Sam Bin Tjoe Gie/Testament dari Dr. Sun Yat Sen
TESTAMENT
DARI
Dr. SUN YAT SEN.
Boeat lamanja ampatpoeloe taon akoe telah terdjoenken diri dalem pergolakan rahajat dengen tjoema mempoenjai satoe maksoed, jalah boeat tjokolken Tiongkok disatoe kadoedoekan jang merdika dan sama rata dengen laen-laen bangsa didoenia. Akoe poenja pengalaman-pengalaman selamanja ini ampatpoeloe taon soedah bikin akoe merasa pasti bahoea boeat sampeken ini toedjoean kitaorang moesti bikin sedar betoel kitaorang poenja bangsa dan gaboengken kita poenja diri dengen laen-laen bangsa didoenia jang perlakoeken kitaorang atas dasar sama rata dalem satoe pergoeletan jang mempoenjai kapentingan sama. Pekerdja'an Revolatie sampe di'ini waktoe belon djoega rampoeng. Biarlah kitaorang semoea poenja kawan-kawan djalanken akoe poenja „Plans for National Reconstruction" (Plan-plan boeat perbaeki Negri), „Fundamentals of National Reconstruction" (Atoeran-atoeran jang sebagi teki boeat Perbaeki Negri), „Three Principles of the People" (San Min Chu I), dan itoe „Manifesto" (Maloemat) jang dikaloearken oleh National Congres Pertama dari kitaorang pocnja Partij, dan goeloeng tangan badjoe boeat bikin marika djadi sampoerna betoel. Apa jang paling teroetama, kita poenja pernjata'an jang baroe ini dioemoemken boecat panggil berkoempoel satoe Nationaal Congres dan boeat bikin habis itoe berbagi-bagi tractaat-tractaat pintjang moesti didjalanken sampe berhasil betoel dalem tempo jang pendek. Inilah ada akoe poenja pesenan jang paling oetama pada kaoeorang sekalian.
(w. g.) SUN WEN.
11 Maart 1925.
Ditoelis pada 20 Februari 1925.