Tjerita-tjerita dari negeri Atjee/PERANG DI LEMBOE.
Sebentar segala roepa di bikin, boewat bikin idoep lagi itoe perampoewan. Lama sekali, baroe dija boeka matanja, tetapi dija belom sampej koewat akan bilang apa-apa. Toewan doktor itoe lantas soeroh bawa di roemah tempo, lantas di sitoe ada satoe oepas jang kenal sama dija. Ampat belas hari bagitoe, si Sarina keloewar dari roemah tempo. Semoewa orang lantas dapat tahoe tjelakanja si Sarina, dan dari itoe hari si Sarina itoe di panggil perampoewan Atjee.
PERANG DI LEMBOE.
Kali Atjee itoe di pakej oleh orang Atjee akan bawa kaloewar barang-barang dagangannja. Djadi pikirnja toewan djendral van Swieten itoe, kaloe kali Atjee ini di ambil kompeni, lantas di larang liwat prahoe-prahoe Atjee, tentoe orang Atjee tiada bisa perang lagi, dari koerang doewit. Kali Atjee itoe soedah di ambil dari Penajong sampej ka sebelah laoet, ada kira-kira satoe djam setengah djahoenja. Di Penajong ada roemahnja toewan djendral itoe.
Di bawah sini nanti kita lihat pikirannja toewan djendral itoe tiada betoel. Maski brapa kali djoega orang Atjee itoe soedah di poekoel, masi brani djoega lawan kompeni. Tempo-tempo dija pasang itoe bipak di Penajong, dan lagi di pinggir kali dija bikin benteng akan tahan kompeni.
Dari apa Penajong ini bajik sekali di bikin tempat akan kasih keloewar kolono-kolono, dan lagi gampang sampej ka kapal-kapal jang berlaboe di lahoet, djadi begitoe bipak ini di bikin koewat sekali, maoe di bikin benteng.
Djadi bagitoe di bikin djembatan ka kampong Djawa, di sebrang kali.
Di kampong Djawa itoe ada satoe bataljon. Dari apa di kampong Djawa itoe tida bagitoe banjak penjakit, toewan djendral van Swieten mengalej kasitoe, tanggal 21 boelan December tahon 1873. Bipak itoe tinggal bernama Penajong, dari apa sekilwak-sekilwak boleh djaga tempat itoe.
Maqtsoednja (maoenja) toewan djendral van Swieten ini, ambil kratonnja Soeltan Alidin Machmoed Sjah.
Sebelomnja moelai perang, toewan djendral van Swieten maoe bitjara sama Soeltan itoe, akan kasih tahoe pada dija, apa sebabnja belanda itoe masoek di negerinja, dan lagi kaloe dija maoe bersobat dengan kompeni, apa nanti dija misti djandji pada kompeni.
Tanggal satoe boelan December tahon 1873 toewan djendral van Swieten itoe, soedah toelis pada Soeltan Atjee, akan kasih tahoe pada dija, kompeni ini tiada bisa di lawan; dan lagi toewan djendral minta di dalam soerat itoe jang djangan Soeltan ini dengar sama orang orangnja jang maoe perang sadja. Dan lagi toewan djendral katanja, kaloe Soeltan itoe maoe bersobat, bijar lekas dija kirim pesoeroehan ka toewan djendral, akan dengar kahendaqkannja.
Toewan djendral van Swieten itoe, kirim satoe soerat lagi pada Soeltan Atjee, katanja, kaloe nanti perang djoega, ija minta orang-orang jang di tangkap dan jang loeka di pijara betoel, djangan di ganggoe atawa di boenoh. Mintanja lagi, pekerdja-an perang itoe bijar patoet.
Maoenja djoega toewan djendral van Swieten itoe, kaloe perang, di mana datang kompeni tida boleh rampas atawa bakar roemah. Sijapa-sijapa jang melawan kompeni soedah tentoe di lawan djoega. Lagi tida di kasih boenoh perampoewan-perampoewan dan anak-anak dan orang-orang laki-laki jang tida mengikoet bekelahi.
Benteng-bentengnja moesoh boleh di rombak, tetapi roemah-roemah dan kampong-kampong tida di kasih di bakar. Sijapa-sijapa tida mengikoet perentahan ini nanti di hoekoem mati, dan lagi, kaloe roemah-roemah dan kampong-kampong itoe di bakar, soesah nanti tjari tempat berhenti-an dan pondokan. Bagini kahendakannja toewan djendral van Swieten itoe. Maka perentah-perentah ini di kasih pada tanggal 20 boelan November tahon 1873.
