kapala.
Liwat saperampat djam ia deketi moeloetnja ka koepingnja itoe katjintahan dan bisiki bebrapa perkatahan jang laen orang tida bisa denger. Giok-go satelah deager begitoe, djadi amat girang dan berkata:
Ja, itoe bagoes - Soenggoe kau ini ada satoe anak nakal jang tjerdik, kakasihkoe, hihihihi..........
,,Itoe pengadoean kaoe moesti madjoeken sabegitoe lekas si kolot poelang, kaoe mengarti ? kata Pek-hoa sambil bersenjoem: „tegesnja akoe maoe bilang: sabelcanja didoefoeken oleh Touw Hin."
Ja, akoe mengarti," saoet Giok-go sambil mameloek.
Ah, lakoenja ini prampcean doerdjana soenggoe ada mendjemoeken sekali. Orang tida nanti bisa doega, kaloe istrinja Lie Kwa-eng jang begitoe tjantik dan eilok, jang doeloean ada kaliatan begitoe alim das soetji, sekarang bisa berlakoe melebihken dari prampoean djalan.
Touw Hin jang ada di pondoknja, tida taoe kaloe dirinja bakal terpitenah, maka sabegitoe lama ia tinggal sabar sadja atas perbocatanaja itoe doea manoesia jang tramempoenjai kasoetjian. Tjoba kaloe ia taoe jang kekasihnja Giok-go soeua adjari tipoe boeat si njonja mengadoe pada ia poenja soeami, tentoelah ini orang gaga jang sabar tida nanti bisa talian lagi amaranja.
Dalem itoe hari-hari jang berikoet tida ada kadjadian apa-apa jang penting bocat ditoetoerken, salaen dari pada perboeataanja itoe doea orang jang berdjina. Maka dengen ringkes sekarang kita berlompat sedikit hari, jaitoe sampe di bagian dimana Lie Kwa-eng selesih mengoeroes kawadjibannja.
Sigra djoega itoe pembesar toea balik dari Sansee.
Koetika sampe di roema sendiri, boekan patoet hatinja poenja girang. Touw Hin dateng menjamboet dan hawaken barang-barangnja ka dalem gedong, sembari bri lace pada itoe Naynay, jang soeaminja telah poelang.
Giok-go jang baroe kaloear dari kamar, djadi secilait bragoeng satelah denger itoe kabar. Maka boeroe-boeroe ia masoek kombali ka kamarja aken membri tage pada Pang Pek-hoa, atas kada tengannja Lie Kwa-eng.
Itoe tjoetjoe doerhaka jang lagi mengaso di atas randjang, sahabisnja melakoeken plesiran di waktoe siang hari, djadi kaget dan lantas berlompat toeroen sambil sembat satoe tjelana jang disampiri. Kamoedian balik ka kamar sendiri aken berpake-pake, bocat samboet datenguja itoe Lopchoe.
Lie Kwa-eng jang satelah liat sang istri bersama-sama tjoetjoenja dateng menjamboet, djadi girang dan socka hati. Lebi noela meliat paraspia sang istri ada begitoe tjantik dan berseri-seri, jang lebi doeloe dari ini djarang taoe tertampak di matanja, boekan patoet podija senang.
Memang doeloe Giok-go djarang kaliatan bergirang, malah boleh dibilang salaloe berdocka, lantaran memikiri nasibnja sahari-hari, hingga parasnja jang tjantik dan manis, tida kaliatan begitoe terang. --Tapi dalem waktoe jang blakangan, sasoedanja bikin perhocboengan pada Pang Pekhoa, boleh bilang dapetlah maksoednja hati, hingga roepanja jang tjantik djadi kaliatan lebi maher.
Sasoedanja berada berada dalem gedong, itoe istri doerdjana laloe prenta boedjarg sadiaken makanan boeat membri slamat dateng, tapi si toea jang berhati djoedjocr mida taoe kaloe itoe semoea tjoema ada poera-poera sadja.
Demikianlab sorenja dari itoe hari, dalem gedoengnja Lie Kwa-eng ada dirajahken pesta perdjamoean oleh itoe tiga orang. Giok-go berlakoe manis-inamis begini, ada menoeroet ia poenja kekasih.
Marika itoe laloe makan minoem dengen sagala soeka hati. Sampe malem baroelah perdjamoean itoe ditoetoep, dan Giok-go laloe anterkes soeaminja ka kamar.
Itee waktoe Lie Kwa-eng jang soeda poesing-poesing later djadi amat birahi pada sang istri, maka ia laloe adjak tidoer hoeat senangken hati. Tami ini hii i da maminaaniai inc nia. tan, toeroet itoe, tapi tida lantas toeroet apa jang orang hendak perlakoeken atas dirinja.
