Pembalesannja Kawanan Liangsan/Djilid ka-satoe/Bab 6
VI
Lantaran perboeatan istrija, Lie Kwa-
eng djadi binasa. — Kerna hambanja,
Lie Eng tersangkoet perkara.
——————
Sakoetika lamanja dalem itoe kamar djadi sepi. Satoe pada laen saling memandang dengen tida berkata-kata.
Lie Kwa-eng poenja napas djadi memboeroe, maka dengen zonder menoenggoe orang poenja djawaban, ia lantas menerdjang pada Pek-hoa, dengen tida pikir jang diri sendiri soeda toea dan tida bertenaga.
Dengen doea-doea kepelannja ia timpaken di moekanja itoe tjoetjoe kaparat. Tapi, Pek-hoa tentoe sadja tida tinggal diam dirinja diserang begitoe roepa, hanja lantas berkelip ka samping, hingga poekoelannja Lie Kwa-eng djadi liwat.
Si kolot satelah liat poekoelannja tida mengenaken, djadi bertamba goesar dan lantas hantem moeka istrinja.
Giok-go jang lagi goegoep dan belon ilang kasimanja, satelah kena ditempong, djadi kakalabakan dan berbareng itoe ia djadi tersedar. Njonja ini tjoba melawan sabisa-bisa, tapi boekan bales menjerang, hanja membelaken diri dari serangannja itoe soeami jang soeda djadi nekat.
Tapi Pang Pek-hoa jang berdiri tida djaoe dan liat kekasihnja diserang begitoe roepa, tentoe sadja tida tinggal diam dan laloe madjoe menoeloengi, hingga ini perboeatan menambaken goesarnja Kwa-eng.
„Eh............ eh............ kaoe madjoe lagi?!“ kata si kolot dengen moeloet berboesa lantaran amara: „kaoe, doea-doea djahanam!, bangsat!“
Sambil kata begitoe. ia memoekoel pada itoe tjoetjoe. Tapi poekoelan ini kembali dapet ditangkis.
Ia tjoba menjerang lagi. Tapi poekoelan jang blakangan poen telah liwat ka samping, dan berbareng itoe Pek-hoa lantas dorongi satoe kepelan di iganja itoe Lopehoe jang kolot dan tida bertenaga.
Ini satoe poekoelan tjoekoep membikin Lie Kwa-eng djadi mengoelet. Tapi ia tida djai moendoer dan lantas menjerang kembali dengan lakoe terlebih sengit. Matanja ini orang toea soeda mentjelilatan, moeloetnja telah penoeh dengan boesa-boesa poeti, sedeng napasnja soeda sengal-sengal.
„Bangsat!............ bangsat!............ oh anak tjilaka doerhaka!“ sembari kata begitoe ia hantem lagi sekali dengen sakoeat-koeatnja tenaga. Tapi, ja — brapatah koeatnja orang jang soeda beroemoer ambil anampoeloe taon, jang baroe sadja kepelan itoe sampe, lantas sadja ditemposi. Dan berbareng itoe Pek-hoa kasi lagi bebrapa poekoelan di betoelan lamboeng dan iga, dan paling blakang di dadanja.
Kwa-eng lantas selojongan...............
Tapi Pang Pek-hoa jang soeda djadi gemas, telah loepa jang itoe orang toea ada Lopehoenja, dan sasoedanja kasi itoe poekoelan jang paling blakang, ia lantas angkat sebla kaki dan tendang blakangnja si kolot hingga orang jang ditendang itoe lantas djato ngedjeroenoek ka djoebin.
Gabroek!..................
Damikianlah toeboehnja si kolot djato tengkoeroep.
Sigra djoega ini orang toea memangnja berbadan lemah lantas berkeredjetan dan kadoea matanja laloe mendelik-delik, tida lama kamoedian ia tarik napasnja jang pengabisan, dan rohnja melajang ka acherat.
Kasian ini orang toea jang djoedjoer dan baek hati, djadi terbinasa lantaran istrinja poenja perboeatan.
Giok-go dan Pek-hoa djadi bengong terlongong-longong, waktoe dapet taoe si kolot itoe soeda tida bernjawa. Satoe pada laen maen saling liat-liatan, dan achir-achirnja si kaparat itoe berkata:
„Sakarang bagimana kita moesti berboeat? Ini ada satoe perkara djiwa, dan kaloe sampe orang dapat taoe, tentoe tjilakalah kita berdoea?“
„Sekarang............“ kata prampoean doerdjana sambil berpikir: „bagimana kaoe pikir? apa tida baek kita koeboer sadja diam-diam sabentar malem?“
„Oh, itoelah tida boleh. Maski hal itoe bisa dilakoeken, toch kaloe orang tida dapet liat ini pembesar dalem bebrapa hari, tentoe laen-laen pembesar dateng preksa dan tanjaken ka mana perginja. Itoelah tida baek.“
„Tapi bagimana abis?“
Pek-hoa berdiam, Giok-go djoega tida berkata-kata.
Liwat satenga djam itoe istri jang tjilaka dapet satoe pikiran bagoes, sembari bersenjoem ia laloe basiki apa-apa di koepingnja itoe katjintahan. Pek-hoa djadi girang dan soeka hati. Sigra djoega doea orang ini bersiken itoe kamar sagala tanda-tanda dari bekas berklai. Perabotan jang terpental poen dibetoelin lagi ka tempatnja. Sasoeda itoe, marika laloe gotong maitnja Lie Kwa-eng ka atas randjang dan Pek-hoa balik ka kamarnja sendiri sambil mamegang boekoe.
Itoe waktoe Giok-go lantas berlari-lari ka loear sambil bertreak-treak minta toeloeng, katanja ia poenja soeami dapet sakit kesamper.
Boedjang-boedjang jang denger itoe treakan djadi riboet dan boeroe-boeroe dateng menghamperi, sedang Pak-hoa djoega lantas berlari-lari sambil memegang boekoe, seperti orang jang bener-bener selagi membatja boekoe djadi kaget dengen itoe soeara treak. „Kenapa?...... kenapa?......“ begitoelah si kaparat poera-poera menanja: „kenapa akoe poenja Lopehoe, Peh'm?“
„Ia kasampar. Toeloenglah. Siauwtit,“ djawabnja itoe prampoean doerdjana, jang merasa girang meliat akalnja bisa klaboein pada boedjang-boedjang.
Marika itoe lantas pada berlari-lari ka dalem kamar. Tapi Lie Kwa-eng didapetken soeda tida bernjawa.
Boedjang-boedjang semoa pada menangis waktoe dapet taoe itoe pembesar toea jang mendjadi madjikannja soeda tida bernapas. Marika inget bagimana baeknja itoe madjikan toea, jang sabegitoe lama djarang sekali taoe memaki atawa menjomel. Lantaran itoe djoega, maka kamatiannja telah membikir orang djadi merasa sedi.
Dan sekali-kali marika tida taoe, kaloe itoe semoa tjoema ada tipoenja itoe doea manoesia kedji.
...... ...... ...... ...... ...... ...... ...... ...... ......
...... ...... ...... ...... ...... ...... ...... ...... ......
Sagala orang repot mengoeroes djinasatnja Lie Kwa-eng, baeklah kita tinggalken doeloe sabentaran boeat meliat pada Touw Hin. Kerna djoestroe di ini harian Kwa-eng menoetoep mata itoe orang gaga poen hendak dateng menengoki.
Sedari ia dipindaken ka loear kota, Touw Hin itoe lakoeken kerdjahannja dengen betoel. Satiap hari ia tida loepa memikiri itoe pembesar jang baek boedi, jang soeda menoeloeng dirinja dari hoekoeman berat.
Touw Hin kapingin sekali bisa berboeat apa-apa jang bergoena bagi Kwa-eng poenja kaperloean. Djangan kata baroe kaloearken tenaga, sekali poen moesti liwatken laoetan api dan mengorbanken djiwa, ia tentoe tida aken toelak.
Tapi sakean lama itoe pembesar tida minta ia berboeat apa-apa, hingga ia poen tida bisa oendjoek kasatiahannja hati.
Di itoe tempat jang baroe Touw Hin merasa enak djoega. Kaloe soeda abis lakoeken sagala pekerdjahan, ia soeka djalan-djalan. Kerna lakoenja jang sopan dan djoedjoer, tambahan boedi bahasanja jang manis, membikin banjak orang djadi soeka padanja.
Begitoelah di ini tempat jang baroe Touw Hin soeda bisa berkenalan pada satoe pemboeroe. Hingga lama-lama ini doea orang djadi sobat jang baek.
Kaloe itoe pemboeroe dapet binatang oetan, iaorang laloe masak dan dahar sama-sama, sedeng Touw Hin jang mempoenjai sedikit oewang, laloe beli arak dan minoem dengen sagala soeka hati bersama itoe sobat baek.
Pada soeatoe hari, Touw Hin inget jang badjoenja masi ada doea. Kerna satoe hari sabelonnja ia berangkat ka mari, itoe badjoe jang kotor ia minta toeloeng boedaknja Lie Kwa-eng tjoetjiken.
Sekarang ia inget dan maoe ambil itoe pakean.
Kabetoelan jang itoe hari sobatnja dapet satoe matjan dari pemboeroean, maka Touw Hin dibagi satoe paha. Tapi ia tida maoe matengin itoe daging jang djarang ada hanja pikir, ada lebi baek kaloe ni sapaha matjan ia bawa ka kota dan kasiken pada Lie Kwa-eng, sabagi tanda ia poenja katjintahan hati.
„Laen dari begitoe,“ kata Touw Hin dalem hati: „akoe poen boleh dateng menengoki padanja, jang sakean lama akoe belon taoe ketemoe sadari akoe dipindahken. Dan ia tentoe djadi girang, kaloe meliat akoe dateng dengan baek dan anterken ini daging matjan boeat djadi temennja minoem arak.“
Sasoedanja tetep pikir begitoe, ia laloe berangkat dan menoedjoe ka kota tempat di mana Lie Kwa-eng doedoek mamerenta.
Hoe sapaha matjan ia tengteng dan djalan sambil berpikir.
Halnja Giok-go lantas teringet kombali dalam hatinja.