Soerat-soeratnja toewan djendral van Swieten nanti maoe di soeroh bawa oleh hoeloebalang dari 25 Moekim, namanja Radja Moeda Satio. Tetapi di belakang, hoeloebalang ini djadi takoet, katanja nanti dija di boenoh, orang-orangnja dari apa dija soedah bersobat dengan kompeni.
Lantas ini, ada soewatoe toewan kaptin, namanja toewan Vervloet, katanja ija maoe bawa itoe soerat ka-kraton. Tetapi toewan djendral itoe tida kasih sebab barangkali nanti di boenoh. Lantas bagini, soerat itoe di soeroh bawa pada soewatoe orang djawa, namanja Mas Soema Widikdjo, oemoernja ada toedjoepoeloeh tahon. Si Mas Soemo ini dari dahoeloe selamanja soedah mengikoet toewan djendral van Swieten, seperti di Bali, di Boni dan di Atjee. Mas Soemo ini, soedah bijasa di soeroh bawa soerat-soerat dan kabar-kabar ka moesoh. Dan lagi, sebab dija selam djoega, dan koelitnja itam, kiranja toewan djendral orang Atjee barangkali tida bagitoe bentji seperti pada orang blanda.
Pada hari 22 boelan December, djadi tiga hari di moekanja tjerita ini, si Mas Soemo Widikdjo pegi ka moesoh. Jang anter pada dija, ada saorang melajoe, namanja Ma-Asrah, dan lagi orang djawa, namanja Mas Kerto Soediro, Soeroe Melangi dan raden Toegoh.
Ada satoe orang dari kampong Penajong, jang oendjoeki djalan sampej di benteng-bentengnja moesoh.
Kasian sekali si Mas Soemo ini. Dija itoe di boenoh moesoh, sesoedahnja dahoeloe di bikin sakit sekali badannja. Bagitoe kelakoeannja orang Atjee. Pesoeroehan itoe, maski orang moesoh, boekan tida boleh di ganggoe, apa lagi di boenoh?
Segala roepa, jang di bikin oleh Mas Soemo Widikdjo, di tjerita oleh teman-temannja, jang soedah mengikoet sama dija.
Teman-temannja ini oentoeng sekali tida di boenoh orang Atjee, boleh lari.
Tempo si Mas Soemo Widikdjo itoe, sampej benteng-bentengnja moesoh, lantas dija di tahan orang Atjee. Sesoedahnja di kasih ketrangan, si Mas Soemo minta dija di bawa di moekanja Soeltan. Samantara itoe, datang Toekoe-Talang dan panglima 25 moekim dan panglima 26 moekim. Jang pertama ini terima soerat-soeratnja si Mas Soemo Widikdjo.
Lama-lama, banjak sekali orang Atjee bekoempoel satoe, dan pesoeroehannja kita ini, di kepoeng. Ada jang soeda maoe boenoh orang-orang ini; kiri kanan orang-orang ini di pegang, di tolak, di djorok, dan si Mas Soemo sampej di rampas tempat sirihnja. Tjoba pada waktoe itoe tida datang satoe hadji, tentoe pesoeroehan kita ini soedah di boenoh di sitoe djoega. Hadji ini kata pada orang-orang Atjee, jang pesoeroehan-pesoeroehan selamanja tida boleh di ganggoe, dan lagi selamanja bagitoe bijasanja Soeltan-Soeltan Atjee.
Orang-orang Atjee djadi bagitoe, tahoe hadat-hadatnja. Kaloe bagitoe, djadi mangkin besar salahnja.
Bermoela orang-orang itoe tida bagitoe di ganggoe; tetapi makanannja terlaloe sekali. Ada bagitoe, soedah di toetoep lebeh dari ampat belas hari, di kasih kabar, nanti dija di boenoh besoknja. Lantas di ikat dan di djaga betoel.
Sorej, djam poekoel anam, dija orang di tinggali, lantas si Mas Kerto Soediro tjoba gigit talinja, sampej poetoes. Lantas jang doewa di boeka djoega talinja. Kira-kira poekoel toedjoeh sorej, dija orang djalan semboeni-semboeni di pinggir roemah-roemah, dan lagi sebab, gelap dan banjak remboe-remboe, dija orang sampej di kali.
Si Soeroe Melangi itoe koerang ati-ati; tinggal berhenti sebentar di pinggir kali. Djadi dija di dapat lihat, di tangkap lagi, dan di sèrèt ka kali. Lantas kapalanja di masoeki di ajer, sampej kiranja mati. Lantas dija di toesoek toembak di dadanja sampej doewa kali; lantas di boewang didalam satoe lobang.