Moekanja ia tarik begitoe roepa, seperti orang jang koerang senang. Hingga Lie Kwa-eng jang meliat djadi heran dan berkata:
,,He, kaoe mengapatah? Maka mendadak-dadak roepamoe djadi seperti orang berdocka? Apa kaoe tida senang temeni akoe ?
,,Oh, moestail amat!" savetnja si eilok sembari soesoet mata jang tida aeraja; moestail akoe tida senang temeni sezami sendiri jang tertjita. Malah akoe haroes mengoetjap soekoer jang kaoe lekas poelang."
Wadoel!...... toe perkatahan,,sceami sendiri jang tertjinta", jang terdenger di koeping ada meresep betoel ka dalem hati. Kwa-eng jang soeda birahi djadi amat girang, senang dan sataoe apa lagi. Kaloe itoe waktoe celmaoct minta tjaboet ia poenja njawa boeat samboeng djiwanja sang Istri, brangkali ia tida menoelak. Dalem itoe saat katjintaännja pada Giok-go djadi bertamba lipat-lipat, hingga sagala apa jang di-ingin oleh itoe istri, tentoe tida ditolak lagi.
,,Nah sekarang akoe soeda poelang istrikoe jang manis", kata Kwa-eng dengen lakoe genit-genitan, sambil mamegang tangannja itoe istri: ,,tapi mengapa roepamoe djadi seperti orang berdoeka?"
,,Sebab kaoe terlaloe pertjaja pada itoe orang!" membentak Gig sambil emposken tangannja si kolet jang menowal-nowel: akoe benti itoe orang!
,,Siapa ? tanja Kwa-eng dengen terkedjoet.
,,Masa siapa lagi, salaon dari itoe boedak Touw Hin, orang hoekoeman jang amat hina dan renda, jang tadi membawaken barang-barangmoe ka dalom dan jang oleh kaoe ada begitoe dipertjaja seperti boedak jang satia.
,,Touw. Hin ?........... het, ia mengapakah ??"
,,la ada terlaloe koerang adjar!" Lie Kwa-eng menjelangap. Dan dengen moeloet melompong ia mengawasi pada sang istri.
Soenggoe aloe tida taoe, Touw Hin itoe kenapatah, istrikoe ? menanja ia sasoedanja selang sedikit saät.
Bilanglah!, bilanglah!, apa ia poenja kasalahan ? kata poola ia.
Si istri masi bersengoet.
,,Dia itoe koerang adjar sekali," kata Giok go sasoedanja berdiam sakoetika lama: waktoe kao tida ada di roema, ia soeda brani omong-omong jang tida karoean, bocat tjoba-tjoba pikal akoe poenja hati.......
,,Ah. masa! ?" kata si kolot jang memoetoesken orang poenja biljara.
Masa? Heu!............ "kata si njonja dengen tarik moeka lebi soenggoc: tapi dengerlah apa jang akoe nanti tjerita."
,,Ja, tjeritalah. Akoe mendengeri," kata Kwa-eng dengen hati berdebar Giok-go laloe atoer itoe tjeri'a sabagimana jang Pek-hoa telah adjari. la kata Touw Hin soeda brani kaloearken omongan gila-gila, dengen maksoed boeat tarik dirinja ka perdjalanan tersesat. Satoe kali itoe orang hoekoeman jang soeda dibri banjak kamerdikahan brani djoega pegang tangannja. Tegesnja Touw Hin itoe soeda berlakoe amat joriwis dan njelongtjong.
Itoe tjerita, maski Lie Kwa-eng sangsi kabenerannja, kerna ia toch soeda meliat bagimana Touw Hin poenja kadjoedoeran dan kalakoean jang sopaa, tapi lantaran kalakoeannja sang istri ada seperti sasoenggoenja, hingga djadi pertjaja djoega.
Parasnja si kolor djadi kaliatan seperti orang goesar. Sambil bergerak ia berkata:
„Ai. . . . . . . . . . ai!. . . . . . . . . . soenggoe akoe tida kira kaloe itoe gladak ada poenja pikiran jang begitoe djoemawa!. . . . . . . . . .”
„Tapi, toenggoe doeloe,” kata Giok-go jang poetoesi bitjaranja itoe soeami. Sekarang hatinja ini prampocan doerdjana jadi girang, waktoe dapet kanjatahan jang si toea itoe telah moelai moerka. Maka ia rasa djalannja perkara tentoe djadi lebi bagoes, kaloe ia gosok teroes.
„Tadi poen.” kata poela ia, waktoe ia masoek ka dalem membawa barang-barangmoe, ia soeda brani tjengar-ijengir dan oetjapken hebrapa perkatahan jang akoe tida begitoe denger. Itoe omongan pelahan tentoe boekan laen dari pada perkatahan jang tida sancenoeh, jang memang biasa kalocar dari moelocinja jang kotor.”