Saban inget itoe perkara, ia merasa koeatiw jang Lie Kwa-eng nanti dibikin soesa oleh Giok-go dan Pek-hoa. Sebab ia taoe, kaloe satoe prampoean jang soeda berkehendak, tida takoet melakoeken sagala kadjahatan atas diri soeaminja, asal sadja bisa poewas itoe napsoe boeroek.
Baroe sadja ia berdjalan belon sabrapa djaoe, dari satoe djoeroesan ada kadengeran soeara orang memanggil-manggil.
Touw Hin laloe menengok dan dapet liat saorang lelaki lagi menghamperi padanja. Ia laloe brenti dan mengawasi, dan kiranja orang jang dateng itoe ada ia poenja sobat Jo Liem.
„He, kaoe dari manatah, Joheng?“ tanja Touw Hin itoe sambil memandang dengen heran.
„Akoe djoestroe dari kota abis tjari kaoe,“ saoetnja itoe sobat sambil dateng lebi deket.
„Kaoe tentoe dateng ka pondokkoe, boekan?“
„Bener.“
„Akoe poen lagi maoe pergi ka sana. Liat ini akoe bawa,“ kata ia sambil angkat naeki itoe sapaha daging matjan.
„Apa itoe?“ tanja Jo Liem.
„Daging matjan. Akoe maoe bawakan Lie Loya.“
Sabalonnja itoe, sobat mendjawab, Touw Hin soeda berkata poela:
„Bagimana kaoe bisa taoe jang akoe ada di sini, Joheng?“
„Sasampenja di pondokmoe dan waktoe akoe minta satoe boedjang toeloeng kasi taoe pada kaoe atas poenja kadatengan,“ saoet Jo Liem: „boedjang itoe bilang, jang kaoe soeda lama dipindaken ka lapangan roempoet boeat mendjaga koeda; dan lantaran begitoe, maka akoe tida boewang tempo dan lantas berangkat ka loear kota.“
„Ja, ja, benerlah memang soeda lama djoega kaoe dipindaken ka mari,“ kata Touw Hin sambil manggoet-manggoet.
„Tapi apa kaoe taoe kadjadian jang baroe digedongnja Lie Kwa-eng?“ tanja poela itoe sobat.
„Kadjadian baroe? Kadjadian baroe apatah?“ tanja Touw Hin sambil memandang.
„Lie Kwa-eng telah menoetoep mata,“ saoet Jo Liem.
„Apa?...... Akoe poenja Loya jang baek itoe menoetoep mata?“ tanja Touw Hin dengen terkedjoet, hingga daging matjan jang ada di tangan djadi terlepas: „apa kaoe bitjara soenggoe-soenggoe, sobat?“
„Eh–eh...... masa memaen. — Akoe poen dari sana.“
„Ia soeda mati? — Sadari kapantah??“
„Tadi kira-kira satoe djam jang berselang.“
„Hei........“
„Boedjang-boedjang lagi report mengoeroeken djinasatnja.“
„Astaga tirloela alhamdoelilah!......... Ja, Allah allahoel!.........“
„Apa artinya” allahoe allahoe” begitoe?“
„Astaga firloela ilrobil alamin.........“
„Kaoe ngedjape?“
Touw Hin tida menjaoet, hanja menjeboet-njeboet teroes.
Jo Liem merasa kagoem dengen itoe perkatahan-perkatahan jang sobatnja oetjapken baroesan, kerna ia tida taoe dan tida mengarti apa maksoednja itoe. — Denger poen baroe ini kali.
„Soenggoe akoe tida kira dan orah njana, jang oemoernja akoe poenja Loya begitoe pendak,“ kata Touw Hin sasoedanja brenti menjeboet: „waktoe akoe maoe ka mari, badannja seger boeger dan tida ada sedikit tanda-tanda lojoh atawa sakit. Heran soenggoe bagimana mendadak boleh djadi mati.“
„Apa kaoe taoe ia terserang penjakit apa?“ tanja Touw Hin pada itoe sobat.
„Ja, akoe poen loepa tanjaken itoe. Hanja satelah denger kaoe soeda dipindaken, akoe lantas sadja boeroe-boeroe djalan ka loear kota. Dan Kaloe akoe soeda dapet taoe ia poenja meninggal, sebab akoe liat hanjak boedjang pada riboet dan repot, maka akoe tanja djoega sedikit: ada oeroesan apatah, di gedong, maka orang begitoe ripoe?, — dan djawabannja ialah Kwa-eng menoetoep mata.“
Touw Hin berdiam sambil mengelas napas roepanja kaliatan berdoeka. Sasoenggoenja djoega ia merasa amat menjesel, jang ia tida bisa dapet liat lagi satoe kali pada itoe pembesar jang berboedi.
„Nah, sekarang soeda tida perloe kita boeroe-boeroe ka sana,“ kata Tuw Hin sambil poengoet kombali itoe sapaha daging matjan jang tadi ia bikin terlepas: „hanja baek kita mampir sabentaran di waroeng anak boeat ilangken aoes sambil matengin djoega ini daging boeat kita poenja temen minoem.“
„Baeklah,“ saoet Jo Liem.
Kadoeanja itoe laloe berdjalan.
Tapi Touw Hin masi kaliatan doeka.
Sabelonnja sampe di waroeng arak, ini orang gaga merasa penasaran atas matinja itoe pembesar. Berbareng itoe ia djadi tjoeriga dan menjangka-njangka, djangan-djangan Lie Kwa-eng telah dikaniaja oleh istrinja atawa itoe Kongtjoe kaparat, pada siapa jang ia taoe, Giok-go ada bikin perhoeboengan.
Satelah sampe di itoe waroeng, Touw Hin laloe silaken sobatnja sadja doedoek minoem sendiria sedeng ia maoe pergi doeloe ka gedongnja itoe pembesar, boeat tjari taoe dan denger-denger kabar.
Jo Liem toeroet dan lantas masoek, sedeng Touw Hin berdjalan teroes dengen hati berdebar.
Sasampenja di depan gedong, Touw Hin katemoe pada sala satoe boedjang jang bekerdja di dalem, dan waktoe terdjadinja ini perklaian, itoe boedjang soeda denger dari roewangan sebla loear, dan kamoedian mengintip djoega. Tapi tida brani dateng pisaken, hanja kaloear kombali dan tjeritaken pada laen-laen kawannja, bahoewa Loya lagi berklai sama ia poenja istri dan tjoetjoe.
Begitoelah tida lama kemoedian Giok-go berlari-lari dengen meminta toeloeng, sembari bilang jang soeaminja dapet sakit kasamper. Itoe -boedjang maski soeda dapet taoe doedoeknja perkara jang betoe, tapi tida ada saorang jang brani njataken apa-apa, hingga Giok-go djadi kira, bener-bener akalnja telah berhasil.
Dan boedjang inilah jang djoetroe ditanja oleh Touw Hin.
Sigra djoega orang jang ditanja itow laloe kasi katerangan sabagimana jang tadi ia soeda tjeritaken pada kawannja.
Denger begitoe, Touw Hin laloe mengelah napas sambil gojang-gojang kapala.
„Ah, prampoean tjilaka doerhaka!“ kata ia dengen soeara menggerendang: „dan lebi lagi itoe tjoetjoe jang amat terkoetoek!.........“
„Tapi, Hohan,“ kata itoe boedjang: „lebi baek kita-orang toetoep moeloet, dari pada banjak tjerita jang boleh mendatangi bahaja atawa katjilakahan.“
„Sakarang di mana djinasat Loya ditaro?“ tanja Touw Hin jang tidak perhatiken orang poenja bitjara: „apa soeda dimasoeki ka dalem peti?“
„Belon. Djinasat itoe masi ada di roewang pertengahan.“
„Akoe maoe tengok.“
Sambil kata begitoe ia berdjalan masoek.
Sasampenja di tempat jang dioendjoek, betoel sadja ada kaliatan djinasatnja Lie Kwa-eng jang ditaro dengen zonder terdjaga. Touw Hin dateng mendekati dan liat moekanja itoe djinasat ada bebrapa tanda biroe bekas dipoekoel.
Touw Hin poenja hati djadi amat terharoe. Dengen tida dirasa lagi aer mata laloe mengoetjoer di sapandjang pipinja.
Orang gaga ini laloe bersembajang dan berloetoet ampat kali di hadapannja itoe djisim jang ia sanget hormati dan pandang tinggi, sedeng hatinja ada berkata:
„Dari doeloe djoega waktoe akoe maoe berpisa, akoe soeda peringeti: sasoedanja tida ada akoe moesti djaga diri lebi baek, Loya. — Dan achir-achir njatalah perkatahankoe itoe boekannja persadja, sekarang telah berboekti.“
Sasoedanja lakoeken peradatan dihadepannja itoe djisim, Touw Hin laloe berdjalan ke sebla dalem dan dapetken Giok-go lagi doedoek omong-omong pada katjintahannja. Baeklah djoega itoe waktoe, itoe sapasang manoesia kedji boekan lagi bertjinta-tjintahan, tapi toch datengnja Touw Hin, membikin itoe prampoean dapet sedikit rasa terkedjoet dan memandang dengen heran.
„Naynay, Loya itoe sakit apatah, maka dengen mendadak boleh djadi mati?“ menanja Touw Hin, dengen tida membri hormat lagi pada itoe doea orang: „pada waktoe akoe maoe berangkat ka loear kota, badannja akoe liat ada segar dan tida berpenjakitan, soenggoe heran sekali, orang jang sehat begitoe boleh meninggal doenia?“
„Omongan apatah begitoe?“ saoet Giog-go dengen merasa koerang senang: „apa kaoe tida taoe, bahoewa sasaoeatoe manoesia oemoernja soeda ditachdirken oleh Toehan Jang Maha Koeasa? Toea moeda, ketjil besar, sakit atawa tida, kaloe maoe mati, siapa bisa taoe? — Maka apa perloe kaoe moesti tanjakan itoe jang boekan djadi oeroesanmoe, dan djoega siapatah jang prenta kaoe ka mari?“
„Datangkoe ka mari memang tida ada jang prenta,“ saoet Touw Hin: „hana tjoema kabetoelan sadja, kerna akoe dateng dengen maksoed boeat ambil doea badjoekoe jang doeloean akoe minta toeloeng Liang Mamah tjoetji. — Betoel ini oeroesan boekan djadi oeroesankoe, tapi toch akoe soeda denger djoega selentingannja di loearan, maka akoe rasa ada hak boeat bikin ini pertanjahan. Kerna Naynay tentoe taoe, jang saken lama Loya soeda oendjoek boedinja padakoe, maka apa tida patoet kaloe akoe berboeat apa-apa goenanja? Djoega kaloe boleh, akoe minta kaoe poenja perkenan boeat akoe jang masoeki djinasatnja Loya ka dalem peti lajon.