Tjoba pikir; kita orang ini soedah tentoe marah sekali, tempo kedengeran tjelakanja pesoeroehan pesoeroehan itoe.
Pikirannja semoewa soldadoe-soldadoe, orang Atjee itoe, pertjoema kompeni kasian.
Kompeni itoe, selamanja baik sekali boewat orang-orang Atjee jang soedah di tangkap. Melajinkan di lepas lagi, di kasih doewit djoega.
Moesoh ini tahoe itoe, djadi maoenja kompeni, moesoh bikin bagitoe roepa djoega.
Tentoe soldadoe-soldadoe sekarang bentji betoel sama orang Atjee.
Toewan djendral van Swieten ini, sekarang pikirannja djoega, pertjoema orang Atjee itoe di bikin bajik. Djadi sekarang moesoh itoe maoe di paksa dengan keras. Selamanja toewan djendral bajik sekali boewat orang Atjees tetapi, sebab sekarang itoe orang Atjee koerang trima sekali, sekarang moesoh itoe maoe di kasih rasa kekoewatannja kompeni.
Kraton itoe sekarang maoe di ambil betoel-betoel. Merijam-merijam jang besar sekali, di bawa ka Penajong. Kraton itoe maoe di pasang dahoeloe sampej antjoer, lantas di belakang maoe di ambil.
Kompeni itoe soedah dapat tahoe, dari patroeli- patroeli di sebelah kidoel dari Penajong, ada satoe aloon-aloon. Di aloon-aloon ini maoe di taroh itoe merijam-merijam besar sebab dari ini gampang di pasang kraton itoe.
Soepaja boleh tahoe tempatnja betoel dan aloon- aloon itoe, maoe di periksa dahoeloe ka sebelah kidoel sebelah wetan.
⁂
Hari 25 boelan December tahon 1873 di pigi periksa ka sebelah sana itoe. Memeriksa-an ini namanja perang di Lemboe.
Kira-kira djam poekoel 8 pagi-pagi, ada keloewar dari kraton bataljon tiga, tiga kompeni setablan, setengah kompeni minoeran, dan hoesaran.
Semoewa itoe koewasanja toewan kornel Wiggers van Kerchem. Toewan kaptin van Daalen djadi opsier stap. Toewan djendral van Swieten dan toewan djendral Verspijek nanti datang di belakang kolono itoe.
Baroe kolono itoe keloewar dari bipak, lantas di pasang dari sebelah wetan dan dari sebelah kidoel sebelah wetan.
Kampong itoe, dari mana kita orang di pasang, soedah di bikin koewat sekali oleh moesoh. Di pinggir kampong itoe ada bèntèngan dan lagi ada parit-parit djoega di tempat-tempat, di mana boleh gampang masoek di kampong.
Toewan djendral van Swieten ini, belom maoe bekelahi dahoeloe; maoe tahoe sadja aloon-aloon itoe ada apa tida. Djadi ija kirim satoe opsier ka kolono jang di moeka itoe, dengan perentah kolono itoe misti pigi ka sebelah kidoel dan ikoet kali Atjee itoe.
Lantas begitoe, hoopkolono itoe menggok ka sebelah kidoel, tetapi tempo djalan di pasang sadja dari benteng-benteng moesoh. Benteng-bentengnja orang Atjee itoe, roepanja di bikin bajik sekali.
Lantas kolono itoe maoe ambil benteng-benteng ini. Tempo waktoe marijam-marijam tinggal pasang sadja, orang-orang soldadoe jang lajin madjoe, sampej ketemoe moesoh.
Marijam-marijam itoe terlaloe sekali pasang-pasang sadja benteng-bentengnja moesoh. Wah, roesoe betoel di sitoe; dan perang itoe terlaloe sekali.
Dalam sedikit tempo sampej ampir tida kelihatan lagi orang, sebab terlaloe banjak asep. Moesoh itoe djoega brani sekali; tida bisa di poekoel soldadoe, dari apa koerang banjak orang. Djadi bagitoe, toewan djendral van Swieten minta toeloeng dari belakang.
Lantas madjoe lagi bataljon sembilan, dan tiga merijam akan toeloeng orang di moeka itoe. Di bipak itoe, semoewa orang soldadoe soedah antree, toenggoe prentah madjoe.
Bermoela, di tjoba ambil kampong Lemboe. Kampong ini djoega koelilingnja ada benteng-bentengnja; betoel ketjil tetapi koewat sekali. Di moeka benteng-bentengan, ada banjak sekali bamboe doeri; djadi soesah sekali di ambil.