Mendenger itoe perkarahan jang paling blakang, pelahan-pelahan itoe kapertjajahan jang soeda moelai ada di hatinja Lie Kwa-eng. jadi linjap kombali. Kerna ini pembesar poen memang ada berpikiran terang. Ia tida pertjaja kaloe Touw Hin bisa kata begitoe, kerna sabegitoe djaoe jang telah liat dan menjaksiken itoe orang gaga haroes dibilang saorang jang berboedi dan berperang aloes.
„Apa tida boleh djadi jang dalem ini peagadoean ada menjelip satoo atawa laen sehab, jang membikin istrikoc djadi bentji pada Teuw Hi?” pikir Lie Kwa-eng dalem hati. Tapi, sedeng di hati ada kata begitoe, toch boeat bikin sang istri djadi pertjaja jang pengadocannja ada ditanggap, si kolot laloe mengoctock pada itoe orang hoekoeman dan kata: ia nanti kasi hadjaran.
Giok-go rasa sabegitoe soeda tjoekoep boeat bakar hatinja si toea, maka sampe di sitoe pengadoeannja berachir daa itoe malem ia toengkoeli kahendak soeaminja.
Sahabisnja bersenang-senang, sampe diaoe maleni Kwa-eng masi belon dapet poeles, kerna hatinja memikiri teroes ana jang dibilang oleh istrinja baroesan. Dalem hatinja lantas terbit roepa-roepa doegahan. Kerna di waktoe moeda ia sering batja boekoe-boekoe tjerita, dan soeda taoe keadahannja satoe prampoean itoe dan menjintaken iparnja, tapi kaloe itoe katjintahan tida dibales, si istri lantas mengadoe pada soeaminja dengen bilang jang iparnja soekain padanja dan laen-laen, maka pengadoeannja Giok-go jang tadi poen, ia tarik djoega ka itoe djoeroesan.
Sigra djoega ia telah dapet satoe pikiran boeat selidiki ini perkara.
Esoknja pagi, sahabisnja santap ia laloe berpake-pake, dan pada istrinja ia kata maoe pergi koendjoengi sala satoe sobat. Kamoedian ia kaloear dengen mengadjak Touw Hin.
Ini orang gaga sadari kamaren poen telah pikir boeat kasi taoe itoe perkara boesoek pada Lie Kwa-eng. Tapi menginget jang ini pembesar djoestroe baroe poelang, maka ia tida maoe lantas tjeritaken apa-apa, sebab dengen begitoe Kwa-eng boleh djadi bertjoeriga dan kira ia bersakit hati pada Pang Pek-hoa atawa pada itoe Naynay. Tapi itoe hari kabetoelan sekali, kerna sabelonnja, ia memboeka moeloet, Kwa-eng sendiri jang membri lantaran boeat ia bertjerita begitoe.
Begitoelah ketika di tenga djalanan jang sepi, Kwa-eng laloe bikin pertanjahan-pertanjahan, jang bermoela dengen oeroesan boedjang-hoe djang, katanja: bagimana dalem itoe sakean waktoe salagi ia tida ada di roema, apa semoea boedjang bekerdja baek.
„Oh, semoea ada bekerdja baek itoelah Loya boesa koeatir” djawab Touw Hin.
„Dan oeroesan dalem roema tanggakoe djoega ?”
„Tjoema dalem ini oeroesan ada sedikit tida enak.”
„Bagimana begitoe ?”
„Sebab ini oeroesan sering-sering menerbitken rasa mendongkol dalem akoe poenja hati.”
„He!. . . . . . . . . .”
„Inilah akoe bilang dengen sabenernja, Loya.”
„Tjobalah tjerita, Touw Hin. Akoe tida mengarti dengen kaoe poenja bitjara jang begitoe tida terang.
Di sitoe Touw Hin laloe tjeritaken, bagimana ia amat tida senang meliat Giok-go poenja kalakoean merawat Pang Pek-hoa sampe begitoe baek dan manis, jang melebihken dari wates orang menghormat familie.
„Kaoe tentoe soeda kenal baek dengen akoe poenja adat, boekan, Loya ?” kata Touw Hin jang brentiken bitjaranja sampe di sitoe: sagala perkara akoe bitjara teroes terang dan tida bisa semboeniken apa jang sabetoelnja; maka lebi doeloe akoe harep kaoe tida djadi goesar kaloe soeda denger akoe poenja penoetoeran. Dan teroetama kaoe haroes bisa tahan sabar.”
„Itoelah akoe berdjandji padamoe, Touw Hin,” saoetnja sambil memanggoet.