„Itoe boekan kaoe poenja pakerdjahan!“ menjentak Giok-go dengan bengis: „boeat masoeki lajon ada oeroesannja toekang peti.“
„Kaoe maoe masoeki djinasatnja akoe poenja Lopehoe ka dalem peti lajon?, — heu!............“ kata Pek-hoa jang sadari tadi tinggal mendengeri sadja orang poenja bitjara: „kaoe ada pernah apa pada akoe poenja Lopehoe?, ada terkena sanak, terkena soedara, bolehlah djoega?! Boekantah kaoe ini tida lebi ada seorang hoekoeman, ja, saorang pemboewangan jang tida ada familie atawa kadang. — Maka lebi baek kaoe tida tjampoer-tjampoer dalem mengoeroes ini perkara kamatian.“
„Oh, djadi kaoe maoe bilang, koedoe bersanak dan berfamilie, baroe boleh oeroes dan toeloeng angkat djinasatnja ka dalem peti?“ kata Touw Hin pada Pek-hoa: „nah, baeklah!, tapi mengapa kaoe, jang ada djadi pernah tjoetjoe tida maoe lantas angkat dan masoeki djinasat itoe ka dalem peti lajon jang soeda sadia? Apa lagi jang kaoe toenggoe, hingga djinasat itoe ditaro sadja begitoe dengan tida terdjaga?“
„Pergi kaoe, Touw Hin!“ membentak Pek-hoa sambil berbangkit dan mengoendjoek pintoe boeat Touw Hin kaloear, dengen zonder djawab doeloe orang poenja pertanjahan, kerna ia rasa, ia poen boleh troesa djawab itoe: „hajoe lekas kaloear!, akoe bilang lekas!, begitoe memang ada lebi baek boeat kaoe. Djangan lagi kaoe dateng atawa masoek dalem ini roema, djika zonder perkenannja toean roema, mengarti?“
„Kaoe taoe, jang di sini masih ada tjoekoep orang dan masi ada madjikannja.“ kata poela itoe Kongtjoe kaparat: „maka kaloe kaoe tida maoe denger apa jang akoe bilang, djangan sala kaloe akoe lantas prenta boedjang-boedjang boeat lantas lemparken kaoe kaloear pintoe.“
Touw Hin djadi amat goesar satelah denger itoe perkatahan-perkatahan jang diotjapken oleh Pek-hoa. Maka sapasang adisuja djadi berdiri dan kaloe maoe toeroeti sadja napsoenja hati, tentoelah itoe orang moeda soeda ditjekek dan dilempar. Tapi menginget jang perboetan begitoe boleh menerbitken laen kaonaran, maka ia tahan sabar dan dengen hati mendongkol laloe berdjalan ka loear dengen tida kaloearken sapata perkatahan.
Giok-go jang ada di sitoe, kira Touw Hin poenja berlaloe itoe ada dari lantaran takoet denger antjemannja ia poenja kekasih. Maka sasoedanja itoe orang gaga berlaloe, marika djadi tertawa.
„Soenggoe keren betoel kaoe poenja soeara. Sekali sadja ia denger, ia lantas berlaloe,“ kata itoe prampoean doerdjana: „tjoba kaloe kaoe tida kata begitoe, tentoe ia masi membatoe sadja.“
„Tentoe!, tentoe ia masi membandel.“ kata Pek-hoa dengen girang, kerna anggap bener-bener dirinja ada keren.
Tatkala itoe Touw Hin soeda ada di loear gedong. Dengan menggeroetoe ia berdjalan teroes ka waroeng arak tempat dimana Jo Liem ada menoenggoe. Satelah sampe di roewang pertengahan, ia dapetken itoe sobat lagi minoem pelahan-pelahan dan daging matjannja masi ada sabagimana tadi ia taro.
„He, kaoe tida matengin ini daging?“ tanja ia pada Jo Liem.
„Tida perloe akoe dahar sendiri,“ saoet Jo Liem: „tapi, apa kaoe soeda pergi ka gedongnja Lie Kwa-eng?“
„Ja, soeda.“
„Bagimana abis?“
„Benarlah sabagimana jang akoe doega.“
Jo Liem memandang dengen bengong.
Touw Hin laloe doedoek dan minta lagi satoe gelas arak. Doea orang gaga itoe laloe minoem sama-sama dengan pelahan sambil beromong.
„Bagimana doegahanmoe?“ tanja poela Jo Liem.
„Bener matinja Lie Kwa-eng jang baek itoe, lantaran terpitena.“
„Soenggoe?“
„Soenggoe mati!“
„Bagimana kaoe bisa taoe itoe?“
„Akoe sendiri telah liat tanda-tanda loeka di moekanja.“
Lebi djaoe Touw Hin tjeritaken apa jang ia soeda berlakoe di gedongnja itoe pembesar, bagimana waktoe ia masoek ka roewangan tempat djinasat, tida satoe orang ada di sitoe, kamoedian sahabisnja membri hormat jang pengabisan di hadepan lajonnja itoe pembesar, ia kaloear dan dapetken Giok-go ada bersama sama Pek-hoa lagi beromong-omong. Dan bagimana ia telah minta permisi boeat masoeki djisinnja Kwa-eng ka dalem peti lajon telah ditoelak oleh itoe prampoean doerdjana, dan bagimana ia telah dioesir oleh Pang Pek-hoa dan dioendjoeki pintoe boeat kaloear. Semoea ia tjeritaken terang.
Jo Liem dengerken itoe sambil menggoet-manggoet.
„Kaloe begitoe,“ kata ini sobat kamoedian: „baek sekarang kita balik sadja.“
„Balik?“ tanja Touw Hin.
„Ja, abis di sini sadja maoe apatah?“
„Akoe pikir......“
„Pikir apa?“
„Maoe hantem kapalanja itoe doea djahanam.“
„Oh, tahan sabar sedikit, sobatkoe.“
„Akoe merasa panas betoel.“
„Djangan toeroeti napsoe.“
„Apa kaoe ada poenja laen daja jang baek?“
„Ada.“
„Daja bagimana“
Jo Liem laloe bisiki bebrapa perkatahan di koeping Touw Hin. Dan sahabisnja membisiki itow, ia berkata kembali:
„Na, dengen begitoe, semoea djadi beres, boekan?“
„Kaoe ada bener, sobat.“
„Kaoe tentoe moefakat dengen pikirankoe, boekan?“
„Moefakat betoel.“
„Nah kaloe begitoe, hajoelah kita berangkat.“
„Baek.“
Touw Hin laloe panggil itoe toekang waroeng, jang sasoedanja dibajar harga arak jang diminoem,kadoea Hohan ini laloe kaloear dari itoe waroeng.
Marika ini teroesken perdjalannja ka loear kota.
Tida lama laorang telah sampe di pondoknja Touw Hin.
Sasoedanja berdoedoek, kadoea sobat itoe beromong-omong lagi.
„Ia tida maoe kasi kaoe jang masoeki itoe djinasat, sebab ia koeatir itoe tanda-tanda loeka kaoe dapet liat, begitoe tentoe ada dipikir oleh itoe prampoean doerdjana,“ kata Jo Liem.
„Tapi toch akoe soeda dapet liat itoe,“ saoet Touw Hin.
„Begitoe si bener. Tapi tida taoe.“
„Sekarang tentoe ia lagi masoeki itoe djinasat.“
„Boleh djadi. Tapi boeat itoe kita-orang troesa pikiri lebi djaoe.“
„Bitjaramoe bener, sobat. — Akoe toeroet nasehatmoe jang baroesan.“
„Sagala apa kita moesti bekerdja dengen aloes. Soepaja kaoe poenja sakit hati bisa dibales. Perkara begini kita-orang tida boleh lakoeken dengen tjerobo, sebab sala-sala perboetannja, diri sendiri djadi soesa.“
„Ja, itoelah akoe djoega telah pikir.“
Apa jang dipikir dan didamiken oleh Touw Hin berdoea Jo Liem, itoelah sigra kita nanti dapet taoe. Dan sekarang baek kita balik kembali ka gedongnja Lie Kwa-eng, boeat liat itoe orang-orang doerhaka, jang sasoedanja oeroes djinasat pembesar terseboet, liwat brapa hari lajonnja Kwa-eng laloe dikoeboer.
Pek-hoa dan Giok-go laloe memake pakean berkaboeng.
Tapi, sedeng di pakean ada menjataken orang jang berdoeka hati,adalah di hatinja masing-masing djadi teramat girang, kerna sekarang dalem itoe roema, Pang Pek-hoa rasaken dirinja jang mendjati toean.
Satiap hari itoe perboeatan boesoek dilakoeken teroes meneroes, hingga boeat di matanja boedjang-boedjang, perboeatan begitoe boekan rasla lagi.
Tapi itoe doea manoesia tida mempoenjai rasa maloe.
Pada soeatoe hari, salagi marika berbaring di waktoe siang hari, — kerna begitoelah memang soeda djadi kerdjahannja ini doea manoesia boesoek, jang sahabisnja makan tentoe lantas naek di randjang, dan sasoedanja ada di tempat tidoer lantas poewasken napsoe birahi jang tida abis-abisnja, —, Pek-hoa menanja pada djantoeng hatinja:
„Apa kaoe taoe satoe pribahasa, nona?“
„Pribasa apa?“ bales menanja Giok-go.
„Asam di goenoeng, garem di laoet?“
„Asam di goenoeng, garem di laoet?, hihihihi .........“ kata Giok-go sambil katawa: „ja, itoe doea barang, kendati terpisa ratoesan dan riboean li djaoenja, tapi dasarnja djodo, toch mendadak saloe hari marika bisa katemoe dan koempoel sama-sama, pada waktoe orang mane asam-garemin ikan, boekan ?"
„Nah, achir-achir kaoe taoe djoega itoe pribahasa koeni. hahahaha........” tertawa si kaparat dengen soeara bergelak-gelak.