Sasoedanja marijam-marijam itoe kira-kiranja sampej pasang, lantas bataljon tiga madjoe. Terlaloe sekali bataljon ini di pasang; tetapi tida maoe moendoer. Memang brani betoel ini bataljon tiga; soedah bijasa menang kaloe perang. Bataljon tiga itoe, jang tadinja di bagi doewa, ampir sama-sama datang di moekanja pagar-pagar bamboe doeri itoe. T emponja bataljon ini sampej di pinggir kampong pong kasebelah koelon, toewan Obos van Engel madjoe ka sebelah lor dengan separohnja bataljon sembilan.
Benteng-bentengnja moesoh itoe seperti lawoet api; kiri kanan kedengeran lila dan senapan sadja; tetapi kita orang pasang betoel djoega.
Moesoh itoe masi belom maoe moendoer; soedah tentoe; dija ini bisa semboeni di belakang benteng-bentengannja, dan lagi, sebab ada pagar bamboe doeri, kita orang tida bisa madjoe.
Tempo di lihat, kita ini di tahan sebab bamboe doeri itoe, lantas toewan kaptin van Daalen soeroh berhenti pasang, dan tjaboet kapmes boewat potong itoe pagar-pagar.
Soldadoe-soldadoe sebentar mengikoet perentah itoe. Dija orang tida pedoeli di pasang; tinggal batjok sadja. Tetapi bamboe doeri itoe tida bisa di boewang.
Ada soewatoe adjidan, namanja van Bredow, jang pegang bandoel, dija takoet, soldadoe-soldadoe itoe barangkali nanti ketjil hati; djadi dija madjoe dengan memegang bandoel di tangannja. Dengan banjak sekali soesah dia masoek die bamboe doeri itoe; lantas sampej ka bentengan di belakangnja pagar, dija tanam bandoel itoe.
Semoewa orang sekarang maoe ikoet madjoe; ka bandoel itoe, roepanja seperti di tarik besi brani. Kiranja soldadoe-soldadoe itoe, di mana ada bandoel, misti ada djoega soldadoe, tida boleh di tinggali sendiri.
Jang sampej ka bandoel itoe doewa kaptin, tiga littenan, satoe sersan major dan soldadoe-soldadoe ambon namanja Patimana dan Latoemaina.
Lantas opsier-opsier dan soldadoe-soldadoe ambon ini tjoba najik di bentengan itoe, tetapi tida bisa sadja, terlaloe soesah, sebab di tahan ketanaman itoe.
Toewan kaptin van Daalen itoe dari djendral stap, soewatoe opsier jang terlaloe braninja, sepor koedanja dan meloempat liwat pagar bamboe doeri itoe. Dija itoe maoe toeloeng orang-orangnja, sampe di sitoe, dija djoega sekarang lihat, bentengan itoe tida bisa di najik.
„Soldadoe-soldadoe, katanja pada orang-orang itoe jang di sebelah bandoel, „djangan moendoer dari sini maski ada apa djoega; saja ini nanti ambil pertoeloengan."
Orang-orang itoe lantas soerak.
Toewan kaptin van Daalen ini, jang di tjinta sekali oleh antero balatantara hindia, sebab terlaloe braninja, bilang terimakasih pada itoe orang-orang, lantas keloewar lagi dan pegi ka-sebelah lor sebelah koelon ka toewan major Cavaljee, jang bikin reserp dengan satoe bagian dari bataljon sembilan.
Di tengah djalan, ija ketemoe satoe opsier dari stap, jang kasih kabar toewan kornel Wiggers van Kerchem soedah kena loeka, dan lagi toewan obos Engel tida bisa ganti dengan toewan kornel itoe, sebab dija sendiri masi perang di sebelah lor.
„Kaloe bagitoe, akoe nanti pegang kommando", katanja toewan kaptin itoe; „dan lagi, pegi ka toewan djendral van Swieten, bilang akoe minta toeloeng."
Toewan kaptin van Daalen lantas pegi ka toewan major Cavaljee, tjerita bagimana sekarang kalakoeannja perang itoe. Toewan major ini lantas bilang, kaloe bagitoe, ija maoe ikoet perentahannja toewan kaptin van Daalen, jang memang pinter sekali.
Lantas toewan kaptin van Daalen koembali lagi ka tempat jang dahoeloe, dan girang sekali hatinja tempo ija lihat pagar itoe ampir soedah di rombaq sama sekali oleh soldadoe-soldadoe dan minoeran, dan lagi jang semoewa soldadoe sekarang soedah bekoempoel di sebelah bandoel.