Touw Hin tjerita lebi djaoe. Bagimana sadari Kwa-eng berangkat ka Sansee, ampir satiap hari Giok-go bikin perdjamoean boeat oendang Pang Kongtjoe makan minoem, dan doedoek pasang omong sambil tertawa-tertawa, sabagi lakoenja orang bersoeami istri. Hal ini tida terlaloe mendjengkeli hatinja, kaloe sadja itoe perboeatan dilakoeken tida di hadepannja sakalian boedjang dan boedak-boedak. Tapi Giok-go amat brani dan tida perdoeli sagala orang, kaloe ia lagi bitjara teroes sadja, seperti djoega itoe perboeatan tjoerang ada dengen perkenannja ia poenja soeami.
Lebi djaoe ia kata: satoe kali ia dengen Pek-hoa antjem padanja, kaloe dalem ini hal ia brani banjak moeloet, dengen salembar kertas jang tertoelis tjoekoep membikin dirinja djadi binasa.
„Oh, kaloe itoe waktoe akoe tida inget, jang itoe Kongtjoe kaparat ada kaoe poenja tjoetjoe, tentoe lebi siang akoe telah bekoek batang lehernja,” kata Touw Hin dengen lakoe gergetan: „troesa sampe ia mengantjem, hanja itoe perboeatan tida patoet, jang ia oendjoek satiap hari, soeda tjoekoep membikin akoe djadi goesar. — Tapi, Loya, kerna menginget jang dalem ini perkara ada bergantoeng djoega kaoe poenja nama baek dan kahormatan, maka akoe terpaksa boetaken mata dan toeliken koeping, hingga sakean lama tinggal bersabar sadja.”
„Trima kasi, Touw Hin, atas kaoe poenja kasatiahan,” kata Lie Kwa-eng, jang pertjaja betoel atas bitjaranja itoe orang gaga.
„Tida perloe kaoe mengoetjap itoe, Loya,” kata Touw Hin: „kaoe poenja boedi ada terlaloe besar. maka panteslah akoe membela dengen sagenapnja hati. Kaloe perloe, maski moesti korbanken djiwa sekali poen akoe tida nanti merasa sajang. — Maka itoe perkatahan trima kasi djanganlah kaoe oetjapken lagi, malah akoe sendiri ada morasa amat bertnima kasi atas kaoe poenja kebaekan, tapi akoe tida oetjapken itoe, Hanja rasa penerima di hati ada lebi besar harganja dari pada jang tjoema kaloear dari bibir, boekan begitoe ?”
„Bener, Touw Hin.”
„Maka berdjandjilah jang maski apa djoega akoe bekerdja boeat kaoe, itoe perkatahan tida dioetjapken lagi.”
„Ja, akoe berdjandji itoe.”
Demikianlah achirnja itoe pembitjarahan. Tapi perdjalanan diteroesken ka roemanja itoe sobat.
Pertemoean itoe tida ada apa-apa jang penting boeat ditoetoerken, katjoeali pertanjahan-pertajahan tentang pakerdjahan jang ini pembesar lakoeken di Sansee, dan sasoedanja itoe, sorenja Kwa-eng poelang kombali.
Doea-tiga hari lagi telah berlaloe.
Giok-ko jang sadari mengadoe begitoe pada soeaminja, salaloe ada pasang mata sadja. Dan sasoedanja itoe bebrapa hari berlaloe, ia liat Touw Hin masi tinggal sabagimana biasa, hatinja djadi merasa koeatir, kaloe-kaloe perboeatannja nanti kataoean. Kerna sekarang poen ternjata, jang pengadoeannja itoe tida mempan. „Apa bener-bener si toea tida perhatiken akoe poenja gosokan ?” menanja ini istri doerdjana pada hati sendiri, „oh, kaloe bener ia tida maoe pertjaja, dan kamoedian bebalik Touw Hin jang mengadoe, tjilakalah dirikoe ini.”
Kamoedian itoe satoe hari, waktoe Kwa-engpergi ka kantoor, Giok-go laloe bordami lagi pada kekasihnja. la tjeritaken satoe persatoe, bahoewa pengadoean jang pertama roepanja tida tjoekoep membakar si kolot.
„Sekarang bagimana kaoe poenja pikiran?” tanja Giok-go kamoedian.
„Kaloe begiloe, kaoe moesti, oelangken lagi itoe pengadoean, sampe ia diadi pertjaja betoel-betoel, djawab Pek-hoa.
„Tapi si toea ada terlaloe sajang sama itoe orang tjilaka ?”
„Tida perdoeli. Kaoe moesti mengadoe begini.”
Sahabisnja kata begitoe, ia adjari lagi bagimana itoe katjintahan moesti bilang. Giok-go toeroet itoe dan berlaloe ka kamarnja sendiri.
Serenja waktee Lie Kwa-eng poelang, Giok-go lantas moelai tanjaken bagimana itoe soeami soeda berboeat pada Touw Hin.
„Apa kace soeda berboeat sama itoe orang tjilaka jaag koerang adjar ?” tanja ia.