„Itoe pribahasa, kaloe di-inget ada mengenaken dengen djitoe pada kita berdoea poenja diri, ja” kata poela Pek-hoa sambil tertawa-tertawa. „jang maski poen akoe tinggal di kota Radja, dan kaoe di sini, toch achirnja lantaran dijodo, kita bisa berkoempoel dan bisa terangkep djadi laki istri.”
„Ja, — dan moelai dari ini hari kita tida terpisa lagi, boekan ?”
„Bener — Tapi........ eh!, abis kaloe itoe ambtenaar jang bakal menggantiken akoe poenja Lopehoe soeda daleng, apa kita mocsfi berlakoe dari ini tempat ?”
„Ja, benerlah. Tida lama itoe pembesar bakal dateng.”
„Nah kaloe begitoe, kaoe moesti ikoet akoe ka Tongking, nona.”
„Kamana djoega akoe nanti ikoet padamoe, kekasihkoe jang manis.”
„Itoelah tandanja kaoe tjita betoel.”
„Memang djoega akoe tjinta bener-bener. Apa kaoe kira tintakoe padamoe tjoema memaen ?”
„Ah, boeat kira begitoe si tida.”
Kamoedian kadoea orang ini bitjaraken hal pertjintahan, sedeng Pek-hoa memboedjoek dengen perkatahan-perkatahan manis soepaja Giok-go maoe ikoet ia ka kota Radja, dimana ia kata, di sana troesa kocatir nanti ada orang jang mengganggoe ma:ika poenja kasenangan, kerna ajannja ada berkoeasa besar.
Achirnja oleh ini doca djahanam ditetepken, begitoe pembesar jang menggantiken Lie Kwa-eng soeda sampe, marika nanti bersadia-sadia boeat lantas berangkat. Sekarang Pek-hoa jang mewakilin boeat samentara waktoe.
Tida brapa hari kamoedian, sigra djoega itoe ambtenaar pengganti telah sampe, maka kadalengannja ini disamboet oleh penggawa-penggawa jang sebla bawah, dan Pek-hoa sebagi wakil laloe serahken kerdjahannja pada itoe pembesar.
Esokannja Pek-hoa laloe prenta semoea boedjang betoel-betoelin barang jang perloe dibawa, sedeng boedjang-boedjang prampoean jang Giok-go sajang, kaloe marika tida maoe ikoet, dibri persen boeat marika poelang ka kampoengnja sendiri, atawa maoe kerdja pada laen orang poen tida dilarang.
Djoega laen-laen boedjang ditanja; mana jang maoe ikoet diadjak, dan jang tida maoe toeroet, boleh pergi ka mana soekanja masing-masing.
Itoe waktoe banjak djoega boedjang jang mengikoet, kerna Pek-hoa dalem sapandjang waktor salagi tinggal di itoe gedong ada kaliaian manis pada sagala boedjang prampoean jang merawati katjinta anja.
Itoe hari djoega, Pek-hoa laloe membri slamat tinggal pada pembesar di sitoe dan kamoedian berangkat djalan.
Pek-hoa mendoenggang koeda mengiringi djolinja Giok-go, boedjang-boedjang semoea berdjalan di sebla blakang.
Dari itoe kota pergi ka Tongking orang moesti lintasi satoe goenoeng jang dinamaken Tjikimsan. Di ini tempat, jang socnji ada tersohor banjak begal-begal jang djahat dan soeka merampok orang di waktoe siang hari. Pembesar-pembesar jang deket dengen itoe tempat merasa kawalahan boeat bersatroe pada itoe kawanan brandal, dan djoestrue ini tempat jang berbahaja moesti dilin- tasi oleh Pang Pek-hoa.
Pada soeatoe hari, satelah marika sampe di siloe, hari telah moelai mendoeng dan dari bla kang ada kaliatan doea orang gaga jang menoenggang koeda dateng menghamperi padanja. Masing-masing ada membawa sendjata dan satoe antaranja ada membawa kantong pana beserta gandewanja.
Itoe doea orang lariken teroes koedanja dengen kentjeng, hingga Pek-hoa jang bermoela ada djalan di sebla depan djadi kasoesoel dan kamoedian telah diliwati oleh itoe doea Hohan jang ia tida toe siapa adanja.
Boedjang-boedjang jang mengiring djolinja Giok go, satelah liat itoe doea orang kosen kakoerken teroes koedanja, djadi merasa koeatin dan marika seperti dapet firasat jang tida baek.
Apapoela ini tempat dan teroes kadepanin, ada tersohor sabagi tamatnja kawan penjamoen. Hingga marika itoe djadi mendoega, djangan-djangan itoe doea orang jang baroesan liwat, kapala penjamoen adanja.
Salagi itoe boedjang-boedjang iboek, koenjoengkoenjoeng itoe doea orang jang baroesan liwat telah balik kombali dari sebla depan dan satoe antaranja jang mamegang pana laloe pentang gandewanja dan satoe boesoer lantas mendjeprat dengen mengaloearken soeara keras.
Pana itoe ditoedjoeken pada tenggorokannja Pang Pek-hoa.
Itoe orang jang melapas pana njatalah ada pande, kerna begitoe boesoer berboenji, sigra djoega satoe anak pana laloe menantjep di tenggorokannja itoe lelaki moeda, jang lantas roeboe ka tana sambil mengaloearken treakan keras.
Koedanja Pek-hoa jang tida ditoenggang lantas mendjamprat-djimprat.
Sasoedanje menanggoeng sakit brapa saät lamanja, sigra djoega djahanam itoe melepasken napasnja.
Pada waktor kekasihnja bertreak, Giok-go jang berada dalem djoli lantas bocka djendelanja melongok ka loear, Dan bagimana kagetnja ia poenja hati, waktoe dapet liat kekasihnja menggelisahan sambil mendelik-delik. Soemanget jang ada di badannja lantas djadi terbang dan sakoetika lama njonja itoe mengawasi dengen tida berkata-kata.
Tentoe djoega Giok-go belon mendoesin, kaloe ia tida merasa jang lehernja dipegang oleh satoe tangan jang koeat dan keras. Satelah ia menengok dan liat moekanja itoe orang gaga, ia lantas djato tersoempet dari djendela djoli ka tana, sedeng seantero badannja djadi bergoemeter.
Itoe orang gaga ia tida kenalin siapa adanja. Tapi toch moekanja jang bengis dan angker, membikin hatinja djadi amat takoet, dan begitoelah ia lantas terlepas dari pegangan djoli dan djato di bawah kakinja itoe Hohan.
Itoe kadoea Hohan tinggal mengawasi sampe Giok-co boeka soeara meratap.
„Oh, Hohan! Hohan!” kata ia dengen merinti-rinti: „ampoen!, ampoenilah akoe ini jang tida bersala. Kaloe kaoe maoe itoe barang-barang dan oewang, ambillah pergi, tapi djangan binasaken djiwakoe.”
„Akoe tida perloe kaoe poenja barang-barang, prampoean doerdjana! Tapi lantaran ada, akoe poen tida menampik,” saoet itoe Hohan dengen soeara bengis: „datengkoe ka mari poen sabenernja tida bermaksoed laen dari pada membikin peritoengan. Kaoe mengarti ?, kaoe mengarti, akoe maoe bikin peritoengan ?!”
Giok-go djadi bergoemeter. Lebi poela waktoe itoe orang gaga menoendjoek maitnja Pang Pek-boa, sambil berkata:
„Kaoe liai itoe ? Ia soeda membajar impas peroetangannja pada Lie Kwa-eng. — Dan kaoe djoega moest djadi begitoe. Mengarti ?!”
Giginja prampocan doerdjana itoe jadi bertjatroek-tjatroek lantaran takoet dan ngeri. Ia pandang itoe orang gaga sakoetika lama, tapi ia tida kenali siapa adanja. Dengen soeara terpoetoes-poetoes ia berkata:
„Akoe......... akoe. akoe......... kenapatah ?.......”
„Kaoe troesa tanja itoe!” menjentak itoe orang gaga: „akoe taoc apa jang kaoe telah lakoeken dalem sapandjang waktoe jang blakangan. Tapi soepaja kaoe bisa berangkat mati dengen tida menggenggam penasaran, maka baeklah akoe kasi laoe djoega, bahoewa akoe ini ada octoesannja Allah boeat bikin pembalesan pada orang-orang jang disakiti hati, jang dibikin soesa oleh sasamanja dan ambil djiwanja orang-orang lelaki atawa prampoean jang berlakoe boesoek!”
Giok-go djadi samingkin takoet dan ampir ia tida brani mengawasi lagi roepanja itoe Hohan.
Kamoedian itoe orang gaga seboetken dengen ringkes sagala perboeatan-perbocatamnja itoe prampoean doerdjana jang dilakoeken pada Pang Pek-hoa. Dan sasoedanja itoe, ia angkat pedangnja sambil berkata:
„Kaoe soeda denger itoe semoea ?, boekan ?! — Nah sekarang akoe maoe lantas kirim djiwamoe ka acherat?”
Berbareng abisnja itoe perkatahan jang paling blakang, golok jang dipegang lantas menjabet lehernja Giok-go, hingga ito saät djoega, dengen lida mengalocarken lagi soeara ireakan, kapalanja terpoetaes dan dara lantas beloemoeran.
Hoe boenjang-boedjang jang menganter dan membawa barang-barang, dan begitoe poen toekang djolinja, sadari tadi soeda berlaloe dengen uda dapat ganggoean, kerna itoe doea Hohan poen tida mace bikin soesa pada marika jang tida bersala apa-apa.
Kamoedian, sasoedanja binasaken djiwanja itoe doea manoesia kaparat, ini doea Hohan lantas ambil sagala barang-barang berharga dan oewang, jang disangkelken di atas koeda sambil menoedjoe ka dioeroesan Oetara.
Sasoedanja itoe doea orang gaga berangkat, dari bebrapa gombolan ada kaliatan kaloear bebrapa orang lelaki jang tadi menggotong djoli, bersama bebrapa boudjang prampoean jang lantas berkoempoel di itoe tempat.
Njatalah marika itoe tida lantas pergi, hanja semboen doeloe di poehoen-poéhoen dan gagonbolan jang lebat.
Back djoega kita-orang terloepoet dari kabinasahan, kata sala satoe dari itoe toekang gotong djoli pada kawannja: sekarang backlah kita berlaloe sadja dan bawa kombali itoe barang-barang kasar jang masi katinggalan.