Pada kommandonja sekarang bentengan itoe di najiki, dan sebentar lagi semoea soldadoe-soldadoe sampej di atasnja.
Orang Atjee itoe sekarang tida bisa lawan lagi, maski djoega dija lebeh banjak orangnja. Dengan bajonet sadja sekarang orang Atjee itoe di toebroek. Brani sekali dija melawan; kiri kanan dija poekoel dengan klewangnja. Wah, roepanja seperti orang mengamoek. Terlaloe sekali perang di sitoe.
Tetapi lama-lama moesoh itoe misti moendoer. Tempo koeliling dija di toebroek, dija tingal lari; orang jang mati dan jang loeka tida di bawa.
Lantas bandoel itoe di tanam di poetjoeknja bentengan; dan soerak-soeraknja soldadoe dan boenjinja selompret kasih tahoe pada teman-temannja, benteng ini soedah di ambil.
Toewan major Cavaljee itoe djoega soedah datang dengan reserpnja, lantas ketemoe sama orang Atjee di loewarnja pagar bamboe doeri itoe. Pagar ini dekatnja benteng jang soedah di ambil tadi.
Toewan kaptin van Daalen itoe lantas lari ka toewan major, dan katanja, ija soedah ada di belakang pagar, dan ija maoe toebroek itoe moesoh dari belakangnja.
Sama-sama sekarang itoe moesoh di toebroek, dan tida berapa lama orang Atjee itoe lari, tersiar kiri kanan.
Sekarang semoewa soldadoe madjoe akan ambil lagi satoe benteng, jang ada ka-sebelah koelon. Disini djoega moesoh di poekoel, dan benteng itoe di ambil dengan bajonet.
Sekarang kiranja kita orang ini tida ada moesoh lagi di kampong. Tetapi sebentar kedengeran beterejak dan djerit lagi; djadi, misti ada lagi benteng dan moesoh.
Benteng itoe tida kelihatan, tetapi sebentar lagi kedengeran beterejak hoera; djadi benteng itoe soedah di ambil djoega oleh soldadoe. Betoel bagini; sebab lantas boenji selompret, kasih tahoe benteng ini soedah di ambil.
Benteng nommor ampat itoe, bagini roepa di ambil. Toewan kaptin van Randwijck dan toewan kapitin Meis soedah toebroek itoe benteng dari doewa tempat, lantas di ambil. Beratoes-ratoes orang Atjee, jang ada di dalam itoe benteng, lantas keloewar dan lari ka kali Atjee, tjoba-tjoba bernang ka sebrang. Tetapi banjak jang tenggelam atawa anjoet, dan banjak mati di pasang.
Dari terlaloe kebraniannja sohladoe-soldadoe itoe, benteng ini, jang koewat sekali, boleh di ambil. Poekoel tiga sorej habis perang; tida ada moesoh lagi.
Matahari belom toeroen, kompeni itoe sekarang berangkat lagi ka bipak. Di dalam benteng-benteng itoe di tinggali soldadoe-soldadoe dari bataljon doewabelas. Betoel, moesoh itoe banjak sekali orangnja mati; tetapi kita orang djoega ada banjak jang mati.
Satoe littenan satoe mati; toewan kornel Wiggers van Kerchem, dan lima littenan-littenan dan satoe doktor kena loeka; soldadoe-soldadoe jang mati atawa loeka ada toedjoe poeloeh-anam orang.
Apa jang maoe di tjari, pagi-pagi, itoelah di mana aloon-aloon, sekarang djadi tida dapat, sebab perang itoe. Djadi bagitoe, besoknja di tjari lagi aloon-aloon itoe.
Betoel soesah, dan banjak orang mati dan loeka, tetapi sekarang ini tida pertjoema, dari apa di dapat aloon-aloon itoe.
Tida ada satoe orang melajinkan orang Ambon sadja, jang paling soeka dengar bitjara dari perang Lemboe itoe, sebab bandoel itoe, jang soedah bikin kita ambil benteng-benteng di sitoe, ja itoe bandoelnja bataljon Ambon.
Sering kali orang Ambon soedah pakej lagi itoe bandoel, dan di mana djoega di lihat, di sitoe selamanja menang.
Orang-orang Ambon itoe, kita sini bilang selamat, dan kita harap jang selamanja kelakoeannja orang Ambon boleh tinggal bagini roepa, selamanja setija pada bandoel.