„Tapi, soedahlah, istrikoe,” saoet si toea: „dan taro bener ia berkata-kata begitoe matjem, harep itoe kasaan soeka ampoeni sadia.” „Apa, ampoeni ? ampoeni itoe orang terkoetoek jang soeda berlakoe koerang adjar ?” kata si njonja dengen belaga moerka: „oh,. . . . . . . . . . oh,. . . . . . . . . .njatalah kaoe ini ada terlaloe lembek. Kaoe . . . . . . . . . .ja, kaoe jang ada djadi satoe pembesar di ini kota dan ada mempoenjai kakoeasahan tjoekoep, bisa tinggal diam istrimoe diperlakoeken begitoe roepa oleh orang jang begitoe matjem! Ah, bener-bener akoe tida mengarti!”
„Tapi itoe perboeatan toch tida menjemarken kahormatanmoe, boekan? —Sebab ia toch tida lakoeken itoe kerdjahan jang boesoek.”
„Apa ? Oh, djadi kaoe baroe maoe menghoekoem kaloe ia soeda roesaki akoe poenja kahormatan ? —Begitoe. . . . . . . . . . begitoe kaoe poenja maoe?”
Lie Kwa-eng tida menjaoet, hatinja djadi serba soesa. Sebab apa jang Touw Hin bilang padanja, ia pertjaja itoelah ada omongan jang bener. Tapi sekarang sang istri mendesak begitoe roepa dengen lakoe mara-mara, seperti sasoenggoenja Touw Hin soeda oendjoek itoe perboeatan hina.
„Kaoe toch ada mempoenjai kakoeasahan boeat hoekoem padanja, boekan ?” kata poela Giok-go, waktoe liat soeaminja berdiam sadja: „mengapa kaoe tida maoe goenaken itoe kakoeasahan jang ada di tanganmoe ?”
„Bener akoe ada berkoeasa boeat sagala hoekoeman, tapi jang pantes dan jang soeda terboekti orang poenja sala.” saoetnja si kolot dengen sadjoedjoerannja hati: „tapi Touw Hin poenja kasalahan, tida terboekti terang, boekan?”
Giok-go lantas mara-mara dan kaloearken lagi bebrapa perkatahan jang koerang terang, kamoedian masoek ka dalem kamar.
Meliat begitoe, Lie Kwa-eng djadi berkoeatir.
Malemnja dari itoe hari, ia berpikir kombali, tjara bagimana ia haroes berlakoe.
Ia taoe jang Touw Hin itoe berhati baek. Dari kalakoean dan gerak-gerakannja ada ternjata, orang gaga itoe berhati djoedjoer, dan kaloe istrinja mengadoe begitoe, itoelah sakedar boeat mempitenah.
la tida maoe menghoekoem orang jang zonder dosa. Tapi boeat senangken hatinja itoe njonja eilok, terpaksa ia moesti toeroet djoega. Tapi hatinja tetep tida maoe djatoken hoekoeman berat.
„Lebi baek akoe pindahken sadja Touw Hin itoe ka lean tempat, jang djaoe dari matanja istrikoe,” kata si toea sendiri-sendiri. „sebab kaloe ia masi ada di sini dengen tida mendapet hoekoeman, tentoe akoe poenja istri boleh djadi goesar.Dan kaloe ia soeda mara, wah, tjadelah akoe ini. Tentoe ia tida maoe kasi lagi ako pauwhi.”
Begitoelah pada esokannja, waktoe doedoek di kantoor Kwa-eng laloe panggil Touw Hin dateng mengadep.
Touw Hin dateng menghamperi dan tanja, apa jang itoe pembesar maoe prenta padanja.
„Akoe maoe kasi taoe padamoe satoe oeroesan,“ kata Kwa-eng.
„Bilanglah, Loya, akoe nanti lakoeken itoe dengen senang hati,“ saoet Touw Hin.
„Boeat kabaekanmoe sendiri, Touw Hin, akoe maoe pindaken kaoe ka laen tempat,“ kata Lie Kwa-eng: „maka akoe harep kaoe tida membanta. Boekan kata akoe tida soeka kaoe berada di sini, hanja ini kapindahan, dengen teroes terang akoe kasi taoe, kerna istrikoe kaliatannja bentji sekali padamoe, lantaran itoe perboeatan jang kaoe dapet taoe.“
„Oh, oh, begitoe kiranja?“ kata Touw Hin dalem hati, dan dengen ini katerangan jang Kwa-eng tjeritaken teroes terang, ia djadi dapet taoe djoega bagimana besar kapertjajahannja ini pembesar atas dirinja.