Tapi, dengen membawa itoe barang-barang, apa tida boleh djadi kita nanti dipegat lagi begal? saoet kawannja: akoe koeatir di djalan nanti temoe lagi kawanan brandal jang dateng mamegat dan merampas, kerna kira kita ada membawa oewang?”
„Sataoe doea begal itoe dari mana?“ kata orang jang satoe. „sekarang marilah kita-orang balik sadja dan lapoer pada pembesar apa jang soeda terdjadi, soepaja kita berame tida djadi soesa lantaran ditoedoeh memboenoe Pang Kongtjoe dan Naynay.”
„Benerlah! Maski kita tida bisa bilang siapa adanja itoe doea brandal,” menjaoet kawannja: „tapi kaloe kita berame kasi katerangan satoe roepa, tentoe bisa dipertjaja dan kita poenja diri terbebaslah dari itoe toedoehan.”
„Tapi akoe rasanja seperti kenal roepanja itoe begal jang satoe,” kata boedjangnja Giok-go, jang sadari tadi ada toendoeki kapala seperti orang berpikir: „ja, benerlah, sekarang akoe inget; tida sala, tida sala memang dia!”
„Siapatah ?”
„Sobatnja Touw Hin.”
„Ah, djanganlah kaoe mengatjo!”
„Akoe bitjara dengen sabenernja. Kerna doea—tiga kali akoe pernah katemoeken waktoe ia dateng ka pondoknja Touw Hin. Ja, tida sala, memanglah dia. Tapi akoe tida taoe siapa namanja dan di mana tempat tinggalnja orang itoe.”
Semoea kawannja pada mengawasi dengen heran. Sedeng itoe boedjang berkata lebi djaoe:
„Tapi siapa adanja itoe orang jang memboenoe Naynay dan Pang Kongtjoe, itoelah akoe tida taoe. Kerna ia poen baroe ini kali akoe taoe liat. Tapi itoe jang satoenja, jang berdjalan sama-sama dan mengoendjoeki, soeda tida sala memang kawannja Touw Hin.”
Semoea orang lantas pertjaja, apapoela inget jang itoe brandal telah kata: bahoewa pemboenoehan dilakoeken sakedar boeat membales sakit hatinja Le Kwa-eng. Achirnja marika doega, boleh djadi Touw Hin soeda kasi taoe pada itoe doea Hohan jang mendjadi sobatnja, boeat lakoeken pembalesan atas dirinja Pek-hoa dan Giok-go, kerna Touw Hin poen ada baek sekali pada Lie Kwa-eng almarhoem.
Sasoedanja tetep berdami, itoe semoea boedjang dan toekang-toekang gotong djoli laloe pergi ka kantoornja pembesar, boeat kasi taoe itoe perkara.
Siapatah adanja itoe doea Hohan ? Marika poen boekan laen dari Jo Liem dan Pwe Soan. Sabagimana di sebla atas ini pembatia telah liat, koetika Touw Hin balik dari gedongnja Lie Kwa-eng dan tjeritaken apa jang terdjadi atas dirinja itoe pembesar, Jo Liem soeda bisiki di koepingnja itoe sobat, dan njataken djoega bagimana ia poenja pikiran boeat binasaken djiwanja itoe doea djahanam, soepaja ini sobat djadi senang hati.
Bener sadia Touw Hin djadi moefakat. Dan kamoedian sasocdanja balik ka pondok sendiri jang pernanja di loear kota, kadocanja itoe laloe berdami lebi djaoe. Dan achirnja diambil poetoesan: kerna matinja Lie Kwa-eng, maka tida lama tentoe ala dateng laen penggantinja di itoe tempat. Kaloe itoe pembesar jang menggantiken telah dateng, pastilah Giok-go bersama Pek-hoa lantas berlaloe. Didoega: lantaran itoe doea orang ada bertjintahan amat keras, maka Pek-hoa tentoe bakal adjak kekasihnja poelang ka kota Radja.
Nah, begiloelah iaorang ambil katetapan, salagi marika berangkat djalan, Jo Liem nanti pegat bersama-sama Pwe Soan asal sadja Touw Hin denger-denger kabar kapan harinja iaorang berangkat.
Pada soeatoe hari, sasoedanja Touw Hin dapet katerangan jang istrinja Lie Kwa-eng aken mengikoet Pek-hea poelang ka kota Radja, ia lantas kasi taoe toe pada Jo Liem, jang sigra djoega adjak Pwe Soan soesoel djalannja itoe doea orang, dan sabagimana pembatja telah liat, korban itoe dikatemoeken djoestroe di tempat soenji.
Sasoedanja melakoeken itoe pakerdjahan. ini doea Hohan lantas lariken koedanja dengen tjepet menoedjoe ka sebla Oetara tempat di mana Touw Hin jang sasoedanja kasi pengoendjoekan-pengoendjoekan ada menoenggoe.
„Bagimana ?” tanja Touw Hin pada kadoea sobatnja jang baroe sampe itoe.
Pwe Soan tida menjaoet, hanja mengoendjoek barang-barang jang ada di atas sela koedanja masing-masing, sabagi tanda jang pakerdjahan Itoe telah dilakoeken selesih. „Bagoes!” kata poela Touw Hin dengen hati senang.
Kamoedian katiga orang itoe laloe berangkat ka lemmatjwan, hingga maoe atawa tida, terpaksa Touw Hin menoeroet djoega.
Sasampenja di itoe roema, iaorang laloe doedoek beromong-omong.
Pwe Soan njataken ia poenja niatan boeat geraken satoe angkatan perang jang tegoe. Tapi boeat adaken itoe, lebi doeloe maoe dikoempoelken orang, ramsoem, alat sendjata, koeda dan sabaginja, boeat geraken satoe pakerdjahan besar.
„Demikianlah kita-orang poenja niatan,” kata poela ia kaloe kita maoe lakoeken soenggoe-soenggoe, akoe tida pertjaja jang geraken itoe tida berhasil.”
„Itoe poen boleh,” kata Touw Hin: „tapi akoe rasanja tida bisa toeroet berdiam lama-lama di ini tempat, kerna sabagimana Joheng dan Pwehong sendiri ada taoe, bahoewa akoe poenja hoekoeman belon didjalanken abis.”
„Djoestroe itoe ada lebi baek lagi, boekan ?” kata Pwe Soan.
„Baek boeat akoe, tapi tida baek boeat akoe poenja Tongdjin. Tjoba kaoe pikir, seande pembesar negri dapet taoe jang akoe ada berdiam di sini, tidakah Tongdjin Lie Eng djoega boleh toeroet dapet soesa kaloe akoe ditoedoeh djadi orang pemboeronan ?” Pwe Soan rasa bitjara itoe betoel djoega, maka ia tida brani terlaloe memaksa dan berkata:
„Ja, sajang sekali kaloe Tonwheng tida toeroet tjampoer, sedeng akoe berdoea Joheng ada harep betoel kaoe poenja bantoean. Maka sekarang, bagimana baeknja kita moesti atoer ini perniatan jang besar ?”
„Ini niat baek dilandjoetken,” kata Touw Hin: „sedeng kaoe di sini mengatoer dan sadia-sadia apa jang perloe boeat itoe persiapan, akoe bersama Joheng nanti pergi ka Tokliongkong boeat adjak Tongdjin dateng ka mari.—Nah, kaloe Tongdjin djoega ada di sini bersama-sama, akoe tentoe tida koeatir lagi.”
„Benerlah,” kata Jo Liem sambil memanggoet: „akoe satoedjoe sekali dengen kaoe poenjá bitjara. Belon taoe bagimana Pwe Koko poenja pikiran ?”
„Begitoe poen baek,” saoet Pwe Soan jang djoega amat moefakat, kerna kaloe Lie Eng djoega bisa dateng berkoempoel, keadahannja djadi bertamba tegoeh.
Kamoedian tiga orang gaga ini doedoek makan minoem dengen bersoeka-soeka hati. Berselang doea hari Touw Hin dan Jo Liem membri slamat berpisa pada Pwe Soan. Dari ini tempat marika berangkat ka bilangan Tjetjioe dan sasampenja di Swatang iaorang menoedjoe ka pasar kampoengan,
Di sebla depan ada kaliatan banjak orang lagi bergeroemoetan. roepa-roepanja lagi menonton satoe atawa laen pertoendjoekan. Satelah meliat begitoe, Jo Liem bersama Touw Hin laloe dateng menghamperi.
Njatalah itoe orang banjak lagi nonton doea orang jang lagi bersatori. Kerna begitoelah biasanja ditempat-tempat rame, kaloe ada sedikit sadja riboet atawa roesoe-roesoe, orang banjak lantas koempoel geroemoelan. Jo Liem awasi sala satoe dari itoe doea orang ada sobatnja jang bernama Tjoa leng dan diseboet djoega Itkihoa.
Dengn mengadjak Touw Hin, ia lantas mendesak ka sebla dalem dan sasampenja di sitoe ia lantas menanja, apa jang mendjadi sebab doea orang itoe beriboetan moeloet.
Tjoa leng djadi girang waktoe dapet liat itoe doea sobat jang dateng dengen mendadak. Maka ia lantas kasi taoe, bahoewa itoe orang ada sanget tida patoet, djika tida ada ini orang-orang, pasti orang itoe soeda dilabrak.
„Tapi, perboeatan tida patoet bagimanakah?” tanja Jo Liem.
„Dengerlah! samalem akoe dan ia ada menginep sama-sama dalem satoe roema penginepan,” kata Tjoe Leng: „tapi tadi pagi akoe soeda bangoen lebi doeloe, dan lantaran ada oeroesan, maka akoe lantas kaloear. Satelah sampe di sini, ia lantas bertreak-treak sambil mengedjar dan toedoeh akoe telah tjoeri barang bekelannja hingga membikin akoe djadi maloe dan panas hati. Tjoba kaoe pikir, apa itoe tida pantes dilabrak, kerna dengen itoe perboeatan ia djadi menghinaken sanget padakoe."