Kamoedian ia berkata:
„Sasoenggoenja akoe haroes merasa soekoer atas Loya poenja katjimahan pada dirikoe. Tapi bolehkah akoe dapat taoe, ka tempat mana Loya aken pindaken akoe ini?“
„Ka loear dari kota di bagian sebla Barat,“ saoet Kwa-eng: „di sitoe ada satoe lapangan loewas jang toemboe banjak roempoet, dan jang oleh negri ada digoenaken sabagi tempat pengliharaan heiwan.“
„Djadi akoe bakal tinggal di sana?“
„Ja, boeat samantara waktoe akoe inaoe kaoe tinggal doeloe di sana. Kaoe moesti oeroes itoe lapangan boeat djadi tempat pengangonan koeda kapoenjahannja negri. — Kaoe mengarti?“
Mengarti betoel.“
„Nah, begitoelah, Touw Hin jang baek.“
„Tjoema sadja..............“
„Kenapa?“
„Dengan berlaloenja akoe dari sini, Loya poenja diri tida ada jang toenggoe. Dan akoe harep kaloe akoe soeda berangkat kaoe djaga diri baek-baek, Loya, dan ambillah satoe orang jang djoedjoer boeat djadi pegantinja akoe.“
„Akoe nanti perhatiken kaoe poenja pesenan, Tonw Hin,“ kata Kwa-eng dengen hati merasa piloe, kerna dari itoe pesenan-pesenan jang Touw Hin oetjapken baroesan poen djadi ternjara, bagi mana itoe orang gaga poen ada tjinta padanja.
Itoe hari djoega Touw Hin laloe betoelken ia poenja barang-barang, kamoedian sasoedanja membri slamat tinggal pada itoe pembesar toea, ia lantas berangkat ka tempat jang dioendjoek boeat djadi kadiamannja.
Maski Kwa-eng sendiri merasa tida enak berpisa dari itoe orang gaga jang djadi kapertjajahannja, toeh ia tida bisa berboeat laen aken goena menjenangkan hatinja sang istri jang moeda. Begitoelah sasoedanja Touw Hin berangkat, si toea laloe poelang dan tjeritaken pada Giok-go, bahoewa itoe persakitan soeda dipindaken kaloear kota.
Giok-go merasa senang djoega mendenger kapindahannja itoe orang gaga jang ia sanget koeatirken. Tapi kendati begitoe, toeh ia berkata djoega:
„Boekantah ada lebi baek kaloe kaoe kasi hoekoeman jang lebi berat, soepaja lebi lekas ia bisa mampoes?“
„Halal, boeat apatah?“ kata Kwa-eng sambil tertawa-tertawa: „ia toeh tida sala sabrapa besar; dengan itoe kapindahan toeh soeda tjoekoep boeat ia menanggoeng sangsara, sebab disana ia moesti mendjaga koeda dan lakoeken laen-laen pakerdjahan jang lebi berat dari di sini.“
Giok-go jang kira bener di sana Touw Hin bakal lebi sangsara, sabagimana soeaminja telah bilang, djadi merasa senang djoega. Dan moelai dari sawates itoe hari, ia tida pernah bitjaraken lagi halnja itoe orang.
Begitoelah sekarnag dengen tida merasa koeatiw soeatoe apa, saban siang kaloe Lie Kwa-eng soeda berlaloe dari roema, ia tinggal di kamar bersama-sama Pek-hoa, dan sasoeda hari mendjadi sore deket si toea poelang, baroe itoe djahanam balik ka kamarnja sendiri, soepaja tida sampe kapergokan.
Pada soeatoe hari, waktoe tida ada pakerdjahan apa-apa, Lie Kwa-eng inget itoe perkatahan-perkatahan jang Touw Hin bilangi di djalanan, maka hatinja lantas dapet satoe pikiran boeat soeroe Pang Pek-hoa poelang sadja ka kota Radja.
„Maski perboeatan jang dilakoeken oleh istrikoe, akoe belon menjaksiken sendiri,“ kata Kwa-eng dalem hati: „toeh akoe maoe pertjaja kabenerannja Touw Hin poenja pengadoean, sebab dari kalakoeannja pada Pek-hoa ada kaliatan laen sekali dari biasanja.“
„Tapi hal ini akoe tida boleh riboet-riboet,“ kata poela ia: „kerna dengen begitoe, akoe sendiri boleh mendapet maloe. Hanja ada lebi baek kaloe akoe berlakoe dengan aloes dari soeroe ia poelang sadja.“
Sasoedanja tetep itoe pikiran, pada waktoe orang doedoek santap tengahari, dimana ada toeroet djoega Giok-go bersama-sama Pek-hoa, si kolot laloe berkata sambil tertawa.
„Siauwtit di sini soeda lama djoega, sasoenggoenja akoe merasa girang dan hatoerken trima kasi atas kaoe poenja katjintahan boeat tengok akoe poenja kawarasan dan temeni kita-orang. Tapi dengen kaoe poenja berdiam di sini begini lama, akoe koeatir ajahmoe di kota Radja djadi boeat pikiran.“
„Ah itoelah tida djadi apa,“ saoet Pang Pek-hoa: „kerna datengkoe ka mari poen memang atas pekenannja. Djoega lebi doeloe akoe soeda kasi taoe, bahoewa akoe bakal tinggal di sini bebrapa boelan lamanja.“
„Kendati begitoe apa ia tida djadi berkoeatir?“ kata poela Kwa-eng sambil bersenjoem.
„Berkoeatir apatah Lopehoe?“
„Koeatir brangkali kaoe ada sakit, maka begitoe lama kaoe belon djoega poelang?“
„Ah, masalah..................“
„Tapi, akoe kira baek besok kaoe lantas berangkat, tjoetjoekoe, — boekan si akoe tida soeka kaoe berdiam lamahan, hanja begitoelah sebabnja. Maka sabentar sahabisnja santap, baek kaoe bersadia-sadia.“
Giok-go merasa amat tida senang waktoe denger soeaminja soeroe itoe kekasih lekas-lekas poelang, maka sambil bersengoet ia berkata:
„Masatah tjoetjoe dari djaoe-djaoe disoeroe dateng menengoki, baroe sadja sampe bebrapa hari maoe lantas disoeroe poelang, itoe toeh tida pantes sekali. — kaoe djangan dengeri, Siauwtit!“
„Kaloe baroe bebrapa hari, akoe djoega tida kata begitoe,“ kata Lie Kwa-eng, jang sekarang samingkin dapet kanjatahan bagimana istrinja poenja kalakoean: „kaoe toeh taoe sendiri, jang Siauwtit soeda tinggal di sini doea boelan lebi.“
Salagi orang berkata-kata, Pek-hoa soeda dapet satoe pikiran boeat membanta itoe prenta. Maka ia laloe berkata:
„Sabenernja akoe djoega memang kapingin balik kembali. Sadari brapa hari jang laloe tentoe akoe soeda minta permisi padamoe, Lopehoe, kalaoe tida kabetoelan akoe dapet sakit pinggang.“
„Sakit pinggang?“ mengoelangken si kolot.
„Ja,“ djawabnja: „sekarang poen masi merasa.“
Itoe tjoetjoe kaparat berkata poela:
„Tapi lagi doea-tiga hari djoega tentoe baek. Dan begitoe semboeh akoe poen maoe barangkat.“
Kwa-eng tida berkata apa-apa lagi. dan sahabisnja santap dateng satoe boedak jang membri taoe, bahoewa dari laen tempat dateng lagi bebrapa persakitan jang moesti djalanken hoekoemannja di sini.
„Baeklah,“ kata si kolot jang lantas berlaloe.
Sasoedanja tinggal berdoea-doea, Giok-go laloe berkata pada Pek-hoa:
„Kenapa kaoe bilang maoe berangkat dalem ini doea-tiga hari. Apa kaoe tega tinggalken akoe sendirian di tangannja itoe toea bangka?“
„Oh, tentoe sadja akoe tida tega,“ saoet kekasihnja sambil bersenjoem: „maka djoega akoe telah kata begitoe.“
„Akoe tida mengarti perkatahanmoe itoe.“
„Boekantah kaoe telah denger sendiri, jang Lopehoe soeroe akoe berangkat besok pagi?“
„Ja, itoelah akoe denger.“
„Nah, lantaran itoe, maka boeat toelak prentanja, akoe soeda kasi alesan sakit pinggang, dan sasoedanja pinggangkoe baek, baroe akoe berangkat.“
„Tapi mengapa kaoe tida maoe minta tempo lagi satoe-doea boelan, hanja lagi satoe doea hari sadja?“
„Ah, njatalah kaoe tida mengarti, nona manis, jang dengen membilang begitoe, akoe ada mempoenjai laen maksoed.“
„Lekaslah bilang, akoe kapingin sekali denger itoe.“
Sambil bersenjoem Pek-hoa laloe toetoerken bahoewa dalem ini satoe-doea hari ia bisa dapetken satoe akal boeat linjapken djiwanja si toea; dan kaloe Lopehoe itoe soeda binasa, boekantah iaorang boleh bersoeka-soeka dengen tida ada halangan soeatoe apa. Tegesnja iaorang boleh idoep seperti laki istri.
Ini istri jang doerdjana djadi amat girang satelah denger itoe katerangan. Maka sebagi oepah dari Pek-hoa poenja pikiran jang tadjem (?!), Giok-go lantas mameloek dan menjioem sapoewasnja hati.
„Kaloe begitoe, bener-bener kaoe ada tjinta padakoe,“ kata Ia.
Sorenja dari itoe hari, waktoe Kwa-eng poelang, Pek-hoa lantas tanja tentang oeroesan jang tadi oppasnja rapport. Hal ini Kwa-eng djawab, besok bakal dioeroes lebi djaoe, sekarang itoe persakitan-persakitan jang baroe dateng telah dimasoeki doeloe dalem pendjara.