Satelah denger itoe katerangan, Jo Liem djadi mendongkol. Ia laloe berpaling pada itoe orang sembari kepal tangan dan berkata:
„Oh itoelah tida patoet sekali! Bagimana kaoe bisa menoedoeh orang dengen begitoe memboeta, hingga membikin orang djadi maloe ? — Kaoe taoe, Itkihoea ada akoe poenja sobat, jang sabegitoe lama akoe kenal padanja, ia ada saorang jang berhati poeti bersi. Apa ini katerangan kaoe maoe pertjaja atawa tida, itoelah ada perkaramoe sendiri. Tapi kaloe kaoe masi tetep membikin orang poenja maloe, maka hati-hatilah dengen akoe poenja kepelan jang tida bisa liat perkara tida patoet!”
„Akoe djoega tida menoedoe padanja,” saoet itoe orang dengen soeara pelahan: „hanja akoe tjoema menanja, kaloe-kaloe ia taoe tentang ilangnja barangkoe itoe. Maka apa tida pantes kaloe akoe tanja padanja, kerna ia poen ada bersama-sama dan brangkali ada liat orang jang mentjoeri itoe? Tapi ia boekan saoeti dengen baek, hanja lantas maoe poekoel padakoe,dan tentoe djoega akoe soeda dipoekoel kaloe tida ada orang banjak jang menghalanken.”
„Nah kaloe begitoe, soedalah,”" kata Touw Hin, jang rasa itoe oeroesan ketjil djangan dibikin lebi pandjang. Jo Liem djoega kata begitoe, maka achirnja itoe pertjidrahan djadi dami dan orang banjak jang bergeroemoelan lantas pada boebar.Kamoedian sasoedanja tinggal bertiga, Tjoa leng laloe menanjaken kadatengannja ini doea sobat jang soeda berpisa lama; masing-masing menanjaken marika poenja tempat tinggal dan keadahan dalem sakean waktoe jang iaorang tida bertemoe.
Sasoedanja menanjaken itoe, Jo Liem berkata:
„Sadari kita-orang berpisa, kaoe bekerdja apa sadja dalem itoe sapandjang waktoe ?”
„Tida bekedja apa-apa,” saoetnja: „hanja berdiam sadja di sana sini dengen maksoed jang tida katentoean.”
„Bagimana begitoe ?”
„Kerna sadari wafatnja Kong-beng Koko, akoe poen tida kapingin mamegang pangkat lebi lama,” kata Tjoa leng: „maka sadari itoe waktoe, akoe lantas menoempang pada akoe poenja Bokoe, jang ada mendjadi Tihoe di Lengtjioe. Tapi lantaran di sitoe akoe tinggal menganggoer sadja, maka akoe tida betah dan lantas berangkat bikin perdjalanan di koeliling tempat, dengen harepan bisa perolehken apa-apa jang bisa mendatengken hasil.”
„Itoe loch ada pakerdjahan jang tida tentoe ?” kata Touw Hin.
„Itoelah akoe telah bilang.”
„Kaloe begitoe kabetoelan sekali.”
„Apa ?”
„Baek kaoe ikoet sadja padakoe berdoea, dimana kita-orang nanti bekerdja bersama-sama boeat dapetkan harepan hati.”„Benerlah,” begitoe Jo Liem samboeng bitjaranja Touw Hin: „lebi baek begitoe, dari pada bekerdja jang tida ada katentoeannja.”
Tapi kaoe berdoea, satoe pada laen telah bertemoe di manatah, dan ada oeroesan apa dateng ka mari?” tanja Tjoa leng: „tjobalah tjeritaken kerna kaoe poen belon tjeritaken itoe padakoe.”
„Oh, akoe poenja riwajat ada amat pandjang boeat ditoetoerken,” saoet Touw Hin: „tapi biarlah akoe toetoerken dengen ringkes, soepaja kaoe bisa taoe sebab-sebabnja jang bener dari bermoela sampe di achirnja.”
Sahabisnja kata begitoe, Touw Hin laloe tjeritaken bagimana ia telah disoeroe bawa barang dagangan oleh Tongdjin Lie Eng ka kota Radja, dan di tenga djalan soeda katemoe Soen Liep jang mengirim soerat boeat disampeken pada Gak Ho; kamoedian bagimana lantaran itoe soerat ia ditangkep dan dihoekoem boewang.
Lebi djaoe ia tjeritaken kabaekannja Lie Kwa-eng jang djadi pembesar dan berkoeasa atas dirinja. Sampe achirnja ia dapet taoe perboeatannja Giok-go pada Pang Pek-hoa. Dan boeat bales boedinja itoe orang jang telah mengoeroeki kabaekan dan boedi, ia soeda berdami pada Jo Liem dan Pwe Soan aken boenoe itoe sapasang manoesia boesoek di tenga djalan.
Satoe persatoe ia tjeritaken dengen terang.
„Nah, lantaran itoelah sebabnja,” kata Touw Hin: „akoe djadi koeatir jang Koko Lie Eng nanti terbawa-bawa dalem ini perkara. Tapi sabelonnja bahaja itoe dateng, akoe maoe kasi taoe dan adjak ia bersama-sama pergi ka lemmatjwan, dimana Pwe Koko ada mengandoeng perniatan boeat geraken satoe pakerdjhan besar. ―― Dan bagimana kaoe poenja pikiran. Tjoaheng, satoedjoekah ?”
Brilah tempo boeat akoe pikir lebi djaoe,” saoet Tjoa leng: „boleh djadi djoega, kaloe akoe merasa tida ada halangan, akoe nanti satoedjoe.”
Sambil berdjalan iaorang bitjara teroes dan baroe brenti, sasoedanja sampe di satoe waroeng tempat menginep.
Jo Liem laloe minta toekang waroeng sadjaken anak dan makanan, dimana marika jang soeda lapar lantas makan minoem dengen bernapsoe.
Di itoe waroeng ada banjak laen-laen tetamoe jang makan dan minoem, sedeng di laen roewangan ada jang doedoek omong-omong sambil tertawa dan bertjerita ini itoe, hingga ramelah kaliatannja.
Jo Liem bersama Touw Hin dan Tjoa leng, jang sahabisnja bersantap laloe doedoek di itoe roewangan bersama-sama laen orang.
Itoe bebrapa orang lagi tjeritaken hal di kota Tjetjioe, dimana ada diseboet-seboet namanja Lie Eng, hingga membikin tiga orang ini djadi amat terkedjoet, sedeng parasnja poen djadi amat poejet.
Tapu, soepaja bisa denger tjerita itoe lebi djaoe dan tida menerbitken orang poenja tjoeriga, marika tahan sabrapa bisa hatinja dan dengerken dengen sabar.
Itoe orang jerita labi djaoe, bagimana Lie Eng telah ditangkap oleh pembesar di kota Tjetyjioe, hingga sekarang itoe Tongdjin dimasoeki dalem pendjara, boeat menonggoe papreksanan lebi djace oleh pembesar jang lebi tinggi. Begitoelali tjerita jang Touw Hin berdoea sobatnja dapet denger.
Maski itoe tjerita belon didapet kanjatahan benernja, toch apa jang marika denger baroesan, iaorang pertjaja dan harep djoega jang kabar itoe tida bener. Dengen hati merasa amat tida enak, tiga orang itoe laloe masoek ka dalem, boeat berdami bagimana moesti diatoer kaloe bener-bener perkara ada terdjadi begitoe roepa.
Sampe djaoe malem baroe masing-masing masoek ka kamar sendiri dengen pikiran koesoet. Dan besoknja di waktoe hari masi gelap goelita, sabelonnja laen-laen tetamoe bangoen, itoe tiga orang soeda tersedar dan lantas berpake-pake aken berangkat ka Tongliongkong.
Sasampanja di itoe tempat, marika laloe menoedjoe ka rocmanja Lic Eng: dari saorang jang mendjaga pintce Touw Hin dapet katerangan, bahoewa benerlah sadari brapa hari jang laloe Lie Eng Noeda ditangkep dan sekarang ada di dalem pendjara.
Touw Hin poenja kaki djadi lemas dan memandang kadoea sobatnja dengen tida berkata-kata. Tjoa leng dan Jo Liem djoega tida taoe bagimana sekarang mesti berboeat, hanja satoe pada laen djadi saling mengawasi.
Itoe waktoe Touw Hin jang ada amat tjinta dan satia pada Lie Eng. soeda tida bisa dapet satoe pikiran jang lebi back, salaen dari pada dobrak sadja pendjara bocat menoeloeng itoe Koko. Maka dengen hati bingoeng, ia lantas berkata pada doea sobatnja;
„Boeat meroeloeng Lie Koko, akoe tida sajang aken korbanken djiwa. Tapi kaloe akoe sendiri jang pergi, tentoe tida nanti bisa berbocat apa-apa. Maka boeat ini oeroesan apatah Hengte berdoea brani membri bantoean padakoe?”
„Tentoe! itoelah troesa ditanja lagi,” kata Liem dan Tioa leng dengen soeara berbareng.
„Kaloe begitoe, teteplah akoe poenja niat,” kata Touw Hin.
„Kaoe hendak berboeat apatah ?” lanja Jo Liem.
„Masa kita bisa berbocat laen, dari pada pergi ka pendjara dan bongkar itoe roema boei boeat kaloearken Koko ?”
„Ah, inih pikiran kliroe, sobatkoc. Dengen berboeat begitoe, kendati kaoe bisa oendjoek kasatiahanmoe, tapi sagala pakerdjahan jang dilakoeken tida nanti berhasil. Kaoe pertjaja? da! itoe tida boleh!”
„Abis bagimanatah ?”
Pertoeloengan memang kita-orang haroes briken, tapi dengen djalan begitoe roepa, boekan sadja nanti memboewang tenaga siasia, tapi kaloe pakerdjahan ini djadi gagal, keadahanuja Lie Koko jadi lebi berbahaja. Laen dari begitoe, apatah kaoe tida pikir, jang pembesar di Tjetjioc djoega tentoe socda atoer pendjagahan jang keras, hingga manatah gampang-gampang kita bisa mendobrak roem boei? Maka sekarang, menoeroet akoe poenja pikiran, baek kita balik sadja ka lemmatjwan, di sana kita nanti berdami dan ichtiarken dengen djalar bagimana pertoeloengan itoe bisa dibriken.”
„Benerlah, Touwheng,” kata Tjoa leng:„sabelounja lakken itoe kerdjahan, baek kita berdami lebi djaoe.”
Touw Hin njataken satoedjoe, dan kamoedian tiga orang toe balik kombali ka itoe roema penginepan tempat dimana samalem iaorang mondok.
Tatkala itoe, hari telah moelai siang. Satelah sampe di dalem waroeng, ini tiga sobat denger poela laen tjerita; antara laen-laen adalah: tadi di'ini tempat ada liwat sarombongan barisan jang dikapalaken oleh Pang Pioe menoedjoe ka kota Tjetjioe, boeat ambil persakitan Lie Eng jang perkaranja nanti dipreksa lebi djaoe di kota Radja.
Touw Hin mengawasi itoe kadoea sobat dengen tida berkata-kata.
„Itoe pembesar jang pimpin balatentara ada ajahnja Pang Pek-hoa. Dan menginget anaknja jang dibinasaken, ia tentoe aken djadi sakit hati Nekali,” kata ja kamoedian.
„Itoelah tentoe!” kata Tjoa leng: tapi menoeroet akoe poenja pikiran, sekarang kita poenja balik ka lemmatjwan moesti dioeroengken sadja, sebab dalem perdjalanan jang begitoe djaoe, manatah bisa kaboeroe boeat kita boelak balik membri pertoeloengan ?„
Tonw Hin dan Jo Liem berdiam, dari sorot matanja njata jang hatinja doea orang itoe ada amat bingoeng.
„Menoeroet akoe poenja pikiran,” kata poela Tjoa leng jang soeda taoe bagimana Jo Liem dan Pwe Soan pegat Pok-lioa di tenga djalan: maka ada lebi baek kita oelangken poela itoe pakerdjahan, sabagimana jang Joheng dan Pwe Koko lakoeken waktoe pegat itoe Kongtjoe kaparat? Begitoe akoe kira ada lebi baek dari dateng bongkar pendjara ?"
„Ja, ja, iteelah satoe pikiran bener sekali,”kata Jo Liem dan Touw Hin dengen soeara berbareng: „tjoema di manatah kita bisa toenggoe liwatnja itoe gerobak persakitan ? Sebab kita toch tida taoe di mana Pang Pioe jang mengiring Lie Koko bakal liwat ?”
„Ah, itoelah tida soesa, kerna kita toch boleh serep-serepin,” saoet Tjoa leng:„tapi menoeroet akoe poenja doegahan, Pang Pioe itoe lentoe bakal liwat di Jatilim, dan itoe tempat akoe kenal baek.”
Lebi djaoe Tjoa leng itoe kasi taoe, bahoewa bocat meliwat di Jatilim, orang moesti lintasi satoe rimba jang pandjang djoega. Dan boeat dapet taoe itoe lebi terang, back ia nanti tanjaken pada iloe orang-orang jang tadi bitjara.
Touw Hin dan Jo Liem menjataken moefakat, kamoedian Tjoa leng itoe berdjalan ka loear dan ambil tempat doedoek di tempat laen-laen tetamoe, jang djoestrue lagi membitjarakan itoe perkara.
Selang sedikit waktoe, orang gaga ini masoek kombali dan kasi taoe pada kadoea sobatnja, bahoewa benerlah sabagimana jang ia telah doega
Kerna dari ile orang-orang jang tadi mengomong, ia soeda dapet katerangan betoel jang Pang Pioe bakal liwat di itoe oetan.
„Nah, kaloe begitoe, bagoeslah!” kata Touw Hin dan Jo Liem dengen soeara berbareng: „sekarang hajoelah kita bersadia-sadia.”
Kamoedian katiga orang gaga itoe toekar pakean dan bekal djoega sendjata jang perloe. Sadoedanja beres, iaorang laloe kaloear dari itoe roema makan dan pergi ka tempat jang dioendjoek oleh sobatnja.
Sasoedanja menoenggoe (kira-kira satenga djam, belon djoega ada kaliatan orang jang berdjalan, hingga Touw Hin djadi koeatir, kaloe-kaloe itoe grobak persakitan nanti liwat di laen tempat. Tapi sabelonnja kakoeatiran itoe dinjataken, dari depan ada kaliatan sarombongan tentara negri jang lagi djalan mendatengi, dan pembesarja jang menoenggang koeda ada mengikoeti dari blakang.
„Nah, itoe dia,”kata Tjoa leng sambil menoendjoek ka deman Katiga orang itoe lantas bersiap.
Tida lama itoe rombongan telah sampe di itoe tempat, dan Jo Liem laloe kalocar dari tempatnja semboeni sambil mamegang golok. Ia menghamperi pada Pang Pioc dan ini pembesar jang tida tjoeriga, berdjalan teroes.
Satelah soeda berhadepan, Jo Liem laloe angkat goloknja dan tabas lehernja itoe dorna, jang itoe waktoe djoega lantas roeboe dari atas koeda dengen tida bernjawa.
Itoe bebrapa poeloe soldadoe jang mengiringi grobak djadi amat terkedjoet. Touw Hin dan Tjoa leng laloe dateng menghamperi dengen sendjata terhoenoes. Itoe soldadoe-soldadoe satelah meliat pembesarnja telah binasa, masing-masing lantas melarikan diri dengen tinggalken itoe grobak persakitan.
Tjoa leng tida memboeroe, hanja bersama-sama Touw Hin marika laloe hamperi itoe grobak dan satelah meliat pada Lie Eng, iaorang djadi girang sekali.
„Koko tentoe banjak kaget,” kata Tjoa leng sembari dobrak itoe kerangkeng besi, sedeng Touw Hin boekain borgolannja dan kamoedian tiga orang gaga itoe membri hormat dan menanjaken sedikit apa-apa.
Waktoe meliat pada Touw Hin, Lie Eng djadi girang sekali. Tapi sebab itoe waktoe tida ada tempo boeat menanjaken oeroesan-oeroesannja itoe hamba jang satia, maka iaorang tjoema beromong-omong sadja sedikit jang perloe, kamoedian ampat orang ini laloe menoedjoe ka Tokliongkong.
Sasampenja di roema sendiri, Lie Eng laloe beresken barang-barangnja jang berharga jang perloe boeat dibawa. Boedjang-boedjang jang bekerdja semoca dilepas soeroe pergi, dengen diprenta ambil sagala barang jang ada dalem itoe roema.
Ini pakerdjahan dilakoeken dengen jepet. Sasoeda semoca orang pada kalocar, Lie Eng ambilin api dan bakar roema itoe, dan sabelonnja api itoe padem, iaorang soeda berangkat ka lemmatjwan.
Itoe wakine pendoedoek di Tokliongkong djadi amat riboet bocat menocloeng bahaja api, sedeng jang laen membri lapoer tentang terdjadinja itoe pemboenoehan di oetan Jatilim, dimana Pang Pioe jang mengiringken persakitan telah binasa, dan Lie Eng telah dapet toeloengan dari tiga orang gaga, hingga sekarang telah melariken diri.
Pembesar di kota Tjetjioe satelah denger itoe kabar, djadi terkedjoet dan lantas prenta siapken soldadoe boeat mengedjer itoe ampat orang. Tapi lantaran tida kataoean ka mana ampat orang Itoe telah lari, maka mengoedak belon sabrapa djaoe balatentara itoe soeda ditarik kombali.
Itoe waktoe Lie Eng bersama tiga sobatnja soeda berdjalan djaoe, waktoe iaorang menengok ka blakang dan tida dapet liat ada soldadoe jang mengedjer, hatinja djadi girang dan berdjalan teroes dengen tjepet, jang tida lama kamoedian sigra sampe di lemmatjwan. Pwe Soar jang denger itoe kabar djadi amat girang dan lantas kaloear menjamboet dengen kahormatan. Ja djadi lebi girang lagi waktoe dapet liat orang jang dateng itoe salaennja Lie Eng. djoga ada Tjoa long, saorang gaga jang terkenal.
Sasoedanja satoe pada laen djalanken kahormatan dan menanjaken kawarasan, itoe orang- orang jang baroe sampe laloe disilaken masoek ka dalem dan Pwe Soan prenta orangnja sadiaken makanan dan minoeman. boeat membri slamat dateng pada itoe kawan-kawan baroe.
Sigra djoega marika itoe lantas makan minoem dengen sagala soeka hati. Boeat menambaken ramenja itoe plesiran, Jo Liem prenta ia pocnja rahajat boenjiken roepa-roepa tetaboehan jang merdoe.
Begituelah sambil minoem Lie Eng moelai menanja pada itoe tiga orang jang menoeloeng papadanja, bagimana marika bisa dapet taoe Pang Pioe baka! liwat di sitoe, hingga dateng menoeloeng padanja.
Orang jang ditanja laloe djawab satoe persatoe, hingga Pwe Soan jang denger poen djadi toeroet soeka hati.
Lie Eng menjataken soekoer dan trima kasihnja pada itoe doea sobat, teroetama pada Touw Hin, hambanja jang satia.
Sasoeda itoe, baroelah ia menanjaken bagimana keadahannja Touw Hin di tempat hoekoeman, dan laen-laen poela hal jang ia masi belon taoe. Sasoeaioe pertanjahan didjawab dengen terang.
Touw Hin toetoerken satoe persatoe dari permoelahan, jaitoe sadari ia berangkat dari Tokliongkong mengiring itoc barang-barang boeat Ong Siauw-sam di kota Radja, dan waktoe liwati goenceng Tenghoeusan la dipegat oleh Wie Siauw tjhit berdoea Soen Sin, jang kamoedian ia mampir di itoe goenoeng dan katemoe Soen Liep jang kirim satoe soerat boeat Gak Ho.
Sasampenja di kota Radja, sasoeda serahken barang-barang itoe pada Ong Siauw-sam, mikianlah Touw Hin landjoetken tjeritanja: ditangkep di gedongnja Ong Hoema dan waktoe perkaranja dipreksa, Hoe-ie djatoken hoekoeman boewang ka tempatnja Lie Kwa-eng. Sampe di sini Touw Hin menjataken soekoernja pada Lie Eng. jang soeda kaloearken banjak, oewang boeat membela, hingga dirinja tjoema dihoekoem boewang
Sebab kalbe tida digoenaken pengaroenja oewang, tentoelah dirinja bakal terhoekoem boenoe atawa laen hoekoeman jang lebi berat.