Besoknja pagi Lie Kwa-eng laloe berpake-pake dan pergi ka kantoor, dan baroe sadja ia berangkat, Pek-hoa dan Giok-go lantas doedoek minoem arak sambil beromong-omong.
„Ini hari kita bakal plesir poewas,“ kata itoe prampoean doedjana: „si toea bangka sore baroe poelang.“
„Ja, ini hari ia banjak pakerdjahan,“ saoet itoe tjoetjoe doerhaka.
„Bagimana kaoe pikir boeat djaoeken si kolot dari damping kita, kekasihkoe?“
„Akoe pikir tida ada laen djalan dari pada......“
„Bagimana?“
„Oh, ini perniatan kita tida boleh bitjaraken di sini,“ kata itoe lelaki djahanam dengen soeara berbisik: „sebab kaloe ada orang jang denger, kita berdoea boleh tjilaka, kaoe taoe?“
„Kaloe begitoe, marilah kita-orang bitjaraken di dalem kamar.“ kata Giok-go sambil berbangkit, jang laloe di-ikoet oleh katjintahannja.
Sigra djoega kadoea manoesia boesoek itoe telah sampe di dalem kamar, jang pintoenja lantas ditoetoep.
Sabelonnja Pek-hoa menoetoerken niatnja, Giok-go jang salamanja ada birahi keras, soeda tida tahan lagi hatinja. Dan begitoe sampe, ia laloe adjak katjitahannja naek ka atas randjang, dan apa jang telah diperboeat, itoelah soeda tida perloe ditjeritaken lagi.
Plesiran itoe dilakoeken dengen amat sedap.
Sasoedanja melakoeken itoe perdjinahan jang beroelang-oelang. Pek-hoa lantas maoe keloear. Tapi Giok-go menjega dan kata: boeat apa terlaloe boeroe, kerna si toea poen ini hari ada amai tida sempat dan tentoe djoega ia tida lekas poelang.
Pek-hoa rasa benar djoega dan lantas doedoek kombali sambil beromong-omong, dan dengen tida dirasa doea djam soeda berlaloe.
Tatkala itoe Giok-go ada doedoek di pangkoeannja ia poenja katjintahan. Kerna sedapnja mameloek dan menjioem, hingga kadoea manoesia ini djadi loepa daratan. Dalem itoe keadahan marika teroes bertjerita, dan Giok-go moeiai menanja bagimana pikirannja Pek-hoa boeat linjapken si toea.
Tentoe sadja Pek-hoa lantas loetoerken apa jang ada dipikir dalem hatinja.
Tapi itoe waktoe Lie Kwe-eng kabetoelan soeda poelang.
Satelah melihat di roewangan tempat doedoek-doedoek tida ada orang, si kolot djadi bertjekat dan laloe pergi ka kamar. Sabelonnja masoek, ia denger ada soeara orang tertawa bertjekikikan.
Itoelah ada soeranja ia poenja istri.
„Ah, prampoean doerdjana!“ kata ia dalem hati. Dan kamoedian menghamperi lebi deket, boeat denger apa jang marika lagi omongken.
Kwa-eng tahan hatinja dan menghamperi ka pinggir djendela, dimana ia dapet liat istrinja lagi dipangkoe-pangkoe oleh itoe tjoetjoe doerhaka. Maka boekan patoet panasnja ia poenja hati. Tapi, sabrapa boleh ia tahan sadja doeloe, kerna maoe denger omongan apa jang itoe kaparat bitjaraken.
Aehir-aehir ia denger Pek-hoa lagi kasi taoe niatnja boeat singkiri dirinja dari ini doenia, soepaja itoe tjoetjoe djahanam boleh bersoeka-soeka dengen laloewasa pada istrinja jang masi moeda. Sabenernja banjak lagi laen-laen perkatahan ia telah denger, tapi itoe semoa soeda tida kaingetan lagi dan dengen sanget goesar ia laloe menghamperi dan tendang daonnja pintoe, sambil berkata:
„Oh, djahanam!......... doerdjana!......... baroe sekarang akoe dapet pergoki perboeatanmoe!“
Sambil berkata begitoe ia menjerang masoek.
Giog-go bangoen dari pangkoeannja Pek-hoa dengen kaget, sedeng katjintahannja poen djadi terkedjoet boekannja maen, hingga sakean lama ia mengawasi seperti orang kasima.
„Kaloe begitoe njatalah bener perkatahannja Touw Hin,“ kata poela Lie Kwa-eng: „dan kaoe prampoean doerdjana!, kaloe begitoe soeda minta soepaja akoe menghoekoem Touw Hin jang satia, soepaja kaoe boleh laloewasa lakoeken ini perboeatan boesoek dan kedji!“