Kamoedian ia tjeritaken bagiana Lie Kwa-eng poenja kabaekan. Kerna dalem hoekoemannja itoe la tjoema dipakerdjaken sabagi orang soeroehan, maka ia ada tempo bocat kaloear-kaloear atawa pergi mincem di waroeng-waroeng arak. Di sinilah ia telan katemoc pada Jo Liem, dimana ia kasi taoe djoega atas perbocatamnja Giok-go jang sånget tida patoet.
Dalem itae sapandiane lierita Lie Eng Pwe Soan dan Tjoa leng ada mendengeri dengen sabar, dan saban saban iaorang gojang kapala kaloe denger perkara-perkara jang begitoe roepa.
Dalem hatinja ada memoedji atas Touw Hin poenja kadjoedjoeran.
Lebi djao Touw Hin tjeritaken, bagimana hatinja djadi amat goesar, satelah dapet taoe jang Lie Kwa-eng soeda mati boesan dengen sawadjarnja. Dan boeat bales boedinja. Kwa-eng jang telah banjak menoeloeng padanja. maka ia rasa wadjib kaloe itoe doea manoesia boesock dibinasaken. Maka boeat lakocken ini hal ia laloe berdami pada Jo Liem, jang kamoedian, dengen bantoeannja Pwe Soan, sakit hatinja itoe pembesar dapet dibales dan Pang Pok-hoa bersama Giok-go telah diboenoe.
Achirnja ia toetoerken bagimana Jo Liem dan Pwe Soan soeda minta boeat ia tinggal di sini sama-sama, tapi lantaran inget pada ini Tongdjin, jang dikoeatir panti toeroet kabawa-bawa, maka permintahan itoe ia soeka loeloesken, kaloe Lie Eng djoega soeda dateng dan maoe berkoempoel.
Begitoelah achirnja ia bersama Jo Liem berangkat ka Tokliongkong dan bagimana di itoe tempat ia telah katemoe pada Tjoa leng jang lagi satori.
„Djoestroe di roema makan-tempat dimana kita-orang brenti, akoe denger Tongdjin telah ditangkep,” kata Touw Hin sabagi penoetoepnja itoe tjerita: naka itoe waktoe hatikoe boekannja maen poenja koealir dan bingoeng, maka boeat lakoeken pertoeloengan. akoe lantas niat maoe bongkar pendjara. Tapi hal ini telah ditjega oleh Joheng, jang menjataken tida baek berlakoe begitoe tjerobo, hanja maoe adjak akoe balik sadja ka mari boeat berdami lebi djaoe pada Pwe Koko. Tapi besokannja waktoe kita-orang dapet taoe jang Tongdjin bakal dibawa ka kota Radja, Tjoaheng lantas kasi pikiran boeat kita-orang rampok sadja persakitan di Jatilim, dimana achirnja njata pakerdjahan ini telah beroentoeng."
Lie Eng cjadi socka hati mendenger ini katerangan jang pandjang lebar. Sasoedanja itoe, baroe ia tjeritaken riwajat diri sendiri sadari Touw Hin berangkat sampe dirinja tertangkep. Pada Itoe orang-orang gaga la hatoerken trima kasi, sabaliknja dari itoe sobat ia dihatoerken slamat dengen sagala kagirangan.
Begitoelah, lantaran bitjaraken hal-hal di atas, maka perdjamoean baroe ditoetoep pada sasosdanja liwat tengamalem.
Jo Liem dan Pwe Soan jang memang soeda sadiaken kamar, laloe anterken itoe sobat ka masing-masing kamarnja.
Esoknja pagi sasoedanja bangoen dan tjoetji moeka, lima orang itoe laloe doedoek beromong-omong.
Pwe Soan njataken girangnja hati, jang achir-achir Lie Eng bisa sampe ka ini tempat, hingga perniatan jang sakean lama ada terkandoeng dalam bati, ia rasa uda soesa lagi boeat dikerdjaken. „Ini semoea boleh bilang seperti ada kahendaknja Allah,” kata Pwe Soan sambil menjataiken kagirangannja hati: kerna salaennja Lie Koko, djoega kita-orang dapet djoega hantoeannja Touwheng dan Tjoaheng jang gaga perkasa.
Orang-orang gaga jang diseboet itoe Taloe merendaken diri.
Kamoedian Pwe Soan landjoetken bitjaranja:
„Sekarang sasoedanja ada di sini, akoe harep Koko tida menampik boeat trima kita-orang poenja angkatan, boeat djadi kapala di lemmatjwan dau pimpin ini semoea rahajat, sedeng kita-orang nanti denger dan toereet atas Koko poenja prenta."
„Ah, Pweheng, atoeran apalah begitoe ?!"kata Lie Eng dengen terkedjoet: „tida! itoelah tida ada aloeran. Boeat akoe jang tida ada mempoenjai tempat, nanti merasa amat sockoer kaloe bisa dapet perlindoengan di sini."
„Akoe harep Koko tida nanti menampik,” kata poela Pwe Soan dengen memaksa
„Benerlah, Koko, begitoclah memang ada kita-orang poenja maksoed,” kata Jo Liem jang samboeng bitjara kawannja: sabelonnja kaoe dateng poen, memang kita-orang soeda ada itoe pernialan, jang bila Koko bisa sampe di ini tempat, sigra djoega Pwe Koko nanti serahken kawadjibannja padamoe, maka ini niat jang soetji dan sasoenggoenja hati, harep kaoe tida toelak.”.
„Ah, Joheng, inilah boekan atocran jang pantes.” kata Lie Eng sambil barbangkit masalah akoe jang soeda ditoeloeng dan sekarang tida lebi sabagi orang jang menoempang, moesti doedoek di sebla atas dari kaoe. Maka boleh idjadi, mana boleh djadi begitoe.”
„Mengapatah tida ?” kata itoe doea orang gaga jang maoe serahken kabesarannja: „sabagimana telah dibilang, ini angkatan poen memang lebi doeloe kita-orang telah pikir dan niat. Apa tida pantes kaloe Koko jang lebi mengarti dalem oeroesan balatentara dan aloeran paperangan, diangkat djadi pemimpia ?”
Kamoedian, lantaran terlaloe dipaksa, maka apa-boleh-boeat Lie Eng trima djoega toe angkatan.
Begitoelah Pwe Soan tetepken: Lie Eng sabagi kapala dapet kadoedoekan di korsi kasatoe, Pwe Soan di korsi jang kadoea dan Tjoa leng di korsi jang katiga. Tapi baroc sadja diseboet sampe di sitoe, Tjoa Keng ialue berbangkit dan toelak dengen hormal boeat itoe angkalan, dengen alesan: tida pantes, crang jang sabagi ia, jang belon ada mempoenjai pahala apa-apa dan djoega baroe dateng, moesti doedoek di sebla atas dari Jo Jiem dan Touw Hin.
„Akoe harep Pweheng nanti berlakoe lebi adil,” kata ia kamoedian: masatalı akoe jang baroe sadja sampe. lantas melebiken dari Joheng dan Touwheng, itoe toch tida patoet?”
„Apa Tjoaheng tida liat bagimana Lie Koko seda tring angkatan sabagi kapala ?” kata Pwe Soan sambil tertawa: hal kadoedoekan tida perloe dipili orang jang lama atawa baroe, hanja orang poenja kagagahan dan katjakepan, itoelah ada jang teroetama. Maka akoe harep soedara tida menampik.”
Tjoa leng tetep menoelak dan hatoerken trima kasi sadja. Ia kata, ia lebi soeka dapet kadoedoekan jang di sebla bawah.
„Ah, itoelah tida bisa,” kata Jo Liem, jang kamoedian bantoe memboedjock, soepaja ini orang gaga seeka trima keangkatannja.
Tapi Tjoa leng tetep menampik dengen keras dan berkata:
„Sabetoelnja akoc poenja niatan hendak djalan ngoembara, inilah djoega sebabnja, maka mengapa akoe tida bisa trimma itoe keangkatan jang Koko telah briken. Hal ini Joheng dan Touwheng sendiri poen telah tave, kerna waktoe pertama kall kita-orang bertemoe dan tanja pikirankoe, akoe poen belon kasi katetapan soeatoe apa. Tjoba kaloe akoe fida kandoeng itoe permiatan, pasti lebi siang akoe soeda njataken satoedjoe.
„Demikianlah adanja akoe poenja maksoed,” kata poela ia lebi djaoe:„akoe harep Liatwi Koko tida djadi ketjil hati, kaloe terpaksa akoe soeda menolak, sedeng atas Koko poenja katjintahan hati, salaennja dihatocrken trima kasi, akoe nanti inget djoega boeat salamanja.”
Lie Eng, Jo Liem dan Touw Hin poen bantoe memboedjoek Tina leng tinggal tetep dalem niatnja, hingga orang djadi merasa kawalahan dan apa-boleh-boeat.
Sasoeda ito, baroelah Lie Eng menanja: kaloe la berlaloe dari sini, ka manatah sobat ini maoe pergi.
Tjoa leng bilang, itoelah belon katentoean.
„Kaloe Tjoaheng ada mempoenjai itoe niatan jang tetep, kita-orang poen tida brani terlaloe memaksa," kata Lie Eng: tapi maski bagimana, harep kave soeka berdiam lagi sedikit hari di ini tempat.
Tjoa leng locloesken itoe permintahan dengen sagala senang hati.
Kamoedian itoe korsi jang katiga dibriken pada Jo Liem dan Touw Hin di korsi jang kaämpat.
Sasoedanja selesih bikin pemilihan, Pwe Soan laloe sorroe rahajatnja sediaken barang-barang hidangan dan arak jang baek. boeat membri slamat pada kapala jang baroe. Sedeng sakalian thauwbak pada dateng membri slamat pada Lie Eng, jang sekarang ada mendjadi iaorang poenja pemimpin.
Dalem itoe perdjamoean marika pada makan minoem dengen sagala soeka hati dan bitjaraken oeroesan angkatan perang.
Lie Eng njataken ia poenja pikiran, boeat sekarang back dikoempoel orang dan alat sendjata, koeda dan teroetama ramsoem, ada perloe sekali. Sebab lambat laoen pamerenta agoeng tentoe bakal kirim tentara, kaloe sooda taoe gerakannja jang ada membahajaken pada negri.
Semoea orang njataken moefakat. Dan poedji djoega Lie Eng poenja pikiran jang tadjem.